Allar færslur Allir flokkar Sos Um félagið Úrskráning Lógó Spjallid@Vantru Póstfang Vantru@Facebook Vantru@Youtube Vantru@Twitter

Fyrir þá sem hlustuðu

Magnús Skarphéðinsson mætti Birgi Vantrúarsegg í þættinum Ísland í bítið í morgun. Þar var rokið um víðan völl á lendum dauða og eftirlífs og meðal annars vitnað til greina sem liggja á þessu vefsetri. Hér eru tenglar í helsta ítarefni fyrir þá sem vilja kynna sér málin betur:

Hér er upptaka af þættinum:

Einnig er hægt að sækja skrána hér [.mp3 13 MB]

Ritstjórn 04.09.2007
Flokkað undir: ( Útvarp )

Viðbrögð


Khomeni (meðlimur í Vantrú) - 04/09/07 09:44 #

Ég hlustaði á þáttinn og var ánægur. Birgir er hvort í senn afar greindur og vel máli farinn.

Þetta er nú meiri dellan sem Magnús Skarp heldur fram. Að þúsundir hafi fengið "huggun" hjá miðlum. Það segir nákvæmlega ekkert til um að miðlarnir geti náð einhverju sambandi við hina framliðnu.

En hinu er ekki að neita að placebo áhrif svikamiðla eru sennilega til staðar í sumum tilfellum.

Svo fannst mér fyndið að heyra hann tala um að sumir miðlar séu "slappir". ANNAÐ HVORT NÁ MIÐLAR SAMBANDI VIÐ HINA DAUÐU EÐA EKKI! Hvaða rugl er þetta eiginlega?

Mér fannst reyndar vanta frumforsendu miðilsstarfsins: Fégræðgina! Sem er í svo miklu magni að "miðillin" skirrist einskis til þess að skaffa sér þægilega innivinnu. Lýgur og skáldar bara einhverju rugli við þann sem leitar til hans og tekur fyrir þetta fé (5- 8 þúsund fyrir tímann, sem er um 45 minútur). Lýgur að fólki sem oft og tíðum á í verulegum erfiðleikum og er bugað af sorg. Þarna eru lendur miðlastarfsins. Sorgin! -Þegar fólk er hvað veikast fyrir og tilbúið að gera hvað sem er til að öðlast frið í hjartanu sínu. þá er stundum gott að láta ljúga að sér.

Það væri fróðlegt að bera saman útsvar vinsælustu miðlanna og áætla tekjur þeirra miðað við hve marga þeir taka í "lestur"....


Birgir Baldursson (meðlimur í Vantrú) - 04/09/07 09:54 #

Við Magnús munum ræða ýmsar hliðar miðladjobbsins í næstu viku.

Er það viðurkennt lingó í miðlabransanum að tala um „lestur“? Ef svo er þá er það eiginlega ansi ófyrirleitið, því það er nákvæmlega það sem er í gangi.


Ólafur H. Guðgeirsson - 04/09/07 16:40 #

Ég hlustaði á þetta viðtal í morgun og hafði gaman af, eins og spjalli ykkar Gunnars í Krossinum síðasta vetur. Mér finnst þetta "ofstækisfulla trúleysi" ykkar vera mjög áhugavert og hef enn ekki áttað mig á því af hverju Vantrú er svona ógurlega mikið á móti því að nokkur maður trúi nokkrum sköpuðum hlut, þó að ég hafi lesið síðuna ykkur talsvert.

Fyrir mér er það auðséð að flestar manneskjur hafa ákveðna trúarþörf, hvers vegna svo sem það kann að vera. Ég held að það sé fólki eðlilegt að kanna þessa trúarþörf sína, meðal annars með því að sækja kirkju öðru hvoru (eins og margir íslendingar gera) og fara til miðils eins og sumir gera sennilega mest fyrir forvitni sakir. Ég hef sjálfur gert slíkt einu sinni og fannst það áhugavert, en tel svo sem ekki að í því hafi falist nein sérstök sönnun á lífi eftir þetta líf þó mér hafi fundist þessi umræddi miðill átta sig betur á ýmsum hlutum en margir aðrir. Allavega hafði ég gaman af þessu og það var tilgangurinn, akkúrat eins og ég hef afskaplega gaman af trúleysisofstæki ykkar vantrúarmanna.


