Sú kristna trú sem ríkiskirkjan og allar stærstu kirkjur heimsins kenna sig við er kölluð í daglegu tali Postulaleg trú. Hún er kennd við bréf postulanna í seinni hluta nýja testamentisins og sá þekktasti þeirra er Páll Postuli. Mig langar taka á þessari fyrirmynd og kynna lesendum siðleysi Páls Postula. Margir eiga eftir að átta sig á því eftir lesturinn hvernig kristnir einræðisherrar réttlættu grimmd og siðleysi í ríkjum sínum fyrr á öldum. Einnig hvers vegna erfitt var að leiðrétta augljóst óréttlæti í þeim samfélögum sökum að guðs orð var óréttlætið. Hvernig miskunnarlausir kristnir leiðtogar fundu sér huggun í að drepa samborgara sína með leyfi guðs. Hvernig Kaþólska kirkjan gat réttlætt það að vera stærsti þrælasali heimsins. Hvers vegna konur máttu þola endalausa kúgun í kristnu samfélagi. Hvernig enn þann dag í dag margt kristið fólk býr yfir hatri gegn samkynhneigðum.
PÁLL POSTULI VAR SIÐLAUS
Ps8:1 Sál lét sér vel líka líflát hans. [Páll gleðst yfir dauða Stefáns]
Ps13:8 Gegn þeim stóð Elýmas, töframaðurinn ... 9En Sál, sem og er nefndur Páll, hvessti á hann augun og sagði, fylltur heilögum anda: 10"Þú djöfuls sonur, fullur allra véla og flærðar, óvinur alls réttlætis, ætlar þú aldrei að hætta að rangsnúa réttum vegum Drottins? 11Nú er hönd Drottins reidd gegn þér, og þú munt verða blindur og ekki sjá sól um tíma"
[Hér blindar Páll Postuli Elýmas sem hafði aðra trú en Páll, fordómar og hatur]
Ps19:19 Og allmargir er farið höfðu með kukl, komu með bækur sínar og brenndu þær að öllum ásjáandi. Þær voru samtals virtar á fimmtíu þúsundir silfurpeninga.
[Hér tekur Páll þátt í bókabrennum sem marka upphaf myrkra miðalda og þetta vers var notað til að réttlæta bókabrennur í Evrópu]
Róm1:18 Reiði Guðs opinberast af himni yfir öllu guðleysi og rangsleitni þeirra manna
[Hefnd og reiði er lausn á ótrúðum að áliti Páls]
Róm 14:23 En sá sem er efablandinn og etur þó, hann er dæmdur
[Páll telur að sá sem efast endi í eldsofninum hans Jesú]
Gal 8:9 Ef nokkur boðar yður annað fagnaðarerindi en það, sem þér hafið veitt viðtöku, þá sé hann bölvaður
[Þeir sem ekki fylgja orðum Páls fara í eldsofninn hans Jesú]
2þes1:8 Hann kemur í logandi eldi og lætur hegningu koma yfir þá, sem þekkja ekki Guð, og yfir þá, sem hlýða ekki fagnaðarerindinu um Drottin vorn Jesú. 9Þeir munu sæta hegningu, eilífri glötun...
[Páll vill að guð hefni sín á trúlausum og heiðingjum.]
2Þes2:8 Þá mun lögleysinginn opinberast, - og honum mun Drottinn Jesús tortíma með anda munns síns og að engu gjöra þegar hann birtist við endurkomu sína.
[Aftur er Páll í hefndar hug]
2Þes2:11 Þess vegna sendir Guð þeim megna villu, til þess að þeir trúi lyginni. 12Þannig munu allir þeir verða dæmdir, sem hafa ekki trúað sannleikanum
[Hér hefur guð sent menn í megna villu með því að ljúga að þeim svo þeir endi í eldsofninum]
KVENNAKÚGUN PÁLS POSTULA
1Kor11:3 En ég vil, að þér vitið, að Kristur er höfuð sérhvers manns, maðurinn er höfuð konunnar
[Hjá Páli er karlmaðurinn er æðri konunni]
1Kor14:34 skulu konur þegja á safnaðarsamkomunum, því að ekki er þeim leyft að tala, heldur skulu þær vera undirgefnar, eins og líka lögmálið segir. 35En ef þær vilja fræðast um eitthvað, þá skulu þær spyrja eiginmenn sína heima. Því að það er ósæmilegt fyrir konu að tala á safnaðarsamkomu.
