Áríðandi skilaboð frá Karli Sigurbirnssyni til lesenda Vantrúar
Í Reykjavík auglýsir Tónlistaþróunarmiðstöðin tónlistarhátíð rétt fyrir jól undir heitinu „Andkristni 2007.“ Hátíðin er beinlínis til höfuðs kristinni trú. Tekið er fram í auglýsingunni á vefnum að samtökin Vantrú verði með bás og eyðublöð til að skrá sig úr þjóðkirkjunni. Hátíðinni er ætlað að rífa niður, niðra og níða það sem kristnum mönnum er heilagt og hefja dauðann og djöfulinn á stall. Mér varð illt af því að lesa vefsíðuna með auglýsingunni og meðfylgjandi athugasemdum haturspostulanna. Heilbrigð eða óheilbrigð trú
Biskupnum láðist að taka fram að tónleikarnir fara fram í Tónlistarþróunarmiðstöðinni, Hólmaslóð 2 og hefjast klukkan 18:00 í dag. #
Taka skal fram að Vantrú stendur ekki fyrir þessum tónleikum en fulltrúar okkar verða á svæðinu og munu aðstoða fólk við að leiðrétta trúfélagaskráningu.
Stutt yfirgrip af sögu Íslands frá árinu 2000.
Árið 2000 var haldið Kristinhátið, nokkrir metalhausar tóku sig til og héldu Andkristnihátíð til höfuðs fyrrgreinda Kristnihátið. Svo hefur Andkristnihátíð verið haldin á hverju ári síðan.
Vantrú er og hefur verið með bás þarna, ásamt ýmsum distróum, til að bjóða fólki uppá vörur og þá þjónustu að leiðrétta trúfélagskráningu. Vantrú hefur einnig aðstoðað fólk við trúfélagsskráningu á Gay Pride-göngunni og fleirum uppákomum.
Andkristni er nafnið á þessari litlu metalhátíð því það er svo töff.
Siggi pönk orðaði þetta snyrtilega á sinni bloggsíðu:
Kristin kirkja vill viðhalda sér með tengslum við ríkið og lifa á skattpeningum samfélagsins sem hún þjónustar. Þar er stofnunin að tala. Væri undirritaður kristinn maður sæi hann mikla og jákvæða ögrun í því að trúarbrögðin yrðu að standa á eigin fótum því raunveruleg kristni býr einungis í hjarta og huga hvers kristins manns. En eldri klerkar og margir aðrir sem kalla sig kristna vilja dýrka stofnunina áfram. Sé leitað í orð frelsara kristinna má örugglega lesa um viðleitni jesú til að frelsa fólk frá því að festast í þeim hugsunarhætti.
Við gerum það kannski ekki með því að halda metalfestival og kalla hana Andkristnihátíð en ég tel næsta víst að hver sá sem raunverulega er kristinn og kynnir sér hvað við erum að fara með prakkaraskap okkar sjái í því holla ögrun.
Annars þá er rétt að minna á að við höfum líka farið og hjálpað fólki að leiðrétta trúfélagsskráningu sína 17da júní, Menningarnótt og GayPride.
Trú er ekki heilbrigð. Enda er trú næsta stig við ólækandi andlega vanheilsu.
Gangið til liðs við söfnuð hins ósigrandi köku-skrýmslis. Annars munuð þið brenna í bakaraofni að eilífu. (Eða þangað til þið eruð steikt í gegn)
Hér fyrir ofan er engin svör að finna við spurningu minni: "Af hverju er Vantrú með bás á tónleikum sem bera yfirskriftina "Andkristni 2007"?"
Hér er hinsvegar eitt og annað að finna, sem bendir til þess að einhverjir félagar í Vantrú séu andkristnir - þrátt fyrir fullyrðingar um annað - a.m.k. ef marka má það sem Þórður Ingvarssonar, meðlimur í Vantrú skrifar: "Árið 2000 var haldið Kristinhátið, nokkrir metalhausar tóku sig til og héldu Andkristnihátíð til höfuðs fyrrgreinda Kristnihátið. Svo hefur Andkristnihátíð verið haldin á hverju ári síðan. Vantrú er og hefur verið með bás þarna, ásamt ýmsum distróum, til að bjóða fólki uppá vörur og þá þjónustu að leiðrétta trúfélagskráningu."
