Og þegar þér biðjist fyrir, þá verið ekki eins og hræsnararnir. Þeir vilja helst standa og biðjast fyrir í samkundum og á gatnamótum, til þess að menn sjái þá. (Mt.6:5)
Guðmundur, næsta vers (Mt 6.6) er svona:
En nær þú biðst fyrir, skaltu ganga inn í herbergi þitt, loka dyrunum og biðja föður þinn, sem er í leynum. Faðir þinn, sem sér í leynum, mun umbuna þér.
"Þarna á Jesú auðvitað við þegar menn gera sér far um að biðja á eins áberandi hátt og hægt er til þess að allir taki eftir þeim."
Þetta er auðvitað bráðfyndið komment hjá Guðmundi. Tilgangur með göngunni vara að fá fólk til að biðja SAMAN úti á götu. Þetta er auðvitað í mótsögn við það sem hann segir Jesú hafa meint. Auðvitað voru þau að biðjast fyrir í samkundu og á gatnamótum, til þess að menn sjái þá. Auglýstu meira að segja herlegheitin.
Menn grétu ekki lítið yfir því í fyrra hversu litla umfjöllun betligangan fékk. Umræður eru í svipuðum anda núna, sjá hér:
Nú bíð ég spennt að vita hvað RUV gerir en ég sat spennt fyrir framan sjónvarpið í fyrra og beið eftir að sjá myndir frá Bænagöngunni en því miður voru engar myndir...
Já þá fengjuð þið í Vantrú (og sá sem þið þjónið) ósk ykkar uppfyllta. Þið reynið að kúga kristna með því að snúa út úr boðskap Jesú Krists. Og nú eruð þið að reyna að kúga kristna til að vera heima hjá sér og fela sig og segja sem minnst um kristna trú opinberlega. En þið notið tækifærið á meðan og básúnið vantrú út um allt. Ferlega sniðugt hjá ykkur. Ég vona að kristið fólk á Íslandi sé ekki falli ekki fyrir þessu rugli í ykkur.
Orðin ´´sé ekki´´ í neðstu línu hér fyrir ofan eiga augljóslega ekki að vera með í klausunni.
Þið reynið að kúga kristna með því að snúa út úr boðskap Jesú Krists.
Hvernig gerum við það?
Og nú eruð þið að reyna að kúga kristna til að vera heima hjá sér og fela sig og segja sem minnst um kristna trú opinberlega.
Þú misskilur. Við erum bara að benda á það sem stendur í Biblíunni. Kristnir mega mín vegna segja sem mest um kristna trú opinberlega, svo lengi sem þeir sætta sig við að þeim sé svarað opinberlega.
Hvað er það sem ekki getur talist árás eða kúgun á kristnum?
Meira segja það að vitna í það sem þeir segja bestu og sönnustu bók allra tíma er kúgun.
Kristni hefur þurft að þola svo mikla kúgun undanfarin 1500 ár eða svo. Þetta er svo viðkvæmt lítið blóm. :'(
Að fara með bæn er ákveðin hugleiðsla óháð trú. Góð leið til þess að róa sig niður og koma reglu í lífinu.
Þegar maður fer í kirkju til þess að biðja þá fer maður þangað í þeim tilgangi í að leita að kyrrð, losa sig við streytu, hitta annað fólk og gera sitt besta að hughreista hvern annan
Persónulega líður mér alltaf betur eftir að ég hafi farið með bænir.
Jóndi
Heiðrún. Ef þú ert að vonast eftir að einher missi það út úr sér að meðlimir í Vantrú þjóni skrattanum, þá þarftu að bíða helvíti lengi.
Þótt að hugmyndin um guð sé fáránleg þá er hugmyndin um skrattann aðeins fáránlegri (þótt ótrúlegt megi virðast) Hugmyndin um skrattann er nefnilega reist á hugmyndinni um guð. Að "þjóna" skrattanum er eins og að setja stiga ofan á stiga. Í tilfelli þar sem stigi er óþarfur.
Strákurinn minn 2 ára heldur að Hulk sé til. Sumir fullorðnir trúa að til sé ósýnileg vera sem hefur gert lista yfir 10 hluti sem má ekki gera. Vera sem horfir á mann allann daginn og passar upp á að maður brjóti ekki listann. EF maður brýtur listann þá fer maður á ógeðslegan stað þar sem maður brennur um alla eilífð.
Ég tel að sagan um Hulk sé sennilegri.
Ef þetta er einungis hugleiðsla og leið til að losna við streitu, hver er þá þörfin fyrir himnadraug?
Komon, ritstjórn vantrúar. Það er voðalega hæpið að túlka þess orð þannig að verið sé að banna mönnum að biðja opinberlega, eða halda fjölda bænasamkomur, inni, úti eða hvar sem er. Það er verið að gagnrýna þá sem biðja til að sýnast fyrir öðrum. Mig minnir að höfundur Matteusarguðspjalls láti Jesú sjálfan biðja reglulega fyrir farman fólk, inn og úti, einn og í margmenni, og svo framvegis.
Það er víða talað um bænir á samkomu og í margmenni í Biblíunni.
Já, það er rosalega hæpið að túlka biblíuna eins og hún kemur fyrir, ekki satt.
Þarna er þetta sagt berum orðum, að það sé hræsni að biðja á torgum úti. Hvergi er talað um bann við því að biðja á torgum, en fólki ráðlagt að gera það í einrúmi.
