Dauðlegum vesalingum hafa hlotnast sannindi. Okkar ágætu prestar hafa upplýst okkur að norrænt velferðakerfi og jöfnuður eigi upphaf sitt í því að þjónar kirkjunnar deildu kjörum með kotbændum og sárþjáðum leiguliðum. „Fram þjáðir prestar í þúsund löndum“. Látið ykkur ekki í eitt augnablik detta í hug að velferðakerfið sé afleiðing misskiptingar og baráttu verkalýðshreyfinga, heldur er það okkar evangelísku prestum og fórnum þeirra að þakka. Orðatiltækið Jón eða séra Jón er innantómt þvaður, hafið það sem engu viljið trúa. Það er óþolandi þegar trúlausir skattgreiðendur reyna að bregða fæti fyrir sjálfsagðar þjáningabætur sem prestarnir okkar fá í formi launa. Það er skylda okkar norræna velferðakerfis að huga að öryrkjum, sjúkum, öldruðum og prestum.
Samt reynir trúleysislýðurinn alltaf að skemma stemminguna í kringum okkar evangelíska velferðakerfi. Núna hópast öfundarlýðurinn í lágmenningasjoppur landsins til lesa eina af höfuðsyndunum sjö sem er Tekjublað Frjálsar verslunar. Þar er því haldið fram að sóknarprestar í fámennustu kotbændaembættum fái hálfa milljón á mánuði. Einnig að okkar ástsælu almúgaguðsþrælar á höfuðborgarsvæðinu fái til hnífs og skeiðar sex til átta hundruð þúsund á mánuði. Nei, látið ekki blekkjast. Nálaraugað er rétt svo úlfaldagengt. Það er ekkert annað en lágkúra að bera kjör öryrkja og aldraða saman við þjáningabætur presta. Við verðum að átta okkur á því að í okkar evangelíska velferðakerfi eru sumir jafnari en aðrir.
ósmekklegt í meira lagi, að prestar komist uppmeð að fara með svona ósannindi. þeir geta í mesta lagi sagt "kirkjan var ekki alltaf að níðast á fátækum" og jámm, alltof há laun vægast sagt, þetta er viðbjóður
Veit einhver hver eru grunnlaun nýútskrifaðs prests?
Þetta var rætt á spjallinu um daginn.
Mánaðarlaun presta, sóknarpresta og sérþjónustupresta skulu vera samkvæmt 121. launaflokki kjaranefndar fyrir embættismenn eða 356.108 krónur. Þá skal greiða þeim einingar fyrir yfirvinnu, óreglulegan vinnutíma og álag sem fylgir almennri sálgæslu sem hér segir:
Sóknarprestur sem þjónar færri en 500 sóknarbörnum 15 einingar/mán.
Sóknarprestur sem þjónar 500-1499 sóknarbörnum 18 einingar/mán.
Sóknarprestur sem þjónar 1500-3499 sóknarbörnum 21 einingar/mán.
Sóknarprestur sem þjónar 3500 sóknarbörnum eða fleiri 24 einingar/mán.
Prestur sem þjónar 1500-3499 sóknarbörnum 18 einingar/mán.
Prestur sem þjónar 3500 eða fleiri sóknarbörnum 21 einingar/mán.
Sérþjónustuprestur 21 einingar/mán.
Eining er 4600 krónur þannig að lágmarkslaun presta eru 356.108.- + (15 * 4.600.-) = 425.108.- kr
Ofan á þetta koma greiðslur fyrir giftingar og skírnarathafnir.
Lægstu laun sóknarprest í minnstu sóknum eru þannig. Dagvinnulaun um 360 + 15 einingar, hver eining er c.a. 5000. Þannig grunnlaun sóknarprest eru c.a. 420þ á mánuði. Í þessum litlu sóknum fá prestar aðgang að hlunnindum jarða (kannski laxveiði, framkvæmdir eins Kárahnjúkar skiluðu prestinum á svæðinu nokkrar milljónir á o.s.frv.) auk prestbústaðar. Auk þess að flestar sóknir skaffa fartölvur og búnað. Síðan er um 18þ kr fyrir jarðarför+kistulagning og 12þ kall fyrir hvert fermingabarn á staðnum, skattfrjálst. Enda virðist mér lægstu laun presta vera c.a. 450þ en flestir eru með þetta á bilinu 5XXþ til 700þ fyrir utan alla skattfrjálsu vinnuna.
Það má heldur ekki gleyma því að sumir taka að sér kennslu eða eru með námskeið og aukavinnu sem skýrir oft hærri laun en grunnurinn segja til um. Biskupinn er núna kominn í 900þ mánuði eftir síðustu hækkun auk þess að vera með 50þ króna kostnaðargreiðslur á hverjum mánuði eins og Alþingismenn. Með því að henda nótum upp í 50þ krónurnar er í raun um 70þ kaupauka að ræða. Þannig er biskupinn kominn í milljón á mánuði með fríðindum, þó að það komi ekki fram í álagningunni.
Mikið helvíti! (svona eru nú blótsyrðin samtvinnuð trúnni).
Maður hefði nú betur farið og lært rugludallafræði í guðfræðideildinni en að eyða tíma sínum í raunvísindanám og tölvuvinnu sem ekkert gefur af sér.
Mikið helvíti, segi ég nú aftur.
Tökum sóknarprest á stærri stað með um 30 jarðarfarir á ári sem gerir 540 skattfrjálst. Síðan um 80 fermingabörn, sem er 960 þúsund. ef um skattskyldar tekjur væri um að ræða er það rúmlega 2 milljóna kaupauki. Með skírnum og giftingum að auki reikna ég kaupaukann 2,5 milljón eða um 200þ á mánuði. Hann er með 24 einingar á mánuði eða 110þ ofan á föst laun. Síðan kennir hann á námskeiðum og setur nefndir sem gera 70þ á mánuði. Þá er sóknarpresturinn okkar góði með um 750þ á mánuði. Þetta er fyrir utan húsnæði, síma, tölvubúnað, dagpeninga og akstur. Það er mikið að gera hjá honum en uppskeran er góð miðað við venjulegan launamann.
Já pælið í því, klæða sig í kjól á sunnudagsmorgnum blaðra einhverja órökstudda þvælu í klukkutíma og fara svo heim í sunnudagssteikina og telja peninga. Þetta er auðvitað pottþétt scam hjá þessum gæjum sem eru bara að redda sér í lífsbaráttunni eins og við hin.
Það eru heimskingjarnir sem borga þeim þessi laun og sem dáðst að nýju fötum keisarans sem ætti að skamma fyrir að leyfa þetta rugl og svo auðvitað landsyfirvöld fyrir að eyða skattfé OKKAR í þetta helvíti.
Einkavæðum ríkiskirkjuna strax!
Vel grafið æxli með pottþétta, arðsama svikastarfsemi. Og í þokkabót ríkisstyrkt hindurvitnastarfsemi. Það er greinilega mikið spanderað til þess að forheimska lýðinn með hjátrú og þrælslegan hugsunarhátt.
Hvílíkir háheilagir hræsnarar, blaðra um græðgisvæðinguna í samfélaginu í gríð og erg með froðufellandi ofsa, en eru samt jafn sveittir af græðgi og hinir harðsvíruðustu kapítalista-svín í peningakapphlaupi, ef ekki meir.
Þeir sýnast ekki bara brenna í hjartanu fyrir guðfræðiskolpinu sínu og ímynduðu almætti, heldur meira eða jafnvel einungis af losta peningagreddunnar.
Þetta er gróf stofnanabundin fjárplógsstarfsemi, bundin í lög af hátignuðum saumaklúbbi Alþingis þeirra. Þessu ber að afnema. Þessu ber að bylta á hvolf. Ýta burt öllum andlegum og efnahagslegum þrælaböndum sem valdið og prelátarnir hafa hneppt okkur í.
Ég segi; Eignanemum kirkjuna og rekum prestlýðinn á brott. Og notum byggingarnar í veraldlegt félagsstarf.
Þetta eru sjokkerandi tölur. Takk fyrir upplýsingar.
