Nú er sko kreppuhátíð hjá kirkjunnar mönnum. Nú er óumdeilanlega rétti tíminn til að gera sig mikilvægan í augum fólksins, geisast um bæinn og vísítera fyrirtæki og stofnanir og tala um sparnað. Um að gera að nýta tækifærin í kreppunni.
Þetta er nefnilega akkúrat augnablikið fyrir fólk sem hefur fimmhundruðuð þúsund krónur í grunnlaun, heimta hundruði milljón króna skaðabætur frá ríkinu útaf einhverjum landsspildum, byggja 800 milljón króna kirkju, panta 80 milljón króna orgel og keyra um á 10 milljón króna Benz-jeppling til að heimsækja lýðinn og tala um hófsemi í peningamálum. Hræsni og græðgi þessara manna á sér engin takmörk.
Hugsið ykkur, samkvæmt úrskurði kjararáðs (pdf) fá prestar 473.549 krónur í grunnlaun og gott betur, þar sem þeir fá greiddar einingar eftir fjölda íbúa í viðkomandi prestakalli. Eining er 6.171 krónur.
Sóknarprestur sem þjónar færri en 500 sóknarbörnum 15 einingar/mán.
(+ grunnl. = 566.114 kr.)
Sóknarprestur sem þjónar 500-1499 sóknarbörnum 18 einingar/mán.
(+ grunnl. = 584.627 kr.)
Sóknarprestur sem þjónar 1500-3499 sóknarbörnum 21 einingar/mán.
(+ grunnl. = 603.140 kr.)
Sóknarprestur sem þjónar 3500 sóknarbörnum eða fleiri 24 einingar/mán.
(+ grunnl. = 621.653 kr.)
Prestur sem þjónar 1500-3499 sóknarbörnum 18 einingar/mán.
(+ grunnl. = 584.627 kr.)
Prestur sem þjónar 3500 eða fleiri sóknarbörnum 21 einingar/mán.
(+ grunnl. = 603.140 kr.)
Sérþjónustuprestur (skólaprestur, sjúkrahúsprestur, fangelsisprestur, sendiráðsprestur, o.s.frv.) 21 einingar/mán.
(+ grunnl. = 603.140 kr.)
Það má benda á að aukalegar sporslur fyrir skírn, fermingu og giftingar eru ekki reiknaðar með í þessum heildarlaunum. En manni er enn spurn, í fúlustu alvöru, hvað gera prestar svona agalega sérstakt að þeir verðskuldi hálfa milljón til milljón á mánuði?
Með kreppunni fylgir aukalegt álag á herðar ríkiskirkjunnar, hvað gæti það þýtt? Ef eitthvað er að marka frumvarp til laga um breytingu á lögum um sóknargjöld (pdf) þá gæti farið svo að ríkið muni greiða meira í ríkiskirkjuna, þ.e. ef þetta frumvarp verði samþykkt.
Réttast í stöðunni væri að leggja niður þessa ríkisstofnun og selja eigur hennar. En það er eflaust ekki að fara gerast. Svo kæru Íslendingar, bara enn og aftur, til hamingju Ísland!
(Andvarp!)
Ég var að koma af fundi á vinnustað mínum þar sem að forstjórinn var að tjá okkur að ef að efnahagskerfi íslands heldur áfram sigla hraðbyr til helvítis (takk geir haarde!), þá verði fólki sagt upp störfum um áramótin.
Það er á svona augnablikum sem að ég óska þess að foreldrar mínir hefðu kennt mér að ljúga og sagt mér að fara í guðfræði til að gerast prestur.
