20.12.2009

Af Kristi - viðtal við séra Sigríði Guðmarsdóttur - seinni hluti

Í ágætu kaffispjalli á skrifstofu Sigríðar Guðmarsdóttur í Guðríðarkirkju saumuðu þeir Hjalti Rúnar Ómarsson og Birgir Baldursson að prestinum og veltu upp ýmsum kenningum kirkjunnar um meyfæðingu, altarisgöngu, erfðasynd og upprisu holdsins, auk þess að tæpa á bælingu og skaðsemi. Þetta er æsispennandi viðtal og sérann á þarna frábær tilsvör. Takk Sigríður fyrir góðar móttökur og fyrir að hafa haft þor til að hleypa svona snarbiluðum ofstækismönnum inn á gafl hjá þér.

Fyrri hluta viðtalsins má finna hér.

Ritstjórn
Flokkað undir: ( Sunnudagaskólinn )

Viðbrögð

Birgir Baldursson (meðlimur í Vantrú) - 20/12/09 21:40 #

Mér finnst Sigríður eiga alveg firnagóðan punkt þarna alveg í lokin. Þegar hún er spurð að því hvort prestar séu rétta fólkið til að veita félagsráðgjöf með alla sína Nýja-testamentisfræði í farteskinu en aðeins einn kúrs í kristilegri sálgæslu, þá svarar hún því til að hún noti þekkingu sína á ritningunni til að afbyggja þessar gömlu hugmyndir.

Staðreyndin er sú að mörg okkar erum enn að burðast með gamla installation fornra siðferðishugmynda sem ættaðar eru úr kristnum sið, vondar og skaðlegar hugmyndir. Það má því alveg samþykkja þau rök að einmitt guðfræðingar sé vel til þess fallnir, í krafti þekkingar sinnar á málinu, að eyða þessum vondu, gömlu hugmyndum úr sálarlífi þeirra sem þjakaðir eru af þeim.

En það kallar þá á að prestarnir séu heiðarlegir og virkilega sjái þessa skaðsemi, í stað þess að reyna að viðhalda þessum ömurlegu gildum og boða skjólstæðingum sínum. Ég treysti Sigríði til að fara vel með þetta, en hvað með alla hina?

Sýnið viðbrögð, en vinsamlegast sleppið öllum ærumeiðingum. Einnig krefjumst við þess að fólk noti gild tölvupóstföng, líka þegar notast er við dulnefni. Ef það sem þið ætlið að segja tengist ekki þessari grein beint þá bendum við á spjallborðið. Þeir sem ekki fylgja þessum reglum eiga á hættu að athugasemdir þeirra verði færðar á spjallborðið.

Hægt er að nota HTML kóða í ummælum. Tög sem virka eru: a href, b, i, u, br, p, strong, em, ul, li og blockquote. Einnig er hægt að notast við Markdown rithátt í athugasemdum. Notið skoða takkann til að fara yfir athugasemdina áður en þið sendið hana inn.