Þór Gunnlaugsson - 04/09/07 21:19 #

Gott kvöld.

Það er mikið til í þessu með Skúla þar sem ég hef setið marga opna fundi með honum.Vandamálið er að hann á erfitt með að sækja réttar upplýsingar strax í stað þess að giska á þetta og hitt og veiða gestina.Er sjálfur í þjálfun en hef ekki getað fengið þjálfun hér heima þar sem miðlar hér eru ekki nógu hreinir og því sæki ég til Englands til tveggja presta sem eru vel þekktir um allan heim fyrir heiðarleika nákvæmni og umfram allt mannkærleika.

Miðlar verða að hafa nægjanlegt magn af bláu orkunni í áru sinni til að vinna 100% að öðrum kosti er þetta eins og biluð vinilplata og þeir geta upp í eyðurnar eins og mér hefur verið sýnt ytra og verð ég að segja það að Skúli hefði fengið lit í kinnarnar við það áhorf.

Gajo(Garðar og Joakim)á Akranesi fóru af stað með námskeið í miðlun en ég verð að viðurkenna það bara að ég átti hlut í því að þeim var kastað út um gluggann þar sem mér gekk betur en Garðari með tengingarnar og er alls óvíst að slík námskeið verði haldin hér aftur þar sem samnemendur voru ekki ánægðir og vildi skýringar hans en fengu ekki.

það er lítið mál að sækja upplýsingar á 1-5 stigi almenns eðlis en þær erfiðari eru mun ofar og sumir miðlar geta ekki sótt tilteknar upplýsingar.

Ég hef prófað skyggnilýsingar undir handleiðslu kennara en upplýsingarnar koma svo hratt að manni að enginn timi er til að skoða einstaka sérstaklega því þá dettur flæðið niður og má líkja þessu við erobikk á sviðinu.

Fégræðgi ásamt ofurháu Egói verður mönnum að falli enda ekki í anda þeirra sem við störfum með.

með kveðju
ÞG


Dögg - 04/09/07 22:01 #

Ja hérna það bilur oft í tómri tunnu,ég segi nú ekki annað.Ég held að þú Þór ættir að fara varleg að dæma aðra miðla og upphefja sjálfan þig,það hefur aldrei reynst vel.Það eru ekkert betri miðlar erlendis en eru hér,held að fæst orð bera minstu ábyrð.Gangi þér samt sem allra best,og kanski getur þú sannað þig betur en aðrir.


darri - 04/09/07 22:21 #

lol


gimbi - 04/09/07 22:43 #

Einu sinni var Magnús Skarp kallaður til í skóla, enda máttu krakkarnir ráða hverju þeir vildu kynnast. Og allir vildu Magga Skarp.

Magnús var vel undirbúinn og sýndi slide-show með ýmsum draugum, vofum, huldufólki og gvuðmávitahvað. Að lokum var komið að numamálum, þ.e. þegar menn eru numdir upp í geimskip, og flutti Magnús ýtarlegan lestur um þau fræði, með tilheyrandi myndum.

Einum nemenda var samt nóg boðið og hnussaði nokkuð í honum. Þá steig einn kennaranna fram og bað nemendann að gæta tungu sinnar, því hann (þ.e. kennarinn) hefði sjálfur verið numinn upp af geimskipi á Holtavörðuheiði og undirgengist afar sársáukafullar tilraunir. Þögn sló á hópinn og starði hver á annan. Þó sérstaklega á kennarann.

Þá gall í efasemdarnemendanum: "Þú verður rekinn á morgun".


Hjalti Rúnar Ómarsson (meðlimur í Vantrú) - 04/09/07 22:52 #

Mér finnst að við ættum að biðja Magnús um að benda okkur á einn af þessum miðlum sem þurfa ekki að veiða upplýsingarnar upp úr fólki.