Hvernig á að túlka textann öðruvísi án þess að fara út í grænsápuna?
Nei Baldvin, það er ekki sagt að það sé hræsni að biðja á torgum, heldur að hræsnara vilji helst biðja á torum til að menn sjái þá.
Baldvin, ég er trúleysingi, og hef engan áhuga á grænsápu.
Er ekki verið að segja að það sé einkenni hræsnara að biðja á torgum úti?
Hvað gerir menn að hræsnurum? Er það ekki hræsni?
Er þá ekki hægt að segja að það athæfi sem sagt er lýsa hræsnurum (það að biðja á torgum úti) sé hræsnifullt?
Ja, ég skal ekki segja ...
Mér finnst það nú ekkert svo mikil hræsni að fara í bænagöngu, EN það að auglýsa HANA og vilja fá umfjöllun um HANA í fréttamiðlum það er ÞAÐ sem ég kalla hræsni.
Skemmtilegt að vera sakaður um að mistúlka þegar maður túlkar ekki neitt. Við túlkuðum þennan texta ekki neitt. Við bara settum hann framm. Það eruð þið sem eruð að túlka þetta.
Ég túlka þennan texti ekki neitt heldur. Hann fjallar ekkert um bænagöngur.
Sindri, þetta er útúrsnúningur hjá þér. Það er verið að tala um bænahaldið en ekki gönguna.
Matteusarguðspjall 5:44 44En ég segi yður: Elskið óvini yðar og biðjið fyrir þeim sem ofsækja yður. Matteusarguðspjall 6:8 8Líkist þeim ekki. Faðir yðar veit hvers þér þurfið áður en þér biðjið hann. Matteusarguðspjall 7:7 7Biðjið og yður mun gefast, leitið og þér munuð finna, knýið á og fyrir yður mun upp lokið verða. Matteusarguðspjall 9:38 38Biðjið því Drottin uppskerunnar að senda verkamenn til uppskeru sinnar.“
Matteusarguðspjall 20:22 22Jesús svarar: „Þið vitið ekki hvers þið biðjið. Getið þið drukkið þann kaleik sem ég á að drekka?“ Þeir segja við hann: „Það getum við.“
Matteusarguðspjall 21:22 22Ef þið trúið munuð þið öðlast allt sem þið biðjið.“
Matteusarguðspjall 24:20 20Biðjið að flótti yðar verði ekki um vetur eða á hvíldardegi. Matteusarguðspjall 26:41 41Vakið og biðjið svo að þið fallið ekki í freistni. Andinn er reiðubúinn en holdið veikt.“
Markúsarguðspjall 10:38 38Jesús sagði við þá: „Þið vitið ekki hvers þið biðjið. Getið þið drukkið þann kaleik, sem ég drekk, eða skírst þeirri skírn sem ég skírist?“
Markúsarguðspjall 11:24 24Fyrir því segi ég ykkur: Ef þið biðjið Guð um eitthvað og treystið því að þið öðlist það, þá mun hann veita ykkur það. Markúsarguðspjall 13:18 18Biðjið að það verði ekki um vetur. Markúsarguðspjall 14:38 38Vakið og biðjið svo að þið fallið ekki í freistni. Andinn er reiðubúinn en holdið veikt.“
Lúkasarguðspjall 6:28 28blessið þá sem bölva yður og biðjið fyrir þeim er misþyrma yður. Lúkasarguðspjall 10:2 2Og hann sagði við þá: „Uppskeran er mikil en verkamenn fáir. Biðjið því Drottin uppskerunnar að senda verkamenn til uppskeru sinnar. Lúkasarguðspjall 11:9 9Og ég segi yður: Biðjið og yður mun gefast, leitið og þér munuð finna, knýið á og fyrir yður mun upp lokið verða. Lúkasarguðspjall 21:36 36Vakið því allar stundir og biðjið svo að þér megið umflýja allt þetta sem koma á og standast frammi fyrir Mannssyninum.“
Lúkasarguðspjall 22:40 40Þegar hann kom á staðinn sagði hann við þá: „Biðjið að þið fallið ekki í freistni.“
Lúkasarguðspjall 22:46 46Og hann sagði við þá: „Hví sofið þið? Rísið upp og biðjið að þið fallið ekki í freistni.“
Jóhannesarguðspjall 4:22 22Þið tilbiðjið það sem þið þekkið ekki. Við tilbiðjum það sem við þekkjum því hjálpræðið kemur frá Gyðingum. Jóhannesarguðspjall 14:13 13Og hvers sem þér biðjið í mínu nafni það mun ég gera svo að faðirinn vegsamist í syninum. Jóhannesarguðspjall 14:14 14Ef þér biðjið mig einhvers í mínu nafni mun ég gera það.
Jóhannesarguðspjall 15:7 7Ef þér eruð í mér og orð mín eru í yður, þá biðjið um hvað sem þér viljið og yður mun veitast það. Jóhannesarguðspjall 15:16 16Þér hafið ekki útvalið mig heldur hef ég útvalið yður. Ég hef ákvarðað yður til að fara og bera ávöxt, ávöxt sem varir svo að faðirinn veiti yður sérhvað það sem þér biðjið hann um í mínu nafni. Jóhannesarguðspjall 16:23 23Á þeim degi munuð þér ekki spyrja mig neins. Sannlega, sannlega segi ég yður: Hvað sem þér biðjið föðurinn um í mínu nafni mun hann veita yður. Jóhannesarguðspjall 16:24 24Hingað til hafið þér einskis beðið í mínu nafni. Biðjið og þér munuð öðlast svo að fögnuður yðar verði fullkominn.
