Hvað af eftirtöldu eru mest sannfærandi rökin fyrir tilvist greinds og kærleiksríks Skapara?
A. Sólsetur í Karabíska hafinu.
B. Veinin sem berast frá litlum kóp þegar hákarl rífur hann í sig.
C. Fyrsta brosið frá gullfallegu nýfæddu barni þínu.
D. Sá skjóti tími sem það tekur Ebóla veiruna að brjóta niður líffærin í afrísku barni.
Afar trúrækin kaþólsk hjón eru nýkomin úr veislu, haldin af tilefni fimmtíu ára brúðkaupsafmælis þeirra, þegar karlinn hnígur óvænt til jarðar og grípur um brjóst sér. Hver er besti kostur konunnar í stöðunni
A. Hringja í Neyðarlínuna
B. Koma honum í bílinn og keyra sjálf með hann á spítalann.
C. Beita hjartahnoði.
D. Krjúpa á kné og biðja til Drottins um að þyrma lífi hans.
Þú starfar við prófanir á vörum og vinnur oft heima hjá þér. Í gær, þegar þú varst klæddur í eldvarnarbúning (þolir allt að 3000 gráður) og hélst á nýjustu gerð af slökkvitæki þá sástu að kviknað hafði í húsi nágrannans. Meðan að eldurinn breiddist út þá stóðstu álengdar og horfðir á nýfætt barn hans brenna inni. Hvað af eftirtöldu lýsir best hegðun þinni?
A. Almáttugur
B. Alvitur
C. Algóður
D. Leyndardómsfullur.
Dag einn þegar þú ert að skokka í garðinum þá sérðu brjálæðing með stóran hníf sem er við það að ráðast á sex ára gamla stelpu. Hvað væri siðferðislega réttast að gera í stöðunni?
A. Grípa næsta stein og hrekja árásarmanninn burt.
B. Nota farsímann þinn til að hringja í lögregluna.
C. Hrópa „LÖGREGLAN“ og hlaupa í átt til árásarmannsins á ógnvekjandi hátt.
D. Ganga rólega burt því að vegir guðs eru órannsakanlegir og það sem virðist vera „illska“ fyrir okkar takmarkaða huga gæti í raun verið hluti af æðra skipulagi í ótakmörkuðum huga Guðs, svo að það er best að skipta sér ekki af.
Þú ert holdtekja og Sonur almáttugs og algóðs Skapara alheimsins. Hvernig væri best að sýna fram á samúð þína og krafta?
A. Útrýma krabbameini fyrir fullt og allt.
B. Láta allar eyðimerkur heimsins blómgast af matjurtum.
C. Sameina heiminn í gegnum sameiginlegt tungumál og binda endi á fátækt.
D. Galdra fram könnu af víni og fylgja því eftir með að ganga á vatni.
Þar sem við getum ekki „vitað“ hvort Guð sé til - það byggist allt á „trú“- þá er best að vera trúaður þar sem þú hefur engu að tapa en allt að missa ef vantrú þín reynist röng. Með það í huga að örlög sálar þinnar ráðast af réttu vali, á hvaða Guð ættir þú að trúa á? Það gefur aukastig ef þú skrifar stutta ritgerð þar sem þú færir rök fyrir vali þínu ásamt ástæðum fyrir því að hafna hinum þremur.
A. Seifur
B. Quetzalcoatl
C. Vishnu
D. Heilög Þrenning
(Ath. : valmöguleiki D gerir ráð fyrir því að þú sért fæddur í kringum árið 400 e.o.t. eða síðar, eftir að Þrenningin var fundin upp)
Þú ert Skapari alheimsins. Þitt útvalda fólk er þjóðflokkur hirðingja sem þessa stundina er haldið föngnum á einni af mörgum milljón pláneta þinna. Stjórnandi þeirra er býsna þrjóskur. Með það í huga að máttur þinn er ekki bara takmarkalaus heldur líka kærleikur þinn, hvað væri best að gera.
