Væntanlega eru flestir búnir að fá nóg af Láru Ólafsdóttur, sjáandanum sem spáði stórum skjálfta sem ekki kom. Fjörtíu og átta tímar liðu og ekkert gerðist þannig að okkur er eflaust óhætt að fullyrða að spáin hafi ekki ræst.
Það vakti dálítið umtal þegar í ljós kom að sjáandinn hefur hugsanlega aðra hagsmuni en bara þá að vara fólk við, Lára og eiginmaður hennar reka fyrirtæki sem selur jarðskjálftahús.
Frosti Logason og Þorkell Máni Pétursson sem stjórna þættinum Harmageddon á X977 hringdu Í Láru í fyrradag og ræddu við hana um málið. Það er óhætt að segja að Lára hafi farið á kostum í viðtalinu.
Það er rétt sem Lára segir, hún er ekki jafn slæm og fólk sem drepur börn. Það breytir því ekki að það er afar ómerkilegt að hræða fólk eins og Lára gerði. Vonandi er þetta mál ákveðin lexía fyrir þá sem trúðu spádómunum. Staðreyndin er að sjáendur, miðlar og aðrir af því sauðahúsi sjá ekkert annað/betur en við hin.
Þeir hefðu nú alveg mátt leyfa henni að tala. Það er alger óþarfi að grípa svona fram í fyrir fólki eins og þessir guttar gera ítrekað. Mér finnst þeir nú bara vera dónalegir og koma illa út úr þessu.
Þessi Lára virðist ekki alveg ganga á öllum, en það er kannski frekar Vikan sem þyrfti að sæta hér ábyrgð, að hleypa henni í forsíðuviðtal með svona bull.
En fólkið sem trúir þessari konu gengur svosem ekki heldur á öllum ef út í það er farið og ég sé nú svosem enga ástæðu til að vorkenna kjánum sem gista í tjöldum af því að sjáandi sagði eitthvað í Vikunni. Einhvernvegin grunar mig að samúð þessara drengja til handa slíku fólki sé nú ekki eins mikil og þeir vilja vera að láta.
En fólkið sem trúir þessari konu gengur svosem ekki heldur á öllum ef út í það er farið og ég sé nú svosem enga ástæðu til að vorkenna kjánum sem gista í tjöldum af því að sjáandi sagði eitthvað í Vikunni.
Ég þekki fólk sem býr á Selfoss sem er bara alveg skíthrætt við tilhugsuninna um jarðskjálfta. Hvort sem það trúir miðlum eða ekki þá ullu fréttirnar af þessu þeim óþarfa kvíða. Börn td. heyra bara í fréttunum að það sé vona á jarðskjálfta en skilja ekkert þetta miðla rugl.
Þrælfyndið viðtal. Kerlingin er svo augljóslega að ljúga og ósmekklegheitin í henni eru með ólíkindum að reyna að réttlæta eigin hegðun með vísun í afhöfðun þriggja ára barns! Hún er augljóslega að leita að auglýsingu fyrir fyrirtæki þeirra hjóna, annars myndi hún ekki gulltryggja það að nafn hennar tengist fyrirtækinu hvar sem maður leitar. Þetta er ljótt og óheiðarlegt.
mér sýndist þeir koma verr út úr þessu en þessi kona svei mér þá.
þótt ég trúi ekki á svona hókus pókus dæmi.
þegar fólk er tekið í viðtal í sjónvarpi eða útvarpi að þá er nú lágmarkið að leyfa því að tala.
þessir guttar hafa ekkert að gera í svona vinnu.
Ingi, gefðu upp löglegt póstfang næst.
Mér finnst Lára koma verst út úr viðtalinu þegar hún fær að tala.
The insurance company how came to see this house that fall down,agree about that,this house and other that will be build later,are the best earthquake houses ever build..They say that the fall of this house was so powerfull same at 12 on richter scale..'' AMAZING''emoticon
Is not rong saying thing that not trú?