[Konur skulu vera undirgefnar og halda kjafti á safnaðarsamkomum kristinna]
Ef5:22 Konurnar eiginmönnum sínum eins og það væri Drottinn. 23Því að maðurinn er höfuð konunnar, eins og Kristur er höfuð kirkjunnar, hann er frelsari líkama síns. 24En eins og kirkjan er undirgefin Kristi, þannig séu og konurnar mönnum sínum undirgefnar í öllu.
[Konan á að vera undirgefin eiginmanni sínum í öllu]
Kol3:18 Þér konur, verið undirgefnar mönnum yðar, eins og sómir þeim, er Drottni heyra til.
[Konur eiga að vera undirgefnar mönnum sínum]
1Tím2:9 Sömuleiðis vil ég, að konur skrýði sig sæmandi búningi, með blygð og hóglæti, ekki með fléttum og gulli eða perlum og skartklæðum
[Konur verða klæða sig samkvæmt skipun Páls án skartgripa, megi ekki hafa áberandi hárgreiðslu eða né skarta sexí klæðnaði]
1Tím2:11 Konan á að læra í kyrrþey, í allri undirgefni. 12Ekki leyfi ég konu að kenna eða taka sér vald yfir manninum, heldur á hún að vera kyrrlát
[Konur eiga að halda kjafti og vera undirgefnar]
1Tím2:14 Adam lét ekki tælast, heldur lét konan tælast og gjörðist brotleg. 15En hún mun hólpin verða, sakir barnburðarins
[Karlmaðurinn er æðri konunni og það eina sem bjargar konunni er að hún getur alið börn]
1Tím5:5 Sú sem er í raun og veru ekkja og er orðin munaðarlaus, festir von sína á Guði og er stöðug í ákalli og bænum nótt og dag. 6En hin bílífa er dauð, þó að hún lifi.
[Ekkja á að biðja bænir dag og nótt, ef hún kynnist öðrum manni fer hún beint í eldsofninn hans Jesú]
1Tím5:9 Ekkja sé ekki tekin á skrá yfir ekkjur nema hún sé orðin fullra sextíu ára, eingift 10og lofsamlega kunn að góðum verkum. Hún verður að hafa fóstrað börn, sýnt gestrisni, þvegið fætur heilagra, hjálpað bágstöddum og lagt stund á hvert gott verk. 11En tak ekki við ungum ekkjum. Þegar þær verða gjálífar afrækja þær Krist, vilja giftast 12og gerast þá sekar um að brjóta sitt fyrra heit. 13Og jafnframt temja þær sér iðjuleysi, rápandi hús úr húsi, ekki einungis iðjulausar, heldur einnig málugar og hlutsamar og tala það, sem eigi ber að tala. 14Ég vil því að ungar ekkjur giftist, ali börn, stjórni heimili og gefi mótstöðumanninum ekkert tilefni til illmælis. 15Nokkrar hafa þegar horfið frá til fylgis við Satan.
[Það á aðeins að hjálpa ekkjum sem eru: 1) Yfir 70 ára 2) Aðeins átt einn eiginmann 3) Alið upp börn 4) Verið gestrisnar 5)Þvegið fætur heilagra 6) Hjálpað bágstöddum 7) Lagt stund á gott verk. Ef ekki þá á að láta þær svelta og ekki hjálpa ungum ekkjum sem lifa "gjálífi" því þær eru handbendi Satans]
Tit 2:3 Svo eiga og aldraðar konur að vera .... hóglátar, skírlífar, heimilisræknar, góðlátar og eiginmönnum sínum undirgefnar, til þess að orði Guðs verði ekki lastmælt.
