Á Útvarp Sögu á hverjum þriðjudegi er hinn afar fróðlegi Vísindaþáttur á dagskrá frá klukkan 17:00 til 18:00. Umsjónarmenn þáttarins eru þeir félagar Björn Berg Gunnarsson og Sævar Helgi Bragason.
Á Stjörnufræðivefnum er hægt að nálgast alla þættina sem eru orðnir fjórtán talsins. Meðal efnistaka má nefna Cern-hraðallinn í Sviss, stofnfrumurannsóknir, stjörnuskoðun, kjarnorkuverkfræði, samanburðarlífeðlisfræði, olíujarðfræði og margt fleira sem gæti vakið áhuga leikna sem lærða.
Í nýjasta þættinum var rætt við þá Matthías Ásgeirsson og Óla Gneista Sóleyjarsson um efahyggju og Vantrú:
Þótt þið hafið verið ansi öflugir piltar, voru Auglýsingarhléin það allra besta við þessa hljóðskrá! Þetta eru frábærar auglýsingar á besta tíma:
"Angelica getur dregið úr kvíða og gefið þér aukna orku Angelica er náttúruvara úr íslenskum lækningajurtum, Angelica fæst í heilsuvöruverslunum, lyfjavöruverslunum og völdum stórmörkuðum, Saga Medica, Heilsujurtir"
"Láttu ekki bara dekra við hárið, heldur líka sálina. Hár og heilun"
"Þú getur pantað mismunandi galdra og spádómsaðferðir. Víkingahringurinn.is"
"Ertu orkulaus? Græna orkuduftið, Turbo-Greens, frá Gillian-McKeiths er frábær næringarbomba sem hjálpar þér í gírinn. Fæst í Apótekum, heilsubúðum og heilsuhillum stórmarkaðanna."
Auglýsingarnar eru allrar athygli verðar. Svo eru heilu þættirnir um kukl á útvarpi Sögu.
Á öðrum rásum útvarpsins eru kristilegar stöðvar og ekki má gleyma Omega í sjónvarpinu.
Samt má iðulega rekast á pirraða lesendur hér á vantrú sem skilja ekkert í frekju okkar og yfirgangi, að vera að koma gagnrýni á þetta rugl og peningaplokk.
En til hamingju með Vísindaþáttinn og Stjörnufræðivefinn, sannkallaðar vinjar í eyðimörkinni.
Ég brosti einmitt af þessum auglýsingum.
Pínulítið fyndið alltsaman.
Kallast þetta ekki bara mótvægi við þessum gegndarlausa efahyggju-áróðri sem átti sér stað í þessum þætti? :)
Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.
Óli Gneisti (meðlimur í Vantrú) - 04/12/08 10:49 #
Í þættinum minntist ég á bókina Játningar Láru miðils. Hún er einmitt eftir Pál Ásgeir Ásgeirsson eins og mig minnti. Mæli með henni.