....aumingja konan, thetta er svo misheppnad hjå henni ad madur vorkennir henni næstum thvi.
Mer fannst their ekkert koma illa ut, their voru bara ad passa thad ad hun færi ekki ad tala um hluti sem komu målinu ekkert vid.
...eins og thessi kona frå USA sem sagadi hausinn af barninu sinu! Eg er sammåla Låru ad hun er betri manneskja en su kona :)
Ef það yrði sæmilega stór jarðskjálfti einhvers staðar á suður eða suðvestur landi eftir t.d. sirka 6 mánuði, myndi fullt af fólki segja að Lára miðill hafi séð skjálftann fyrir, en bara skeikað "óvart" um 6 mánuði og ruglast aðeins varðandi upptökin. Rolling Eyes
Mér finnst að þessir guttar eiga ekki að vera með útvarpsþátt. En ef þeir eru með hann þá eiga þeir líka að hlusta á hina hliðina. Þessir strákar eiga frekar að eyða tímanum sínum í eitthvað annað en að vera dónalegir!
Benni... hverjir eru þínir hagsmunir í þessu máli eiginlega? Strákarnir eru klárlega ekki dónalegir heldur stoppa hana bara af þegar hún reynir ítrekað að breyta um umræðuefni. Og Benni, hver er "hin hliðin" eiginlega? Getur verið að þú þurfir kannski að endurskoða í hvað þú eyðir þínum tíma?
Ég er algjörlega á móti öllu því rugli sem að miðlar láta út úr sér, en samt sem áður finnst mér langsótt að hún sé að reyna að auglýsa þetta fyrirtæki sitt með þessu bulli sínu.. Fólk rýkur nú ekki til og kaupir sér hús þegar það heyrir af því að það gæti verið von á jarðskjálfta.. Og kannski ekki alveg það sem er efst í huga fólks við venjuleg fasteignaviðskipti myndi ég halda..
Annars er ég sammála því að þessi kona ætti að skammast sín að vera að ljúga svona rugli að fólki og vekja upp óþarfa hræðslu..
Fólk sem heldur svona vitleysu fram þarf að heyra gagnrýnisraddir efasemdamanna, þess vegna var þetta viðtal vel til komið. Það er mikið ábyrgðarleysi að vaða með hamfaraspár í fjölmiðla á vægast sagt vafasömum vísbendingum (t.d. hugboð eða sýnir að handan) til viðbótar við það að reyna að græða á því.
Viðtalið sem slíkt hefði verið ágætt ef þeir sem tóku þetta viðtal hefðu verið starfi sínu vaxnir. Þeir kunna jú að lesa blogg, en þeir virðast ekki kunna mannasiði.
Ef það þykir orðið töff að vera með yfirgang og frekju, þá er illa fyrir okkur komið. Það skiptir engu máli hvort konan hafi "átt það skilið" að mati einhverra minnipokamanna.
Þessi Lára er nokkuð greinilega ekki alveg heil. Að ráðast á slíka í beinni er lágkúra. Að nýta sér veikleika hennar til að selja blöð er væntanlega glæpsamlegt.
En þeir sem trúðu henni eru svosem heldur ekki alveg með fulle fem og það er í raun skömm að því að slíkir geti haft áhrif á mína tilveru með atkvæði sínu.
12 á richter ... ? það myndi jafnast á orku úr 1 000 000 000 000 000 tonnum af tnt (petaton)
http://en.wikipedia.org/wiki/Richter_magnitude_scale#Richter_magnitudes
mér finnst þessi náungi bara ömurlegur við hana.. hún fær ekki einu sinni að tala, alltaf gripið frammí fyrir henni.
Það má vart á milli sjá hvorir eru vitlausari seiðkerlingin eða þeir sem trúðu henni.
Viðtalið tók hreinlega af allan vafa um að hún er snargalin. Hver tekur svona samlíkingu, ég er ekki vond, konan sm sagaði hausinn af barninu, hún er vond. Við gætum á þessum forsendum lagt niður fangelsiskerfið á íslandi og ruslað öllu liðinu út á götuna, því að allir eru þeir "góðir" í samanburði við konuna sem sagaði hausinn af barninu. Þvílíkt bull. Ég fékk algeran aulahroll að hlusta á kellinguna og held að hún hafi dæmt sig sjálf. Þáttastjórnendurnir gerðu henni stórgreiða í að stoppa hana af því að hún varð vitlausari og vitlausari með hverju orði.
Hér á við: " Stundum er betra að þegja og vera álitinn vitlaus, en að vera sígasprandi of taka af allan vafa."
Ég er algjörlega ósammála því að strákarnir komi illa út úr þessu viðtali; þeir gáfu henni góðan tíma til að svara spurningum þeirra sem hún eyddi í það að tala um einhvern barnamorðingja í Bandaríkjunum sem væri verri en hún, og í að auglýsa þessi jarðskjálftahús. Þegar hún fær virkilega erfiðu spurningarnar, þær sem hún hefur eflaust spurt sig sjálf þegar samviskan bankar upp á, þá kvartar hún bara yfir því að þeir séu bara leiðinlegir, og með vesen, og að það sé óþarfi að vera alltaf að rífast. Komm on.
Lára var ekkert síður grípandi fram í fyrir þáttarstjórnandanum. Þeir stoppuðu hana af þegar hún var að reyna að drepa málinu á dreif og reyna að firra sig ábyrgð á eigin orðum og gjörðum.
Hins vegar finnst mér eins og þeir hefðu átt að vera betur undirbúnir, með ákveðnar spurningar sem þeir krefðust svara við og gera þetta skipulegar.
úffff, að það skuli vera hægt að krítisera þessa stráka fyrir að leyfa konunni ekki að vaða uppi með vitleysuna!
tólf á Richter, ég held það hafi tvisvar í sögunni gerst að komið hafi mældur skjálfti upp á níu.
jáen, jáen, strákar míniiiiir!?!?
Þessi umrædda kona er líklegast bara veik. Það getur vel verið að hún sjái þessar "sýnir" og heyri raddir eða eitthvað en er það þá bara ekki allt í höfðinu á henni? Hún trúir því að hún sé sjáandi og miðill afþví að almenningur leyfir henni það. Fjölmiðlar nýttu sér veikindi konunnar til að selja blöðin sín! Eru þeir þá eitthvað betri en konan sjálf?
Sorrý en þeir koma bara ekkert illa úr þessu...konan á bara að fá að heyra það ekki að fá að tala, nóg er nú þvælan sem kemur úr henni þegar hún fær að tala! Og að hún skuli halda þessu til streitu sýnir hversu sjúklega firrt hún er!
Að sjálfsögðu koma þeir rosalega ílla út úr þessu viðtali, ef má kalla viðtal... þegar annar aðaillinn sér um það að spurja og svara!! Ég hefði haft meira gaman af þessu ef ég hefði heyrt hvað hún hafði til málanna að leggja :)
Svo er finnst mér bara fyndið að fólk haldi að það sé hægt að spá fyrir nákvæmlega hvaða dag og klukkan hvað jarðskjálfti verður! Það getur það enginn, ekki láta slúðurblöð eins og vikuna fara svona ílla með ykkur!
Ætla svosem ekkert að tjá mig um þetta mál, er hvorki með eða á móti. Mér er bara nokkuð skemmt yfir þessu máli. En vildi bara benda Hildigunni á þetta. Googlaðu jarðskjálfta og þá sérðu að þetta er alls ekki rétt staðhæfing hjá þér. Þetta eru stærstu skjálftar sem hafa verið síðan árið 1900. Þar eru strax komnir 5 skjálftar 9,0 á richter og sterkari...
