Vantrú hefur aðstoðað fjölda einstaklinga við að leiðrétta trúfélagsskráningu sína síðan 1. janúar 2006.
Hér eru leiðbeiningar um það hvernig maður breytir trúfélagsskráningu sinni.
Þið getið bætt við tveimur. Við fjandansmenn stöndum loks undir nafni.
Ég og tveir félagar skráðum okkur úr kyrkjunni um daginn þannig þið getið bætt okkur 3 á listann
Ég ætla að afskrá mig.
Ég man þegar ég var að skoða lögina varðandi krisjunar og skatinn. Mig minni að við erum að borga sirka 2% til krikjunar eða þann stofn sem við erum skráð í. Ef ég er ekki skráður í neitt samfélag þá ætti ég að borga 2% minna í skatt. Er það ekki rétt...???
Hérna er hægt að fræðast um kirkjuskattinn.
Já, þið getið kannski bætt við einum í viðbót. Ég var loksins að drullast til að gera þetta í gær. Hefði átt að vera löngu búinn að þessu, en jæja. Betra núna en aldrei.
Og einum til. Loksins lét ég verða af því að yfirgefa þjóðkirkjubatteríið.
Ég er búinn að vera draga lappirnar en er loksins búinn að skila "skilnaðar pappírunum", þjóðkirkjan enn einum færri.
Vill endilega benda öllum á að kíkja á www.sark.is Ágætis félag með góð markmið
Flott að heyra, nú er síðasti séns. Það er að segja, síðasti séns til að forða þessum peningum frá Þjóðkirkjunni næsta árið :-)
Ég hef ekki undan við að uppfæra töluna!
Þið getið bætt einu við :D Var að skrá mig úr kirkjunni áðan, rétt fyrir 4 :P
vil skrá mig úr þjóðkirkjunni og prentaði út eyðublaðið héðan af síðunni en hvert á ég að senda eyðublaðið??
Sæl Mæja
Ef þú býrð á höfuðborgarsvæðinu geturðu farið með eyðublaðið á Þjóðskrá, Borgartúni 24.
Ef ekki, þá geturðu sent það sem símbréf (s. 569 2949).
En ef þetta hjálpar ekki geturðu sent fyrirspurn til Þjóðskrár og spurt nánar út í þetta. Mín reynsla er sú að þau eru mjög fljót að svara fyrirspurnum.
En hvernig er það er ekki bara hægt að fara prestinn í sínu hverfi og tala bara við hann og skrá sig þannig úr þjóðkirkjunni
Kallikall! Til hamingju! Ég vil byrja að afsaka hörð orð í þinn garð á einhverjum þræðinum. :)
Þú ert vitsmunavera. Það er augljóst á skrifum þinum. (Ég talaði reynar við talanaspeking og fékk staðfestingu á þvi.... :) he he he)
-Ég biðst afsökunar á ummælum mínum í þinn garð.
Sæll hr. khomenni og ekki málið:) Ég get eflaust verið soltið pirrandi svona tvístígandi með sumu en á móti hinu. Það sem ég er bara soltið að reyna að koma að hérna er að sumir trúa einhverju útaf því að þeir hafa upplifað eitthvað en ekki af því að einhver hefur sagt þeim það. En þetta á eflaust heima á öðrum þræði :)
Sæll nafni
Eyðublaðið sem við vísum á hérna er fyrir 16 ára og eldri. Þú þarft sem sagt að vera orðinn 16 ára til þess að geta breytt sjálfur um trúfélagsskráningu þína.
Fyrir þá sem eru ekki orðnir 16 ára er annað eyðublað þar sem forsjásmaður (eða-menn ef þeir eru tveir) á líka að undirrita það.
Ég hækkaði töluna um. Hvet fleiri til að ganga í málið og lagfæra skráningu sína.
ég og vinur minn skráðum okkur úr þjóðkirkjunni í dag, semsagt, þið getið bætt okkur tvemur við heildartöluna. :)
Hef verið trúleysingji síðan ég fæddist og loksins búinn að skrá mig úr þessari fokking kirkju. Bætið einum við!!!
Eigum við að bæta þremur við, eða póstaðirðu bara af einhverjum ástæðum þrisvar?
Það kemur fyrir að fólk þarf að bíða lengi eftir að athugasemd kemur inn og því póstar það aftur. Ég hækka tölu upp í 398.
Viltu bæta mér á listann, skila mínu eyðublaði inn í dag :) btw er opið á sunnudögum?
Það held ég varla. Láttu okkur vita þegar þú ert búinn að skila.
Ég er búinn að skila.
Þið getið hækkað töluna um einn í viðbót :)
Það er orðið nokkuð síðan ég skráði mig úr þjóðkirkjunni... en ég fann eyðublaðið hjá ykkur.
Ég fann einnig eyðublaðið hjá ykkur, þannig að það má vel segja að vefurinn ykkar hafi hjálpað mér að skrá mig úr Þjóðkirkjunni. Það eru reyndar komnir þónokkrir mánuðir síðan.
Loksins getur heimasíða mín staðið undir nafni. Var að enda við að senda plaggið yfir rafsegulbylgjurnar niður í Þjóðskrá.