Postulasagan 8:24 24Símon sagði: „Biðjið fyrir mér til Drottins að ekkert komi það yfir mig sem þið hafið mælt.“
Fyrra Korintubréf 10:7 7Tilbiðjið ekki skurðgoð eins og nokkrir þeirra. Ritað er: „Lýðurinn settist niður til að eta og drekka og stóð upp til að skemmta sér.“ Efesusbréfið 6:18 18Gerið það með bæn og beiðni og biðjið á hverri tíð í anda. Verið þannig árvökul og stöðug í bæn fyrir öllum heilögum. Efesusbréfið 6:19 19Biðjið fyrir mér að mér verði gefin orð að mæla, þá er ég lýk upp munni mínum, til þess að ég kunngjöri með djörfung leyndardóm fagnaðarerindisins. Efesusbréfið 6:20 20Boðberi þess er ég í fjötrum mínum. Biðjið að ég geti flutt það með djörfung eins og mér ber að tala.
Kólussubréfið 4:2 2Verið stöðug í bæninni, vakið og biðjið með þakkargjörð. Kólussubréfið 4:3 3Biðjið jafnframt fyrir mér að Guð opni mér dyr fyrir orðið og ég geti boðað leyndardóm Krists. Hans vegna er ég nú í böndum. Kólussubréfið 4:4 4Biðjið að ég megi birta hann eins og mér ber að tala.
Fyrra Þessaloníkubréf 5:17 17Biðjið án afláts. Fyrra Þessaloníkubréf 5:25 25Systkin, biðjið fyrir mér.
Síðara Þessaloníkubréf 3:1 1Að endingu, systkin: Biðjið fyrir mér að orð Drottins megi breiðast út og vera í heiðri haft eins og hjá ykkur Fyrra Tímóteusarbréf 2:2 2Biðjið fyrir konungum og öllum þeim sem hátt eru settir til þess að við fáum lifað friðsamlegu og rólegu lífi í guðsótta og siðprýði. Hebreabréfið 13:18 18Biðjið fyrir mér því að ég er þess fullviss að ég hef góða samvisku og vil í öllum greinum breyta vel. Jakobsbréfið 4:2 2Þið girnist og fáið ekki, þið drepið og öfundið og getið þó ekki öðlast. Þið berjist og stríðið. Þið eigið ekki af því að þið biðjið ekki. Jakobsbréfið 4:3 3Þið biðjið og öðlist ekki af því að þið biðjið illa, þið viljið sóa því í munaði.
Jakobsbréfið 5:16 16Játið því hvert fyrir öðru syndir ykkar og biðjið hvert fyrir öðru til þess að þið verðið heilbrigð. Kröftug bæn réttláts manns megnar mikið.
Júdasarbréfið 1:20 20En þið elskuðu, byggið ykkur sjálf upp í helgustu trú ykkar. Biðjið í heilögum anda. Opinberunarbókin 14:7 7og sagði hárri röddu: „Óttist Guð og gefið honum dýrðina. Stundin er komin er hann kveður upp dóm sinn. Tilbiðjið þann sem hefur gert himininn og jörðina og hafið og uppsprettur vatnanna.“
Baldvin, það er ekki verið að segja að þeir sem biðji í samkundum og á gatnamótum séu endilega hræsnara. Hræsnara vilja hins vegar bara biðja, til að fá verðlaun frá mönnum, að fólk sjái hvað þeir eru duglegir að biðja, og hugsa "voðalega er þessi trúaður". Jesús segir lærisveinum sínum að biðja frekar í herbergi sínu, til að vera ekki að sækjast eftir viðurkenningu frá mönnum með því að biðja, og tryggja að bænin sé einungis til að öðlast viðurkenningu hjá Guði. Bænangangan var kannski "sýndarmennska" að ákveðnu leyti, en ég held að fólkið hafi nú í raun aðallega verið að biðja, vegna þess að það trúði því að Guð myndi svara bænunum og breyta þjóðinni. Ekki til að fá hrós frá náunganum.
Sumt trúað fólk heldur að öll Biblían sé orð Guðs. Það er á fullt af stöðum gert ráð fyrir að menn biðja í samkundum í Biblíunni, bæði í N.T. og G.T. Kristinn maður sem les þetta vers myndi aldrei skilja versið þannig að verið sé að útiloka þess háttar hluti, enda biðja Jesús og lærisveinar hans sjálfir saman í samkundum, og stundum úti, o.s.frv., ekki bara innan lokaðra dyra. Jesús bað reyndar oft aleinn uppá fjalli, eða í eyðimörk, en stundum í margmenni.
Arnold, að biðja saman í hóp er eitt. Einkabænalíf manns er annað. Þetta er voðalega cheap shot á bænagönguna, og mun ekki virka á neina sem tóku þátt í henni, né fá þá til að hugsa sinn gang.
Hver er þörfin á bænagöngu önnur en sýndarmennskan?
Á guð ekki að heyra bænir hvaðan sem er? Hvers er fólk þá bættara með að biðja opinberlega?
Kannski gerir það þetta vegna þess að það hefur ekki verið bænheyrt heima hjá sér, sem von er, enda ímyndaði vinurinn ekki til.