Khomeni (meðlimur í Vantrú) - 04/09/07 23:04 #

Ha ha ha. þessi umræða hlægir mig óskaplega!. Gajo! Er það eitthvað svikamiðatvíeyki! Eins og Sigfriend og Roy? Ógeðslega er þetta fyndið!

Ágæti Þór. Hvaða bláu orku ert þú eiginlega að tala um? Þú hlýtur að vera alger óskasteinn fyrir vantrúnna góðu. Þú virðist vera afar sjóaður í hverskyns yfirnáttúru. Mikið væri gaman að hitta þig yfir kaffibolla eða tveimur og rekja úr þér handanveruleikagarnirnar...

og kæra Dögg.. Það eru hvorki til góðir miðlar eða slæmir miðlar. Einu miðlarnir sem eru til eru svikamiðlar....

En fyrir alla muni nefndu bara einn miðil sem er "góður" og getur náð sambandi við þá dauðu. Ef þessi miðill er til, þá hvet ég þig til þess að láta þann hinn sama vita af milljón dollara verðlaunum hans Randis. Ég mun svo persónulega bæta við íbúðinn minni (kostar uþb 23 miljónir, 10 skuldlausar). Svo máttu líka eiga bílinn minn. Bara fyrir það að sanna að þessi miðill nái sambandi við þá dauðu. Ef miðillin er einn af þeim sem vill ekki þiggja peninga fyrir að sanna hæfileika sína þá hvet ég hann til að gefa féð (rúmlega 80 miljónir) til fátækra og þeirra sem þjást.

En fyrir alla muni láttu okkur í vantrúnni góðu fá nafn á besta miðli á Íslandi. Við heimsóttum einn fyrir nokkrum misserum með eftirminnilegum hætti...


gimbi - 04/09/07 23:08 #

Þór! Það er sannarlega skemmtilegt þegar einhver hendir sér svona í gin ljónsins, eins og þú gerir. 1-5 stigs fræði? Ja hérna...

Sjálfur hef ég tvisvar farið á miðilsfund, og einu sinni hefur miðilsfundur komið til mín.

Fyrsta skiptið var þegar ég sá auglýsingu Nýalssinna um miðilsfund þegar ég var rúmlega tvítugur. Engar almennilegar myndir voru í bíó, svo ég sló til. Þetta reyndist afar skemmtilegur fundur þar sem ég hélt í höndina á gömlum körlum.

Miðillinn klifaði á öðru tveggja (hann var í sambandi vð einhverja gaura frá fjarlægum plánetum); mikilvægi þess að smíða tæki sem sannaði að hugsanir færu hraðar en ljósið, og hinu að viðkomandi menn á öðrum plánetum væru mun þróaðri en margur oflátunginn á þessari Jörð. Interstellar grobb. Það var gaman.

Næsti miðilsfundur kom til mín í gufubaði. Einhver náungi þóttist vilja bera mér mikilvæg skilaboð frá gráhærðri ömmu minni í upphlut. Við vorum í sturtu þá. Mér fannst líka gaman að því, þó ég hafi hugsað til þess eitt stundarkorn að amma gamla mætti leita eftir endurnýjum kynna okkar, annars staðar en þar sem ég stóð á typpinu. "So it goes".

Þriðja skiptið var svo þegar ég var að mála hús eitt á Óðinsgöðtu, og tók eftir áhugaverði konu þar á gangi, sem virtist halda að hún væri svona ca. 18-19 ára. (Hún var nær sextugu og í einhverju leðurátfitti frá helvíti. Með rúsínubrjóstin veglega sýnileg.) Ég pantaði náttúrulega strax tíma hjá henni, þegar ég komst að raun um að hún væri spákona.

Þegar ég kom í tímann starði hún lengi vel á giftingarhringinn minn (ég var að nálgast fertugt) og síðan kom fyrsta uppljómun hennar: "Þú ert nýlega skilinn".