A. Láta stjórnandann drepast úr hjartaáfalli.
B. Láta stjórnandann falla fram af klettum.
C. Birtast stjórnandanum í draumi og sannfæra hann um að sleppa fólki þínu.
D. Slátra óheyrilegum fjölda saklausra smábarna sem tengdust á engan hátt stefnu stjórnandans.
Þú ert könnuður í Stjörnuflotanum sem vinnur að skrásetningu tveggja pláneta sem fundust nýlega. Meirihluti íbúa beggja plánetanna trúir á guðlegar verur en þær eru af ólíkum toga. Guðleg vera „X“ er ekki einungis sögð vera almáttug, algóð og alvitur heldur einnig hönnuður undurflókins skipulagðs heims. Guðleg vera „Y”“ er sögð vera áhugalaus, fjarlæg og skiptir sér ekki af málefnum plánetunnar, sumir segja jafnvel að hún sé ill. Hvor veran drottnar yfir hvorri plánetu?
Pláneta A. Svo virðist sem háþróað fagurt jafnvægi hafi náðst þar sem engir vírusar eða sjúkdómar eru til og einungis fá þekkt tilvik náttúruhamfara, sem einungis bitna á syndugu og vondu fólki, þegar þær verða. Íbúarnir, bæði plöntur og dýr, hafa lært að viðhalda tilvist sinni með því að ljóstillífa og þurfa því ekki að drepa og éta hvort annað til að lifa af. „Fæðingargallar“ þekkjast ekki, allir íbúarnir koma í heiminn fullkomnlega skapaðir og vel útbúnir til að lifa langa og hamingjusama ævi.
Guðleg vera X __
Guðleg vera Y __
Pláneta B. Þó að hægt sé að finna mörg dæmi um fegurð og skipulag þá er hún einnig stöðugt þjökuð af fellibyljum, jarðskjálftum, flóðbylgjum, eldgosum, flóðum, eldingum, vírusum, afmyndandi sjúkdómum, sníkjudýrum, blóðsugum, flugum, plágum sem eyða uppskerum og mörgum öðrum fyrirbærum sem herja bæði á þá saklausu og þá illu. Allar lífverur á plánetunni geta einungis viðhaldið tilvist sinni með því að drepa og éta aðrar lífverur. Sumir íbúar hennar fæðast með fötlun sem kallast „fæðingargalli“ sem styttir líf þeirra verulega eða bætir við það þjáningum.
Guðleg vera X__
Guðleg vera Y__
Hvað hafa mörg börn, sem fæðst hafa án handleggja eða fóta, fengið bót meina sinna fyrir kraftaverk með því að sækja heim helgidóminn í Lourdes, Frakklandi?
A. Svo mörg að ekki er hægt að hafa tölu á því.
B. Meira en 1.000.
C. Nokkrir tugir.
D. Engin, en einungis vegna þess að trú þeirra var ekki nógu sterk.
Eins og allir vita þá er einungis til ein sönn trú. Hvaða trúarbrögð eru hin einu sönnu í sérhverjum af eftirfarandi kringumstæðum?
A. Þú fæðist í Karnak árið 3000 f.o.t.
B. Þú fæðist í Bombay árið 300 f.o.t.
C. Þú fæðist í Baghdad árið 900 e.o.t.
D. Þú fæðist í Mexíkóborg árið 1956 e.o.t.
Þrátt fyrir að hafa aldrei spilað golf áður þá hefur þú rétt í þessu slegið fallegt 200-yarda teighögg og kúlan hefur lent á grasstrái nálægt holunni á þriðju holu. Á flötinni má finna tíu milljón grasstrá. Líkurnar á því að kúlan lendi á þessu grasstrái eru 10.000.000 á móti 1, of litlar líkur til að þetta hafi getað gerst fyrir tilviljun eina og sér. Hver er skýringin?
A. Vindurinn stýrði henni.
B. Vöðvar þínir stýrðu henni.
C. Það er engin þörf á sérstakri útskýringu.
D. Þú hannaðir skotið í þeim tilgangi að kúlan lenti á þessu ákveðna strái.
Hvert af eftirtöldu er líklegast til að vera satt og afhverju?
A. Rómúlus var sonur Guðs, fæddur af jómfrú.
B. Díónýsus breytti vatni í vín.
C. Apolloníus frá Tyana reisti stúlku upp frá dauðum.
D. Jesús Kristur var fæddur af jómfrú, breytti vatni í vín og reisti stúlku frá dauðum.
Ef við samþykkjum það að pyntingar séu heimilar við sérstakar aðstæður, hvað af eftirtöldu væri þín besta réttlæting?