Bænargangan var til að þjappa trúuðu fólki saman úr hinum mismunandi söfnuðum og kirkjudeildum landsins, og gefa mönnum færi á að biðja saman.
Kristnir halda að betra sé að margir suði saman í Guði, en fáir, þá lætur hann frekar undan þrýstingi.
Ég get bara ómögulega séð hvernig þessu meintu orð Jesúsar úr Matteusarguðspjalli tali gegn því að kristið fólk úr ólíkum kirkjudeildum safnist saman, og gangi einhvert og biðja þar saman, þó að Jesús hafi sagt að hræsnarar sækist eftir að biðja á torgum og í samkundum til að menn sjái þá. Flest af þessu fólki biður væntanlega oftast í einrúmi í herberginu sínu. En það er bara ekki hægt þegar menn ætla að halda fjöldabænastundir. Það er voðalega hæpið að þessi meintu orð Jesúsar sé ætlað að hindra að menn biðji stöku sinnum saman.
Matteusarguðspjall 21:22 22Ef þið trúið munuð þið öðlast allt sem þið biðjið.“
Er þettta reynsla þín af bænum, Lidna?
Sindri, mér finnst nú Mt 6.6 vera frekar skýrt, þar segir Jesús að maður eigi að biðja í einrúmi í lokuðu herbergi.
Það var allaveganna ekki skoðun þess sem skrifaði eða setti saman Matteusarguðspjall að Jesús væri mótfallin því menn bæðu saman í hópum, eða annarsstaðar en í lokuðum herbergjum. Jesús lætur t.d. lærisveina sína biðja saman (úti) rétt áður en hann varð krossfestur. (26. kafli) Í Matteusi 19:14 er Jesús að biðja fyrir börnum á almanna færi (og leggja hendur á þau :-Þ ) Í Matteusi 18:19 hvetur Jesús menn til að vera einhuga saman í bæn, en t.d. gagnrýnir hann menn fyrir að flytja langar bænir að yfirskyni í kafla 23.
Höfundur Matteusarguðspjalls er ekki með þess sögu þarna til þess að segja mönnum "þið getið bara beðið einir i lokuðum herbergjum". Það er voðalega langsótt.
Jesús er kannski að gefa mönnum fyrir mæli um það hvernig þeir eigi að haga sínu einka bænalífi (leið til að koma í veg fyrir að menn séu að biðja til að sýnast), en það er voðalega langsótt hann sé að útiloka einhverjar opinberar samverubænastundir þarna.
En þegar þú spilar borðtennis átt þú að nota Stiga Cosmo spaða. Það er lang best.
Sindri, þetta er sem sagt ekki haft orðrétt eftir Jésu heldur er þetta uppfundið af höfundi Matt. Hvað með það sem þú vitnar í? Hvenær er mark takandi á Jesú í NT og hvenær ekki?
En spurning til hinna sem telja þetta vera guðsorð. Hverja er Jesú að tala um þegar hann segir "En nær þú biðst fyrir, skaltu ganga inn í herbergi þitt, loka dyrunum og biðja föður þinn, sem er í leynum." Á þetta bara við um hræsnara, aðrir mega biðjast fyrir í hópum á torgum og í samkunduhúsum ?
Arnold. Ég er trúleysingi. Ég hef smá þekkingu á N.T. fræðum, og ég er alveg viss um Jesús sagði hér um bil ekki neitt af því sem stendur í guðspjöllunum. Þau voru skrifuð af grískumælandi kristnum mönnum, sem aldrei urðu vitni að neinu því sem Jesús sagði, en nýttu mummælasögur, heimildina, heimildina Q, og svo framvegis, auk þess sem mikið af sögum Guðspjallanna eru búnar til uppúr Gamla testamenntinu. Seinni tíma ritarar hafa svo hægt og rólega breytt ýmsu, viljandi og óviljandi, þannig að við vitum ekki nema bærilegri vissu hvað stóð í þessum bókum til að byrja með. Í besta falli má rekja ýmiskonar heimsendaspádóma sem settir eru í munn Jesúsar til hins upprunalega Jesú. ÞAÐ ER ALDREI MARK TAKANDI Á JESÚS Í N.T.
Jesus the Apocalyptic Prophet of the New Millenim Ehrman Gospel Fictions eftir Randel Helms Misquoting Jesus Ehrman
Ég er bara að benda á að það er langsótt að skilja þessi orð þannig að Jesús sé að banna mönnum að biðja saman úti, og segja að bara megi viðja inní herbergjum. Mér finnst þau ekki gefa það til kynna ein og sér, sbr fyrri athugasemdir, auk þess sem það er augljóst að sá sem setti saman Matteusarguðspjall ætlaði orðunum sem hann gaf Jesú ekki að hafa þá merkingu:
"Jesús lætur t.d. lærisveina sína biðja saman (úti) rétt áður en hann varð krossfestur. (26. kafli) Í Matteusi 19:14 er Jesús að biðja fyrir börnum á almanna færi (og leggja hendur á þau :-Þ ) Í Matteusi 18:19 hvetur Jesús menn til að vera einhuga saman í bæn, en t.d. gagnrýnir hann menn fyrir að flytja langar bænir að yfirskyni í kafla 23." (hann gagnrýnir þá ekki fyrir að biðja langar bænir, eða að biðja á almannafæri, þar sem þeir sáust, heldur fyrir að biðja að yfirskyni, itl að þykjast)
Jesús er bara að segja að það sé rosalega góð aðferð til að biðja, að biðjast fyrir einn í leynum í lokuðu herbergi þannig að enginn nema Guð sem sé í leynum sjái þig. Þetta á við um einkabænalíf fólks. Það er hæpið að segja að hann sé að banna annarskonar bænir.
