Síðdegis mánudags ákvað sýslumaðurinn í Reykjavík að verða við beiðni Biskupsstofu þess efnis að lögbann verði sett á hið árlega bingóhald félagsins. Ástæðan er sögð vera sú að áætlaður fjöldi bingógesta á Austurvelli muni líklega trufla helgihald við Dómkirkjuna og stríði því gegn helgidagalöggjöfinni. Lögfræðingar félagsins vinna að því að hnekkja lögbanninu en allt bendir til þess að hætt verði við hið árlega bingó. Þetta sannar endanlega hversu fáránleg helgidagalögin eru.
Við munum standa fyrir táknrænum bingómótmælum fyrir utan Biskupsstofu á Laugarvegi 31, klukkan 15:00. Þar munum við einnig hefja undirskriftasöfnun fyrir áskorun á Alþingismenn um að breyta helgidagalögunum.
Mikið af fólki mun eflaust ásaka okkur um heigulshátt með því að hætta við, og það er bara alveg rétt. Við þorum ekki öðru þegar sektargreiðslur gætu verið einhverjar milljónir króna. Lögfræðikostnaðurinn er nú þegar þessu litla félagi um megn.
Hérna fylgir afrit úr gerðabók sýslumannsins í Reykjavík þar sem hægt er að lesa “rökstuðninginn" fyrir þessari ákvörðun sýslumannsins.
Fólk verður bara að sættast við þær lagalegu hefðir sem í gildi eru og þær fjársektir sem skýlaus brot á þessum reglum geta verið. Sumir dagar eru sérstakari en aðrir. Við lúffum bara fyrir þessu einsog öllu öðru þegar að ríkið skiptir sér af með svona afgerandi hætti.
Agnesi þekkti ég forðum þegar ég var krakki. Sonur hennar var oft á tíðum lagður í einelti, og eins var ég, og hafði það sýnileg áhrif á hana. En hún stóð með sjálfri sér og vinum sínum og vakti traust þegar maður kom sér að tali við hana. Hún virtist réttlát með tæra hugsun (þrátt fyrir að vera prestur, en það er annað mál) og bauð aðra kinnina þegar fólk talaði af sér.
Hvað gerðist? Ég er ekki trúaður einstaklingur, og eflaust enginn á vantrú það heldur, en ég sé ekkert í þessu nema ruddaskap, frekju, forræðishyggju, ósvífni og ókurteisi. Hvernig stendur á því að konan sem ég taldi mig þekkja af einhverju smáviti sýnir andstæðu við það? Hér er engin rökhugsun á ferð. Þetta er einelti á sinn eigin veg, og hræsni ef má fara út í það.
Ég les yfir greinina og heyri lagið "brennið þið vitar" bergmála aftast í huganum og mér er vægast sagt misboðið.
Ég kalla ykkur ekki heigla, Vantrú, því það er ekki heigulskapur að vernda eigin hagsmuni frá óréttlátum árásum. Ef ég kemst til Reykjavíkur fyrir klukkan 15:00, þá mæti ég, án efa. Þó bingóið hætti þá eru mótmælin þar í stað. Hetjur styrkar standa!
Tilkynning þessi var aprílgabb. Ekkert lögbann hefur verið sett á páskabingó Vantrúar og Vantrú stóð ekki fyrir táknrænum bingómótmælum fyrir utan Biskupsstofu á Laugarvegi 31, klukkan 15:00. Lögin sem vitnað er í eru hins vegar ekkert gabb, en í þeim segir orðrétt: 2. Á helgidögum skv. 2. og 3. tölul. 2. gr. er eftirfarandi starfsemi óheimil: a. Skemmtanir, svo sem dansleikir eða einkasamkvæmi á opinberum veitingastöðum eða á öðrum stöðum sem almenningur hefur aðgang að. Hið sama gildir um opinberar sýningar og skemmtanir þar sem happdrætti, BINGÓ EÐA ÖNNUR SVIPUÐ SPIL FARA FRAM.
vonandi verðið þið dæmdir af gjörðum ykkar. Venjulegt fólk hristir hausinn yfir ykkur
Sýnið viðbrögð, en vinsamlegast sleppið öllum ærumeiðingum. Einnig krefjumst við þess að fólk noti gild tölvupóstföng, líka þegar notast er við dulnefni. Ef það sem þið ætlið að segja tengist ekki þessari grein beint þá bendum við á spjallborðið. Þeir sem ekki fylgja þessum reglum eiga á hættu að athugasemdir þeirra verði færðar á spjallborðið.
Hægt er að nota HTML kóða í ummælum. Tög sem virka eru: a href, b, i, u, br, p, strong, em, ul, li og blockquote. Einnig er hægt að notast við Markdown rithátt í athugasemdum. Notið skoða takkann til að fara yfir athugasemdina áður en þið sendið hana inn.
brynhildur - 01/04/15 11:17 #
Er þá ekki bara hægt að færa bingóið á Ingólfstorg?