1.Chile May 22, 1960 - 9.5 2.Prince William S., Alaska, March 28, 1964 - 9.2 3.Andreanof Isl, Aleutian Isl,March 9,1957 - 9.1 4.Kamchatka, Nov. 4, 1952 - 9.0 5.Western coast of Sumatra, Dec. 26, 2004 - 9.0 6.Off the coast of Ecuador, Jan. 31, 1906 - 8.8 7.Rat Islands, Aleutian Isl, Feb. 4, 1965 - 8.7 8.Northern Sumatra, March 28, 2005 - 8.7 9.India-China border, Aug. 15, 1950 - 8.6 10.Kamchatka, Feb. 3, 1923 - 8.5
Mér finnst svolítið horft fram hjá því að konan er að selja "jarðskjálftaheld" hús og byggir það eingöngu á því að húsið féll einhverja 115 sentímetra úr krana án þess að skemmast. Út frá þessu fullyrðir hún að húsið þoli jarðskjálfta upp á 12 á Richter. Jarðskálfta af stærðargráðu sem alrei hefur orðið á Íslandi eða jafnvel öllum heiminum. Btw Tanja, Richter-skalinn er veldisskali svo jarðskjálfti upp á 10 er 30 sinnum öflugri en jarðskálfti upp á 9. Jarðskjálfti upp á 12 er þ.a.l. 900 sinnum öflugri en skjálfti upp á 9. Við sjáum hvaða skaða jarðskjálftar upp á 9 valda. Ég þori að fullyrða að ekkert mannvirki á Jörðinni geti staðist skjálfta upp á 12. Hver er ábyrgð konunnar ef einhver flýr í "jarðskjálftahelda" húsið þegar von er á stórum skjálfta eða er staddur þar fyrir tilviljun þegar einn slíkur ríður yfir? Ætti ekki að kæra hana vegna villandi og hættulegra fullyrðinga um það sem hún er að selja. Hver er ábyrgð svona fólks? Getur það alltaf afsakað sig með því að aðrir séu verri og þeir sem geri athugasemdir séu bara leiðinlegir?
Tanja,
eitt mjög mikilvægt varðandi stærð jarðskjálfta er að Richter mælikvarðinn er logarithmískur. Á mannamáli þýðir það að munurinn milli 6 og 7 er mun meiri en munurinn á 3 og 4.
Það að Lára og maðurinn hennar hafi keypt þetta með 12 á Richter án þess að hugsa um það og setja það á vefsíðu þeirra segir mikið um trúgirni þeirra og/eða fáfræði um jarðskjálfta.
Tanja, rétt hjá þér og takk fyrir að gúgla fyrir mig. 9,5 er samt talsvert langt frá 12...
Ég er alls ekki að verja konuna og er ekki að segja að skjálfti uppá 12 á richter eigi nokkurntíman eftir að gerast. Ég var aðeins að leiðrétta það sem Hildigunnur sagði að aðeins 2 sinnum hafi komið stærri skjálfti en 9 á richter í heiminum...ég er ekki að fara að kaupa mér jarðskjálftahelt hús heldur, afþví ég veit að það er vitleysa, það er enginn séns að nokkuð standi af sér svo öflugan skjálfta :o) Ég er nokkuð vel að mér í því hvernig richterskalinn virkar hafandi stúterað jarðfræði nokkuð vel á minni skólagöngu ;o)
Við mannfólkið höfum ótrúlega löngun til að trúa á yfirnáttúrulega hluti. Okkur langar, meðvitað eða ómeðvitað, til að heimurinn sé skipulagðari og skiljanlegri en hann er, að við skiptum meira máli en við gerum. Sjá t.d. http://www.newscientist.com/article/dn17532-why-dowsing-makes-perfect-sense.html
Lára nýtir sér þessa löngun okkar, jafnvel fólk sem aldrei tekur mark á svona vitleysu hugsar með sér innst inni: Hvað ef þetta skyldi nú vera rétt?