Ég þarf áfallahjálp en ekki frá presti, nei takk! Eftir 10 ára nám (3 ár erlendis), ótal próf, 12 ára klíníska starfsreynslu og mikla ábyrgð í starfi fæ ég sem sérfræðingur á heilsugæslustöð 440 þúsund í mánaðarlaun. Með 15 föstum yfirvinnutímum á mánuði (sem ég vinn), 4-7 sólarhrings bakvöktum á mánuði og læknisverkum á vöktunum náði ég mínum brúttó meðaltalslaunum í 643 þúsund í fyrra. Með þessu kemst ég á miðjan prestalistann hér að ofan. Prestar eru greinilega líka svipað launaðir og alþingismenn. Þeir fá líka mun betri laun en nýútskrifaðir læknar. Mér finnst starf presta helst sambærilegt félagsfræðingum en með þeirri stóru undantekningu að mikill hluti náms og starfs þeirra er tómt bull. Við borgum sem sagt fólki í hempum sem vinnur félagsstörf eftir 4 ára hálf ónýtt háskólanám laun á við okkar mest menntaða fólk sem ber mestu ábyrgð á heilsufari, öryggismálum og réttindamálum landsmanna. Þetta er siðferðislega sturluð launastefna! Hvernig hafa prestar komist svona hátt í launastigann? Yrði okkur ekki nokk sama þó þeir færu í verkfall? Etv. ekki öllum en ég sé ekki þrýstinginn.
Prestarnir eru auðvitað bara kálfar á spena og þrá það eitt að kýrin ( þjóðkirkjan ) mjólki meira en á sama tíma óttast þeir mjög að kýrin hætti að mjólka. Prestafélagið er auðvitað ekkert annað en hagsmunafélag líkt og VR og BSRB. Allt tal um göfugri tilgang félagsinns er bara fyndið. Prestarnir eru að sjálfsögðu bara venjulegt fólk sem upplifir venjulegar tilfinningar eins og græðgi og löngun í veraldlega gæði. Þeir aka um á fínum bílum fara í dýr ferðalög erlendis eins og flestir Íslendingar. Þess vegna er allt tal þeirra úr ræðustólum landsinns um lífsgæðakapphlaupið og ofurlaun ekkert annað en hræsni og lýðskrum. Það eru ósköp mannleg viðbrögð presta að bregðast ílla við málflutningi trúleysingja því hann er ógn við velmegun þeirra og lífsgæði. Það er lika mjög skiljanlegt að þeir taki þátt í dýrustu leiksýningu íslandssögunar (messum þjóðkirkjunar), ef mér væri boðin þægileg innivinna og 800 þúsund á mánuði þá væri ég sennilega til.
Ég hef einungis tvisvar áður póstað hérna, hef bara ekki lagt í þennan leðjuslag. Það er ill mögulegt að ræða af eihverri skynsem við trúfólk. Trúmálaumræða af þeirra hálfu virðist hafin yfir skynsemi og rökhugsun. Ég er engu að síður ánægður með að félög eins og Vantrú og Siðmennt séu starfandi og virk, ekki veitir af.
Þessir menn og þessi stofnun, kirkjan og prestar eru vampírur á þjóðfélaginu, sem og önnur trúarbrögð sem eru til í heiminum. Veri þau stór eða lítil.
Eru þetta launin fyrir námskeið eins og Saga Hebrea, Íslenskt trúarlíf, Kirkjusögunámskeið, Ritskýringanámskeið ásamt því að kunna hrafl í hebresku og kunna stafróið í forn grísku? Jesus Christ.
Eftir að lesa skrif frelsarans hér þá er ég nokk sjokkeraður, en eftir að hafa skoðað lögin vel, og já...staðfesti grunnlaun presta o.s.frv. þá komst ég samt hvergi að þeirri niðurstöðu að hjáverk presta séu skattlaus. Ég leitaði í öllum lögum sem ég fann um laun, skatta og kirkjumál. Það er ekki það, grunnlaunin eru skandall þó ekki sé um skattlaus hjáverk að ræða.
