Atkvæðin fyrir Ágústínuarsverðlaun 2014 hafa verið talin og niðurstaðan er komin í hús. Sigurvegari vann með afgerandi hætti en við skulum byrja á þriðja sæti.
Það gleður okkur mjög að leikmenn geti enn komist til metorða í hinum harða heimi guðfræðinnar. Brynjar verðskuldar þessa viðurkenningu svo sannarlega enda hefur hann varið ríkiskirkju og kristni vasklega gegn guðlausum niðurrifsöflum. Í innleggi sínu bendir Brynjar á þær hörmungar sem bíða samfélaga sem draga úr kristniboði:
Þegar stjórnvöld leitast við að afkristna þjóðina er stuðlað að upplausn samfélagsins og afmenningu þess. Það gerist ekki á einni nóttu en þegar heilu kynslóðirnar fá takmarkaða kristinfræðslu og finna jafnvel helst fyrir neikvæðni í garð kristinnar trúar mun það ekki eingöngu hafa áhrif á menningu og takmarka menningarlæsi, heldur munu siðferðisviðmið breytast og kristin gildi þynnast út. Æðruleysið, kærleikurinn og fyrirgefningin eru okkur nefnilega ekki í öllum tilvikum í blóð borin. #
Annað sætið féll í skaut séra Sigurvins sem uppgötvaði það sem gerir guðfræðina sannarlega að drottningu vísindanna: Aðrar fræðigreinar búa við þá takmörkun að geta rannsakað viðfangsefnið á meðan guðfræðingar geta óáreittir smíðað áhugaverðar og framsæknar guðfræðikenningar óháð öllum rannsóknum.
Guðfræði er einstök meðal fræðigreina að því leiti að viðfangsefni fræðanna er í sjálfu sér órannsakanlegt. #
Einhverjir myndu segja að þetta valdi því að guðfræði sé ekki fræðigrein í raun en við förum ekki nánar út í þá sálma að sinni
Sigurvegarinn í ár olli jarðskjálftum í guðfræðiheiminum þegar hann uppgötvaði að það þarf í raun að endurskrifa kirkjusögu Íslands. Afnám trúfrelsis við kristnitöku, galdrabrennur, Stóridómur, afhausanir við siðaskipti og fleira virðist hafa verið djúpstæður misskilningur.
Hér á landi hefur kristinn siður alltaf byggst á umburðarlyndi og frelsi, ekki á boðum og bönnum eða undirgefni og hlýðni. #
Þetta er glæsilegt afrek í guðvísindum (og sagnfræði) og við óskum séra Gunnlaugi innilega til hamingju með sigurinn.
Sýnið viðbrögð, en vinsamlegast sleppið öllum ærumeiðingum. Einnig krefjumst við þess að fólk noti gild tölvupóstföng, líka þegar notast er við dulnefni. Ef það sem þið ætlið að segja tengist ekki þessari grein beint þá bendum við á spjallborðið. Þeir sem ekki fylgja þessum reglum eiga á hættu að athugasemdir þeirra verði færðar á spjallborðið.
Hægt er að nota HTML kóða í ummælum. Tög sem virka eru: a href, b, i, u, br, p, strong, em, ul, li og blockquote. Einnig er hægt að notast við Markdown rithátt í athugasemdum. Notið skoða takkann til að fara yfir athugasemdina áður en þið sendið hana inn.