Lára veit upp á sig skömmina, það kemur í ljós í byrjun samtalsins þegar hún reynir óspurð að sverja af sér tengsl milli fyrirtækis og spádóma. Hún hefur fundið af reynslunni að langflestir vilja heyra "hennar hlið", að venjulegt fólk er furðu móttækilegt fyrir slíkum boðskap. Hún er vön að geta eytt efasemdatali með enhverjum eldhúsfrösum sem hún endurtekur aftur og aftur. Hún er ekki vön að mæta harðri andstöðu og veit ekki hvernig hún á að takast á við hana.
Frosti og Þorkell meðhöndla hana alveg rétt. Þeir beina henni aftur og aftur að kjarna málsins sem er 1) getur hún spáð fyrir um jarðskjálfta og 2) er hún ekki bara að auglýsa fyrirtæki sitt.
Hún reynir nánast ekkert að verja 1), það er augljóst að hún getur ekki spáð fyrir um jarðskjálfta og inngangurinn hjá henni segir í raun alla söguna: "Auðvitað er ég að bulla og kannski er ég að hræða fólk, en ég er ekki jafn slæm og brjálaða konan sem sagaði hausinn af barninu sínu. Þess vegna megið þið ekki skamma mig."
Hún staðfestir síðan 2) enda eru nánast allar tilraunir hennar til að koma sínum málflutningi að hrein og klár auglýsing fyrir téðu fyrirtæki. Frosti og Þorkell verjast lengi en hleypa henni að lokum að með sínar "útskúringar", þ.e.a.s. auglýsingar, kannski af vorkunnsemi eða kannski af því að þeir heyra að hún grefur sér dýpri gröf með hverju orði.
Þeir hefðu að ósekju mátt spyrja nánar út í mistök hennar sem sjáanda/spákonu miðað við reynsluna. Þeir reyna en hún snýr sér mjög ákveðið undan. Svo hefðu þeir mátt spyrja af hverju myndbandið góða yrði ekki sett á netið, Lára segir að það verði aldrei sett á netið en hún er alveg til í að lýsa því sem sést!
Svindl og lygar heitir þetta á mannamáli og strákarnir eiga hrós skilið fyrir að koma upp um þennan glæpamann.
Það er hallærislegra en allt hallærislegt að mbl hafi bannað mig fyrir að segja kerlinguna geðveika og eða glæpakvendi :)
Alger snilldar geggjun :)
Afsakaðu Matti, félagi í Vantrú :)
þetta er ekki mín tölva.. þannig að ég notaði bara eitthv. þetta er mitt póstfang, pókernafnið mitt ;)
ég mundi aldrei verja þessa konu sem kallar sig miðil.
en hinsvegar get ég svosem skilið fjölmiðla að sýna þessu áhuga, dagskráin á suðurlandi tók viðtal fyrst við hana, síðan Bylgjan og þar á eftir Vikan. Hún hefur spáð áður fyrir jarðskjálftum sem gekk eftir. Bara það er nokkuð spennandi. En auðvitað gekk þetta ekki eftir núna, ekki trúði ég því í 1. sek að það mundi gerast. en hinsvegar ... nokkuð athyglisvert.
en viðtalið í harmageddon fannst mér bara soldið undarlegt.. þeir vildu bara koma sínum skoðunum til hennar á framfæri og skamma hana.. eða þannig fannst mér það vera. þeim var alveg sama hvað hún hafði að segja.. mér finnst það bara óprófessional .. þótt þeir hafi svosem haft rétt fyrir sér... þannig séð :Þ
nóg um það .. adios.
Ég nenni ekki að commenta á færsluna en langaði bara að segja að þið þurfið ekki að reyna svona mikið á ykkur að finna "sannanir" fyrir því hvort eitthvað sé til handan efnisheimsins. Alveg eins og hinir aðilarnir sem halda tilvist Guðs svo stíft fram ættu að sleppa því. Við vitum það hvort eð er ekki fyrir víst hvað býr að baki þessum heimi eins og við þekkjum hann. Þetta er fín síða og góðar greinar en þið búið ekki yfir endanlegum sannleika frekar en trúarbrögðin.