Auðvitað er inni í myndinni að ég hafi farið á mis við klausurnar. En veit einhver betur? Hvar stendur að hjáverkin séu skattfrjáls? Í Emailsamskiptum mínum við frelsarann þá vissi hann það ekki sjálfur.
Ekki misskilja mig, við erum í sama liði, en er ekki gott að vera með þessa hluti á hreinu?
Kær kveðja, Þórgnýr Thoroddsen
Ég efast stórlega um að þetta sé skattfrjálst, en prestarnir sjá sjálfir um innheimtuna og bókhaldið þannig að það er á þeirra ábyrgð að gefa allar þessar tekjur upp.
Það er því afar lítið mál fyrir presta að halda þessum tekjum til hliðar.
En ekki vil ég halda því fram að þeir stundi þetta. Flestir.
Ég fékk þetta staðfest eftir fyrirspurn á:
http://www.althingi.is/lagas/132a/1988050.html
Svo, þá er það ljóst. Líður miklu betur með þetta þegar öll málsgögn liggja fyrir hendi.
kv.
Strákar hvaða bull er í ykkur? Þið trúið ekki á Guð. Trúið ekki á tilveru Jesú. Trúið ekki á sannleiksgildi Biblíunnar og berjið svo prestana í hausinn með Biblíulegu siðferði ( sem er skv. ykkar skoðun hand ónýtt.) Prestarnir eru bara hæfir einstaklingar sem sannar "survival of the fittest" og nærast því af snillinni. Þið hefðuð betur sýnt af ykkur meiri kænsku og farið í prestaskólann, kennt Biblíuna eins og þið viljið ( það er trúfrelsi og í þjóðkirkjunni rúmast allar skoðanir, nema að vera einlægur og sannkristinn maður) sem er illa séð af ykkur. Þessi umræða sannar frekar greindarskort ykkar en þekkingu og kænsku. kær kveðja að norðan
Snorri í Betel
...og berjið svo prestana í hausinn með Biblíulegu siðferði ( sem er skv. ykkar skoðun hand ónýtt.)
Ég hef reyndar ekki tekið eftir mikið af vísunum í biblíulegt siðferði við þessa grein (nennti ekki að lesa yfir allar þessar gömlu umræður).
En ég skil ekki hvað er rangt við að benda á þessa mótsögn:
Maður þarf auðvitað ekki að trúa á guð eða sannleiksgildi biblíunnar til þess að geta bent á þessa augljósu mótsögn.
Skelfing svífur andi biturleikans yfir vötnum hér... Eg samhryggist ykkur öllum með það að eyða svona miklu af ykkar orku og tíma í að væla yfir því að menn sem vinna sína vinnu fái borgað fyrir hana.
Tek það fram að ég er sjálfur agnostiker og veit ekkert hverju ég trúi, en ég ber bara virðingu fyrir starfi þessa fólks. Ég hef kynnst mörgum prestum og veit að þeir vinna meir en 40 stunda vinnuviku og oftast mun meira en það. Kröfurnar sem eru gerðar á þetta fólk í starfi eru gríðarlegar og það er eiginlega vandræðalegt að lesa þetta væl hjá ykkur. Maður fær svona málefnin.com kjánahroll. Samt veit ég að þið eruð öll ágætis fólk upp til hópa. Það er kannski bara svona þegar fólk espar hvort annað upp í svona múgæsingu.
Hvað um það. Bara svona án allra leiðinda, haldið þið ekki að orku ykkar væri betur eytt í jákvæð málefni í stað þess að röfla og sífra svona í öfund og biturleika yfir fólki sem hefur ykkur ekkert gert. Bestu kveðjur, Svavar Knútur
Svavar, við erum ekki að nota okkur þjónustu presta en erum neydd til að borga fyrir hana. Ég myndi telja að þessum peningum mínum væri betur varið til að borga sálfræðingum fyrir að vinna þessa þjónustu sem mig grunar að þú sért að vísa í. Þeir eru margfalt hæfari til þessara verka.