Kannski bara töff heiti á þungarokkshátíð en í heitinu felst samt ákveðin yfirlýsing.....eða hvað?
Snorri, er þetta ekki nægilega skýrt?
...Vantrú stendur ekki fyrir þessum tónleikum en fulltrúar okkar verða á svæðinu og munu aðstoða fólk við að leiðrétta trúfélagaskráningu.
Eins og Óli Gneisti benti á, þá hefur Vantrú einnig aðstoðað fólk við að leiðrétta trúfélagaskráningu sína á Gaypride, Þjóðhátíðardaginn og Menningarnótt.
Af hverju er Vantrú á staðnum? Svarið er: Af því bara. Við mætum þangað sem fólkið er.
Ertu eitthvað fúll Matti?
Nei þetta var ekki nægilega skýrt og það eitt að ég skyldi hafa endurtekið spurninguna hefði átt að nægja þér sem svar við þinni spurningu áður en þú settir hana fram.
Af því bara er ekkert svar! Fólk er allsstaðar, en ég efa þó að Vantrú sé allsstaðar, a.m.k. hefur enginn ykkar verið þar sem ég er.
Andkristni er yfirskrift tónleikanna og eins og Þórður Ingvarsson bendir sjálfur á, í sínum skrifum, þá voru tónleikarnir fyrst settir upp árið 2000, "til höfuðs fyrrgreinda kristnihátíð".
Ég hefði kannski átt að spyrja:
"Eruð þið andkristnir, sem standið að Vantrú.is?"
Það, a.m.k. í mínum litla haus, að sækja, sjálfviljugur eitthvað sem ber yfirskriftina "Andkristni" - og vera með fulltrúa sína á svæðinu - bendir til að viðkomandi, sé, í besta falli ekki mótfallinn þeirri yfirskrift á sjálfum sér.
Af hverju ættuð þið, sem standið að Vantrú.is að þurfa að vera að "aðstoða fólk við að leiðrétta trúfélagaskráningu sína." Eruð þið ekki þar með að stunda eigið trúboð?
Er Hagstofan að stunda trúboð þegar hún hjálpar fólki að leiðrétta trúfélagsskráningu sína?
Fer hagstofan á tónleika undir yfirskriftinni "Andkristni 2007" og setur þar upp bás til að "hjálpa fólki að leiðrétta trúfélagaskráningu sína"? Fer hagstofan yfir höfuð nokkuð til að aðstoða nokkurn með nokkuð? Ég held ekki, enda er hagstofan ekkert annað en utanumhaldandi stofnun um þjóðskrá og þær upplýsingar sem þar eru skráðar - ekki satt?
Þeir einstaklingar, sem vilja, einhverra hluta vegna, breyta þeim upplýsingum, sem um þá eru skráðar, hjá hagstofunni, þurfa, annaðhvort að fara þangað sjálfir, nú eða ganga frá þeim upplýsingum með öðrum hætti - lögformlegum. Hagstofan hjálpar engum til að leiðrétta eitt eða neitt, í besta falli leiðbeinir um útfyllingu eyðublaða og skráir svo upp eftir þeim eyðublöðum það sem viðkomandi einstaklingur skráir þar niður.
Hvað er að vera andkristinn? Snýst það um að tilbiðja Satan? Ef svo er þá er ég eða aðrir í Vantrú ekki andkristnir því Satan er jú ekki til.
Ef andkristni er að vera á móti kristinni trú og öðrum trúarbrögðum þá get ég alveg tekið undir það að ég sé andkristinn.
Góð spurning! Hvað er að vera andkristinn og á móti trú yfirhöfuð? Spyr sá sem ekki veit, enda hvorki andkristinn, né trúlaus!
Fellst það, í trúleysi, að gefa jólagjafir, halda jól, baka laufabrauð og gera sér, yfirhöfuð, dagamun um jól?
Ef við gefum okkur að jólin séu kristin hátíð þá er jú verið að minnast fæðingu frelsarans frá Nasareth, ekki satt?
Ef við aftur gefum okkur, hina útgáfuna af jólum, þ.e. þau sem haldin voru í heiðnum sið þá er verið að fagna hækkun sólar þ.e. að dag tekur aftur að lengja, vor og sumar, með sínum alsnægtum nálgast o.s.frv?