Guðrún Gests góð... sleppum þessu öllu saman hahaha
P.S. Trúarbrögð innihalda zero sannleika, þau eru púra uppspuni.
Guðrún, enginn býr yfir endanlegum sannleika. En það er engu að síður hægt að vera með mis-góða "sannleika" eða nálgun við raunheiminn. Þó vísindin veiti ekki svar við öllu þá er ljóst að trúarbrögðin byggja á alvarlegum (og ótrúlega forneskjulegum) ranghugmyndum um lífið og tilveruna.
Þú segir að við vitum ekki fyrir víst hvað býr að baki þessum heimi. Ég segi á móti: Það býr ekkert að baki þessum heimi. Mín fullyrðing er, samkvæmt því sem best er vitað í dag, miklu líklegri til að vera "sönn". Engin sannreynanleg gögn styðja þína fullyrðingu.
Rök á borð við "Þú veist ekki", "það er ekki hægt að vita", "það er enginn endanlegur sannleikur" eru tilraunir til að verja hið óverjanlega, rökstyðja rökleysur, réttlæta ímyndaðan raunveruleika. Það er eins og að segja "ekkert í framtíðinni er öruggt, það byggir allt á líkindum" og álykta af því að hið ólíklegasta eigi sér einhvern jafngildan sess við hliðina á hinu líklegasta.
Raunveruleikinn er nógu flókinn og spennandi, tilgangur lífsins er að takast á við sjálfa tilveruna. Það er lífsflótti að leggja trúnað við kuklara og "sjáandi" klækjarefi.
Brynjólfur, takk fyrir svarið. Í fyrsta lagi tjáði ég mig ekkert um kuklara, hélt mig alveg frá þeirri umræðu, í öðru lagi reyndi ég ekki að halda neinu fram en þú komst sjálfur með fullyrðinguna um að ekkert byggi að baki þessum heimi. Það er rétt hjá þér að engin gögn styðji mína fullyrðinu þar eð það var engin fullyrðing. Ég er þér hjartanlega sammála um allt sem varðar rökfærslur og líkindi, en þú tókst mín orð mjög mikið úr samhengi.
Hér læt ég eftir grein sem var að birtast á Vísi.
Lára Ólafsdóttir: Verra framundan en skjálftinn í gær
Nokkurs titrings gætti meðal fólks vegna skjálftaspár Láru. Kona í Grindavík yfirgaf heimili sitt á mánudag, en engum sögum fer af hvar hún var þegar skjálftinn reið yfir í gær.
Hafsteinn Gunnar Hauksson skrifar:
„Ertu ekki að grínast í mér?," sagði Lára Ólafsdóttir, sjáandi, þegar blaðamaður sagði henni frá jarðskjálftanum sem varð í gærkvöldi klukkan 23:46 á Krýsuvíkursvæðinu, 3,1 á Richter.
Lára spáði skjálfta síðastliðinn mánudag klukkan 23:15, en honum virðist hafa seinkað um nokkra daga.
„Það hlaut að vera. Sá hlær best sem síðast hlær," segir Lára og hlær glöð í bragði.
„Þessvegna svaf ég svona vel í nótt, ég hef ekki sofið svona vel í marga mánuði."
Lára segist hafa orðið fyrir miklu áreiti síðan hún spáði skjálftanum og ekkert gerðist. Nú hafi hann hinsvegar riðið yfir.
„Ég sagði þetta!" segir Lára
Hún segir gærkvöldið bara byrjunina, og næst komi eldgos.
Hún segir jarðhræringarnar þó ekki það versta sem sé í vændum, heldur sjái hún annan og miklu verri atburð framundan. Honum vill hún ekki segja fréttastofu frá eftir viðbrögð fólks síðast, en segist hins vegar ætla að vara yfirvöld við strax eftir helgi.
„Ég fór í kirkju fyrir nokkrum dögum og bað fyrir allri þjóðinni. Þetta geri ég því mér er ekki sama."