A. Fangi þinn er sá eini sem veit á hvaða degi og hvenær ætlunin er að drepa páfann.
B. Fangi þinn er sá eini sem veit hvar kjarnorkusprengju hefur verið komið fyrir í Washington.
C. Fangi þinn er sá eini sem veit hvar hylki með taugagasi hefur verið komið fyrir í vatnsveitukerfi Lundúna.
D. Fangi þinn hefur lýst því yfir að jörðin snýst um sólina.
Við vitum að kristni er sönn vegna þess að höfundar guðspjallanna, innblásnir af óskeikulum Guði, skrifuðu um upphafsatburðina. Til dæmis að morgni hins fyrsta páskadags hver eftirfarinna heilsaði þeim sem heimsóttu gröfina:
A. Ungur maður (Markús 16:5)
B. Nei nei, það var ekki maður heldur engill (Matteus 28:2-5)
C. Þið hafið báðir rangt fyrir ykkur, það voru tveir menn (Lúkas 24:4)
D. Fjárinn, það var enginn þarna (Jóhannes 20:1-2)
Samkæmt hinni óskeikulu ritningu þá lá Frelsarinn einn á bæn í garðinum meðan þeir þrír lærisveinar sem fylgdu honum voru sofandi. Hvernig vissi höfundur guðspjallsins hvernig bænin hljóðaði?
A. Jesús skrifaði hana niður og stakk henni undir stein.
B. Hún var tekin upp á frumstætt upptökutæki.
C. Höfundur guðspjallsins var skyggn.
D. Lærisveinarnir þrír voru síðar dáleiddir og beðnir um að rifja upp bænina.
Samkvæmt að minnsta kosti einum dýrling og kirkjuföður þá er ein þeirra ánægja sem hlotnast þeim frelsuðu eftir dauðann sú að fylgjast með örvæntingu þeirra fordæmdu. Hvenær dagsins er best á himnum fyrir móður til að fara og fylgjast með örvæntingu einkasonar síns?
A. Snemma morguns áður en það verður of mikið af fólki.
B. Um miðjan dag þegar hún getur borið saman bækur sínar með öðrum mæðrum og deilt fögnuðinum.
C. Síðla kvölds þegar hún getur notið eldsloganna betur í dimmunni.
Samkæmt kristinni hefð þá er alltaf hægt að leita ráða hjá Biblíunni. Í þessu dæmi þá kom ungur sonur þinn heim af balli drukkinn. Ráðin sem Biblían gefur er:
A. Setjist saman og ræðið málin opinskátt.
B. Skráðu hann í AA.
C. Bannaðu honum að keyra bílinn í einn mánuð.
D. Mölvaðu höfuð hans með grjóti.
Í þessu dæmi þá hefur tengdasonur þinn, nýkominn úr brúðkaupsferðinni, nýlega sagt þér að hann gruni dóttir þína um að hafa ekki verið hrein mey á brúðkaupsnótt þeirra. Þar sem þú vilt fylgja heilögum reglum guðs eins og þau eru skráð í Biblíunni þá ættir þú að:
A. Spyrja hvort að hann hafi verið hreinn sveinn áður en gripið er til aðgerða.
B. Ráðleggja honum að fyrirgefa henni.
C. Ræða við dóttir þína.
D. Finna grjótið.
Þú ert að snæða hádegisverð á skyndibitastað sem er fullur af fólki, meirihlutinn börn, þegar að maður með byssu kemur skyndilega og öskrar „ekki spyrja að neinu eða prófa mig“ og dritar svo byssukúlum um allt. Tíu manns deyja samstundis, fleiri eru alvarlega særðir en einhvern veginn slappst þú óskaddaður. Eftir að hafa klárað skotfærin þá hnígur skotmaðurinn niður. Hvað ættir þú að gera?
A. Hringdu á lögregluna og bíddu þangað til þeir koma á staðinn.
B. Hringdu á lögregluna og farðu burt af staðnum.
C. Hættu lífi þínu með því að spyrja skotmanninn hvers vegna hann hafi gert þetta, jafnvel þótt að hann hafi sagt þér að gera það ekki.