Og það er ekki bannað að biðja í samkundum, þó að hræsnari sækjist eftir að biðja þar sem þeir sjáist. Það er ekki bannað að flytja langar bænir, þó að það megi ekki flytja langar bænir að yfirskyni.
Sindri, og þú segist í kommenti hér ofar ekki vera að túlka textann! Síðustu komment þín geta varla talist annað en túlkun á textanum.
Annars er ég algjörlega sammála þér að það eru ansi litlar og sennileg engar líkur á að ummæli Jesú í NT séu frá honum komin. Allt er þetta skirfað af mönnum sem aldrei hittu Jesú og textinn þróast að auki um margra áratuga skeið á meðan NT var í mótun. Allt eru þetta mjög vafasamar heimildir eins og reyndar biblían að mestu leyti.
Þegar maður les bók eftir höfund, getur maður ekki vitað hvað hann er að segja, með því að slíta út úr henni eina setningu. Þessum orðum í Matt 6:6 er ekki ætlað að skipa mönnum að biðja aldrei öðruvísi en einir inní herbergi, og orðunum í Matt 6:5 er ekki ætlað banna mönnum að biðja í samkundum eða á götum úti, heldur er Jesús að skamma menn fyrir að biðja til að sýnast.
Það sem ég segi um Matt 6:5 er enginn túlkun, heldur stendur þetta þar berum orðum.
heldur er Jesús að skamma menn fyrir að biðja til að sýnast.
Það dugar mér.
Ég mætti á bænagönguna í fyrra og tók myndir. Orðið sýndarmennska lýsir ágætlega því sem ég varð vitni að þar.
Ah,ah, pointið er sem sagt að bænagangan hafi verið sýndarmennska. Það má færa rök fyrir því.
Þessi orð voru annars skrifuð þegar allir voru jafn trúaðir og hörðustu bókstafstrúarmenn. Þá þótti auðvitað voðalega flott og virðingarvert að biðja. Einhverjir voru því hugsanlega að biðja sínar bænir á almanna færi til að ganga í augun á fólki.
Hlutirnir eru ekki alveg svona í dag. Ég fór í bænagöngur í hér áður fyrr, meðan ég var enn trúaður. Mér fannst þetta voðalega kjánalegt, og vonaði að enginn sem þekkti mig myndi sjá mig. Það er pottþétt að ég mætti ekki til að ganga í augun á neinum, heldur mætti ég þrátt fyrir að fólk sem sæi mig gæti fundist ég vera stór skrítinn. Það þykir held ég ekki lengur „töff“ að biðja á götum úti nú til dags.
Voðalegt blaður er þetta í mér... verð samt að bæta við: Auðtivað á Jesús hér að vera tala um alveg ákveðna hræsnara sem báðu á torgum úti: Farísea og fræðimenn. Höfundur Matteusarguðspjalls var alvega voðalega í nöp við trúleiðtoga gyðinga.
Vá, 40+ komment á 2 dögum, það er ekkert smá hvað þessi eina lína fer í taugarnar á fólki. :P
Sindri, ég skil ekki hvernig þú vilt túlka Mt 6.6 öðruvísi en boð um að maður eigi að biðja í "leynum".
Hjalti, ég er búinn að blaðra nóg nú þegar, kemur fram í fyrr athugasemdum. :-)
Kannski ég bæti einu atriði við, varðandi 6:6, fyrir utan það sem ég er búinn að segja.
Í 6. versi er Jesús að byrja að kenna þeim að biðja faðirvorið. Heldur þú að hann sé að segja að það megi bara biðja faðirvorið, og ekki biðja með neinum öðrum hætti til Guðs?
Vers 9: "En þannig skuluð þér biðja: Faðir vor, þú sem ert á himnum..."
Það stendur samt að þeir SKULI biðija þannig!
Þegar Jesús bað á krossinum, eða bað fyrir fiskunum og brauðum sem dugðu fyrir 5000, eða börnunum, og svo framvegis (bænirnar eru margar), var hann þá alltaf að brjóta boð sín um að þegar maður biðji, þá eigi maður að biðja faðirvorið?
En allt þetta sem Jesús er að segja um bæn, snýst allt um þetta hér, Matteus 6:1: "Varist að iðka réttlæti yðar fyrir mönnum þeim til sýnis, annars eigið þér engin laun hjá föður yðar á himnum."
Þetta er formálinn að þessu öllu.
Þetta eru undarleg skoðanaskipti.
Lidna kemur með haug af ritningargreinum, án útskýringa og án samhengis, eins og þær hafi eitthvað vægi í málinu.
Og Sindri klifar á því að ekki sé um bann að ræða. En vísanir Sindra í bænir á almannafæri eru harla vafasamar. Kristur bað til dæmis aldrei "fyrir fiskunum og brauðunum", hann þakkaði guði, o.s.frv. Og "meint orð" Jesú á krossinum eru kannski ekki beint bæn (og undarlegt að sonurinn ákalli föðurinn ef þeir eru eitt og hið sama (og hvar var heilagur andi á þeirri stundu?))
Aðalatriðið kemur þó fram í síðustu færslu Sindra. Meginhugmyndin er að maður eigi að stunda trú sína (réttlæti og bæn) í einrúmi - ekki á torgum. Auðvitað flagga kirkjuleiðtogar því ekki, því það grefur undan valdi þeirra sjálfra yfir sauðunum.
Bænagangan er í beinu ósamræmi við ritninguna. Flóknara er það ekki.
Kúgunin felst í því að taka eitt vers úr samhengi og ákveða út frá því að hópur fólks á Íslandi árið 2008 sem ákveður að hittast til að biðja fyrir þjóð sinni séu hræsnarar. Þið vitið að enginn sannkristinn maður vill vera hræsnari og að hinir sönnu hræsnarar myndu sjaldan láta sjá sig í svona göngu.
Annars er ég sammála því sem Guðmundur og Sindri hafa sagt um málið.
Í um ríflega 16 hundruð ár hafa kristnir menn notað hin ýmsustu vers biblíunnar sem réttlætingu fyrir pyntingum og morðum. Enn í dag getum við ekki hegðað lífi okkar eins og við viljum vegna þess að kristnir menn eru enn að troða á okkur með tilvísunum í biblíuna. Fólk getur ekki einu sinni sent börnin sín í leikskóla án þess að þau verði fyrir trúboði. En nei, það er kúgun að vitna í einfalt biblíuvers án þess að gera nokkuð meira úr því.
Ég sé líka ekkert annað á samhenginu í guðspjallinu að það sé verið að gagnrýna fólk sem notar trúna til að auglýsa hve gott það sé nú og það á fyllilega við um bænagönguna.
Reynir, í Matteusarguðspjalli eru dæmi um að Jesús og lærisveinarnir biðji bænir ekki einir í leynum í herbergjunum sínum sem eru óumdeildanleg. T.d. :Jesús lætur t.d. lærisveina sína biðja saman (úti) rétt áður en hann varð krossfestur. (26. kafli) Í Matteusi 18:19 hvetur Jesús menn til að vera einhuga saman í bæn. Varla er það hægt nema menn biðja saman, fyrir framan aðra.
Fynnst þér að Jesús hafi bannað önnur orð bænar en faðirvorið þegar hann sagði í versi 9, "þannig skuluð þið biðja, faðir vor, þú sem ert á himnum... o.s.frv."
Það eina sem ég hef sagt er að það er hæpið að ætla að hengja sig í Matt 6:5 (eða 6:6), til að Jesús hafi bannað bænir á almanna færi, og hluti á borð við bænagöngur. Jesús bað á almanna færi, og segir öðrum að gera það. (Fyrir utan að það eru ótal dæmi í öðrum bókum Biblíunnar um að menn biðji á almanna færi. Matteus lætur Jesú trúa á Gamla testamenntið, og þar eru mörg dæmi um bænir á torgum og samkundum - "ég hef ekki komið til að afnema lögmáli eða spámenninga, OG, "á stóli Móse sitja farísearnir og fræðimennirnir, því skuluð þér halda allt það sem þeir boða yður".
Karl Marx sagði að Kapítalisminn væri eina hagkerfið sem hefði getu til framfleitt fjöldanum þannig að allir hefðu nóg. Ef ég tæki þessa setningu, og hundsaði annað sem Marx hefur sagt, gæti ég þá sagt að Marx hafi verið Kapítalisti?
Það vantar samhengið. Það vantar það sem stóð á öðrum blaðsíðum.
Sindri, lestu Biblíuna betur. Í 26. kafla segir Jesús t.d. „Setjist hér meðan ég fer og biðst fyrir þarna.“ Hann yfirgefur þá í þrígang til að biðjast fyrir einn.
En með þeim "gerði hann þakkir" og þeir "sungu lofsönginn", það er annað en bæn.
Heiðrún, það er fullkomlega fráleitt að vantrú sé að kúga kristna með því að benda á að ef til vill séu verk kristinna manna ekki í samræmi við orð Jesú? Þetta er gersamlega saklaust og hvergi koma fram hugmyndir á borð við að banna bænagöngur eða eitthvað slíkt. Það er einungis verið að reynda að vera með málefnalega gagnrýni á einhver atriði. Hver er kúgunin? Ertu á móti skoðana frelsi til að gagnrýna kristindóm?
Reynir, já hann fer að biðja einn, en segir þeim að biðja saman.
Þeir áttu að vera vakandi og biðjandi, en ekki sofandi.
Svo bað Jesús ekki faðirvorið í Getsemane garðinum :-)
Jesús kom aftur til lærisveinanna og fann þá sofandi. Þá sagði hann við Pétur: „Þið gátuð þá ekki vakað með mér eina stund? Vakið og biðjið svo að þið fallið ekki í freistni. Andinn er reiðubúinn en holdið veikt.“
Þú fyrirgefur, Sindri, en þarna segir hann þeim bara að biðja, ekki að biðja saman.
Jesús fer að biðja, og segir við þrjá af lærisveinum sínum eftirfaranid: „Sál mín er hrygg allt til dauða. Bíðið hér og vakið með mér.“ Svo fer hann að biðja. Svo kemur hann aftur til lærisveinanna segir: „Þið gátuð þá ekki vakað með mér eina stund? 41Vakið og biðjið svo að þið fallið ekki í freistni. Andinn er reiðubúinn en holdið veikt.“
Þeir áttu að vera biðjandi, meðan hann var í burtu. Vaka með honum "Vakið og biðjið".