En sýndu vilja þinn í verki Svavar. Sendu yfirvöldum bréf og biddu um að það verði tekinn meiri peningur af þínum launum til að borga fyrir þetta hyski og minna hlutfall af mínum. Þeir sem kjósa að vera í þessu ríkistrúfélagi mega alveg borga þessum kuklurum eins mikið og þeir vilja en bara ekki stela af svona af okkur.
Mér þykir tal þitt um öfund og biturleika kjánaleika þar sem þú hefur væntanlega oft verið ásakaður um álíka þegar þú hefur verið að fjalla um þau málefni sem standa þér nærri.
Bara svona án allra leiðinda, haldið þið ekki að orku ykkar væri betur eytt í jákvæð málefni í stað þess að röfla og sífra svona í öfund og biturleika yfir fólki sem hefur ykkur ekkert gert.
Það má alveg ræða það frekar hvort þessi stétt manna hafi gert okkur eitthvað. Trúlausir foreldrar hafa t.d. þruft að kljást við gjörninga á borð við vinaleið, en almennt talað gengur starf þessara embættismanna út á að forheimska samfélagið og ræna fólk getunni til gagnrýninnar hugsunar í uppvexti sínum. Svona að öllum fjármálum slepptum.
Mikið skelfing eruð þið óupplýstar manneskjur. Prestar vinna 24 tíma sólarhringsins 7 daga vikunnar. Guðsþjónustan á sunnudögum er einungis smábrot af því sem þeir gera. Þetta er líkt og að segja að heimavinnandi húsmæður glápi bara á sjónvarp allan daginn. Ég er með einn prest í fjölskyldunni og hann fær aldrei stundlegan frið. Síminn hringir allan sólarhringinn. Hringt um miðjar nætur vegna andláts eða slysa. Þið sem hér ræðið eruð að gera það vegna vanþekkingar. Fordómar heitir þetta á mannamáli.
Prestar vinna 24 tíma sólarhringsins 7 daga vikunnar.
Nei, það gera þeir ekki. Þeir eru kannski til taks, en það er allt annað.
Ég er með einn prest í fjölskyldunni og hann fær aldrei stundlegan frið.
Ah, ég samhryggist.
Hringt um miðjar nætur vegna andláts eða slysa.
Af hverju er verið að hringja í prest útaf þeim málum? Er það ekki einfaldlega hluti vandans? Hættum að hafa presta á bakvakt útaf málum sem koma þeim ekkert við.
Ef fólk vill hafa prest á bakvakt fyrir sig er því að sjálfsögðu velkomið að greiða presti fyrir slíka þjónustu.
En það er út í hött að rukka mig fyrir það.
Prestar fá fáránlega mikinn frið. Messur eru stærsti hluti vinnu þeirra. Ég var eitt sinn í húsi með presti í 1 viku og 5 sinnum var hringt í hann til að spurja hvort hann gæti haldið jarðafarir og brúðkaup. Eitt andlát reindar. Ég gæti alveg lifað við það ef ég fengi lágmark 500þúsund í laun.
Prestar eru með fáránlega létta og einfalda vinnu. Þeir læra eitt stikki bók og basic sálfræði (líklega kend þeim af öðrum prestum). Ég hefði ábyggilega valið guðfræði hefði ég vitað af svona rosalegum fríðindum.
Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.
Svanur Sigurbjörnsson - 04/08/06 11:29 #
Þetta er rosaleg launabyrði fyrir smáa þjóð. Ofangreindir prestar eru betur launaðir en flestir læknar landsins. Meira að segja betur launaðir en margir lögfræðingar. Það væri gaman að vita hvernig félagsfræðingar standa í samanburði við prestana. Ég get vel hugsað mér landið án presta - enginn dæði, yrði fyrir heilsutapi eða tapaði réttindum vegna þess. Athafnastjórar er lúxus sem á að vera í prívat geiranum. Guðfræðideild sem embættismannaskóli er bara baggi á þjóðinni. Trúarbragðafræði ætti bara að vera undirgrein í sögu og heimsspeki. Kirkjur eiga að sjá um það sjálfar að mennta sína presta til prestsstarfa.
Veit einhver hver eru grunnlaun nýútskrifaðs prests?
Takk fyrir yfirlitið frelsari.