Þetta tel ég að hún hafi "freð-lesið", vegna þess hve óvanalegt væri að fá gifta menn á þessum aldri í kaffibollaspá. Ég hlyti að vera í afneitun á eigin skilnað. Þetta var líka frábærlega skemmtileg heimsókn, og líka vegna þess að ég sá að henni var ekki vanþörf á 5000 kallinum sem ég rétti henni.

En þú stefnir væntanlega á betri tengingar Þór!


gimbi - 05/09/07 00:50 #

...og ég vil líka hrósa Birgi, það var einkar gaman þegar Magnús gat ekki munað þetta með "rakhníf Ockhams" og talaði bara um "rakhníf Birgis". Hehe...


þór Gunnlaugsson - 05/09/07 09:38 #

Sæl öll sömul.

Eitthvað virðist Dögg hafa mislesið það sem ég skrifaði því að því fer víðsfjarri að ég sé að upphefja mig á annarra kostnað en það er alls ekki svo.

Ég stend hinsvegar fastur á því að þeir sem stunda skyggnilýsingar opinberlega eiga að vanda mjög til verka og eiga alls ekki að veiða upplýsingar upp úr fólki.

Kennarar mínir ytra ekki bara 2 heldur 8 hafa sýnt munin á þessu tvennu og það er mjög auðvelt að láta hluta smella saman ef veiðarnar ganga vel.

Í eitt skiptið var ég sjálfur leiddur í slíka gildru í kennslustund og fannst mér þetta passa við það sem ég best vissi en á endanum fór kennarinn til konu á fremsta bekk enda voru henni ætluð þessi skilaboð.Hann kom með ýtarlýsingu á persónulegum munum innihaldi skjala og fyrirmælum í erfðaskrá sem var 100%rétt að því neminn upplýsti en hún ein vissi enda einbirni.

Ég byrjaði nám hér heima eins og ég benti á en eftir að hafa farið á milli varð niðurstaðan þessi að læra ytra. Ég veit að það eru afskaplega góðir miðlar til hér á landi sem eru bara í eldhúsinu heima og vinna í þögninni og er það vel.

Það eru ekki til nein heilög sannindi fyrir þessu fyrirbæri þar sem hver og einn hefur sína trú og er það vel.

Fyfir um ári síðan fékk ég sjálfur alveg óstöðvandi löngun til að fara til Indlands og vera í hofinu helga í Agra 22 ágúst kl.0900 að morgni.

Þetta þótti mér alveg galið en þörfin varð bara sterkari þegar leið á og dvínaði ekki fyrr en ég var búinn að ganga frá farseðlum þangað fyrir okkur hjónin.

Það sem ég upplifði þar á þessum tima að frátalinni fæðingu barnanna minna verður ekki lýst með orðum og ég reyni það heldur ekki.

Ég er viss um að ég verð betri maður eftir.

Fyrir Khomeini klerk he he.

Mér findist eðlilegra að hann upplýsti okkur um þann andlega gjörning sem hann lenti í á yngri árum sem gerði hann svona andsnúinn. Getur það verið að hann fái oft skilaboð að handan sem vari hann við í daglegu lífi?(hugboð)

Ég set þetta svona fram sem tilfinningu með virðingu. Blái liturinn

Allir hafa vott af bláum lit í árunni sinni og geta menn bara farið að Reykjavíkurvegi 64 og látið smella af sér árumynd til að skoða.

Hreinustu miðlar sem eru lausir við egóið og hafa ekki upphafið sig á stall æðri öðrum hafa meira af bláalitnum í sinni áru og geta því náð í öflugri tengingar.

Við getum borið saman 2 stálheiðarlega miðla annar hefur eiginleikan hér að ofan en hinn ekki og verður mikill munur á útkomunni.

Þessi tiltekni blái litur oft kallaður sannleiksliturinn er í okkur öllum. kveðja


Eyvindur Karlsson - 05/09/07 10:02 #

Getur fólk nú ekki verið trúlaust öðruvísi en að hafa lent í einhverju? Mér finnst það svipað gáfuleg fullyrðing og að halda því fram að allir sem eru trúaðir hafi verið misnotaðir í æsku.