Mér finnst augljóst að verið sé að segja þeim að vaka og biðja. Það er það sem Jesús vildi að þeir hefðu verið að gera.
Eftir stendur að menn hljóta að þurfa að biða amk tveir saman, því eftir stendur Matt 18:19: Ef tveir yðar verða einhuga hér á jörð í bæn sinni mun faðir minn á himnum veita þeim allt sem þeir biðja um. 20Því að hvar sem tveir eða þrír eru saman komnir í mínu nafni þar er ég mitt á meðal þeirra.“
Ef tveir yðar verða einhuga hér á jörð í bæn sinni mun faðir minn á himnum veita þeim allt sem þeir biðja um.
Hvarflaði ekki að lærisveinunum að biðja um að Jesús yrði ekki pyntaður og líflátinn?
Jú, fólk má biðja saman, ekkert að því, en það er hræsni að koma saman á Austurvelli til að sýna það.
Ég minni á að bænagangan fór fram í fyrra - þá voru víst saman komnir fleiri en tveir, sem báðu fyrir íslenskri þjóð. Ég læt lesendum eftir að dæma bænheyrsluna.
Og af því að þú slóst öll hin dæmin mín útaf borðinu, þá vil ég taka það fram að ég hef alltaf litið þannig á að það að tala við Guð sé að biðja. Það þarf ekki endilega að vera að biðja um eitthvað. Þannig skylja flestir kristnir hugtakið bæn, amk hvítasunnumenn, og fólk af svipuðu sauða húsi. Ég hef 14 ára reynslu.
"Ég læt lesendum efti að dæma bænheyrsluna". LOL ég hló upphátt að þessari setningu! Það hefur nú ekki lagast mikið ástandið eftir bænagöngu :-)
Þetta er búin að vera skemmtileg skoðanaskipti , þökk sé Sindra. Þó ég sé ekki alveg sammála Sindra að þá eru þetta gagnlegar umræður. Ég get alveg skilið hans vínkil á þetta en er samt ekki alveg sammála. En þetta segir margt um þessa bók hvað hún er oft í mótsögn og að það skuli ekki vera afdráttarlausari boðskapurinn. Þetta er auðvitað ekkert annað en bók sem sýnir trúarskoðanir og heimsmynd sumra manna fyrir 1800-2200 árum. Það að fólk á 21. öld sé enn að reyna að sannfæra fólk um að svona sé veröldin er mér hrein ráðgáta.
Sindri: Nei ég er ekki á móti skoðanafrelsi til að gagnrýna kristindóm. Það má alveg gagnrýna kristna trú, kristið fólk, söfnuði og bænagöngur. Mér finnst samt ómálefnalegt að slengja því fram að allir sem fóru í gönguna(nokkur hundruð manns) séu hræsnarar. Ég fór ekki í gönguna sjálf og veit ekki til þess að neinn sem ég þekki hafi farið.
Kristnir eru minnihlutahópur hér á landi. Það heyrist lítið í þeim opinberlega. Ég hef verið utan safnaða í 7 ár og verð lítið vör við þá. Og svo þegar þeir loksins láta sjá sig er hrópað hér á þessum vef: ´´hræsnarar.´´ Og svo er sagt: ´´ Jesús vill að þið séuð heima hjá ykkur og haldið kjafti.´´ Mér finnst það vera tilraun til kúgunar.
Kristnir eru minnihlutahópur hér á landi.
Það þarf einhver að láta kristna vita af þessu. Við erum sífellt að segja þetta en fjölmargir vilja halda því fram að hér búi kristin þjóð í kristnu landi.
Og svo þegar þeir loksins láta sjá sig er hrópað hér á þessum vef: ´´hræsnarar.´´
Hrópað! Við birtum einfaldlega brot úr Biblíunni.
Heiðrún, hættu að kúga mig!
Ég hallast að Sindra í þessu. Ég sé ekki að þetta vers banni mönnum að biðja opinberlega, heldur segi það þeim bara að gera það ekki til að sýnast. Þótt hræsnarar biðji opinberlega, þá eru ekki endilega allir sem biðja opinberlega þar af leiðandi hræsnarar. Hræsnin felst ekki í því að bera skoðanir sínar á torg í sjálfu sér, heldur felst hún í því að bera þær á torg til að sýnast fyrir öðrum. Þótt epli sé ávöxtur og banani sé ávöxtur, þá er epli ekki þar af leiðandi banani.
Að því sögðu, þá held ég nú að ýmsir af þeim sem standa að þessum bænagöngum séu hræsnarar alveg í gegn. Ýmsir af þeim eru það hins vegar ekki.
Eflaust voru margir einfeldningar og einlægir trúmenn í bænagöngunni, sem ekki er hægt að flokka sem hræsnara en....
Þeir voru EINS OG HRÆSNARARNIR biðjandi á gatnamótum TIL ÞESS AÐ MENN SJÁI ÞÁ.