D. Krjúptu á kné og færðu skotmanninum þakkir og lof fyrir að þyrma lífi þínu.
Hvers vegna sýndi Guð Móse á sér afturendann eins og sagt er frá í heilagri ritningu, 2.Mós.33.23?
A. Hann skapaði allt sem til er og þetta var einfaldlega fyrsta múnið.
B. Hann varð verulega fúll þegar að Móses henti töflunum.
C. Hann var særður vegna þess að hann hafði nýlega uppgötvað að almáttugir kraftar hans voru gagnslausir gagnvart járnvögnum (Dóm.1.19).
D. Móses var of alvarlegur og þurfti að slaka aðeins á.
Jesús var Guð og Guð veit allt, þar með talið allt það í læknisfræði sem nokkurn tímann verður þekkt. Hvers vegna kenndi Jesús illum öndum um flogaveiki í þeim tilfellum sem hann læknaði þau?
A. Hann var haldinn tímabundnu minnisleysi.
B. Aramíska orðið fyrir „illur andi“ er sama orðið og notað er yfir „heilabilun“.
C. Hann var ekki sérhæfður í taugalífeðlisfræði.
D. Í Palestínu á fyrstu öld þá voru það í raun illir andar sem ollu flogaveiki. Það var ekki fyrr en löngu síðar að orsakir þessa sjúdóms urðu vegna röskunar á rafefnafræðilegri heilavirkni eða í kringum 1850 e.o.t.
Í morgunblaði dagsins má lesa um faðir í úthverfi einu sem varð afar reiður vegna þess hversu börn hans voru óhlýðin svo að hann fór með þau bæði í sundlaugina í bakgarðinum og drekkti þeim, ásamt hvolpnum þeirra, kettlingnum og hamstrinum. Hvað ætti að gera við föðurinn?
A. Það ætti að sækja hann til saka og krefjast þyngstu refsingar.
B. Það ætti að gera hann útlægan úr bænum.
C. Það ætti að taka hann af lífi án dóms og laga til að spara fé skattgreiðanda.
D. Fólkið í bænum ætti að safnast saman til að syngja sálma honum til dýrðar.
Í morgun byrjaði ég daginn á því að móðga móður mína opinberlega, síðan rotaði ég föður minn, bróðir og systur. Síðan safnaði ég saman öllum fötunum mínum, seldi þau og keypti fyrir ágóðann notaða hríðskotabyssu og 50 skothleðslur. Eftir það fór ég á dýrahæli og gaf öllum hundunum sprautu sem gerði þá brjálaða og þeir hlupu ofan í nálægan skurð þar sem þeir drukknuðu allir. Þegar hér var komið sögu var ég orðinn svangur svo að ég fór yfir í eplagarð nágranna míns og brenndi hann til ösku, vegna þess að mig langaði í appelsínu og þær voru ekki þar. Á leið minni heim stoppaði ég hjá nálægri álbræðslu til að ræða um lífsspeki mína við nokkra af strákunum. Þeir hlógu að mér og sögðu mér að halda kjafti svo ég fleygði þeim öllum í bræðslukerin. Um kvöldið sá ég son minn skoða Bleikt og Blátt tímaritið. Vegna þess að ég hafði áhyggjur af framtíð drengsins þá hjó ég af honum hægri hendina. Hvaða persónu úr sögunni á það sem ég gerði mest sameiginlegt með?
A. Genghis Khan.
B. Charles Manson.
C. Adolph Hitler.
D. Jesús Kristur.
Í gegnum aldirnar, hverjir hafa átt mesta heiðurinn af uppgötvunum í læknavísindum sem hafa létt ómældar þjáningar og sársauka og lengt líf þess sem er heilagast af sköpuninni, mannsins?
A. Læknar.
B. Líffræðingar.
C. Efnafræðingar.
D. Kaþólska kirkjan.
Mikil sorg hefur komið yfir þig sem þú óttast að geta ekki umborið. Vinur þinn segir þér frá ókeypis ráðgjafaþjónustu sem hefur ætíð sinnt því hlutverki að hjálpa og hughreysta marga aðra. Þú hringir í ráðgjafann, síminn hringir og hringir án þess að honum sé svarað, þú leggur að lokum tólið á. Hver er líklegasta skýringin?