„Ég get sagt þér eitt elskan mín, og hlustaðu nú vel. Ég vil ekkert fá þetta orð á mig, að vera spámiðill eða sjáandi. Ég er bara Lára Ólafsdóttir, með næmni sem ég deili með þjóðinni þar sem mér er ekki sama," segir Lára og biður fólk einfaldlega um að hlusta og vera tilbúið.
Sannleikurinn hefur ekkert nafn, og sannleikurinn er ekki bundin neinni sérstakri hugsun eða neinu hugmyndakerfi. Sannleikurinn er ekki kenning,trúarlærdómur eða heimspeki.
Sannleikurinn er reynsla eða upplifun þess sem ER. Sannleikurinn er ekki vitsmunalegur eða tilfinningalegur; sannleikurinn er Tilverulegur, eða með öðrum orðum verundalegur/erundalegur.
Þú þarft ekki að fara eitt eða neitt. Ef þú þarft að fara eitthvað, að þá er það einungis hið innra, til þinnar eigin undirstöðu tilveru.
Vertu ljós fyrir þig sjálfan. Lifðu í miðjunni.
( Þess vegna sagði Jesús Kristur samkvæmt ritinu sem kallað er Biblían; ÉG ER sannleikurinn,vegurinn og lífið. Hann var ekki að meina að við ættum að tilbiðja og dýrka hann eins og dúkku, eins og flestir sem telja sig vera fylgjendur hans gera. Hann var að reyna koma okkur í skilning um hvað Við erum og vald hvers og eins í sínu lífi, eða sinni upplifun ). Sá heyrir sem eyra hefur .
Þetta var náttúrulega ekki eðlilegt viðtal að hálfu spyrjanda. Þeir voru með smá yfirgang og leiðindi og leyfðu konunni aldrei almennilega að klára setningarnar. Ungir strákar sem vildu eflaust bara fá smá athygli sjálfir.
Hins vegar var það líklega alger vitleysa að taka svona mark á konunni, leyfa henni að fara í fjölmiðla með þetta og blása þetta svona upp. En þá er kannski alveg eins vitlaust að leyfa prestum að troða hugmyndinni um helvíti og djöfla (og guð og jesú) upp á börnin okkar. Einnig væri þetta spurning um tjáningarfrelsi.
Það er hinsvegar ómaklegt að skrfa svona niður til manneskju sem er ekki til staðar til þess að verja sig. Það má ekki gleyma því að kannski trúir Lára virkilega að hún sjái svona lagað fyrir og vill einungis miðla vitneskju sinni.
Tómas Árni:
Sitt sýnist hverjum um þetta viðtal, sjálfur hafði ég mjög gaman að því.
Varðandi tjáningarfrelsi: Rétt, Lára hefur fullan rétt á að tjá sig um þessa vitleysu enda er enginn að mæla fyrir því að sá réttur verði tekinn af henni. Hins vegar felur tjáningarfrelsið líka í sér að við hin höfum fullan rétt til að gera grín að henni þegar hún skítur svona hressilega á sig.
Ef Lára trúir virkilega að hún sé svona sjáandi er hún veruleikafirrt og á því verður hún að átta sig til að geta leitað sér aðstoðar. Ég tel svona gagnrýni mun líklegri til að fá hana til að gera slíkt heldur en jákórinn hennar á blogginu.
Ljótt viðtal.. Manneskjan klárlega ekki alveg heil.. Svo ráðisti á hana. Mér fannst þetta allavega ekki fallegt.
Kæru "Útvarpsmenn" Mér sýnist þið hafa hagsmuni af Láru, er það ekki, þekkið þið hana eitthvað, búið þið svona fréttir til reglulega???
Því minna sem þið segið því betra.
Falsspámaðurinn Lára kom illa upp um sig með viðbrögðum sínum við smáskjálftanum sem hún sjálf svaf í gegnum.
Hún trúði ekki blaðamanni ("ertu ekki að grínast"), svo viss var hún um að hún væri að ljúga. Svo greip hún fegins hendi þeirri nauðvörn að eigna sér jarðskjálfta sem var af vitlausri stærð og á vitlausum tíma og sem hún vissi ekki einusinni að hefði komið.