Tek eftir því að einn kristni moggabloggarinn bloggar um það í dag að hann hafi sent bréf til Páls Magnússonar útvarpsstjóra í tilefni þess að enginn fréttaflutingur eigi að hafa verið frá bænagöngunni:
Matteusarguðspjall 5:44 44En ég segi yður: Elskið óvini yðar og biðjið fyrir þeim sem ofsækja yður. Matteusarguðspjall 6:8 8Líkist þeim ekki. Faðir yðar veit hvers þér þurfið áður en þér biðjið hann. Matteusarguðspjall 7:7 7Biðjið og yður mun gefast, leitið og þér munuð finna, knýið á og fyrir yður mun upp lokið verða. Matteusarguðspjall 9:38 38Biðjið því Drottin uppskerunnar að senda verkamenn til uppskeru sinnar.“ [...fullt af bábiljutilvitnuum...] Júdasarbréfið 1:20 20En þið elskuðu, byggið ykkur sjálf upp í helgustu trú ykkar. Biðjið í heilögum anda. Opinberunarbókin 14:7 7og sagði hárri röddu: „Óttist Guð og gefið honum dýrðina. Stundin er komin er hann kveður upp dóm sinn. Tilbiðjið þann sem hefur gert himininn og jörðina og hafið og uppsprettur vatnanna.“
Þetta hefur tekið dágóðann tíma að þjappa saman, kvóta orðrétt og hvaðeina. Mín spurning er: Þjónar þetta einhverjum tilgangi, og á einhver eftir að lesa þetta? Ekki gerði ég það, byrjaði rétt svo en tók eftir því að þetta var samhengislaust, útúr umræðunni og enginn ástæða gefin hversvegna þetta var sett þarna.
Ég hef rætt við þó nokkra biblíuþumlara og ritnangaræðara sem finna réttann kvóta við réttar aðstæður (versta er að það er röng bók), en aldrei hef ég séð slíkt samansafn af tilgangslausum og samhengislausum vitnunum í skræðuna heilögu. Alltaf sér maður eitthvað nýtt.
Hvað uræðuna í heild varðar er ég svekktur yfir því hvað hún komst fljótt út fyrir efnið og á annann vígvöll. Ég er á móti hverslags samkomum sem prestar og klerkir stjórna, og fá þægilega summu fyrir, svo ef fólk er í leit að sálarró, hlustið á góða plötu, fáið ykkur te og slappið af.
Engin ástæða til að nöldra í ósýnilega almættinu, með dönsku demanta ljósakrónuna hangandi yfir sér og svartklædda trúðinn blaðrandi á altarinu.
Takk fyrir mig.
Sæl og blessuð, öll ;)
Þetta er athygliverð síða. Ég datt hér inn - svona óvart. Trúi sjálf á skaparann, en ekki innan neins trúfélags.
Mér þótti dálítið skondin hugmynd að taka með sér VASALJÓS í bænagöngu 6. des. sl. - eins og sagði í tilkynningu - vegna þess að Jesús sagði: "Ég er ljós heimsins.."
Eins og oft vill verða þegar ritdeilur eru orðnar langhundar og enginn man lengur upphaflega "pointið" fer allt púðrið í orðhengilshátt og karp um keisarans skegg.
Back to basics: Bænir og galdraþulur hafa sannanlega aldrei breytt nokkrum sköpuðum hlut. Tilraunir sýna að bænir hafa engin áhrif, það er enginn sem hlustar, enginn sem vill eða getur gert neitt í málinu. Sem sagt bænakvak til "æðri máttarvalda" eru gersamlega fánýtar særingar. Bænir manna í hljóði eða einrúmi eru því samtal geðsjúks við sjálfan sig.
Öðru máli gegnir um opinberar bænir. Þær eru auglýsing á trúrækni, af því að menn halda að hún sé yfirvaldinu þóknanleg, eða upphefji biðjandann í augum annarra. Sem sagt: Hræsni.
Nú er ég trúlaus en ég er með eitt gott dæmi þar sem bæn hefur virkað.
Ég var of seinn í flugvél eitt sinn í Bandaríkjunum (rúmum 25 mínútum fyrir flugtak samt... fáránlegt) og það var búið að loka hliðinu og maðurinn sem sá um að taka við flugmiðum sagði bara þvert nei... "Eftir að það er búið að loka hliðinu get ég ekki hleypt farþegum í gegn".
Ég var ekki á allt sáttur og ákvað að prófa að vera klókur - ég sá nefnilega að kappinn var með kross hangandi utan um hálsinn á sér.
Ég settist niður í sæti beint fyrir framan afgreiðsluborðið - spennti greipar og lokaði augunum í 20 sekúndur eða svo. Þegar ég opnaði augun var kallinn skælbrosandi til mín með símtólið í eyranu, benti mér síðan að koma og tala við sig sem og ég gerði. Þá upplýsti hann mig að hann væri búinn að tala við crewið og ég mætti fara í gegnum ranann. TADA! Ég hef sjaldan verið jafn stoltur af sjálfum mér... fannst eins og ég væri klipptur útúr einhverri bíómynd. Það er greinilega gott að vera guðs maður í bandaríkjunum.
(þess má til gamans geta að ég var búinn að sitja í sætinu mínu í svona 10 mínútur þegar raninn var loksins losaður)
Hehe, Hlynur, góður saga. Þarna sést best í verki hvernig "public" bænir geta stundum svínvirkað. Óbeint, alltso.
Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.
Guðmundur - 06/12/08 15:25 #
"..TIL ÞESS AÐ MENN SJÁI ÞÁ" Þarna á Jesú auðvitað við þegar menn gera sér far um að biðja á eins áberandi hátt og hægt er til þess að allir taki eftir þeim. En það er ekki tilgangurinn með bænagöngunni, heldur að sameina fólk og biðja saman. Það er ekki nema von að menn sjái rautt yfir kristinni trú þegar þeir rangtúlka ritninguna svona hrapallega.