Þið megið alveg taka kredit fyrir það.
Var ég nokkuð of seinn? Er ekki alveg 100% öruggt að Háskólinn fái aurana mína fyrir næsta ár ef ég skilaði í dag?
Þetta sleppur, sóknargjöld eru miðuð við trúfélagaskráningu 1. des
hmm, ég sendi skilaboð áðan um að fækka um einn í þjófkirkjunni, en þau skilaboð hafa fallið út. Hvernig stendur á því?
Jú, ég sá það. Við erum hugsanlega að lenda í einhverjum vandamálum með grunninn okkar sem heldur utanum comment. Gott að vita af þessu, við munum athuga þetta.
Ég sá þá athugasemd við þessa grein og hækkaði töluna upp í 505.
megið bæta enn einum við, ég sendi annan félaga minn á síðuna hjá ykkur og hann var mjög feginn.
Loksins, verð bara að segja það. Fór í gær og lauk þessu af. Ég frétti ekki af því að þið gætuð skutlast með þetta. Þurfti að taka strætó þangað lengst niður í bæ og labba til baka.
Það er nú enginn slíkur listi til en ef þú varst að lagfæra trúfélagaskráningu þína vegna hvatningar okkar myndum við að sjálfsögðu telja þig með þeim sem við höfum aðstoðað.
Ég faxaði mitt eyðublað inn fyrir 1-2 árum. Er einhverstaðar hægt að sannreyna að skráningin hafi gengið í gegn? Fékk enga meldingu til baka.
Þú getur hringt í Þjóðskrá í síma 569 2900 eða sent þeim fyrirspurn í tölvupósti á thjodskra@thjodskra.is.
Búinn að faxa mig úr þjóðkirkju he he... veit ekki afhverju að maður var ekki löngu búinn að þessu!!!
hehe díses. haldiði að þið fáið þessi 2% ef þið skráið ykkur úr þjóðkirkjunni ?
Þessi 2% fara bara í e-ð annað þá, þú færð aldrei að sjá þennan pening.
Ef þú hefðir tekið þér tíma til að lesa eyðublaðið, kemur þar skýrt fram að ef þú skráir þig utan trúfélaga rennur þitt framlag til Háskóla Íslands. Það er enginn að gera ráð fyrir því að fá peningana sína til baka. Heldur snýst þetta um að styðja ekki villutrú með sínum sköttum. En það að peningarnir renni til Háskólans, en ekki beint til mín aftur er hins vegar hannar handleggur á þessari umræðu sem þarf að fara að taka dálítið í gegn.
hæjj gott framtak, ef það er á réttum forsendum. ég hef lengi ætlað að skrá mig úr kirkjunni og faxaði þeim einmitt fyrir c.a. ári síðan. hef reynar ekki fengið nein viðbrögð, enda fær maður sennilega ekki neitt þar um.
mig langaði að spurja hvort það truflaði einhvern annan að fá ekki að velja í hvað skatturinn okkar fer. mér líður vissulega betur að styrkja HÍ, en er það ekki soldið kaldhæðnislegt að ein af sterkari stoðum HÍ er einmitt guðfræðideildin, og er það ekki sú eina sem útskrifar presta á ísl? þó ég viti að BA í guðfræði sé fínt og fólk fari í margt annað en prestinn eftir það...
allavega á að vera löngu búið að aðskilja ríki og kirkju.
Þið getið bætt einum við. Höldum þessu áfram og við verðum búin að bjarga fjárhagsvanda háskólans fyrir næstu jól. Skora á alla háskólanema, burt séð frá trúarskoðunum þeirra, að skrá sig úr þjóðkirkjunni!
mig langaði að spurja hvort það truflaði einhvern annan að fá ekki að velja í hvað skatturinn okkar fer.
Jú, þú ert ekki einn um það. Það svíður að þurfa borga í eitthvað sem maður hefur enga stjórn á en trúað fólk getur stutt það lífsskoðunarfélag sem það vill. Siðmennt hefur reynt að fá skráningu en hafnað þar sem þau trúa ekki á yfirnáttúrulega veru. Afskaplega óréttlát.
Endilega bætið tveimur við töluna. Ég og einn félagi skutluðumst með hvort sitt eintakið niður í þjóðskrá í vikunni.
Ég hækkaði töluna og bætti við þeim sem hafa meldað sig hér síðustu daga.
Einn til, hef ætlað að gera þetta lengi, umræðan síðustu daga, hvatti mig til aðgerða :)
Dreif loksins í þessu, þökk sé hlekknum ykkar. Það sem þó gerði útslagið til að ég drattaðist til að gera þetta var frammistaða byskupsins í sjónvarpsfréttum RÚV í gær. Hann Kalli Prestsins er ykkar sterkasti bandamaður.
Afhverju í sköponum er þetta hlekkjað inná www.b2.is ?
Mér finnst þetta alls ekkert "haha" mál.
FellowRanger, þú verður að spyrja stjórnendur b2.is að því.
