Aðgerð Vantrúar á Austurvelli í gær gekk ákaflega vel en eitt atvik vakti furðu þeirra sem á horfðu. Dorrit Moussaieff forsetafrú ætlaði að fá skyr hjá Vantrú en lögreglumaður hindraði hana í því. Okkur hjá Vantrú þykir það miður enda þótti okkur vænt um það þegar hún gagnrýndi trúarræðið í Ísrael.
Vantrú vill þakka öllum þeim sem gerðu þennan dag svona velheppnaðan, félagsmiðstöðin Snarrót fær kærar þakkir fyrir aðstöðuna, fjölmiðlamenn sem veittu málinu athygli, alþingsmenn sem þáðu skyrið og einnig þeir sem hugsuðu fallega til okkar, fólkið sem hjálpaði okkur í dag og síðast en ekki síst Helgi Hóseasson fyrir að mæta, hann minnti á sig í dag og hann getur treyst því að við látum hann ekki gleymast.
Myndasyrpa
Fyrsta skrefið var að fara út í búð og kaupa 64 skyrdollur.
Það komust 64 skyrdollur í þessa tösku sem er við hliðina á Hjalta.
Fyrstir til að fá sér skyr voru Einar Már og Helgi Hjörvar, þeir völdu sér báðir jarðaberjaskyr.
Hjalti til hægri, Björn Darri til vinstri, skyrið fyrir framan.
Ágúst Ólafur valdi sér ferskjuskyr.
Hér er Óli Gneisti að kalla á Halldór Ásgrímsson (hægra megin á myndinni) sem þáði ekki af okkur skyr.
Helgi Hóseasson mætti á svæðið með skiltin sín, þarna með honum er Hjalti Vantrúarseggur.
Kristinn H Gunnarsson velur sér skyrtegund.
Helgi var ljósmyndaður í bak og fyrir, hér útskýrir hann fyrir fréttamönnum Stöðvar 2 að hann sé í fyrsta sinn við setningu þings frá því að hann sletti skyrinu.
Birgir Baldursson fékk að höndla hið margfræga Krosslafsskilti.
Geirjóni fannst Vantrú hafa fært borðið sitt hættulega nálægt en ákvað lokum að treysta okkur.
Vésteinn Valgarðsson og Helgi Hóseasson standa vaktina, í baksýn er Hótel Borg en þangað var Helgi einmitt dreginn síðast þegar hann mætti á þennan atburð.
Þingmenn og forseti ganga út í kjölfar galdrameistara ríkisins.
Lögreglumennirnir minna óneitanlega á félaga sína frá árinu
1972...
Þetta skilti var föndrað til heiðurs Helga Hóseassyni.
Skyrborðið, Krysstur bangsi og Hjalti
Dorrit forsetafrú ætlaði að fá skyr hjá Vantrú en lögreglumaður hindraði hana í því.
Stórskemmtileg myndasyrpa! Hvað sögðu þeir alþingismenn, sem þó fengu sér skyr, við ykkur?
Ágúst lýsti yfir eindregnum stuðningi við aðskilnað, Helgi og Einar voru jákvæðir en Kristinn var að flýta sér svo mikið að við náðum ekki að spjalla. Össur afþakkaði og sagðist þegar hafa fengið sér skyr í dag, Jóhanna Sigurðardóttir var á seinustu stundu og ég heyrði ekki almennilega til Halldórs. Síðan játa ég að nokkrir sluppu vegna þess að við þekktum þá ekki, eða gátum allavega ekki kallað í þá vegna þess að við mundum ekki nöfnin.
Ógeðslega er ég að fíla Dorrit!
Hvað segið þið um Dorrit sem næsta forseta og Óla grís sem viðhengið?
HS - 04/10/04 18:23 # Ógeðslega er ég að fíla Dorrit! Hvað segið þið um Dorrit sem næsta forseta og Óla grís sem viðhengið?
Ætli það séu til einhver lög um að útlendingur megi ekki verða forseti?
Takk fyrir að benda á það, annars hefði ég misst af því. Því hún er bara svaka flott á myndinni
Sýnið viðbrögð, en vinsamlegast sleppið öllum ærumeiðingum. Einnig krefjumst við þess að fólk noti gild tölvupóstföng, líka þegar notast er við dulnefni. Ef það sem þið ætlið að segja tengist ekki þessari grein beint þá bendum við á spjallborðið. Þeir sem ekki fylgja þessum reglum eiga á hættu að athugasemdir þeirra verði færðar á spjallborðið.
Hægt er að nota HTML kóða í ummælum. Tög sem virka eru: a href, b, i, u, br, p, strong, em, ul, li og blockquote. Einnig er hægt að notast við Markdown rithátt í athugasemdum. Notið skoða takkann til að fara yfir athugasemdina áður en þið sendið hana inn.
Siggi Örn (meðlimur í Vantrú) - 02/10/04 02:54 #
Skemmtilegt:)