thad vita allir ad trúarbrögd eru gedveila, af hverju ekki ad bjóda prestum sömu kjör og ödru fólki sem á í erfidleikum, svona 140000 á mánudi, mér dytti aldrei í hug ad tjá mig um nokkurn skapadan hlut vid prest, veit ekki hverjir eru ad leita til theirra en thad hlýtur ad vera fólk sem á ennthá meira bágt en their sjálfir, ég skrádi mig úr kirkjunni 18 ára gamall en hef samt alla tíd verid ad borga undir rassgatid á thessu pakki, thetta er ekkert annad pakk og hraesnanrar, thjófar og kynferdisglaepamenn, thad er óskiljanlegt ad thjódin skuli láta draga sig svona á asnaeyrunum, hvenaer fer fólkid í thessu landi ad hafa áhrif á gang mála, haettum ad borga thessu lidi fyrir ad bulla í tómum kirkjum, réttast vaeri ad leggja nidur trúna og gera dískótek og félagsmidstödvar úr öllum thessum kirkjum og bjóda landsmönnum ad njóta theirra á eigin forsendum en ekki labba nidurlút inní kirkjurnar eins og hundur sem hefur verid sparkad í af eiganda sínum og kyngja thessum fáránlegu fraedum prestanna sem eiga meira heima í rassgatinu á theim heldur en á ríkisstyrktu altari
Flott viðtal við Matthías á vísi.is (http://www.visir.is/article/20081026/LIFID01/409710090/-1) Tek sérstaklega eftir að Ólafur er hálfpartinn að bjóða Vantrú í Kjararáð....það er stórkostleg hugmynd! sjá; "Þeir eru bara að reyna að búa til leiðindi í garð presta og nota hvert tækifæri til þess. Það eru ekki við heldur kjararáð sem ákveður launin okkar. ..." segir Ólafur Jóhannsson, formaður Prestafélags Íslands.
Preststarfið ætti auðvita að vera launalaust hugsjónastarf.
Jésú var launalaus og Páll Postuli örugglega líka.
Vá hvað ég er orðlaus við þessari grein hjá vísi skrifað af Matthías, þið gerið ykkur ekki grein fyrir hvað prestar eru að gera, og hvað þeir gera fyrir okkur. Að mínu mati þá ættu prestar að vera með en betri laun, því þerra vinna er greinilega ekki vel metin af mörgum. þetta er mjög ábyrðarfult starf og felst í mjög erfiðari sálfræðis vinnu. og að sjálfsögðu þá rétta þeir út hjálparhönd eins og staðan er í dag . Fólki líður mjög illa og er mjög reitt.þetta er vissur sorgarferill sem fólk er að standa í að missa hús, vinnu, og fl. þetta fer mjög illa með sálarlífið hjá fólki, menn hafa svift sig lífi. og er mjög ringlað, og eitt að vita hvert það getur leita er mjög gott. og það er það sem prestar eru að standa í, er að rétta hjálparhönd á þessum erfiðu stundum,og að gagngrína það, og fara út í að skoða laun þessara manna er rangt, og bílum sem þeir aka á kemur okkur allmeningi ekkert við, ekki frekar hvergni bílum aðrir eru á. Ég er nú ekki vön að svara neinu til baka,frekar hef ég leitt svona bull frá mér. En þar sem ég borga skatta þá er min ánægða að láta mína prósentu til rétta fólksins og það eru menn í mikilvægum störfum eins og Prestar og Lögreglan.og væri allveg til í að sjá hærri laun á báðum stöðum þar. En að sjálfsögð þá er þetta mín skoðun svo ég segji. Guð blessi ykkur öll.
Treystu mér að við þekkjum betur til prestana en þú.
Þá hjálp sem þarf að veita fólki sem á bágt þessa daganna ætti að veita af sérfræðingum en ekki froðusnökkum. Sálfræðingum, geðlæknum, félagsráðgjöfum en ekki prestum sem hafa tekið örfáar einingar í svokallaðri "sálgæslu".
Vá hvað ég er orðlaus við þessari grein hjá vísi skrifað af Matthías
Það er vert að taka fram að ég hef enga grein skrifað á Vísi. Blaðamaður Fréttablaðsins hringdi í mig á föstudag og við ræddum örstutt um ýmislegt, meðal annars laun presta. Það er semsagt vitnað í mig.
Ég greiði líka skatta og mér finnst út í hött að hluti af mínum sköttum fari í að greiða laun galdrapresta.
Af minni reynslu, ættu presta að flokkast undir sem Engllar;) og nei óli ég treysti þér ekki, kanski finst þér þú þekkja betur til presta en ég .. en bíddu þú ert skráður hér í vantrú, það segir mér aðeins eitt,ég allavega hef mjög mikið álitá þeim. En aðeins guð einn veit kanski ég hafi rangt fyrir mér, en aftur á móti kanski ekki.og einingar skipta ekki miklu máli þegar það kemur að sannri ást og trú á mannkynnið sem prestar gefa frá sér. Guð blessi þig. kær kv Ragna.
