TRÚFÉLAGSLEIÐRÉTTING

Við viljum byrja á því að þakka öllum sem mættu í siðað, kurteist en lagalega vafasamt bingó á Austurvelli í dag, föstudag. Boðið var uppá kakó, kaffi, kökur og kleinur. Við áætlum að um 80 manns hafi mætt, en því miður vorum við aðeins með 50 bingóspjöld. En fólk skiptist á spjöldum milli umferða, enda vel upp alið. Spilaðar voru fjórar umferðir.

[Viðburðurinn@Facebook]

Undanfarin ár hefur skapast hefð fyrir páskabingói á Austurvelli á föstudaginn langa og í ár verður engin undantekning á því. Við munum safnast saman klukkan 12:30 og sýna stjórnvöldum með þessum fallegu mótmælaaðgerðum hvað okkur finnst um löngu úrelta helgidagalöggjöfina.

Veglegir vinningar, bækur og páskaegg. Svo bjóðum við upp á kakó og kökur. Allt ókeypis! Öll börn fá glaðning.

Hið árlega bingó Vantrúar verður haldið föstudaginn langa, 2. apríl, klukkan 12:30 á Austurvelli.

Með þessu brjótum við í fjórða sinn lög um helgidagafrið sem banna sérstaklega bingó:

[Á föstudeginum langa] er eftirfarandi starfsemi óheimil: Skemmtanir, svo sem dansleikir eða einkasamkvæmi á opinberum veitingastöðum eða á öðrum stöðum sem almenningur hefur aðgang að. Hið sama gildir um opinberar sýningar og skemmtanir þar sem happdrætti, bingó eða önnur svipuð spil fara fram."

Í gær, föstudaginn langa, hélt Vantrú sitt árlega bingó á Austurvelli. Mikil stemming var á svæðinu enda er þessi viðburður orðinn fastur liður á þessum degi. Á annað hundrað manns tók þátt í táknrænum gjörningi til að minna á að tengsl ríkis og kirkju á Íslandi eru óeðlileg. Boðið var upp á heitt kakó og kleinur. Eftir að bingóinu lauk var haldin messa í hálftómri Dómkirkjunni.