Hin aðþrengda ríkiskirkja er byrjuð að eyða fjármunum í hinn árlega fermingaráróður. Sett hefur verið upp vefsíðan ferming.is og bæklingar sendir á öll heimili þar sem eru börn á fermingaraldri. Engu virðist til sparað þó kirkjan þurfi samt að spara. Hafið ekki áhyggjur varðandi lífskoðanir barnana ykkar því að fermingafræðsla evangelísku lúthersku ríkiskirkjunnar er víst fyrir alla samkvæmt auglýsingunum. Óháð trú!
Fermingarfræðslan í kirkjunni er ekki bara fyrir þau sem trúa heldur líka þau sem efast eða eru forvitin. Þar gefst tækifæri til að fást við mikilvægar spurningar með öðrum. Um það fjallar fermingarfræðslan nefnilega, að kynnast sér og Guði betur. Og upplifa í leiðinni sitthvað skemmtilegt með góðum vinum
Fermingin er semsagt ekki lengur staðfesting á skírnarsáttmálanum eins og oft er sagt, hún er orðin trúboðstæki fyrir ríkiskirkjuna. Allt efni á þessari nýju, fínu og sjálfsagt ekki ódýru vefsíðu kirkjunnar er eins og beint upp úr markaðsherferð stórfyrirtækis. Og slagorðið segir sína sögu:
Við fermumst í kirkjunni
Spurningin blasir við: Er þetta heiðarlegt hjá kirkjunni? Hvert er markmiðið? Er markmiðið að börn staðfesti trú sína eða er það kannski bara það að tryggja að börn séu skráð í ríkiskirkjuna áður en þau verða sextán og skili þar með tekjum í ríkiskirkjukassann?
Þetta slagorð, og auglýsingastofubragurinn á vefsíðunni, segir okkur bara eitt. Ríkiskirkjan er hrædd. Hún er hrædd við hversu mikið meðlimum hennar hefur fækkað. Hún er hrædd við það hversu margir velja aðra valkosti þegar kemur að athöfnum eins og fermingum, brúðkaupum og jarðaförum í dag. Og síðast en ekki síst er hún hrædd við minnkandi ítök kirkjunnar í þjóðfélaginu. Þess vegna eyðir kirkjan nú fjármunum sínum í vafasama auglýsingaherferð sem beinist að börnum.
Sýnið viðbrögð, en vinsamlegast sleppið öllum ærumeiðingum. Einnig krefjumst við þess að fólk noti gild tölvupóstföng, líka þegar notast er við dulnefni. Ef það sem þið ætlið að segja tengist ekki þessari grein beint þá bendum við á spjallborðið. Þeir sem ekki fylgja þessum reglum eiga á hættu að athugasemdir þeirra verði færðar á spjallborðið.
Hægt er að nota HTML kóða í ummælum. Tög sem virka eru: a href, b, i, u, br, p, strong, em, ul, li og blockquote. Einnig er hægt að notast við Markdown rithátt í athugasemdum. Notið skoða takkann til að fara yfir athugasemdina áður en þið sendið hana inn.