Hér birtist annar hluti afmælisþáttar Vantrúar með þeim Birgi, Matta Á. og Óla Gneista við hljóðnemann. Þessi hluti fjallar um trúmálaumræðurnar, úrskráningar, svarthöfða, páskabingó, háskólamálið ásamt mörgu öðru. Fyrsta hluta þáttarins má finna hér.
Sækja skrá: Útvarp Vantrú þáttur 4 hluti 2 (lengd: 0:49:38 - stærð: 22,7 MB)
Svona getur minnið svikið mann. Minnti að þetta hefði verið Vésteinn og ekki man ég neitt eftir þessum jólasveinahúfum.
Í framhaldi af umræðunni um svarthöfða, þá væri gaman að sjá Vantrú taka þetta frábæra framtak áfram og gera þetta að árlegum viðburði og fjölmenna bara í allskyns búningum og halda búningapartý við kirkjusetningu. Bingóið er svona defiance og er gott og gilt, en búningapartý yrði ridicule, sem er enn nú öflugra vopn.
Held að Vantrú láti slíkt vera, en öðrum er að sjálfsögðu frjálst að taka við keflinu.
Einn galli við þá hugmynd að gera þetta að árlegum atburði er að oftar en ekki er þetta einhvers staðar úti á landi (t.d. sé ég að þetta verður á Ísafirði árið 2014)
Ég bíð spenntur eftir næstu tveimur þáttum. Það er mjög áhugavert að heyra ykkar eigin nálgun á félagið og hvernig það hefur þróast. Sér í lagi þetta ferli að leyfa nýjum að taka við og sleppa hendinni af því sem þið byrjuðuð. Ferli sem við sjáum í trúfélögum að fer sjaldnast vel.
Reyndar er bara einn þáttur eftir.
Ég veit ekki hvað orsakar að trúfélög geta illa dílað við endurnýjun, eftir því sem þú segir,, en hjá okkur hefur nýtt blóð reynst bráðnauðsynlegt og kærkomið.
Það sem skapar vanda í trúfélögum í tengslum við endurnýjun er fjöldi þeirra sem gera tilkall til valda eða vanmáttur þeirra sem ráða að gefa eftir völd (fer eftir því hvoru megin við borðið setið er).
Ég hef einmitt tekið eftir því hjá ykkur Vantrúarmönnum, að ykkur virðist (út á við alla vega) hafa tekist að finna gott jafnvægi í þessum málum.
Annars var ég búin að bíta í mig að þetta yrðu fjórir þættir, líklega vegna tölunnar 4 í titlinum á greininni. Ég las sem sé:
Útvarp Vantrú þáttur - annar hluti af 4 - afmælisþáttur.
Svona getur heilinn farið með mann.
Þetta er ekki bara út á við, samkomulag innan félagsins hefur alltaf verið með besta móti. Eflaust kemur það ýmsum sem sjá okkur sem forherta götustráka (á unglingsaldri) á óvart, hafa kannski búist við að allt hljóti á hverri stundu að fara í háaloft milli okkar, en ég get fullyrt að þroskaðra og almennilegra fólk en félaga mína í Vantrú er erfitt að finna. Aðeins í einu tilteknu aprílgabbi fór allt í uppnám í þykjustunni og þá var nú aldeilis gaman að drulla yfir Matta og fleiri.
Nei, þessi vandaði hópur fólks hefur þróast mjög fallega á tíu árum og ég er óendanlega stoltur af okkur.
Ég náði nú ekkert mikið af myndum þarna á Svarthöfða gjörningnum. Til að byrja með var spennan yfirþyrmandi því þetta var ekki að fara eins og átti og í restina var þetta orðið svo fyndið að ég var bara ekki í standi til að mynda af einhverju viti . Í upphafi leit allt út fyrir að þetta væri að klúðrast. Svarthöfði ætlaði að ganga fremstur en var stöðvaður af krikjuverði Dómkirkjunnar. Svarthöfði stóð samt heiðursvörð meðan fylkingin gékk framhjá og bættist svo aftast í röðina. Þetta tókst sem sagt miklu betur en leit út fyrir í upphafi. Auk þess var bara betra að hann gekk ekki fremstur eins og til stóð þar sem biskuparnir gengu aftast og því var hann þar meðal jafningja :) Þegar kirkjudyrunum var lokað á eftir biskupunum stóð Svarthöfði fyrir framan kikjutröppurnar og á kirkjutröppunum stóðu tveir kirkjustarfsmenn sem horfðu á Svarthöfða og svo hvor á annan og annar þeirra sagði "hvaða hálfviti er þetta?" :-)
Birgir, ég á ekki enn alvöru zoom linsu :)
Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.
Hjalti Rúnar (meðlimur í Vantrú) - 21/08/13 09:38 #
@09:00 Ég fór á Þorláksmessu í úrskráningar með Bigga, mig minnir að Kári hafi verið með okkur. Mér finnst vanta að koma fram að við vorum með jólasveinahúfur! :P