Fyrir rúmum þremur árum gekk sú saga í fjölmiðlum að rannsóknir bentu til þess að ljóst hár myndi hverfa úr erfðamengi mannsins á næstu öldum. Reyndar gekk rannsóknin svo langt að halda því fram að síðasta ljóskan myndi fæðast í Finnlandi árið 2202. Það var á sínum tíma erfitt að skilja hvernig fjölmiðlafólk féll fyrir þessu rugli en það er jafnvel undarlegra að þessi saga skuli skjóta upp kollinum aftur.
Á Morgunblaðsinsvefnum birtist frétt um ljóshært fólk sem lauk á eftirfarandi kafla:
Framtíð ljóskunnar er þó óráðin, ef marka má rannsókn sem gerð var á vegum Alþjóða heilbrigðismálastofnunarinnar. Niðurstöður þeirrar rannsóknar benda til að ljóskan muni deyja út eftir um 200 ár vegna þess að of fáir einstaklingar beri ljóskugenin. Að öllum líkindum muni síðustu ljóskurnar fæðast í Finnlandi árið 2202.
Þetta er flokkað sem "tækni & vísindi". Ef einstaklingurinn sem skrifaði þessa grein hefði haft fyrir því að fletta aðeins í Gagnasafni Morgunblaðsins (sem hann hefur væntanlega aðgang að) þá hefði hann fundið þetta í rúmlega þriggja ára gamalli frétt um málið:
Eftir því sem næst verður komizt átti fréttin upptök sín á brezkum netmiðlum og dagblöðum. Jafnvel þungavigtarmiðlar eins og netfréttastofa BBC flutti fréttina af niðurstöðum meintra rannsókna þýzkra vísindamanna, sem í umboði WHO hefðu skoðað framtíð ljóshærðs fólks.
Síðla sl. þriðjudags sendi WHO frá sér tilkynningu, þar sem sagt var, að þessi meinta rannsókn væri stofnuninni með öllu ókunn og óviðkomandi.
Þetta var annars frétt af þeirri tegund, sem blaðamenn nenna almennt ekki að kafa ofan í kjölinn á til að ganga úr skugga um sannleiksgildi á, eftir því sem fullyrt er í umfjöllun um málið í danska blaðinu Berlingske Tidende. [...]
Ljóskur eru ekki í hættu, sérstaklega ekki í blaðamannastéttinni.
Heimildir: Ljóskurnar lifa af Fyrstu ljóskurnar bjuggu í hellum
Steindór, þú ferð offari í athugasemd þinni :-)
Óli setur alls ekkert út á þann hluta fréttarinnar sem fjallar um fyrstu ljóskurnar (sem greinin sem þú vísar í fjallar um), heldur þann hluta fréttarinnar sem fjallar um framtíð ljóskunnar þar sem vitnað er í rannsókn Alþjóða heilbrigðismálastofnunarinnar, rannsókn sem ekki er til.
Steindór, er til of mikil ætlast að þú lesir það sem þú ætlar að gagnrýna? Jafnvel titillinn einn og sér hefði átt að gefa þér góða vísbendingu.
Það væri gaman að vita hversu rasísk þessi hugmynd er til að byrja með. Það virkar a.m.k. ekki mjög líklegt að í Norður-Evrópu fari af stað flökkusögur um að hinn hreini og tæri svarti húðlitur Afríkumanna sé í hættu vegna blöndunar kynþátta, en ljóst og rautt hár er fínt í svona sögur.
Mig minnir að Hjörtur J. Guðmundsson sem var þá ennþá með hinn þjóðernissinnaða "flokk" "framfarasinna" hafi einmitt skrifað grein á vef sinn um það hve hræðilegt það væri nú að ljóskurnar væru að deyja út og að fólk ætti nú að taka þessa frétt alvarlega. Þá hló ég.
Umfjöllun fjölmiðla um vísindi er oft í lakari kantinum og þetta er mjög gott dæmi um slíkt. En við hverju er að búast af vefmiðli sem er með stjörnuspá á forsíðunni?
Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.
Steindór J. Erlingsson - 02/03/06 10:44 #
Óli, nú ferð þú offari á kjafæðisvaktinni. Fréttin byggir á nýrri grein í hinu virta tímariti Evolution and Human Behavior sem nefnist "European hair and eye color: A case of frequency-dependent sexual selection?". Höfundur greinarinnar hefur þetta að segja: