Með eða án

Með eða án trúarbragða, þá gerir gott fólk góða hluti og vont fólk gerir vonda hluti. En til að gott fólk geri vonda hluti - þá þarf trúarbrögð til.
Stephen Weinberg, nóbelsverðlaunahafi í eðlisfræði

Trú er kenning

Trúin er kenning, sem borin er fram og enginn má gagnrýna. #

Níels P. Dungal

Virðingin sem trú á skilið

Ungur lærði ég að ævinlega ætti að sýna trú fólks sérstaka virðingu. Þá meina ég umfram aðrar skoðanir. Trúin væri nefnilega heilagri en aðrar skoðanir. Þessu trúði ég lengi. En það er nú orðið alllangt síðan ég snerist af þessari skoðun. Það er ekki nokkur ástæða til að sýna trú meiri virðingu en annars konar skoðunum. Reyndar á trú skilið minni virðingu, ef eitthvað er. Flestar skoðanir okkar eru byggðar á einhvers konar rökum eða reynslu, en trú á yfirnáttúruleg fyrirbæri - guð eða annað þesslags - er ekki byggð á neinu slíku. Aldrei og ekki í eitt einasta skipti hefur tekist að sýna fram á að trú sé á nokkurn einasta hátt á rökum reist. Ég sé því ekki ástæðu til að bera meiri virðingu fyrir slíkri trú en skoðunum byggðum á rökum og reynslu. #

Illugi Jökulsson

Kommúnistaflokkur Kína Íslands

Ríkisrekið trúfélag er jafn sjálfsagt og eðlilegt í frjálsu og opnu lýðræðissamfélagi í dag, og hinn ríkisrekni kommúnistaflokkur í Kína. #

Einar Karl Friðriksson

Ósýnilegi maðurinn

Trúarbrögð hafa sannfært fólk um að það búi ósýnilegur maður í himninum sem horfir á allt sem þú gerir hverja mínútu á hverjum degi. Ósýnilegi maðurinn er með lista yfir tíu tiltekna hluti sem hann vill alls ekki að þú gerir. Og ef þú gerir eitthvað af því mun hann senda þig á sérstakann stað með eldi, reyk, pyntingum og sársauka þar sem þú munt lifa að eilífu og þjást, brenna og öskra til allrar eilífðar. En hann elskar þig. Hann elskar þig. Hann elskar þig og þarf peninga.

George Carlin