Einn skýrasti munurinn á skipulögðum trúarbrögðum nútímans og "frumstæðari" trúarbrögðum - þeim sem ekki hafa prestaskóla, guðfræðinga og formleg trúarrit - er sá að í frumstæðu trúarbrögðunum er engin tvöfeldni! Þar er guðunum þakkað fyrir það góða sem gerist og kennt um það slæma. Sú hugmynd að þakka beri Guði fyrir það góða í lífinu en að hann beri ekki ábyrgð á því sem miður fer er augljóslega undirförul uppfinning guðfræðinganna. Bölsvandinn, með stórum staf, er meginráðgátan sem trúmenn standa frammi fyrir. Það er engin lausn þar á. Er það ekki augljóst? Allir helgitextarnir og öll túlkunin sem beitt hefur verið til að komast í kringum vandann hljóma eins og smáa letrið á samningum þar sem brögð eru í tafli - og af sömu ástæðu: Í báðum tilvikum er um að ræða örvæntingarfulla tilraun til að fela afleiðingar tvöfeldninnar sem liggur til grundvallar. #

- Daniel Dennett

Vegna komu Dalai Lama hingað til lands er ekki úr vegi að bera saman nokkur orð hans og Karls Sigurbjörnssonar biskups.

Og þegar þér biðjist fyrir, þá verið ekki eins og hræsnararnir. Þeir vilja helst standa og biðjast fyrir í samkundum og á gatnamótum, til þess að menn sjái þá. (Mt.6:5)

Ef ég gæfi í skyn að á milli jarðarinnar og Mars sé postulínsteketill á sporbaug um sólina gæti enginn afsannað þá staðhæfingu mína ef ég gætti þess að taka fram að hann væri of lítill til að sjást í öflugustu sjónaukum. En ef ég bætti við að þar sem ekki sé hægt að afsanna þessa staðhæfingu mína sé það óþolandi framhleypni af hálfu mannlegrar skynsemi að efast um hana væri það bersýnilega vitleysa af minni hálfu. Ef tilvist teketilsins kæmi aftur á móti fram í fornum bókum, kennd sem sannleikur á hverjum sunnudegi og innrætt börnum í skóla, teldist það einkenni sérvisku að trúa ekki hiklaust á tilvist hans og það þætti eðlilegt að efasemdarmaðurinn væri skoðaður af geðlækni á upplýstum tímum eða Rannsóknarréttarins hér áður fyrr.

-Bertrand Russell

Víst hlógu þeir að Galileó en snilld hans fólst ekki í því.

-Derren Brown

Ef nútímamaður færi eftir kenningum Gamla testamentisins þá væri hann glæpamaður. Ef hann fylgdi í einu og öllu kenningum hins Nýja, þá væri hann geðveikur.

-Robert G. Ingersoll

Því hefur verið fleygt fram að ég hafi fundið guð. Ég tel þetta vera mjög ólíklegt því ég á nógu erfitt með að finna lyklana mína og reynslan sannar að lyklarnir eru til.

-Terry Pratchett

Guðfræði eins er annars brandari.

-Robert A. Heinlein

Sú kristna sannfæring að heimurinn sé ljótur og illur hefur gert heiminn ljótan og illan.

-Friedrich Nietzsche

[Guðfræði] mótmælendakirkjunnar -á 19du og 20stu öld er ekki kristin trú og á meira að segja afskaplega lítið skylt við kristna trú. Og að því marki sem hún þykist vera kristin trú er hún óheilindin uppmáluð: trúleysi í nafni trúar. Að réttu lagi er kristin kirkja ekki kjörbúð þar sem við kaupum rófur og baunir en ekki saltkjöt því okkur finnst það vont og höldum að það sé eitrað. Kristinn maður verður að trúa á allan kristin dóm: á upprisu holdsins og erfðasyndina, á himinninn og helvíti og djöfulinn sjálfan og almáttugan Guð og hans einkason. Það er allt eða ekkert, fyrr og síðar.

-Þorsteinn Gylfason