Umræður á Alþingi eru misgáfulegar en miðvikudaginn 11. mars s.l. svaraði dóms- og kirkjumálaráðherra (sic) athyglisverðri fyrirspurn um sjálfkrafa skráningu barna við fæðingu í trúfélag móður.
Samkvæmt lögum um Þjóðkirkjuna veitir skráning í þjóðskrá og skírn í nafni heilagrar þrenningar aðild að henni. Þannig er óskírður maður ekki aðili að þjóðkirkjunni (en greiðir þó samt sem áður sóknargjöld til hennar!). Ef einhver er hins vegar skírður í nafni heilagrar þrenningar en ekki skráður í Þjóðkirkjuna er hann ekki aðili að henni.
Hvaða hagsmuni hefur nýfætt barn af því að vera skráð í félag, sem það er þó ekki aðili að í þokkabót?
Hér geta menn horft á umræðurnar á Alþingi.
Vilja menn ekki skrifa dómsmálaráðherra bréf og spyrjast fyrir um stöðu þessa máls: ragna.arnadottir@dkm.stjr.is
Glæsilegt, Óli.
Það er nú svo að fögur fyrirheit eiga það til að verða að litlu, en auðvitað vonum við að "jafnréttisráðherra" klikki ekki á þessu jafnréttismáli, þótt herrann sé kona.
Annars er það nú yfirlýst stefna allra flokka að afnema þessi fáránlegu lög. Vinstri græn, Samfylkingin og Sjálfstæðisflokkurinn samþykktu slíkt á landsfundum sínum og nú nýlega bættist Framsóknarflokkurinn við.
Hins vegar sakar ekkert að ýta á eftir þessu og minna á að við fylgjumst með.
Ég er svo mikill svartsýnismaður að ég trúi þessu tauðla. Ríksstórnin fellur og SjálfstæðisFLokkurinn kemst til valda og þetta mál er eitt af þeim fyrstu sem hann myndi slaufa.
Vissulega vonar maður að skráning nýfæddra barna hætti af hálfu ríkisins. Þetta er ákvörðun sem einstaklingurinn eða forráðamenn eiga að eiga frumkvæði að sjálfir.
Annars er ég ansi forvitinn að sjá hvaða áhrif þessi lög myndu hafa á skiptingu Íslendinga í trúfélög og utan trúfélaga sem og að sjá hvernig kirkjan bregst við þessu.
Dómsmálaráðherra svaraði bréfi mínu:
Sæll! Ég fól lögfræðingum ráðuneytisins að undirbúa lagabreytingu í þessa veru, ef ekki stæði neitt því í vegi, ég veit ekki nákvæmlega hvar málið er statt en sendi afrit þessa pósts á Bryndísi Helgadóttur skrifstofustjóra lagaskrifstofu, Bkv. Ragna
Vilji menn spyrjast fyrir hjá Bryndísi: bryndis.helgadottir@dkm.stjr.is
Eftir bréf og ítrekun hefur Bryndís nú svarað:
Sæll Reynir.
Til stendur að leggja fram breytingu á lögunum nú í haust.
Kveðja Bryndís
Í haust segir skrifstofustjóri lagaskrifstofu en samkvæmt Þingmálaskrá ríkisstjórnarinnar 2009-2010er það ekki fyrr en í vor:
19, Breyting á lögum um skráð trúfélög nr. 108/1999.
Breyting á ákvæðum laganna er varða sjálfvirka skráningu barna í trúfélög. (Vor.)
Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.
Óli Jón - 18/09/09 13:39 #
Takk fyrir góða grein og áminningu.
Ég sendi ráðuneytinu eftirfarandi erindi 30. ágúst sl.:
"Til þess er málið varðar
Ég óska eftir því að fá upplýsingar um hvernig gengur að endurskoða lög og reglur um sjálfvirka skráningu ungabarna í trúfélag móður. Þetta mál er til vinnslu í ráðuneytinu sbr. eftirfarandi frétt:
http://www.mbl.is/mm/frettir/innlent/2009/03/11/endurskoda_sjalfkrafa_skraningu_i_trufelog/
Þessi endurskoðun er tilkomin vegna álits frá Jafnréttisstofu sem segir að núverandi fyrirkomulag standist varla ákvæði jafnréttislaga.
Vinsamlega sendið mér svar eins fljótt og hægt er.
Með kveðju"
Þannig 1. september fékk ég eftirfarandi svar:
"Komdu sæll, Á verkefnaskrá ráðuneytisins fyrir veturinn 2009-2010 er búið að skrá þau lagafrumvörp sem ætlunin er að semja og leggja fyrir Alþingi. Eitt frumvarpanna á skránni snýr að breytingu á lagaákvæðum um að afnema þessa sjálfvirku skráningu barna í trúfélag móður. Á þessari stundu er ekki hægt að segja til um hvernig vinnslu eða vinnsluhraða við þetta frumvarp verður hagað, en stefnt er að því að það hljóti samþykki Alþingis fyrir þinglok næsta vor. Með bestu kveðju"
Þarna er að finna góð fyrirheit sem ég vona að verði að veruleika.
Óli