[Aldraðar konur eiga að vera stilltar, heimilisræknar og vera undirgefnar eiginmönnum sínum]
HATUR PÁLS Á SAMKYNHNEIGÐUM
Róm1:26 Þess vegna hefur Guð ofurselt þá svívirðilegum girndum ... 27og eins hafa líka karlar hætt eðlilegum mökum við konur og brunnið í losta hver til annars, karlmenn frömdu skömm með karlmönnum og tóku út á sjálfum sér makleg málagjöld villu sinnar
[Samkynhneigðir fara beint í eldsofninn hans Jesú]
1Kor6:9 Vitið þér ekki, að ranglátir munu ekki Guðs ríki erfa? Villist ekki! Hvorki munu saurlífismenn né skurðgoðadýrkendur, hórkarlar né kynvillingar, 10þjófar né ásælnir, drykkjumenn, lastmálir né ræningjar Guðs ríki erfa
[Hér setur Páll samkynhneigð í flokk með ræningjum og þjófum, að sjálfsögðu fara ofantaldir í eldsofninn hans Jesú]
Tít1:8 viti að það er ekki ætlað réttlátum, heldur lögleysingjum og þverbrotnum, óguðlegum og syndurum, vanheilögum og óhreinum, föðurmorðingjum og móðurmorðingjum, manndrápurum, 10frillulífismönnum, mannhórum, mannaþjófum, lygurum, meinsærismönnum
[Hér setur Páll samkynhneigð í flokk með morðingjum og meinsærismönnum, að sjálfsögðu fara ofantaldir í eldsofninn hans Jesú en þar fipaðist Páli því hann var sjálfur morðingi]
PÁLL SAMSEKUR ÞRÆLAHALDI
Ef6:5 Þér þrælar, hlýðið yðar jarðnesku herrum með lotningu og ótta, í einlægni hjartans, eins og það væri Kristur
[Þrælar eiga að hlýða í einu og öllu þrælahaldaranum]
Kol3:22 Þér þrælar, verið hlýðnir í öllu jarðneskum drottnum yðar, ekki með augnaþjónustu, eins og þeir er mönnum vilja þóknast, heldur í einlægni hjartans og í ótta Drottins
[Þrælar eiga að hlýða í einu og öllu þrælahaldaranum]
1Tím6:1 Allir þeir, sem eru ánauðugir þrælar, skulu sýna húsbændum sínum allan skyldugan heiður, til þess að ekki verði lastmælt nafni Guðs og kenningunni
[Þrælar eiga að hlýða í einu og öllu þrælahaldaranum]
Tít2:9 Áminn þræla, að þeir séu undirgefnir húsbændum sínum og í öllu geðþekkir
[Þrælar eiga að hlýða í einu og öllu þrælahaldaranum]
PÁLL RÆÐST GEGN LÝÐRÆÐI
Róm13:1 Sérhver maður hlýði þeim yfirvöldum, sem hann er undirgefinn. Því ekki er neitt yfirvald til nema frá Guði, og þau sem til eru, þau eru skipuð af Guði.
[Þetta vers var notuðu konungar til að réttlæta völd sín]
Róm 13:2 Sá sem veitir yfirvöldunum mótstöðu, hann veitir Guðs tilskipun mótstöðu, og þeir sem veita mótstöðu munu fá dóm sinn.
[Þetta vers var notað til að taka fólk af lífi sem mótmælti einræðisherrum fyrri alda]
Róm16:4 ...Yfirvöldin bera ekki sverðið ófyrirsynju, þau eru Guðs þjónn, hegnari til refsingar þeim er aðhefst hið illa.
[Önnur réttlæting fyrir valdbeitingu kristinna konunga]
Róm16:6 Einmitt þess vegna gjaldið þér og skatta, því að valdsmennirnir eru Guðs þjónar, sem annast þetta. 7 Gjaldið öllum það sem skylt er: Þeim skatt, sem skattur ber, þeim toll, sem tollur ber, þeim ótta sem ótti ber, þeim virðing, sem virðing ber.
[Annað vers sem einræðisherrar notuðu til valdbeitinga og að arðræna lýðinn í guðs nafni]
Sæll Siggi Ég þekki aðeins til Alfa námskeiðana og hvað þar fer fram. Því miður verð ég að segja að námskeiðið gengur út á, hvernig hægt er að sætta sig við hindurvitni og blekkingar. Auðvitað verðum við aldrei sammála á meðan þú trúir á hluti sem ekki eru raunverulegir. Ég einfaldlega þjáist með þér, vegna þess að ég var Kristinn og tók þátt í öllum blekkingarleiknum og þekki allar hliðarnar á ólyfjan trúarinnar.
Já, gaman af þessu (vefnum, ekki Páli). En þó að fylgjendur einhverrar stefnu hafi hegðað sér illa þýðir það ekki að stefnan sé ill frá upphafi. Það er ekkert í marxisma sem segir að stjórnendur kommúnistaríkja eigi að vera valdasjúkir ofsóknarbrjálæðingar sem drepa milljónir manna í eigin ríki. Sömuleiðis er ekkert í því sem varðveitt er að því sem er talið raunveruleg orð Krists, sem réttlætir svona framkomu eins og Páll sýnir. Prófaðu að lesa bara guðspjöllin fjögur og bættu svo fimmta við, Tómasarguðspjalli, og sjáðu hvort þú fáir ekki friðsamlegri mynd af kristindómnum. Slepptu Páli og öðru rugli.
Páll postuli var Rómverji. Það er mín einlæga skoðun að kristindómurinn hafi ekkert gert nema hnignað eftir að hann komst í snertingu við Rómarveldi. Páll gerðist kristinn eftir að hafa hitt krist, nokkrum árum eftir dauða hans! Það er mín skoðun að hann hafi fengið sólsting í eyðimörkinni og orðið stundarbrjálaður (ef ekki geðveikur). Seinna uppgötvuðu Rómverjar að þeir gátu nýtt kristindóminn í kúgun sinni og tóku því upp kristnu trúna sem pólitískt tæki. Saga kristninnar innan Rómarveldis, sem lifir enn í Vatíkaninu, er blóði drifin og mörkuð spillingu og valdagræðgi.