Ein spurning til þeirra sem hafa reynslu af þessu úrsögnum, hvernig er það með íslendinga búsetta erlendis? Ég hef lengi verið að pæla í að segja mig úr þjóðkirkjunni og umræðan upp á síðkastið hefur gert mig staðfastann í að sýna mína skoðun í verki. Kemur maður fram sem einn af meðlimum þjóðkirkjunar þó að lögheimilið sé erlendis í augnablikinu? Hef engann áhuga að hjálpa kirkjunni með að fegra meðlimafjöldann, þó að engar tekjur á íslandi séu af manni í augnablikinu sem hægt er að taka kirkjuskatt af...
Í Útlöndum:
Ég er ekki viss, en það er einfaldast fyrir þig að send fyrirspurn til Þjóðskrár hérna.
Þar sem sóknargjöldin eru ekki tekin af sköttunum þínum, heldur borgar ríkið bara ákveðna upphæð árlega miðað við meðlimafjölda, þá held ég að þú sért að gefa kirkjunni pening.
Þessi athugasemd kom á öðrum þræði: Endalok Þjófkirjanna.
http://www.vantru.is/2005/12/31/06.09/#athugasemd-20071201102715
Óhætt að bæta þremur við :)
Ég ákvað í dag að skrá mig úr kirkjunni þar sem að ég hef ekkert með trú að gera. Ég vil þakka vantrúarmönnum fyrir góðann rökstuðning á máli sínu.
þið getið bætt mér við þótt ég skráði mig út úr þjóðkirkjunni 20. mars síðastliðinn. en ég var ekki búinn að láta vita að mér hérna áður
Ég skráði mig úr kirkjunni fyrir stuttu síðan en ég varð mjög hissa þegar ég frétti í hvað þessi littli peningur sem að fór í kirkjuna fer í núna, HANN FER Í HÁSKÓLASJÓÐ FYRIR (GUÐFRÆÐI) er þetta skilgreining á kaldhæðni?
Gustimono: Það er ekki rétt að peningurinn fari beint til guðfræðideildar HÍ, hann fer í almennan rekstur HÍ.
Þið megið bæta við einum. Ég vissi einu sinni ekki að að maður færi sjálfkrafa í þjóðkirkjuna þegar maður fæddist en sem betur fer gat ég fræðst um það hér.
Hef verið að draga að segja mig úr kirk, takk fyrir aðstoð með að vekja mig.
Bætið 4 við. Félagi minn var að skrá alla famelíuna utan trúfélaga.
Jæja, eftir að hafa íhugað að gera þetta í mörg ár lét ég loks verða af því. Svo að þið megið bæta við einum enn.
Gleðilega hátíð og farsælt komandi ár!
Vinsamlegast bætið við mér og börnunum mínum tveimur. Ég á tvo stráka sem eru 1 árs og 3 ára og svo er ég 25 ára. Við munum hérmeð skrá okkur úr ríkisreknri kirkju.
Ég að strákarnir mínir eru ekki orðnir 16 ára en þið vitið hvað ég á við...
Þó ekki séu greidd sóknargjöld fyrir þá sem eru yngri en sextán teljum við þá að sjálfsögðu með. Það gerir Ríkiskirkjan þegar hún vill réttlæta yfirgang sinn.
Sama hér, þetta hefur sitið á hakanum mjög lengi. Nú megið þið bæta einum enn við :-)
Tvö í viðbót! Fyrir nokkrum mánuðum síðan reyndar. Takk fyrir þessa frábæru síðu.
Gustimono: Það er ekki rétt að peningurinn fari beint til guðfræðideildar HÍ, hann fer í almennan rekstur HÍ.
Ekki alveg rétt, sjá hér. Peningarnir fara samt ekki í guðfræðideildina...
Hrekurðu athugasemdina mína með vísun í grein eftir mig? :)
Síðan ég skrifaði þessa grein (eða jafnvel þá strax!) er víst búið að breyta þessu þannig að peningurinn fer ekki lengur í ýmis verkefni, heldur í almennan rekstur.
Ég var að skrá mig úr þjóðkirkjunni svo þið megið bæta mér við töluna.
Hellóó heyriði mamma heldur að hún hafi skráð mig úr þjóðkirkjunni einu sinni en hún er ekki viss. Vitiði hvernig ég sé hvort ég er skráð þar, og ef ég er það, hvert á ég að snúa mér til að skrá mig úr henni? :)
Sæl Þórunn. Það er þjóðskrá sem sér um trúfélagaskráningu þannig að þú þarft að snúa þér þangað. Þú ættir að geta fengið upplýsingar um skráningu þína gegnum síma, en ég er ekki viss um að þú getir breytt henni símleiðs. Hérna efst geturðu náð í eyðublað til að faxa á þjóðskrá, en annars þarftu líklega að fara niður í þjóðskrá í Borgartúni 24.
Þórunn þú getur sent Þjóðskrá fyrirspurn varðandi skráningu þína, mjög einfalt:
Já og svo þurfti ég auðvitað að skrá son minn líka úr þjóðkirkjunni í annarri aðgerð. Hélt að það gerðist sjálfkrafa þegar ég skráði mig úr - en nei. Svo einn bætist við hjá ykkur.
Glæsilegt. Svo er um að gera að boða fagnaðarerindið....
...Mú hahahahahah
Ég nálgaðist eyðublaðið hérna hjá ykkur og upphvötvaði síðuna í leiðinni svo þið megið bæta mér og félaga mínum sem ég kom einnig í gin satans.