Samrýmist það hugsjón trúleysingjans að fagna jólum, hvora útgáfuna sem við skoðum? Það eru jú bara tvær útgáfur af "jólum" ekki satt? Og báðar tengjast trú á einn eða annan hátt...
Ég skal gefa þér þriðju útgáfuna Snorri. Jól eru mínum huga hátíð ljóss og friðar. Hátíð þar sem ég vil gleðjast með minni fjölskyldu og vinum. Tengi ég (og fleiri reyndar) þessa hátíð fjarri því við einhverja trú osfrv. Jólasveinar koma til dæmis kristni eða heiðni ekki mikið við, eða hvað? Langflest jólalaga snúast ekkert um trúmál. Þau snúast um að snjókorn séu að falla eða það eigi að ganga í kringum einhvern runna. Annars gleðilega hátíð allir.
Segir það sig ekki sjálft að þau sem mæta á þessa tónlistahátíð eru mjög líkleg til að skrá sig úr Ríkiskirkjunni, hafa verið þvinguð sem börn í 95% söfnuð biskups. Auðvitað aðstoðar Vantrú alla við að leiðrétta trúfélagaskráningu sína án fordóma. Tja, augljósa fordóma sem kristnir hafa á tónlistarhátíðinni.
Ertu eitthvað fúll Matti?
Hvað í ósköpunum bendir til þess að ég hafi verið fúll?
Af því bara er ekkert svar! Fólk er allsstaðar, en ég efa þó að Vantrú sé allsstaðar, a.m.k. hefur enginn ykkar verið þar sem ég er.
Víst er það svar. Vantrú hefur farið víða til að aðstoða fólk við að leiðrétta trúfélagaskráningu. Ef þú myndir bjóða okkur að mæta á samkomu eru allar líkur á að við myndum koma á staðinn.
Okkur var boðið.
Af hverju ættuð þið, sem standið að Vantrú.is að þurfa að vera að "aðstoða fólk við að leiðrétta trúfélagaskráningu sína." Eruð þið ekki þar með að stunda eigið trúboð?
Tja, fólk getur ekki skráð sig í Vantrú, þannig að eiginlega passar það ekki. Það hefur einnig komið fram að við aðstoðum fólk við að leiðrétta skráningu sína óháð því hvernig það skráir sig. Við höfum aðstoðað fólk við að skrá sig í Fríkirkjur, Ásatrúarfélagið og Kaþólsku kirkjuna svo eitthvað sé talið. Ef einhver vill aðstoð við að skrá sig í Þjóðkirkjuna munum við veita honum hana.
Þetta er hugsjónastarf sem snýst um að trúfélagaskráning sé rétt. Ástæða þess að við viljum að skráningin sé rétt er að núverandi tölur eru notaðar til að réttlæta forréttindi Ríkiskirkjunnar og yfirgang hennar, m.a. trúboð í leik- og grunnskólum.
Það er alveg ljóst að núverandi skráning er kolröng. Fyrir ári voru 82% þjóðarinnar skráð í Ríkiskirkjuna en einungis 52% sögðust aðhyllast kristna trú í könnun sem framkvæmd var árið 2004.
Þannig að spurningin ætti ekki að vera af hverju Vantrú sé að aðstoða fólk við að leiðrétta trúfélagaskráningu. Hún ætti frekar að vera: Hvernig stendur á því að til er fólk sem sér eitthvað athugavert við það starf Vantrúar?
Hvar eru þessi áríðandi skilaboð? Það eina sem að ég sé er eitthvað rugl frá okkar ástkæra biskup.
"Hátíðinni er ætlað að rífa niður, niðra og níða það sem kristnum mönnum er heilagt og hefja dauðann og djöfulinn á stall."
Eee...nei?
Árið 2000 var veittur 360 milljón kr. styrkur til þess að halda kristnihátið í tilefni 1000 ára afmæli kristnitöku á Íslandi. Einhverjum aðilum fannst þetta vera mikil sóun á peningum og ákváðu að mótmæla með sinni eigin hátíð. Valið var nafnið Andkristnihátíð, enda var hátíðin haldin til þess að vera á móti kristni.
Tæknilega séð voru áríðandi skilaboðin ekki frá biskup heldur fyrir neðan hans orð. Þ.e.a.s. tímasetning og staðsetning hátíðarinnar.
Biskup segir ekkert gáfulegt þarna enda væri það nýmæli.
það er jólaleg tilhugsun að sjá Vantrúarmeðlimi fyrir sér á andkristnihátíð 2007 við að hjálpa fólki að skrá sig í þjóðkirkjuna (svona ef svo ólíklega vill til að þannig tilvik komi upp)
það er ekkert djöfullegt við það :)
Snorri: Íslendingar halda Þorrablót, og enginn kippir sér upp við það - hver er munurinn á því og að halda jól? Það er hægt að setja allskonar merkimiða á hverja einustu athöfn, hátíð og samkomu - Kirkjan er hvað mest iðin við að smella sínum merkimiðum á allt, en það gerir engan veginn neitt að 'kirkjunnar hátíð'.
Getur kirkjan ekki reddað sér sjálf. þurfum við skattgreiðendur að borga undir einhverji dellu sem er bara eintómt kjaftæði. Látum kirkjuna reka sig sjálfa og förum að lifa lífi sem er án skotvopna og dauðsfalla.
Ja hérna.
Nei Matti, "Af því bara" er ekkert svar!
Ég hef ekki lagt það í vana minn að halda samkomur nokkursstaðar, nema ef vera kynni einhver fjölskyldumót og, því miður ykkar vegna, mun ég EKKI bjóða ykkur til þeirra samkvæma í nánustu framtíð en þar með er ekki sagt að ég muni ekki halda áfram að tjá mig á vantru.is, svo framarlega að skoðanafrelsi þóknist ykkur!
"Tja, fólk getur ekki skráð sig í Vantrú" Hvað með tengilinn neðarlega til hægri á síðunni hjá ykkur? Áttir þú kannski við það að fólk gæti ekki verið skráð í Vantrú hjá Hagstofunni? Þá hlýt ég að spyrja - í þeirri veiku von að fá eitthvert annað svar en "Af því bara" - skiptir það einhverju máli, yfir höfuð, fyrir nokkurn mann/eða konu, hvað stendur í skrám Hagstofunnar? Væri ekki mun nær, fyrir þá sem flykkjast undir það að telja sig "trúleysingja", að fá upplýsingar um sig afmáðar úr kirkjubókum, líkt og mótmælandi Íslands, Helgi Hóseasson, hefur reynt, árangurslaust, áratugum saman.
Örninn og Agnar Darri. Ég er ekki að kippa mér upp við það að fólk sé að halda upp á jól, þvert á móti. Spurning mín er hinsvegar, eins og fram kom hér að ofan, hvernig skilgreina trúleysingjar sig í jólahaldi, bakstri laufabrauða, útdeilingu jólagjafa o.s.frv. Varðandi Þorrablót þá er eins farið með þau og heiðnu útgáfuna af jólum, þar er verið að "færa fórnir" og "blóta" til handa hinum heiðnu Guðum og enn og aftur spyr ég hvernig það samrýmist skoðunum trúleysingjans að taka þátt í þessum gleðskap. Ég er ekki að banna nokkrum manni þátttöku né amast við henni, eingöngu að spyrja spurninga, sem ég hef ekki enn fengið svör við - önnur en "Af því bara"!!! Í þessu sambandi má skoða trúarskoðanir Votta Jehova en þar er aldrei haldið upp á jól, páska, afmæli eða nokkuð í þeim dúr. Spurning hvort trúleysingjarnir ættu ekki að taka sér Votta Jehova til fyrirmyndar? Þetta er kannski, þegar öllu er á botninn hvolft, spurning um að vera samkvæmur og trúr sjálfum sér í því "trúboði" sem maður tekur sér fyrir hendur -ekki satt?
Toggi kemst skemmtilega að orði þegar hann reynir að útskýra tilurð "hátíðarinnar" Andkristni þegar hann segir "Valið var nafnið Andkristnihátíð, enda var hátíðin haldin til þess að vera á móti kristni." Þessi fullyrðing Togga segir meira en mörg önnur orð og í anda þess spurði ég, strax í upphafi, hvers vegna var Vantrú á staðnum, í ljósi þess, sem fram hefur komið, ítrekað, á þessum vef að Vantrú er ekki á móti Kristni heldur miklu fremur trúboði í leik- og grunnskólum landsins?
skemmtileg spurning Snorri.
allavega finnst mér líka áhugavert hvað þú hefur áhuga á viðhorf þá trúlausu um hátíðarnar...
Fyrir mér er jól ein versti tími á árinu... fólk gerir sér svo miklar grillur og ranghugmyndir hvernig jólin eiga vera hjá sér, að það gleimir alveg að gera upp tíma fyrir sig og þá sem eru nálægt. Þetta er tími sem fólk hugsar sem mest að það þurfi að eiða með fjölskildu og nákomna. Að það görsamlega gleimir náanganum... það er einginn furða að þetta sé sá tími sem mest er um sjálfsmorð.
Jólin hjá mér voru ósköp róleg. móðir mín vildi hafa mig hjá sér, sem ég félst á og öllum pakkanum. þó að ég hafi engan áhuga á öllum þessum siðum, gerði ég minn part í virðingu við aðra og naut þess að bara eiða tíma með fólkinu. daginn eftir var ætlunin að vera í einhverju jólaboði í fjölskilduni. svo ég geri langa sögu stutta. Þá þurfti félagi minn sem er nýlega búinn að missa móður sína eða eiða aðfangadegi einn, sem fór sárt í brjóstið á honum. svo ég afþakkaði boði hjá fjölskylduni og við elduðum saman félagarnir fína máltíð það kvöldið.
fyrir mér er trúað yfir hátíðarnar svo fast í hefðir og hvað sem það vill kalla það, að það gleimir alveg hugsa um þá sem eru í kryngum sig. Svo mín afstaða í heildina að Jól er eingan veginn hátiðleg.
Skilur einhver tilgang athugasemdar Snorra? Hverju er hann að svara af minni athugasemd?
...í ljósi þess, sem fram hefur komið, ítrekað, á þessum vef að Vantrú er ekki á móti Kristni heldur miklu fremur trúboði í leik- og grunnskólum landsins?
Ertu örugglega að skoða Vantrú.is, en ekki t.d. trú.is? :S
Svo er kristni skrifuð með litlum staf.
Sæll Matti.
Ég var ekki að svara neinu af þinni athugasemd. Ég hef verið að KALLA EFTIR svörum.
Skilur þú ekki enn tilgang athugasemda minna? Ég skal, reyna, að útskýra þetta aðeins fyrir þér, með nokkrum spurningum. Svo skulum við sjá hvert svörin leiða okkur...
Er það ekki rétt skilið hjá mér að Vantrú er hvorki á móti KRISTNI né öðrum trúarbrögðum?
Er það ekki rétt skilið hjá mér að "meðlimir" í Vantrú (sem ekki er hægt að skrá sig í) eru trúeysingjar?
Hvað er það, í þínum huga og/eða huga "meðlima" Vantrúar að vera trúlaus?
Af hverju ætti Vantrú að þurfa að vera að aðstoða fólk með trúfélagaskráningu sína? Er Vantrú fánaberi hins rétta og handhafi alls sannleika?
Sæll Eiríkur.
Ég hef áhuga á öllu og engu. Ég hef talsverðan áhuga á að vita hvernig trúleysingi - sem á annað borð er samkvæmur sjálfum sér - skilgreinir sjálfan sig? Einnig hvernig það er hægt sem trúleysingi, ef maður á annað borð vill vera samkvæmur sjálfum sér, að taka þátt í samkomum, athöfnum o.s.frv. sem hafa trúarlegar skírskotanir, hvort sem þær eru í ein- eða fjölgyðistrúarbrögð?
Sæll Hjalti Rúnar Ég hef EINGÖNGU verið að lesa vantru.is en hvað hefur það með málið að gera hvað ég hef verið að lesa? Er það ekki rétt, sem ég skrifaði og þú setur í kassa í þinni færslu? Er það EKKI RÉTT hjá mér að Vantrú er EKKI á móti Kristni, Islam, Gyðingdómi, Búddisma eða öðrum trúarbrögðum, hverju nafni sem þau nefnast? Er það EKKI RÉTT hjá mér að Vantrú er á móti trúboði í grunn- og leikskólum? Er vantru.is réttritunarvefur?
Snorri, auðvitað er Vantrú á móti kristni og öðrum trúarbrögðum. Hefur flokkurinn kristindómurinn alveg farið framhjá þér?
Svo á að skrifa nöfn trúflokka með litlum staf.
Vá, heitar skoðanir í gangi...
