En nú fór ég að kannast við minn gamla Geir. Hann reigði sig frekar í sæti og horfði kalt á mig og neitaði með öllu að stuðla að því, að þetta yrði ekki gert opinbert. Ég leitaðist við að benda honum á, hversu mikið tjón þetta gæti valdið kirkjunni sem hann væri þó að leitast við að þjóna. Hann svaraði stuttaralega, að kirkjan væri meira en einn maður, jafnvel þótt biskup væri. (bls. 364)

Nú hitt er svo annað mál að menn eru náttúrulega alltaf að biðjast afsökunar á syndum sínum og það geri ég nú í kirkju sem kristinn maður því að kristin trú og kristin gildi hafa alltaf verið mér mikilvægt veganesti.

Halldór Ásgrímsson, spurður hvort honum þætti nauðsynlegt að biðjast afsökunar á sínum þætti í efnahagshruni Íslands.

Vegna komu Dalai Lama hingað til lands er ekki úr vegi að bera saman nokkur orð hans og Karls Sigurbjörnssonar biskups.

Hvað hefur Guð með peninga að gera? Bókstaflega allt. Guð er með í sérhverjum viðskiptum með peninga.

-Karl Sigurbjörnsson

Þegar ég stend frammi fyrir hásæti guðs mun ég verða sýknaður.

-Klaus Barbie, stríðsglæpamaður og nasisti

Trúfrelsi er eitt og það ber að virða, en að setja alla við sama borð án tillits til stöðu þeirra í þjóðfélaginu er fráleitt

-Kristinn H. Gunnarsson,

12.12.2007, klukkan 15:58

Það er ekki til neitt siðgæði í rauninni nema kristið siðgæði.

-Guðni Ágústsson formaður Framsóknarflokksins í umræðum á Alþingi 22.5.2008 kl. 15:48

Við þurfum að nota jákvæðni og samheldni sem tól til að koma markmiðum okkar fram

-Richard Dawkins

[Tilvitnunin er í raun ekki eftir Dawkins, heldur er hún tilbúningur og hluti af aprílgabbinu]

Guð er ást. Ég hef elskað. Þess vegna fer ég til himnaríkis.

-Imelda Marcos

Staðreyndin er sú að ekki er hægt að skjóta stoðum undir siðgæðisviðmið líkt og kærleika og umburðarlyndi á forsendum guðleysis.

Gunnar Jóhannesson, sóknarprestur í Hofsóss- og Hólaprestakalli