Bæta við þremur, faxaði í dag, sniðugt að láta eyðublöðin liggja á skrifborðinu.... ;-)
Bætið við einum í viðbót, ég gerði þetta reyndar fyrir löngu síðan en þið hjálpuðuð samt sem áður...
+1
Takk fyrir upplýsingarnar varðandi hvert skatturinn minn færi eftir útskráningu, hafði efasemdir um að þetta breytti nokkru.
Góðan dag. Getið bætt við þremur í viðbót. Ekki grunaði mig að ég og systkini mín værum öll skráð í þjóðkirkjuna. Það kom í ljós, þegar ég athugaði málið nánar, að þegar móðir okkar sem er norsk fluttist hingað fyrir tæpum 30 árum var hún sjálfkrafa skráð í kirkjuna. Hún hafði ekki hugmynd um það. Svo þegar við fæddumst vorum við líka skráð. Ótrúlegt óréttlæti og frekja!
Við fjölskyldan skráðum okkur í Þjóðkirkjuna með ykkar hjálp. Við erum fimm. Kærar þakkir.
Þið getið bætt mér inn á listann!
Ég var að stofna grúbbu á Facebook sem heitir "Hjálpum Háskóla Íslands - Segjum okkur úr Þjóðkirkjunni" með sömu upplýsingum og þið eruð með hér. Endilega tékkið á því.
Eitthvað af því gæti verið Copy-Paste af síðunni ykkar :) Vona að ykkur sé sama en annars commentiði bara og látið mig vita ef þið hafið eitthvað við það að athuga.
Mátt bæta einum við, fór áðan og skráði mig úr trúfélagi. Takk fyrir frábæra síðu.
Getur bætt við einum. ég neita að trúa að eithvað flúandi í loftinu gæti skapað heiminn. (nema það sé gert úr pasta)
Er einhver möguleiki á því að koma á fót einhverskonar svipuðu prógrami í völdum menntaskólum?
Ég persónulega stunda nám við MH og gæti vel ímyndað mér að vinna einhverskonar sjálfboðaliðastarf í tengslum við þetta. Ég er einnig nokkuð viss um að nemendur skólans tæku vel í það.
Hvernig er það, missir maður einhver réttindi við skráningu úr þjóðkirkjunni? IB
Maður missir enginn réttindi. Þú getur gift þig, skírt og jarðað eins og enginn sé morgundagurinn þrátt fyrir að vera ekki í Þjóðkirkjunni. Eina sem breytist er að sóknargjaldið fer frá Þjóðkirkjunni og þangað sem þú telur því best við komið.
Getið þið sagt mér, ef maður skráir sig úr þjóðkirkjunni getur maður samt fengið hefðbundna útför í kirkju og giftingu, skírn og svo framvegis, án þess að þurfa að borga eitthvert sérstakt aukagjald?
Eða verður maður kannski að tilheyra þjóðkirkjunni til að fá þessa þjónustu yfir höfuð?
Ég veit það hljómar mótsagnakennt að vilja þessa þjónustu en vilja ekki vera í þjóðkirkjunni. En ástæðan er fyrst og fremst sú að ég er að ég er á móti því að ríkið sé að vasast í trúarbrögðum.
Já er stutta svarið. Fólk borgar fyrir þessar athafnir þannig að það er ekki innifalið í sóknargjöldunum. Þér er því óhætt að breyta trúfélagsskráningunni þinni.
Ég einmitt sagði mig úr þjóðkirjunni í dag. Hef ætlað að gera það í langan tíma en eftir að ég datt inn á vantrú.is þá lét ég verða af því.
FÆ ÉG SKATTAAFSLÁTT MEÐ ÞVÍ AÐ SEGJA MIG ÚR ÞJÓÐKIRKJUNNI. "GRÍN" BÆTIÐ EINUM VIÐ HEIÐINGJAHÓPIN
Ég lét loksins verða af því í dag að skrá mig úr Ríkiskirkjunni, getið bætt einum við :D
Glæsilegt hjá ykkur. Mér þykir fáránlegt að ríkið haldi uppi kirkju á meðan heilbrigðis- og menntakerfi sveltur. Heilbrigðiskerfið var nota bene líka svelt í "góðærinu" og nú á bara að skrea meira niður, ó, afsakið, "hagræða". Sjálfur vinn ég á geðdeild. Það stendur til að loka geðdeildum og segja upp fólki en svörin sem við fáum eru loðin, svo ekki sé meira sagt. Afkoma starfsfólks er óviss, þegar talað er um mögulegar uppsagnir og lokanir, en mest bitnar þetta auðvitað á sjúklingunum, því ekki er að sjá að góð úrræði fyrir þá séu tryggð. Þessu mótmæli ég í senn sem heibrigðisstarfsmaður og íbúi þessa þjóðfélags. Því fyrr sem aðskilnaður ríkis og kirkju verður að veruleika, því betra.
Fór um daginn, hef verið á leiðinni alltof lengi.
Skráði mig hinsvegar í Ásatrúarfélagið í staðinn, til styrktar menningararfinum. Ef ég þarf að velja á milli trúarbragða sem ég stunda ekki, þá vil ég mun frekar viðhalda menningarlegum parti af Íslandssögunni í stað einhverrar trúarvitleysu sem innrætir fólk með bulli.