Þó að slæmir menn hafi verið til innan kristninnar eru það samt ekki nógu góð rök fyrir því að ekki hafi verið til fallegur ásetningur í upphafi. Þó að kirkjan sé spillt og rotin stofnun sem stundi heilaþvott í barnaskólum, þýðir það ekki að Kristur hafi verið spilltur og rotinn og Guðstrú í einhverri mynd standi ekki á fastari fótum. Þó að þið flettið ofan af illsku kirkjunnar í tvö þúsund ár afsannar það ekki neitt fyrir mér, því ég hef nákvæmlega sömu skoðun á kirkjunni. Þó að þið færið fyrir því frábær rök að Kristur hafi í raun ekki dáið fyrir syndir mannanna og risið aftur upp þá breytir það engu fyrir mig, því þessi frumstæða mannfórn hefur enga merkingu í mínum huga. Þetta allt fær ekki til þess að neita því að til sé Guð sem er fullkomin frumorsök og gengur undir ýmsum nöfnum víðs vegar um heiminn.
Það er til æðra plan. Og allt hér hefur tilgang. ÞAð er verið að leiða okkur áfram í átt til himnana... Dauði eins er réttlætanlegur ef hann þjónar hagsmunum heildarinnar. Samanber krossfesting Krists.
"Fullkomin frumorsök" ... heh jújú fullkomin lygi til að sætta sig á fyrir fólk sem er of hrætt til að viðurkenna að lífið og maður sjálfur endar við dauðann, og of hrætt til að viðurkenna að ÞAÐ VEIT EKKI NEITT um hvernig alheimurinn varð til.
Kannski hefur alheimurinn (eða tíminn allavega) alltaf verið til...
svona gæti hugmyndin um guð orðið til: Hvað skapaði heiminn? Hver skapaði skaparann? Hver skapaði skapara þess skapara? ... á endanum verður maður að gera ráð fyrir að einn af mörgum guðum eða einn almáttugur guð hafi ALLTAF verð til... óendanleg fortíð. Má náttúrulega sleppa þessari barnalegu "almáttugt dæmi sem er líka persóna" hugmynd og heimfæra óendanlegu fortíðina beint á alheiminn eða tíman... eða kannski er skýringin engin, eða einhver sem við bara skiljum ekki...
Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.
Siggi - 17/10/03 13:53 #
Sælir, þetta er skemmtilegur vefur hjá ykkur.
Ég fór á Alfa námskeið hjá Hvítasunnukirkjunni í jan - apríl 2003. Þar er borðaður saman kvöldmatur ca. 100 manns, kennsla, svo er kvöldið endað í ca. 10 manna umræðuhópum. Þar getur maður spurt alls konar (erfiðra) spurninga og fengið svör. Ég hefði endilega viljað vera með einhverjum ykkar í hóp, þá hefðu umræðurnar orðið meira krassandi.
Í dag er ég reyndar orðinn trúaður, farinn að UPPLIFA það sem Páll er að segja, skil karlinn bara nokkuð vel. Það er alveg magnað, en erfitt að útskýra, fólk verður að reyna sjálft. Ég vil vitna í heimspekinginn John Stuart Mill þar sem hann segir:
There are many truths of which the full meaning cannot be realized until personal experience has brought it home. John Stuart Mill
Ég hvet ykkur til að prófa þetta, og annaðhvort byrja að upplifa, eða bara einfaldlega fletta ofan af starfseminni, í besta falli krydda námskeiðin. Þið hefðuð gaman af því, og leiðtogarnir hefðu gaman af að kljást við ykkur. Þetta er sniðið að vantrúuðu fólki, höfðar til vitsmuna o.fl.
Annars ætla ég ekki að deila við ykkur, skil ykkur mætavel. Enda stendur í bókinni: "Orð Guðs er heimska þeim sem ekki trúa" Orðskviðirnir.
Í dag skil ég Gídeonfélaga vel, skil meira að segja af hverju allir þessir fyrirlestrarsalir (kirkjur) eru út um alla borg, allan vesturheim reyndar. Það er að sjálfsögðu ekkert lítill árangur hjá Jesú. Það er svo aftur okkar val hvort við viljum eitthvað með þetta hafa. Spurningin er: hvernig fór hann að þessu? Er/var hann lygari, geðsjúklingur eða sonur Guðs?