Það er vert að taka fram að ég hef enga grein skrifað á Vísi. Blaðamaður Fréttablaðsins hringdi í mig á föstudag og við ræddum örstutt um ýmislegt, meðal annars laun presta. Það er semsagt vitnað í mig.
Ég greiði líka skatta og mér finnst út í hött að hluti af mínum sköttum fari í að greiða laun galdrapresta.
ja Matti ég bið þig innilegar fyrirgefningar á þessu, ég veit að þú skrifaðir þetta ekki. ég var að vitna í þessa grein hjá vísi kom aðeins vitlaust frá mér. svo ég bið þig afsökunar.kv Ragna ja, matti ég bið þig fyrirgefningar á þessu ég orðaði þetta vitlaust að sjálfsögðu veit ég að þú skrifaðir þetta ekki mín mistök var bara að vitna í þessa grein hjá vísi aftur biðst ég fyrirgefningar .. kv Ragna
Ragna, þú hefur látið prestastéttina skrökva að þér. Hún hefur tæplega faglega menntun til að standa í sáluhjálp.
Sæll Birgir, úff segji ég bara ;) veit að minni reynslu að sú hjálp sem ég fékk frá yndislegasta presi jarðar, jafnast ekkert á við neina aðra sálfræðihjálp, sem nokur getur fengið,að mínu mati. svo ég er en á mínu máli Prestar eru að gera gott:)og guð blessi þig Birgir.
Já en Ragna - við erum ekkert á móti því að prestar fái góð laun - per se - heldur er verið að mótmæla því að almannafé er notað til að greiða þeim (há) laun. Ég, trúlaus maðurinn, er að borga nútíma galdralæknum laun. Frábært. Ég er nokkuð viss um að trúað fólk, svona upp til hópa, væri ekkert rosalega glatt ef Matthías fengi, sem formaður Vantrúar, hálfa milljón á mánuði frá ríkinu. Einhverjir myndu jafnvel stinga upp á því að nota peninginn í eitthvað gáfulegra. Og veistu hvað - þau myndu hafa rétt fyrir sér.
Best að hafa smá fyrirvara: Þegar ég sagði að "við" hefðum ekkert á móti því, per se, að prestar fengju góð laun, þá var ég eiginlega bara að tala um sjálfan mig. Ég hef ekki hugmynd um það hvort aðrir í Vantrú myndu setja það fyrir sig að prestar fengju góð laun ef rétt væri skráð í söfnuði og fólk, sem væri í ríkiskirkjunni, ákveddi sjálft hvaða laun prestar fengju og borguðu þau.
ja jogus, skil hvert þú ert að fara, en ef við myndum ekki greiða prestunum þessi laun, þá held ég að við vitum öll að þessi prósenta færi bara einhvert annað, eins og í aðeins þykkara veski hjá þeim sem eiga þeim mun meira fyrir, Allavega stór efast ég um að veskið yrði þykkara hjá mér. En að sjálfsögðu ætti fólk að fá að ráða því hvert þessi peningur af launanum fer. En ekki frekar en rúv þá fáum við lítið um það ráðið. svo guð blessi þig og þína.
Ragna - ert þú ekki bara prestur? Miðað við alla þá blessun sem þú ert að spreða hér þá grunar mig það bara... humm... fæ ég ekki eins og eitt bless?
;-)
Hvað hafa prestar framyfir vini og kunningja þegar kemur að ráðgjöf og "sálgæslu"?
Það er ekki eins og einn valkúrs í "sálgæslufræðum" geri þá að einhverjum sérfræðingum á þessu sviði ...