(Já, ég veit ég get staðið utan trúfélaga og að skattpeningarnir fari þá til ríkisins, en mér þykir hitt gott málefni.)
Sendi fax á föstudaginn, ég hef því sagt mig úr þessum sértrúarsöfnuði.
Má bæta við tveimur. Náði einum kaþólskum vinnufélaga með mér....
+1 hérna Ég var LOKSINS að faxa bréf með ósk um að skrá mig úr úr Þjóðkirkjunni, hef verið trúlaus í mörg ár og alltaf á leiðinni að skrá mig þaðan, hvernig veit ég hvort ég er ekki lengur skráð þar? Kveðja
Rósa, einfaldast er að hringja í Þjóðskrá (s. 545 8000) og spyrja hvernig þú ert skráð.
Mátt skrá 3 hér meginn. Mig, konuna og dóttur mína (sem er ekki skírð en var samt sem áður skráð í þetta költ. :) Takk kærlega Vantrú !
ég er búinn að vera að draga þetta allt of lengi, best að skrá sig yfir í Ásatrú á morgun.
Ég er loksins búin að prenta út blaðið. Útvarsviðtalið í morgun minnti mig á, takk takk.
nýfædd börn ættu að sjálfsögðu að vera skráð sjálfkrafa utan trúfélaga þar sem maður á ekki að "fæðast inn í trú" eins og það að vera skráður í sama trúfélag og móðirin sjálfkrafa, þótt það er að sjálfsögðu betra en að vera t.d búddisti og barnið sé skráð í þjóðkirkjuna við fæðingu. Ég skráði mig úr þessu batterýi fyrir löngu með því að mæta upp á þjóðskrá þar sem ég hef verið trúlaus frá því um 11-12 ára...var svolítill trúarofsamaður þar til ég fór loksins að nota hausinn á mér til að hugsa. þannig að.....1+ ?
Andrea, er þetta satt?
Þetta þýðir þá að börnin mín tvö, alsaklaus og falleg, eru skráð í þennan söfnuð!
Móðirin ætlar að skrá sig úr söfnuðinum með eyðublaðinu, en hvað með börnin? Hvernig skráir maður þau út? Ekki geta þau t.d. skrifað undir þetta skjal.
@Thor: Það er annað eyðublað fyrir börn undir 16 ára, sjá hér: http://www3.fmr.is/lisalib/getfile.aspx?itemid=5848
Báðir forráðamenn þurfa að undirrita það.
Þakka þér fyrir Bjarki. Ég hef nú prentað út öll þrjú skjölin.
Og þakka ykkur fyrir sem standið að Vantrú. Þið gerið fólki eins og mér, sem hef ekki yfir miklum tíma að moða fyrir rannsóknir á innviðum hins íslenska stjórnsýslukerfis, lífið mun einfaldara með því að halda uppi þessari síðu.
Kannski þið ættuð að linka á þetta skjal líka. Ég til dæmis hafði ekki hugmynd um að börnin væru SJÁLFKRAFA skráð í söfnuðinn. Það þyrfti umræðu um þetta!
Ég er í reynd stórmóðgaður fyrir hönd barna minna.
Vinur minn gekk frá þessu á föstudaginn, getið bætt honum við. Hann hafði aldrei nennt að standa í því að skrá sig úr Þjóðkirkjunni en var þó fullkomnlega laus við trú á yfirnáttúrulegar verur.
Ég veit af fleirum í hans sporum. Eflaust er talsvert mikið um að fólk sé enn skráð í Þjóðkirkjuna af hugsunarleysi. Verum því dugleg við að benda þessum vinum okkar og vandamönnum á hversu einfalt ferli þetta er.
Félagi minn lét loksins undan og skráði sig úr ríkiskirkjunni. Ég vil meina að ég hafi átt einhvern hlut að máli. -Einn í viðbót takk.
Ég er trúaður, en hef fyrir nokkrum vikum síðan látið afskrá mig úr Þjóðkirkjunni, Í mínum huga er þetta ekki lengur kirkja, heldur eitthvað allt annað, einhverskonar öfugur blekkingaskandall sem maður á ekki að koma nálægt.
Ég skráði mig og dætur mínar tvær úr ríkiskirkjunni árið 2006. Vantrú gaf mér kjarkinn. Eignaðist þriðju dótturina í fyrra og hún er því utan trúfélaga.
+4
Ég lét loksins verða af því að skrá mig úr þjóðkirkjunni, tek ekki þátt í þessum skrípaleik lengur. Takk fyrir upplýsingarnar!
Búin að fylla út umsóknina og hún komin í umslag... svo er það bara að tölta með þetta í póst :)
Var löngu kominn tími á þetta!
Löngu búin að skrá mig úr þjóðkirkjunni og ég sé bara alls ekkert eftir því.
Hvernig kanna ég hvort ég er skráður í Þjóðkirkjuna eða ekki. Man ekki hvort ég lét verða af því fyrir margt löngu þegar mér ofbauð hroki hinna Guðs útvöldu eitt sinn sem oftar.