A. Ráðgjafinn situr við símann en svarar ekki til þess að reyna trú þína á hann.
B. Ráðgjafinn er alltaf tilbúinn til að hlýða á hjálparbænir þínar en stundum er svarið „nei“.
C. Ráðgjafinn vill ekki svara vegna þess að hann vill að þú öðlist aukinn sálarstyrk sem einungis fæst í gegnum þjáningar.
D. Ráðgjafinn er ekki heima.
Upprunalega prófið má sjá hér.
Athugasemd við 8. spurningu. Á plánetu A ljóstillífa plöntur og dýr. Ef dýr ljóstillifa eru þau þá dýr? Eru þau ekki plöntur? Ég held það séu engin dýr á plánetu A.
Athugasemd við 8. spurningu. Á plánetu A ljóstillífa plöntur og dýr. Ef dýr ljóstillifa eru þau þá dýr? Eru þau ekki plöntur? Ég held það séu engin dýr á plánetu A.
Það að nota ljóstillífun sem skilgreiningu á plöntu er beinlýnis rangt. Örverur og þörungar geta einnig ljóstillífað og því eru plöntur ekki einar um það.
Það er ekkert í sjálfu sér sem útilokar dýr frá því að ljóstillífa. Til dæmis mætti hugsa sér að dýr noti ljóstillífandi örverur í húð til að verða sér út um orku.
Þú skilgreinir plöntur sem sagt sem flokkunarfræðilega einingu? Ég held að ef þú kæmir á nýja plánetu þar sem lífið er algjörlega óskilt lífinu á jörðinni verðiru að kalla alla ljóstillifandi fjölfrumunga sem hreyfa sig ekki, plöntur. Ef þú ætlar að kalla þá eitthvað. Brúnþörungar eru fjölfrumungar sem ljóstillifa og hreyfa sig ekki. Samt eru þeir ekki plöntur. Ekki fléttur heldur. Samkvæmt núverandi flokkunarkerfi.
Ég held bara að dýrið hætti að vera dýr þegar það byrjar að ljóstillifa og við getum ekki sagt að það sé dýr án þess að þekkja þróunarsögu þess. Svo er auðvitað engin þróunarsaga því allar lífverur voru skapaðar í núverandi mynd af almáttugum guði ;) Mér finnst þetta bara órökrétt
Ég skil ekki alveg hvað þú ert að fara með þessari röksemdarfærslu þinni. Átt þú við að það eina sem skilgreini plöntu sé að hún ljóstillífi og hreyfi sig ekki? Að skortur á ljóstillífun sé ein af skilgreiningum á dýri?
Skilgreiningin á plöntu hlýtur að innifela margt annað, sama hvort þú lítur á hana sem flokkunarfræðilega einingu eða á einhvern annan hátt. Það eru meira að segja til plöntur sem ljóstillífa ekki.
Ef lífið á reikistjörnu A er algerlega óskilt lífi á jörðinni er engin þörf á því að hanga í skilgreiningum eins og "planta" og "dýr" og raunar réttara að sleppa þeim. Hins vegar held ég að dæmið miði við það að lífið á plánetu A sé í það minnsta hliðstætt við líf á jörðinni og að þar séu plöntur og dýr ásamt öðrum lífverum hliðstæðum þeim sem búa á jörðu.
Þá verð ég að endurtaka það sem ég sagði fyrst að ljóstillífun meðal dýra er ekki útilokuð per se. Ég hygg að þú munir ekki finna neins staðar í fræðibókum setninguna "ljóstillífar ekki" sem eina af skilgreiningum á dýri.
Með öðrum orðum; ljóstillífun er hvorki eina, né besta leiðin til að skilgreina eða flokka lífverur.
Auk þess er þessar hugleiðingar komnar nokk langt út fyrir efni greinarinnar.
Mér finnst dæmið vera í mótsögn við sjálft sig.
Ef það eru dýr á plánetunni hlýtur að vera þróunarsaga sem útilokar tilvist guðs (finnst mér. Afhverju skapaði hann þetta ekki bara svona til að byrja með?).
Ef öll dýr ljóstillifa og enginn étur neinn finnst mér vera búið að útiloka þróun. Það borgar sig yfirleitt alltaf að svindla og éta bara hina. Þannig að það er búið að útiloka þróun og guð sem þó var forsenda í dæminu. Hvað mótar þá lífið á þessari plánetu?
Aðallega þetta sem ég vildi koma á framfæri
Mín skilgreining á dýri: Ég held að það sé í að minnsta kosti gömul (ef til vill úreltum) skilgreiningum á dýri að þau séu ófrumbjarga (þar af leiðandi ekki ljóstillifandi). Held skortur á ljóstillifun sé líka upprunalegt einkenni allra dýra á jörðinni.
Er sammála þér að við getum ekki skilgreint hvað sé dýr og planta á öðrum plánetum en ef við reyndum það væri ljóstillifun eitt lykileinkennið sem að minnsta kosti ég myndi nota.
Þetta er kannski ekkert voðalega skýrt hjá mér og komið langt út fyrir efni greinarinnar sem á líklega ekki að taka alvarlega í þessu samhengi. Ég er líka ef til vill að gefa mér einhverjar forsendur og skilgreiningar á hlutum í þessu dæmi sem öðrum finnst ekki eiga við. Held að við komum okkur saman um skilgreiningar á þessum vettvangi en miðað við þær sem ég gef mér gengur þetta ekki upp.
Mig langar fyrst að benda mönnum á að þessi grein er í efnisflokknum "Grín".
Pláneta A í spurningu 8 er einmitt dæmi um hvernig heimurinn gæti litið út væri hann afurð algóðs og alviturs skapara.
Dvergurinn hefur á réttu að standa (enda vel menntaður), skortur á ljóstillífun er ekki flokkunareinkenni. Til eru plöntur sem gera það ekki en eru þó enn plöntur.
Ljóstillifun og skortur á henni er víst flokkunareinkenni. Ljóstillifun er upprunalegt einkenni allra planta. Hefur tapast samt í nokkrum línum. Á sama hátt erum við seildýr (Chordata) og hvalir ferfætlingar (Tetrapoda). Þið eigið nú að hafa menntun til að gera greinarmun á upprunalegum og afleiddum einkennum eftir nám við sömu skor og ég stunda nám í.
Ég held nefnilega að algóður og alvitur guð mundi ekki skapa nein dýr. Hann mundi bara skapa plöntur með vitsmunalíf á því stigi að þær væru færar um að tilbiðja hann. Mér finnst hann ekki vera alvitur ef hann er að eyða púðri í að skapa einhver dýr og láta þau svo taka upp lífsstíl plantna.
Það er nú ekki nóg að ljóstillífa til að vera frumbjarga. Einhvern veginn þurfa lífverur t.d. að fullnægja niturþörf sinni og ljóstillífandi dýr myndu sjálfsagt gera það með að éta önnur dýr (prótein).
Þótt dýr (eða lífverur almennt) séu ekki frumbjarga þurfa þær ekki endilega að brjóta á rétti annarra lífvera. Þau geta t.d. lifað í samhjálp (mutualism) við ljóstillífandi og niturbindandi örverur. Almáttugur og algóður guð ætti að geta hrist svoleiðis fram úr erminni.
Ég legg annars til að þessi umræða verði færð á spjallið ef þið viljið halda áfram með hana. Ég kann víst ekki að gera það sjálfur, ef ég er þá með aðgang til þess
Mig langaði bara að benda pent á það, burtséð frá ljóstillífun og skilgreiningum á dýrum og plöntum, að Allah sagði engum að fljúga flugvélum á byggingar... Vildi bara koma því inn :)
Mig langaði bara að benda pent á það, burtséð frá ljóstillífun og skilgreiningum á dýrum og plöntum, að Allah sagði engum að fljúga flugvélum á byggingar... Vildi bara koma því inn :)
Allah er ekki til svo hann sagði engum neitt. Þú hefur væntanlega meint að Múhamed hafi ekki sagt neinum að fljúga flugvélum á hús.
"Allah sagði engum að fljúga flugvélum á byggingar... Vildi bara koma því inn :)"
Sagði það óbeint. Hefði átt að vera orðað...
"Allah(Múhamed), sem vill að þú drepir þá sem neita að trúa á hann."
Rétt með mál farið hér? Langt síðan ég pældi í Múslimatrú.
Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.
Svanur Sigurbjörnsson - 02/01/08 15:39 #
Góðar hugleiðingar um siðferðishugsun trúarbragða í þessu prófi. Flott að þýða þetta.