Sæll Baldvin, Þeir hafa mikla þekkingu á þessum sviðum líkt og vinir hafa, nema það að prestar hafa reynslu. og að sjálfsögðu kjarnan trúna. þeir veita manni ómetanlega stuðning og dæma mann aldrei. En vinir eru líka frábærir ekki miskilja mig. En ekki allir vinir hafa það sem prestar hafa skilning á mjög mörgum sviðum og hjarta úr gulli skínandi af góðmensku og vitund til að dæma rétt og rangt. og allir vita það að sama hversu góðan vin þú átt þá eru vinir oft meðvirkir og þó þeir vilja gera gott,þá er oft sem meðvirkni hjálpar ekki. að leita til prest er í raunini þriðji aðili sem þú getur alltaf treist og geymir það sem þú segir honum inn í hjarta sínu. Mér þykir mjög gott að geta haft svoleiðis mannskju sem maður getur ávalt leitað til. og svo er það líka eitt sem þeir hafa fram yfir sálfræðinga það er það að þeir eru ekki að spá í að rukka fyrir tíman sem þeir eyddu í þig. En kæri Baldvin þetta var nú bara í stuttu máli sagt:)
Hvernig geturðu sagt að prestar hafi betri "skilning á mjög mörgum sviðum" eða "vitund til að dæma rétt og rangt" en fólk almennt? Hvernig þá?
Svo þurfa prestar ekki að rukka þig af því að þú ert nú þegar búin að borga launin þeirra, hvort sem þú leitar til þeirra eða ekki.
Prestar fara eftir boðorðum. Gera vinir það? Ekki margir mínir vinir:( flestir ekki mikið trúaðir, ja rétt og rangt, vitund til að hjálpa þér að sjá, og gera það eina rétta, vinir vilja oft hjálpa manni en eru í raunini að segja það sem maður vill heira. ekki það sem maður vill ekki heira.En það gera presta óspart. skilningur Presta, Líf og Dauði gleði og sorg. æ að mínu mati er einginn með meiri þekkingu og með þetta beint í æð en þeir. En það er mín skoðun og að vinna þerra vinnu get ég ekki ýmundað mér annað en hlítur að vera erfitt.En ávalt þeir brosa og hamingjan glóar. Ég ber mikla virðingu fyrir þessum mönnum og Konum. sem eru þjónar guðs.
Sæll viddi margur heldur mig sig! ;) Ragna er augljóslega tröll, ekki fæða það.
Prestar voru að sigla eftirúr launalega fyrir nokkrum árum.Síðan fékkst leiðrétting á þeim málum. Þannig hélt stéttin starfskröftum sem annars hefðu leitað í önnur betur launuð störf. Svona er markaðurinn. Innan stéttarinnar er líka heilbrigð samkeppni, sum prestaköll eru feitari en önnur og þar enda því hæfustu aðilarnir. En það að eru líka margar magrar og kannski lítið spennandi sóknir sem líka þarf að manna með prestmenntuðum einstaklingum.
Ragna, Finnur og aðrir aðdáendur prestanna. Af hverju sjáið þið ekki bara um að borga laun presta í stað þess að hjálpa til við að ræna okkur sem viljum ekkert með þá hafa?
Það er alveg hreint fáránlegt að láta eins og þessi stétt sé á einhvern hátt nauðsynleg til að þjóðfélagið fúnkeri. Að bera presta saman við lögreglumenn og lækna er hreinlega móðgun við lögreglumenn og lækna.
Það er engin sambærileg stétt til sem hægt er að bera preststéttina saman við. Engin önnur stétt fær laun úr ríkissjóði fyrir að segja þjóðsögur og klappa fólki á bakið. Prestar hafa enga sérfræðiþekkingu á geðheilbrigðismálum og eiga þessvegna ekki að fá að sinna þeim.
Myndi fólk vilja sækja meðferð hjá bókmenntafræðingum sem hefðu sótt einn valkúrs í "sálgæslufræðum"? Ekki held ég það. Hver er munurinn á bókmenntafræðingi og guðfæðingi, fyrir utan það hvaða bók er verið að stúdera?
Það að segja að há laun presta séu til þess að hindra atgervisflótta úr stéttinni halda engu vatni. Bestu starfskraftarnir ættu einmitt að vera annars staðar en í kirkjunni. Þá myndu þeir kannski leggja eitthvað af mörkum til samfélagsins.
Það er sjálfsagt að kirkjan borgi sínu fólki vel, það á að vera henni í sjálfsvald sett. En þá ætti hún einmitt að gera það úr sínum sjóðum. Af félagsgjöldum sem hún innheimti sjálf með gíróseðlum til félagsmanna sinna, líkt og önnur félagasamtök gera. Að félög áhugafólks um himnadrauga fái aðstoð ríkisins við að innheimta félagsgjöld sín er fáránlegt. Og að eitt þessara félaga fái endalaust að hanga á ríkisspenanum þar að auki er ennþá fáránlegra.
...þið gerið ykkur ekki grein fyrir hvað prestar eru að gera, og hvað þeir gera fyrir okkur. Að mínu mati þá ættu prestar að vera með en betri laun, því þerra vinna er greinilega ekki vel metin af mörgum. þetta er mjög ábyrðarfult starf og felst í mjög erfiðari sálfræðis vinnu. og að sjálfsögðu þá rétta þeir út hjálparhönd eins og staðan er í dag . Fólki líður mjög illa og er mjög reitt.þetta er vissur sorgarferill sem fólk er að standa í að missa hús, vinnu, og fl. þetta fer mjög illa með sálarlífið hjá fólki, menn hafa svift sig lífi. og er mjög ringlað, og eitt að vita hvert það getur leita er mjög gott. og það er það sem prestar eru að standa í, er að rétta hjálparhönd á þessum erfiðu stundum...
Mig langar að byrja á því að hamra á því sem hér hefur komið fram á vefnum ótal sinnum og meira að segja í þessum þræði: Prestar hafa ekki menntun sem gerir þá hæfa til að sinna sálfræðiaðstoð og mér finnst til skammar að skattpeningar okkar fari í að borga einstaklingum laun fyrir að vinna vinnu sem þeir hafa ekki menntun til að vinna.
Það sem Ragna segir hér má vel vera hárrétt, en hefur þetta í raun eitthvað með presta að gera? Staðreyndin er sú að prestar eru á launum við að sinna þessari þjónustu, hvort sem menntun þeirra gerir þá hæfa til þess eða ekki. Margir geta sagt svipaðar reynslusögur. En í lang flestum tilfellum, eins og þessu, má auðveldlega skipta prestinum út fyrir annan einstakling sem hefur aðsetur/skrifstofu á einhverjum vel auglýstum stað eins og kirkjur eru (þær fara framhjá fæstum) sem sinnir hliðstæðri þjónustu án þess að yfirnáttúra og hindurvitni hafi eitthvað með starfið að gera.
Ekki væri úr vegi að sveitarfélög hugsi málið og bjóði upp á þjónustu sérfræðinga með þessum hætti. Sálfræðingur eða félagsfræðingur í hverju sveitarfélagi sem íbúar geti leitað til. Viðkomandi hefði þá allavega menntun til að sinna starfinu. Skv. Rögnu er helsti kostur presta í þessu samhengi reynslan og þessa reynslu geta aðrir öðlast á sama hátt og prestar. Ekki fæðast allir prestar hoknir af reynslu? Þeir hljóta að hafa öðlast hana.
Þá langar mig einnig að spyrja hvaða rosalega ábyrgð það er sem fylgir því að vera prestur? Hafa flestir aðrir ríkisstarfsmenn minni ábyrgð? Munurinn á prestum á mörgum öðrum ríkisstarfsmönnum er einfaldlega sá að þeir eru sýnilegri. Þeir eru sjálfir í beinum samskiptum við þá sem til þeirra leita.
Verandi tölvunarfræðingur sjálfur dettur mér í snarheitum hug að bera saman einstakling sem sér um rekstur kerfa sem sjá til dæmis um keyrslu atvinnuleysis- eða örorkubóta og presta. Ég held að sá fyrrnefndi hafi mun meiri áhrif á þjóðfélagið en öll prestastéttin samanlagt.
Afhverju eru prestar þá á mun hærri launum en þessi einstaklingur (lesist: meðallaun presta á milli tvöfallt til þrefallt hærri)? Hér skal tekið fram að ég var sjálfur, þar til fyrir sjö mánuðum síðan, tölvunarfræðingur í vinnu hjá ríkinu.
Myndi fólk vilja sækja meðferð hjá bókmenntafræðingum sem hefðu sótt einn valkúrs í "sálgæslufræðum"? Ekki held ég það. Hver er munurinn á bókmenntafræðingi og guðfæðingi, fyrir utan það hvaða bók er verið að stúdera?
