Dómnefnd Vantrúar hefur nú lokið því að telja öll þau atkvæði sem bárust í kosningunum um Ágústínusarverðlaunin fyrir árið 2013. Hér eru verðlaunahafarnir.
Í þriðja sæti lenti trúvarnarpresturinn séra Gunnar Jóhannesson fyrir glæsilega afhjúpun hans á myrkrahliðum hinnar guðlausu náttúruhyggju:
Hin raunverulega blekking – hið sanna ópíum svo margra í dag – er sú tómhyggja guðlausrar náttúruhyggju sem gerir ráð fyrir engu að þessu lífi loknu; sú hugarró að svikarinn, ofbeldismaðurinn, morðinginn, verði ekki dæmdur og þurfi ekki að svara fyrir gjörðir sínar; að lífið hafi enga merkingu eða gildi þegar allt komi til alls og þar af leiðandi gjörðir mannsins ekki heldur; að maðurinn sé ekki undir neinn dóm settur en sinn eigin!
[Birtist á opnum Facebook vegg Gunnars en hann virðist hafa fjarlægt skrifin.]
Í öðru sæti lenti frú Solveig Lára Guðmundsdóttir fyrir stórkostlegt framlag sitt til trúboðsfræða:
Við eigum að boða trú við jarðarfarir. Þá er fólk opið fyrir því að heyra kristinn boðskap. #
Í fyrsta sæti varð sjálfur biskupinn yfir Íslandi, frú Agnes M. Sigurðardóttir, fyrir stórkostlegt framlag sitt til kirkjusögu:
Þjóðkirkjan hefur verið í fararbroddi af kirkjum heimsins [í réttindabaráttu hinsegin fólks] og jafnvel líka hér á Íslandi af stofnunum þjóðfélagsins. #
Hjá sigurvegaranum hefur orðið "jafnvel" sjaldan borið jafn mikla ábyrgð. Sr. Agnes hnykkti út í þessum afgerandi sigri með því að heiðra samkomu Vonar (um að samkynhneigðir snúi frá villu sinni) með nærveru sinni. Sr. F. Graham var þó í fararbroddi þar enda stærra númer þrátt fyrir allt.
Ég heimta endurtalningu. Upprisuendurskoðun séra Hildar Eir og séra Guðrúnar ætti að vera svoleiðs 'runaway' sigurvegari í þessu, að smávægileg nýsöguskoðun bispa bliknar...
Segjum Spinoza, gæti það brotið þennan sunnudagsleik ykkar, þann gráskeggjaða á himnum. Hvenær ætlið þið að vaxa upp úr þessa þvælu: Endalausri afneitun á Guði Sunnudagsskólans. Er ekki kominn tími til að hneigja hugsunina, getið þið megnað það, yfir á dýpri mið?
Sýnið viðbrögð, en vinsamlegast sleppið öllum ærumeiðingum. Einnig krefjumst við þess að fólk noti gild tölvupóstföng, líka þegar notast er við dulnefni. Ef það sem þið ætlið að segja tengist ekki þessari grein beint þá bendum við á spjallborðið. Þeir sem ekki fylgja þessum reglum eiga á hættu að athugasemdir þeirra verði færðar á spjallborðið.
Hægt er að nota HTML kóða í ummælum. Tög sem virka eru: a href, b, i, u, br, p, strong, em, ul, li og blockquote. Einnig er hægt að notast við Markdown rithátt í athugasemdum. Notið skoða takkann til að fara yfir athugasemdina áður en þið sendið hana inn.
Vésteinn Valgarðsson (meðlimur í Vantrú) - 13/03/14 13:13 #
Glæsilegur sigur hjá biskupi, hún er vel ad honum komin fyrir ad halda til haga thessu kannski best geymda leyndarmáli íslenskrar kirkjusøgu seinni alda.