Í síðustu viku var sagt frá því að stjórn Prestafélags Íslands styddi afnám helgidagalaga og margir fögnuðu þessari afstöðu prestanna. Þetta reyndist því miður vera hálfgerður misskilningur.
Í síðustu viku var nefnilega haldinn aðalfundur Prestafélags Íslands og einnig kirkjuþing. Á kirkjuþingi var þessi ályktun samþykkt samhljóða:
Kirkjuþing tekur undir þá ályktun aðalfundar Prestafélags Íslands frá 12. apríl 2016 að lögum nr. 32/1997 um helgidagafrið verði viðhaldið. Kirkjuþing beinir því til Alþingis að endurskoða heildarlöggjöfina en tryggja um leið að markmið hennar haldi gildi sínu.
Þetta snýst að sjálfsögðu ekkert um frídaga, heldur hvort að okkur hinum sé bannað að skemmta okkur á helgidögum ríkiskirkjunnar. Nú er ljóst að stjórnendur ríkiskirkjunnar vilja banna okkur það. Baráttunni um bingóið er engan veginn lokið.
Sýnið viðbrögð, en vinsamlegast sleppið öllum ærumeiðingum. Einnig krefjumst við þess að fólk noti gild tölvupóstföng, líka þegar notast er við dulnefni. Ef það sem þið ætlið að segja tengist ekki þessari grein beint þá bendum við á spjallborðið. Þeir sem ekki fylgja þessum reglum eiga á hættu að athugasemdir þeirra verði færðar á spjallborðið.
Hægt er að nota HTML kóða í ummælum. Tög sem virka eru: a href, b, i, u, br, p, strong, em, ul, li og blockquote. Einnig er hægt að notast við Markdown rithátt í athugasemdum. Notið skoða takkann til að fara yfir athugasemdina áður en þið sendið hana inn.