Nú spáir hún eldgosi. Reykjanesið er annað virkasta gossvæði jarðar (á eftir Grímsvötnum). Á Íslandi öllu gýs að jafnaði á 4 ára fresti, núna er komið langt fram yfir tíma. Þrjár stórar eldstöðvar eru á nippinu að gjósa: Hekla, Katla, Grímsvötn. Þarf sjáanda til að spá eldgosi á Íslandi?
Reykjanesið sjálft hefur verið í goshléi síðustu 800 ár eða svo. Eftir því sem best verður séð er það goshlé að verða búið, það má því reikna með reglulegum eldgosum á Reykjanesinu næstu nokkur hundruð árin. Fyrsta eldgosið gæti komið í dag eða eftir hundrað ár, það veit enginn.
Eldgos á Reykjanesinu geta verið mjög hættuleg eins og Björn Hróarsson jarðfræðingur hefur bent á í ræðu og riti. Hraunrennsli er mikið og hraunið mjög þunnfljótandi, rennur hraðar en hlaupandi maður. Stór hluti byggðar í Hafnarfirði, Garðabæ, Þorlákshöfn og Grindavík er á hrauni frá eldri gosum og reynslan sýnir að hraunin leita í sama farveg.
Fyrri goshrinur virðast hefjast yst á nesinu, næst Grindavík, enda hefur verið mikil virkni þar undanfarin misseri. Fyrirvari á undan hugsanlegu gosi á svæðinu milli Grindavíkur og Bláalónsins væri uþb 10 mínútur. Goshrinan færist síðan austur á um 200 ára tímabili, Kleifarvatnssvæði, Bláfjallasvæði, Hellisheiði, Hengilsvæði, Þingvallavatn, og endar upp við Langjökul.
Þrátt fyrir þessa almennu reglu virðist geta gosið hvar sem er á þessu svæði hvenær sem er. Mannslíf eru að veði og gríðarleg verðmæti í mannvirkjum. Ef Lára þessi er alvöru "sjáandi" þá getur hún gert raunverulegt gagn.
Því miður er hún lygalaupur eins og öll hennar framkoma sýnir, frekar heimskur svikahrappur sem hefur hugsað sér að ná sér í aukatekjur nú í kreppunni með því að svindla peninga af öðru, heimsku fólki.
Skil ekki hvað fólk er að setja út á Harmageddon hérna, lang besti útvarpsþátturinn. Þeir eru einfaldlega snillingar sem tala beint út og lausir við allt kjaftæði. Tala um hlutina eins og þeir eru og alltaf stutt í húmorinn. Þessi Lára er bara nöttari sem því miður trúir því sem hún segir og spáir. Ég er ekkert viss um að þessi jarðskálftaspá hennar hafi e-h með gróða á þessu fyrirtæki að gera. Hún einfaldlega trúir því að hún sé miðill sem er sad.
Hahaha, "hvor er slæm. Hún eða ég?", hversu mikill fáviti getur ein kona verið.
Sýnið viðbrögð, en vinsamlegast sleppið öllum ærumeiðingum. Einnig krefjumst við þess að fólk noti gild tölvupóstföng, líka þegar notast er við dulnefni. Ef það sem þið ætlið að segja tengist ekki þessari grein beint þá bendum við á spjallborðið. Þeir sem ekki fylgja þessum reglum eiga á hættu að athugasemdir þeirra verði færðar á spjallborðið.
Hægt er að nota HTML kóða í ummælum. Tög sem virka eru: a href, b, i, u, br, p, strong, em, ul, li og blockquote. Einnig er hægt að notast við Markdown rithátt í athugasemdum. Notið skoða takkann til að fara yfir athugasemdina áður en þið sendið hana inn.
Hvíthöfði - 30/07/09 09:45 #
[ athugasemd færð á spjallið - Matti Á. ]