Þessi samanburður á prestum og bókmenntafræðingum þykir mér ansi skemmtilegur. ;-)
Hey! Margt misjafnt má segja um okkur bókmenntafræðingana, en við trúum þó ekki öllu sem í skruddunum stendur. Annars eruð þið öll hjartanlega velkomin í sálgæslu. Ég er afar skilningsríkur og held alveg nokkur boðorðanna í heiðri, taxtann má auðveldlega reikna út frá mánaðarlaunum presta, hann myndi sennilega skríða yfir 10.000 kall á tímann með öllu.
Sæll Jóhann, það er hægt að taka allt úr samhengi og setja það á annað mál. Guðfræðingur eða prestur er maður sem tileinkar sinni trú í að hjálpa fólki. Góðar sálir, hreinar sálir, guðs menn. Ábyrgð finst mér vera mikill, ég efast um að tölvunarfræðingur beri svipaða ábyrgð og prestar. þeir vinna meiri hlutann fyrir framan skjá.Ég myndi segja að þú þarft mjög góðar taugar í að vinna í kring um dauðan daginn út og inn, standa í stappi við þá nánust sem oftar en ekki, eru með mikla reiði gavart guð og fl. Að vera til staðar 24 tíma sólahring þegar fólki líður illa, myndi ég segja að væri ábyrgðarfullt starf. það er kanski spurning hverngi fólk metur ábrygð. með ábyrgð þessara manna finst mér laun mættu vera svo miklu betri en þau eru í dag. Enda þegar uppi er staðið þá finst mér maður ekki geta set verð á góða hjálp. á meðan ég veit það að hlutin af mínum skatt rennur í gott málefni þá er ég sátt og sef vel á nóttini;)
Og þú sefur ekkert illa á meðan peningum er stolið frá okkur sem aldrei myndum nýta þjónustu presta?
sæll Óli, ég skil ykkur, En ég skil ekki reiðina út í prestana, þeir allavega þá hjálpa öðrum, þó þið leitið ekki til þerra, og peningurinn rennur í það og ég myndi segja gott málefni. hjálpa öðrum þá. En tökum sem dæmi rúv ég horfi ekki á það en á sjónvarp og þarf að borga af því eins og svo fl. hjá ríkinu, En sem betur fer er ég ekki reið mannskja og leita ekki af sökudólgum og sef á nóttuni vel því, svona er þetta bara og ég verð bara að sætta mig við það. En guð gaf mér ærðuleisi:)
...standa í stappi við þá nánust sem oftar en ekki, eru með mikla reiði gavart guð og fl...
Af hverju ætti nokkur að þurfa að standa í stappi við fólk þó það reiðist ímynduðum vini sínum?
Prestar gera mér ekki gagn heldur ógagn. Það eru þeir og engir aðrir sem vilja endilega kristna barnið mitt þótt við hjónin höfum ákveðið að ala það öðruvísi upp (leikskólaprestur, Vinaleið, kristniboð í stað kennslu o.s.frv. - út í þá umræðu þarf ekki að fara hér). Það er óþolandi að ekki einungis svívirða þeir rétt minn til að ala barnið mitt upp í þeim trúarskoðunum (eða lack thereof) eins og ég kýs, heldur neyðist ég til að kyssa vöndinn - borga launin þeirra við að kristna barnið mitt. Ósvinna.
Ég tel að það góða sem prestarnir gera gætu aðrir gert betur og líklega fyrir minni pening.
Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.
Reynir (meðlimur í Vantrú) - 24/10/08 10:56 #
Óþarfi að vorkenna þeim alveg svona mikið því þeir fá líka borgað fyrir greftranir og svo fá þeir greiddan rekstrarkostnað svo sem símastyrk, bílastyrk og fatastyrk. Og fari þeir á prestastefnu eða ráðstefnur erlendis eru alltaf dagpeningar og þess háttar.
Nú og svo búa þeir margir í húsnæði í eigu ríkiskirkjunnar, geta leigt það út ef þeir fara í námsleyfi til útlanda o.s.frv.
Og svo eru sumir svo heppnir að hafa hlunnindi af jörðum "sínum", svo sem laxveiði, dún, reka eða leigu fyrir sumarhús o.s.frv. o.s.frv....