Anyways, Snorri, þó að Vottar Jehóva haldi ekki jól, páska né afmæli þá er ekki þar með sagt að trúleysingjar haldi ekki uppá þessar hátíðir. Í fyrsta lagi eru afmæli ekki trúarbragðatengd að neinu tagi, bara alls ekki ef mér skjátlast ekki... Plús það eru Vottar ekki trúleysingjar, þeir halda bara hreinlega ekki uppá þessar hátíðir af því að það er ekkert minnst á þær í Biblíunni, eða eitthvað svoleiðis.
Í öðru lagi er bara ekkert minnst á laufabrauðsgerð eða pakka í Biblíunni! Hver segir að það sé eitthvað kristið við það að vilja gleðja náungann? Ég er nú ekkert kristin manneskja, en mér finnst alltaf jafn gaman að baka smákökur, hafa jólaljós og gleðja mína nánustu. Það eru jól í mínum huga. Ef þú vilt fara að slengja einhverjum trúarbrögðum inní það þá endilega gerðu það, en ég sé ekki af hverju jólin þurfa að tengjast þeim á einhvern hátt.
Í sambandi við þorrablótin, þá held ég að þau séu bara hluti af því að vera Íslendingur, upplifa gamla íslenska menningu beint í æð. Ég held að langfæstir leggji einhverja trúarlega merkingu í þennan sið, nema þá kannski ásatrúarfólk. Ég spyr þig Snorri, hefur þú ekki farið á þorrablót? Telur þú þig ekki vera kristinn mann? Ertu þá að stunda trúvillu??? Nei, ég bara spyr :)
Og svo síðast en ekki síst, í sambandi við páskana, þá held ég að þeir, sem og jólin, snúist aðallega um stærð páskaeggja, og hvort þau séu frá Nóa Siríus eða Góu... Það man ekki nokkur almennur maður hvað gerðist á Pálmasunnudegi eða Skírdegi eða whatever.
Og já, hvað er athugavert við að hafa tónlistarhátíð sem heitir "Andkristni". Það er alveg í sama flokki og Kristnihátíðin. Ef að fólk má halda hátíð sem upphefur kristni, þá má fólk alveg á sama hátt halda hátíð sem gerir það ekki.... Forskeytið "and" þýðir ekkert annað en andstæðan við, í þessu tilfelli myndi það vera andstæðan við kristni, eða ekki kristni eða hvað sem yður kýs. Mér finnst allt í lagi að hafa þann möguleika á að fá hjálp til þess að skrá mig í og úr trúarfélögum og Þjóðkirkjunni. Enda er í hæsta máta hallærislegt að vera sjálfkrafa skráður í Þjóðkirkuna, það ríkir trúfrelsi hér eins og annars staðar og það ætti alls ekki að vera að klína svona á fólk og láta það borga skatta af því! Ímyndið ykkur ef að maður þyrfti að skrá sig sjálfur í Þjóðkirkjunna, ætli það væri einhver skráður??? Og hvað er hallærislegt við það að hafa möguleikann á því að skrá sig úr Þjóðkirkjuni á hátíð sem heitir "Andkristni". Einn gæti haldi að það væri einfaldlega vilji fyrir slíku á hátíð sem ber þetta nafn. Enda er alveg eðlilegt að fólk sem telur sig ekki vera kristið sé ekki skráð í Þjóðkirkuna. Sem og á Gay-pride. Af hverju ættu samkynhneigðir og aðrir skyldir þeim að vera í kirku sem ekki "leggur blessun sína" yfir makavali þeirra?
Aukinheldur er Andkristnihátíð skondið og töff nafn á metalhátíð (og stuðandi fyrir suma auðsæranlega og hörundsára), rétt einsog Eistnaflug er einnig skondið og töff nafn á metalhátíð.
Hmm... já, hvað eru kristnir að væflast á og um rammheiðna hátíð einsog þorrablót, nú eða jól ef því er að skipta? Hinir fyrstu kirkjufeður voru á móti einhverskonar hátíðum til að fagna fæðingu eða dauða Jesúm Krist!
Hvað er að þeim? Dísús fokk!? AAARGH! Ég er svo reiður að ég er að brjálast. Ég er að vera alveg vitlaus á þessu! Alveg!
Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.
Snorri Magnússon - 22/12/07 14:25 #
Af hverju er Vantrú með bás á tónleikum sem bera yfirskriftina "Andkristni 2007"?