Khomeni (meðlimur í Vantrú) - 05/09/07 12:32 #

Ég emjaði af hlátri þegar ég las innlegg Þórs.

Auðvitað heldur Þór því fram að "góðu miðlarnir" vinni í kyrrþei og flaggi ekki hæfileikum sínum....

-Yeah Right!

Stálheiðarlegur miðill er þversögn í sálfu sér. Alveg eins og hugmyndin um giftan piparsvein.

Heiðarlegir miðlar eru EKKI TIL !


Eyvindur Karlsson - 05/09/07 12:54 #

Gætu ekki verið til miðlar sem trúa því í raun og veru sjálfir að þeir séu í sambandi við handanheiminn? Eru þeir þá ekki strangt til tekið heiðarlegir? Það gerir þá ekkert frekar að skyggnu fólki, ekkert frekar en ranghugmyndir raðmorðingja réttlæta gjörðir þeirra (ekki það að þetta sé á nokkurn hátt sambærilegt), en þeir eru þó ekki að ljúga.


Gísli Árnason - 05/09/07 13:02 #

Mikið er gott að Þór hafi fengið nafnleysingjan til að hlægja.Ég efast um að nafnleysingin hafi farið til margra miðla nema til Maríu og klippti fundin til og setti inn á netið allt úr samhengi við fundin.Það væri gaman að hitta aðstendurnar hanns og hlusta á allan fundin og sjá hvort skilaboðin hafi bara ekki passað vel.En hann þorir það ekki að sjálfsögðu þá getur hann ekki haldið áfram að hrauna yfir fólk sem hann hefur alls ekkert vit á né þekkingu.


jogus (meðlimur í Vantrú) - 05/09/07 13:20 #

Sammála Eyvindi. Ég held að þeir séu nokkrir miðlarnir sem ósköp einfaldlega átti sig ekki á því að hið næma innsæi þeirra komi ekki að handan heldur sé fullkomlega eðlilegt, náttúrulegt fyrirbæri. En ég hef svo sem ekkert fyrir mér í þessari tilfinningu.


Matti (meðlimur í Vantrú) - 05/09/07 13:38 #

Ég efast um að nafnleysingin hafi farið til margra miðla nema til Maríu og klippti fundin til og setti inn á netið allt úr samhengi við fundin.

Svo það sé alveg á hreinu, þá eru það einungis smáatriði sem auðkenna Khomeni - frá honum komin - sem voru klippt úr upptökunni af miðilsfundi Maríu Sigurðardóttur. Ef einhver efast um það er hægt að bjóða þeim sama að hlusta á upprunalegu upptökuna við eitthvað tækifæri.

Það er alveg ljóst af þeirri upptöku að María notar háttlestur og ágiskanir og gerir það meira að segja frekar illa.

Ég tek líka undir það að ég held að einhverjir miðlar trúi því að þeir séu ektar - kúnnar þeirra staðfesta svo "gáfuna". Ég er líka nokkuð viss um að afar margir miðlar vita vel að þeir eru að nota brellur en réttlæta það með því að náðargáfan hafi yfirgefið þá akkúrat þá stundina.


Þór Gunnlaugsson - 05/09/07 14:04 #

sælir aftur

Svar til Eyvindar:
Spurning mín til Khomeni hefur ekkert með misnotkun að gera heldur spurði ég hann hvort að hann vildi upplýsa okkur um dulræna reynslu sína um 14 ára aldurinn en hann hefur svarað henni með þögninni og er hið besta mál. Það er nú svo með mannanna verk að sjái sumir svartan vegg þá verður hann alltaf svartur jafnvel þótt annar litur væri málaður yfir.

það sama hlýtur því að gilda þótt þeim jarðbundnu væru kynnt leyndarmál frá vörum miðils úr þeirra eigin lífi sem enginn vissi af.Samt tóm vitleysa.

Gott mál herrar minir allar hafa sína trú og ég virði fullkomnlega ykkar skoðanir.
hafið það sem allra best
ÞG

Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.