Frásagnir guðspjallanna af fæðingu Jesú eru augljósar helgisagnir. Það voru engir englar, engin engir vitringar og engin meyfæðing. Undanfarin ár hafa sumir prestar tekið undir allt þetta og kallað þá sem trúa sögunum bókstafstrúarmenn. Þeir hafa meira að segja gengið lengra og kallað þá bókstafstrúarmenn sem segja að höfundar guðspjallanna hafi ætlast til að sögunum væri trúað.
En hvað munu þessir prestar segja um páskana? Eru þeir bókstafstrúarmenn um páskana?
Sögurnar af dauða og upprisu Jesú hafa nefnilega alveg sömu einkenni helgisagna og sögurnar af fæðingu hans. Í fæðingarfrásögnunum höfum við spádóma, engla og meyfæðingu. Við dauða og upprisu Jesú höfum við spádóma, engla, fjöldaupprisu, upprisinn einstakling sem borðar fisk og fleira í þeim dúr.
Það er engin góð ástæða fyrir því að flokka annað sem helgisögur sem bara bókstafstrúarmenn trúa en ekki hitt.
Trúa þessir prestar helgisögum páskanna? Trúa þeir því virkilega að það hafi verið fjöldaupprisa, jarðskjálfti og sólmyrkvi við dauða Jesú? Trúa þeir því að það hafi verið tóm gröf þar sem engill birtist? Trúa þeir því að Jesús hafi risið upp frá dauðum og hitt lærisveina sína? Eða eru þeir bósktafstrúarmenn?
Ef þeir trúa þessum sögum, þá eru þeir bókstafstrúarmenn samkvæmt eigin skilgreiningum. Og eru auk þess ósamkvæmir af því að þeir trúa sumum helgisögum guðspjallanna en ekki öðrum án nokkurra góðra raka.
Ef þeir trúa þessum sögum hins vegar ekki, þá eru þeir vissulega samkvæmir sjáfum sér. En þá ber þeim líka siðferðileg skylda um að upplýsa kirkjugesti um að þetta séu bara helgisögur sem gerðust ekki.
Stór hluti kirkjugesta trúir því nefnilega að þetta hafi verið alvöru atburðir. Og þau trúa þessu af því að þeim hefur verið kennt það af prestum og biskupum alla sína tíð.
Þetta fólk hefur verið blekkt af prestum. Prestar sem vita af þessari blekkingu eru samsekir blekkingunni ef þeir kjósa að þegja um þetta eða skauta framhjá því.
Sýnið viðbrögð, en vinsamlegast sleppið öllum ærumeiðingum. Einnig krefjumst við þess að fólk noti gild tölvupóstföng, líka þegar notast er við dulnefni. Ef það sem þið ætlið að segja tengist ekki þessari grein beint þá bendum við á spjallborðið. Þeir sem ekki fylgja þessum reglum eiga á hættu að athugasemdir þeirra verði færðar á spjallborðið.
Hægt er að nota HTML kóða í ummælum. Tög sem virka eru: a href, b, i, u, br, p, strong, em, ul, li og blockquote. Einnig er hægt að notast við Markdown rithátt í athugasemdum. Notið skoða takkann til að fara yfir athugasemdina áður en þið sendið hana inn.