Okkar hliðræni heili er í jafnvægi þegar hann lifir í fullvissu. Þær efnahagslegu þrengingar sem nú ganga yfir landsmenn trufla okkar daglega líf með því að framkalla óvissu og kvíða. Nákvæmlega á þeim tímapunkti er mannshugurinn veikastur fyrir. Þegar nálykt óvissunnar leggur frá lýðnum hefja hrægammar sig til flugs. Þeir boða innhaldslausar lausnir vöndlaðar inní skrípapólitík fornaldar gegn því að landsmenn greiði ærlegt verndargjald til sín. PR stormsveitir ríkiskirkjunnar jafnt sem annarra safnaða hafa nú þegar yfirgefið náttstað sinn.
Bænir hafa aldrei læknað fátækt og því til sönnunar er eymd forfeðra okkar undir dyggri bænastjórn ríkiskirkjunnar öldum saman. Rekstur ríkiskirkjunnar sem er upp á 6 milljarðar á næsta ári kemst á bekk með sóðalegustu eyðsluklóm í musterum mammons. Því ætti að vera eitt af aðgerðum ríkisstjórnarinnar að nota milljarðana 6 til að útrýma fátækt á Íslandi, en sturta því í viðhafnarlíf sem hefur það að markmiði að biðja fyrir fátækum.
Séra Baldur: “Kirkjan og kreppan!”, Séra Pálmi: “Hriktir í hjónaböndum vegna áhyggja”, Hjálparstofnun kirkjunnar: “Margir þurftu aðstoð í skólabyrjun”, Séra Þórhallur: “Messað gegn bölsýnistali”, Gunnar í krossinum: “Trúarleiðtogar landsins leggjast á bæn í kreppunni”, biskup ríkiskirkjunnar: "Kreppa er tækifæri" og Laugarneskirkja: "Boðið upp á uppörvun og leiðsögn í sparnaði". Þetta er örlítið brot af trúarsíbyljunni sem tröllríður okkur. Það er einfaldlega fullástæða hér á kjaftæðisvaktinni að benda fólki á að gammarnir eru komnir á kreik. Það er trúarlegt hópflug þar sem gammarnir munu gæða sér á afgöngunum af yfirgefnu veisluborði mammons.
Fínn texti.
Vá hvað öll þessi vísis grein er mikið þvaður.
.......Biskupinn segir einnig að lausnin sé í nánd. „Framundan er vorið handan allra vetrarveðra. Því megum við treysta. Við megum reiða okkur á návist Guðs og atbeina góðra manna. Guð er að verki og þar er engin lausafjárþurrð. Nægtir náðar hans standa öllum til boða. Og hvert og eitt getum við rétt öðrum hjálparhönd og hlýjan hug umhyggju og kærleika," segir biskup enn fremur.......
Gott að vita að guð á ekki í vandræðum með lausafjár. Auðvelt að jarma svona vitleysu með yfir milljón á mánuði.
Guð á sem sagt fullt af peningum, eina sem ég þarf að gera er að gefa honum "sál" mína og reyna svo að betla af honum nokkrar krónur með stöðugu bænavæli. Sé samt ekki hvernig það á að ganga upp, nema ef biskupinn ætli að senda mér peninga í pósti.
""Svo þyrfti helst að setja upp gapastokk á Austurvelli, þjóðin á rétt á því ;-)""
Hvað var málið með ræðu Geirs Haarde; "Guð blessi Ísland"??
Minnir mann óhugnalega mikið á bandaríska pólitíkusa... Alveg einstaklega smekklaust í því sem á að heita trúfrjálst land.
Sveinn: Ísland er kristið land það eru Bandaríkin sem eru skilgreind sem ,,trúlaust" land fremur en við.
Í stjórnarskrá okkar er Lútherskur siður lögbundin og fáninn okkar er í senn tákn þjóðar og trúar.
Frelsarinn: Ég sé ekkert að því að benda fólki á að þó svo að heimurinn hrærist er trú okkar sú saman. Biskup er að tala til þess fólks sem á sömu trú hvernig getur það angrað þig?
Hef nú alltaf undrast á því að Þjóðkirkjan hafi ekki valið skeleggari forystusauð sem biskup er Karl S. Hann hefur ekki þetta leiðtogayfirbragð yfir sér sem embættið kallar á, virðist eiga erfitt með að tjá sig og horfa framan í fólk í leiðinni. Hann er heldur ekki sterkur í ræðu, virðist lesa þetta af blaði og virkar eins og honum líði ekki vel meðan á þessu stendur. Það er eitthvað með framkomuna og stílinn hjá honum, nær ekki að sameina þetta valdslega og almenna. Hann nær einfaldlega ekki í gegn með boðskapinn og snertir því fáá.
Sveinn: ég mislas orð þín trúfrálst sem trúlaust.
En sömuleiðis þá eru kristinn lútherskur siður lögbundin trú Íslendinga.
Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.
Gunnar - 06/10/08 14:21 #
Mjög góð grein. Núna þegar fjármálakreppan ríður yfir fara menn eins Snorri Betil Óskarsson og fleiri sérleiðtogar að benda fólki á að endurkoma Jesú sé í nánd. Hvílíkt annað eins bull og vitleysa. Að það sé til fólk 21 öld sem nennir að burðast með þennan heilaspuna.