Ánægjulegt að sjá hve margir skrá sig úr þjóðkirkjunni þessa dagana.
Nokkrir af mínum kunningjum hafa sagt sig úr þjóðkirkjunni. En þeir hafa hinsvegar skráð sig í önnur trúfélög. Eins og fríkirkjuna eða annað í þeim dúr.
Mælti með því við þá að þeir færu í "utan trúfélaga", en það vildu þeir ekki heyra á minnst.
Löngu búinn að skrá mig úr Þjóðkirkjunni, en ég vildi benda ykkur á auðveldari leið heldur en FAX eða að drulla sér alla leið til þeirra, fyrir mér er það allt of mikið vesen og í raun fáránlegt að þurfa að gera sér leið eitthvert á 21. öldinni. En nóg um það;
Vildi benda á þetta. Þætti líka ekkert ósniðugt af vantru.is að pósta grein um þetta.
Það er semsagt hægt að senda þetta sem ímeil. Maggi, þú ert snillingur.
Hæ, ég er i vanda, mig langar til þess að skrá mig úr þjóðkirkjuferlíkinu vegna þess að ég held að þessi stofnun geti ekki þjónað sínum eiginlega tilgangi nema þá að naflastrengurinn við ríkiskassann verði slitinn. Mér finnast trúarbrögð áhugverð út frá löngun til að þekkja og skilja allar hinar ólíku heimsmyndir, en ég trúi ekki á eitthvað sem gæti allt eins verið launhelgar allegoríur og mistúlkað. Vandi minn er samt sá að konan mín er ekki sammála, ég hef talað um það lengi, árum saman, að mig langi til þess að útskrifast úr þjóðkirkjunni en ekki getað það vegna þess að ég vil ekki særa hana. Hún trúir á guð og að vissu leyti öfunda ég hana að hafa þessa ófrávíkjanlegu hugarró sem trúin veitir henni. Þar að auki erum við gift í kirkju af presti, börnin okkar eru skírð á sama hátt og henni finnst sennilega að ég myndi draga skugga yfir það með því að slíta félagsskapnum við hinar helgu kindir. Það myndi ég alls ekki vilja og þess vegna er ég áfram í þjóðkirkjunni og verð það sennilega áfram, þó að ég sé búinn að fylla út eyðublað, búinn að finna fax sendi á netinu, en fæ það ekki í mér að smella á "send" vegna þess að þá væri ég eigingjarn og hræsnari. Er samt alveg sáttur, þetta er bara eins og að langa í fjallgöngu en fara svo aldrei. Þetta er orðið alltof langt. Það er ekki svo einfalt að segja sig úr þjóðkirkjunni eftir allt saman.
...
Margir hafa skráð sig í Fríkirkjuna eða Ásatrúarsöfnuðinn sem eiga við svipað vandamál að stríða. Kannski að konan þín myndi sætta sig við að þú myndir skrá þig í Fríkirkjuna?
@DiabloIV Þú værir allsenginn hræsnari og síst af öllu eigingjarn að segja þig úr Þjóðkirkjunni, jafnvel þó þú hafir gift þig þar og skírt börnin þín. Ég vill ekki vera móðgandi en það er konan þín sem er sá eigingjarni í þessu máli.
Löngu búin að skrá mig úr þessum perrasöfnuði. Ég vil ekki að mínir skattpeningar fari í kirkjuna. No way sko! :)
Getið bætt mér og konunni á listann, vorum að afskrá okkur :)
@DiabloIV Ég myndi nú segja að þetta væri eigingirni í konunni frekar. Þú tekur bara þínar eigin ákvarðanir í hvaða trúarsöfnuði þú vilt vera, og helst auðvitað engum söfnuði en það er kannski of stórt skref fyrir þig í augnablikinu.
Þið getið bætt 3 við. við fjölskyldan yfirgáfum batteríið. Hefði átt að vera farinn fyrir löngu.
Bendi á að nú er kominn sá möguleiki að rafræna trúfélagsskráningu sína.
Bravó fyrir því.
Frábærar fréttir, Þórður !
Spurning hvort þetta hafi ekki verið í pípunum hjá þeim smá stund ?
Ég held að ég hafi ekki verið einn að ýta eftir þeim, en hér er skeyti sem ég sendi þjóðskrá 23.ágúst :
~~~~~ Efni: Þröskuldar fyrir leiðréttingu á trúfélagsskráningu
Góðan dag,
Til að minnka álagið hjá ykkur í tengsl við að fólk skrái sér úr þjóðkirkjuna, og til að þröskuldurinn við að leiðrétta skráningu minnki, væri sennilega við hæfi að huga að eftirfarandi :
Kveðja, Morten
Þessi rafrænu skil eru snilld! Hef ætlað að skrá mig úr þjóðkirkjunni í nokkur ár en aldrei komist í það. Ákvað að stökkva á tækifærið fyrst þeir voru komnir með rafræn skil og það tók mig u.þ.b. 1 mínútu að klára þetta. Mjög þæginlegt og auðvelt.
