Allar færslur Allir flokkar Sos Um félagið Úrskráning Lógó Spjallid@Vantru Póstfang Vantru@Facebook Vantru@Youtube Vantru@Twitter

Séra Sigurður Árni er nafli alheimsins

Mynd af sandkorni

Séra Sigurður Árni Þórðarson, hálaunaríkisprestur, segir í predikun sem birt er á heimasíðu hans að trúleysi sé "afstaðan að maður sé sjálfur nafli heimsins." Þannig leiði trúleysi til sjálfsdýrkunar. Það er merkilegt að þurfa að skrumskæla afstöðu annarra til að verja eigin trú. Það er athyglisvert að bera þessa sýn Sigurður á trúleysi, við sýn trúleysingja, eins og Carl Sagan, eins þekktasta og áhrifamesta trúleysingja síðustu aldar.

Eftirfarandi er úr bók Sagans, The Pale Blue Dot:

Jörðin er agnar lítið svið í leikhúsi alheimsins… örsmátt rykkorn í sólargeisla... Þetta föla sjónarhorn grefur undan stöðu okkur, ímynduðu mikilvægi okkar, ranghugmyndinni um að við höfum einhverja sérstaka forréttindastöðu í alheiminum.

Sú sýn að maðurinn sé sjálfur nafli alheimsins sést ekki í þessum orðum. Trúleysi leiðir ekki til þess að menn líti á sig sem nafla heimsins en kristin trú gerir það. Samkvæmt kristni skapaði Guð heiminn með manninn í huga í þeim tilgangi að eiga samfélag við hann.

Það er alþekkt að kirkjan barðist hatrammlega gegn Kóperníkusi og Galíleó og síðar Darwin vegna þess að uppgvtötanir þeirra fjarlægðu manninn úr miðju alheimsins. Það var í andstöðu við grundvallar guðfræðihugmyndir hennar, en samkvæmt henni var maðurinn í brennidepli í sköpuninni. Heimili hans, jörðin, var í miðjum alheiminum.

Í sköpunarsögunni (1. Mósebók, fyrsta og öðrum kafla) er fókusinn á sköpun mannsins, sem var skapaður í Guðs mynd, hvorki meira né minna. Fyrir manninn voru hin dýrin búin til, og að lokum var fyrsta konan sköpuð handa fyrsta karlinum. Guð skapaði manninn til að drottna yfir fiskum sjávarins, fuglum lofstins, búfé, villidýrum, allri jörðinni, og öllum skriðdýrum sem skríða á jörðinni.

Raunar er maðurinn svo mikill nafli heimsins í kristni að guð sjálfur gerðist maður og dó á krossi til að bjarga manninum frá syndum hans. Þessar goðsagnir ýta mun fremur undir þá hugmynd að maður sé sjálfur nafli heimsins.

Sindri G. 02.09.2015
Flokkað undir: ( Kristindómurinn , Messurýni )