P.s. getið bætt einum við listann
Var að enda við að senda þetta rafrænt svo ég ætti að vera úr Þjóðkirkjunni í þessari viku, svo plús 1 hér (",)
Meigið bæta mér við, það er orðið soldið síðan ég skráði mig úr þessu rugli, átti bara eftir að bæta mér hérna við, en það er nú ykkur að þakka að ég drullaðist loksins í það :)
Má bæta við tveimur, mamma og pabbi skráðu sig úr Reichskirkjunni í dag. Hugrakt og þenkjandi fólk sem eiga stoltan son :)
Takk fyrir mig, ég er svo félagsfælinn að ég hefði aldrei haft mig á stofnun til að skila eyðublaði. The internet is a wonderful thing.
Spurning um að breyta fyrirsögninni eða útskýra betur. Þar sem flestir íbúar landsins eru eða voru sjálfkrafa skráðir í Þjóðkirkjuna þarf að útlista vel og rétt fyrir fólki hvað felst í því og hvaða aðra möguleika fólk hefur. Einnig mætti útskýra hvað það þýðir ef fólk er utan trúfélaga og deyr. Hvað er gert við líkamann ? Ég óska þess að þið gætuð upplýst fólk sem vill komast úr Þjóðkirkjunni og jafnvel frá öllum trúarbrögðum hvernig á að haga sér í þeim tilfellum sem kirkjan hefur venjulega einokað og menn taka sem sjálfsögðum. T.d. skírn/nöfnun, fermingu, giftingu, greftrun. Það er ekki nóg að upplýsa fólk hvernig á að segja sig úr Þjóðkirkjunni. Það hangir fleira á spýtunni. Bestu kveðjur
Fljótlegt og nokkuð einfallt. Gerði þetta fyrir áramót, fattaði ekki að maður þyrfti að bæta sér sjálfur á listann ;)
Þið megið bæta mér við :)
Frábært að geta skráð sig á netinu (fyrir plebbana sem gleyma alltaf að senda helv. eyðublaðið t.d.)
Getið bætt við einum, vissi ekki að þetta væri svona einfalt. Hef ekki nennt þessu hingað til.
Ætlardu ad skrá tig i tjódkirkjuna af tví ad eitthvad er kjánalegt?
Mátt bæta mér við listann þinn :) Takk kærlega fyrir aðstoðina, veit af helling af fólki sem er einungis í þjóðkirkjunni því að það kann ekki/nennir ekki að skipta/skrá sig úr henni...
Ég sagði mig úr Þjóðkirkjunni en skráði mig í Fríkirkjuna í Reykjavík í staðinn, búinn að fá nóg af Þjóðkirkjunni og hennar klúðrum útí geng, sennilegast á mun meira eftir að koma fram á yfirborðið hjá þeim blessuðum. Hvað þá hjá hommunum sem veljast til að þjóna í Kaþólsku kirkjunni!
Sælt veri fólkið.
Nú er töluvert síðan ég sagði mig úr þjóðkirkjunni og skráði mig utan trúfélaga. Hinsvegar hef ég verið að velta fyrir mér hvað verður gert við líkið þegar maður deyr ? Ég hef aðallega áhyggjur vegna eftirlifendur hvað eigi að gera við mig ef ég tek ekkert fram í erfðarskránni. ( Eru til einhverjar sérstakar reglur ?). Held að þetta sé að hlutur sem stoppar marga í því að skrá sig utan trúarbragða. Ef þú ert í kirkju veistu hvað gerist eftir að þú deyrð. Mæli með að Vantrú gefi upp möguleikana sem eru í boði. Ég veit þá ekki og vona bara að fólkið mitt finni útúr því, sem mér finnst ekki rétt. kveðja Maður sem fer til sinna eigin heima.
Sæll, Balli
Þú getur látið (eða þínir eftirlifendur) grafa þig hvar sem er. Kirkjan tekur þóknun fyrir að grafa fólk óháð því í hvaða trúfélagi það er í. Kirkjan rukkar það sama í hverju tilfelli.
Það eru til sérstakir reitir fyrir fólk úr öðrum trúfélögum en kristni og líka fyrir vantrýslinga. Siðmennt getur séð um útför þína ef þú vilt. Þau rukka líka.
Persónulega hef ég sagt mínum nákomnustu að hafa mína jarðaför eins og þau vilja. Ég verð dauður og þar af leiðandi skít sama. Mín jarðaför er ekki fyrir mig heldur þá sem (vonandi) syrgja mig.
Sem sagt, það skiptir engu í hvaða trúfélagi þú ert þegar það þarf að grafa líkið þitt. Allt kostar.
Sælir
Það væri gott ef þetta kæmi fram þar sem verið er að bjóða fólki að skrá sig utan kirkjunar þar sem þetta er eitt af því sem er spurningar vert. Endilega bætið þessu við. kv Balli
Kjánalegt að sjá hér talað um "að leiðrétta trúfélagsskráningu". Minnir á ruglið um "kynleiðréttingu".
Kjánalegt að sjá hér talað um "að leiðrétta trúfélagsskráningu". Minnir á ruglið um "kynleiðréttingu".
Ef eitthvað er rangt og það fært í réttar skorður er þá ekki um leiðréttingu að ræða? Og Jón Valur, haltu þinn fornaldarlegu, hómófóbísku þráhyggju fyrir sjálfan þig.
Kynleiðrétting er staðreynd, fólk fæðist raunverulega með kynímynd á skjön við líffræðilegt kyn.
Fólk sem skráð hefur verið í trúfélag sem óvitar (meirihluti þjóðarinnar) og finnur sig engan veginn eiga heima þar tekur að sjálfsögðu skref til leiðréttingar þegar það yfirgefur trúarsöfnuðinn.
Gaman að sjá hvað margir hafa sagt sig úr kirjunni. Ég sagði mig loksins frá henni 64ára gamall og sé ekki eftir því.
Ég vil þakka prestinum sem fermdi mig og lestur á biblíunni að ég frelsaðist. Hef ekki verið skráður í kirkju eða öðrum trúarbrögðum í mörg ár. Vil einnig þakka manni sem benti mér kurteisislega á hvort ég vildi leiðrétta skráningu mína. Þegar ég gaf honum ekki gaum (þar sem ég var búinn að afskrá mig) þá reyndi hann ekki að þvinga skoðunum sínum að mér heldur bað mig að eiga góðan dag. (bankaði ekki uppá hjá mér dagin eftir eða rétti mér bæklinga til að ég gæti séð villu míns vegar) Það sem má læra af þessu er að ekki nota aðferðir trúarbragða til að upplýsa fólk. Endilega hvetjið fólk til að lesa trúarritin í þaula á eigin sjálfsdáðum en ekki undir handleiðslu manna sem túlka þau fyrir það.
Það mætti leiðrétta eitt á þessari síðu. Þar sem þessi síða er samkomustaður fólks sem trúir ekki á guð í neinni mynd þá mætti breyta þessari leiðréttingu " úr ríkistrúnni" í "úr trúarbrögðum". Ég geri mér grein fyrir að þið eruð að höfða til allra sem voru skráðir í ríkistrúna án fyrirspurnar en með því er verið að gefa í skyn að þið séum á móti ríkiskirkjunni en gætuð verið hliðhollir öðrum trúarbrögðum. Ef svo er þá væri ég til í að auglýsa á síðunni ykkar þar sem ég er æðstiprestur trúarbragða sem trúa á Manga hinn mikla og ég vil veg hans sem mestan.
Réttast væri náttúrulega að tala um að leiðrétta trúfélagaskráningu sína. Við hjálpum fólki að skrá sig úr og í þau trúfélög sem það sjálft vill. Þessi herferð gengur út á að leiðrétta skráninguna svo hún endurspegli raunverulega trú landsmanna. That is all.
Sjá: http://www.vantru.is/2009/11/29/10.00/
Megið bæta 4 við. Ég skráði mig úr og hjálpaði, bæði mömmu, bróðir mínum og systur að skrá sig úr þessu líka. Við erum öll frjáls frá heimsku trúabragða eða trú á yfirnátturulega hluti sem hafa engin alvöru sönnunargögn til að styðjast við.
Teljið mig með, er ekki lengur að greiða 2% af mínum skatti til Gunnars í Krossinum, gvuði sé lof.
Ég hef lögheimili erlendis en er samt íslenskur ríkisborgari. Er ég thá skrádur í thjódkirkjuna? Ef svo er, skrifa ég lögheimili mitt erlendis á plaggid? Thví ég vil skrá mig úr.
Getið bætt 5 við við fórum öll úr Þjóðkrkjunni fyrir nokkru. Vantrú á þakkir skildar fyrir ómetanlegt starf.
Langt síðan ég skráði mig úr ríkiskirkjunni eftir að hafa lesið ábendingu frá ykkur um hvernig það er gert. Fyllti út eyðublaðið og sendi á skra@skra.is simple as that!
+1
Sæl,
Nú er hægt að gera þetta með enn einfaldari hætti, í gegnum skra.is.
Smelltu á hnappinn "TILKYNNTU FLUTNING HÉR." á forsíðunni, skráðu þig inn með íslykli, og veldu "Skráning í trúfélag og lífsskoðunarfélag eða skráning utan trúfélaga og lífsskoðunarfélaga (18 ára og eldri)".
Þjóðskrá vinnur svo úr þessu, þ.a. þetta gerist ekki samstundis, en þetta er ekki flókið.
Ég skráði mig úr þjóðkirkjunni fyrir tæpu ári síðan og fann linkinn á eyðublaðið hjá ykkur. Það má því endilega inklúdera mig í þessari tölu!
Sýnið viðbrögð, en vinsamlegast sleppið öllum ærumeiðingum. Einnig krefjumst við þess að fólk noti gild tölvupóstföng, líka þegar notast er við dulnefni. Ef það sem þið ætlið að segja tengist ekki þessari grein beint þá bendum við á spjallborðið. Þeir sem ekki fylgja þessum reglum eiga á hættu að athugasemdir þeirra verði færðar á spjallborðið.
Hægt er að nota HTML kóða í ummælum. Tög sem virka eru: a href, b, i, u, br, p, strong, em, ul, li og blockquote. Einnig er hægt að notast við Markdown rithátt í athugasemdum. Notið skoða takkann til að fara yfir athugasemdina áður en þið sendið hana inn.
Kristinn - 24/04/06 13:08 #
Þið getið bætt við einum!