Allar færslur Allir flokkar Sos Um félagið Úrskráning Lógó Spjallid@Vantru Póstfang Vantru@Facebook Vantru@Youtube Vantru@Twitter

Málpípur Gvuðs

Ef prestar eru fréttamenn ættu þeir flestir að vera búnir að segja upp starfi sínu fyrir löngu. Þeir hafa það oft farið rangt með, endurtekið fullyrðingar sem þeir vita að eru rangar og reyna ætíð að segja ekki það sem illa hentar kirkjunni. Starf presta gengur út á að forðast að segja satt frá. Hvaða prestur boðar það sem menn vita best um kristni? Hagsmunatengslin eru of áberandi.

Séra Örn Bárður er þekktur fyrir að messa um pólitísk hitamál og svosem ekkert um það að segja. En hlustar einhver á það sem presturinn lætur frá sér, les einhver það sem hann skrifar? Það stendur nefnilega ekki steinn yfir steini í málflutningi hans þegar nánar er skoðað.

Nei, prestar eru ekki fréttamenn og kristin kirkja ekki fréttastofa. Málpípur og auglýsingastofa er nær sanni.

Dramb er falli næst. Þeir sem beita aðra ofríki munu uppskera eins og þeir hafa sáð til.

Hvað er maðurinn að segja? Þeir sem beita aðra ofríki verða beittir ennþá meira ofríki af mömmugvuð? Spáir Örn Bárður eitthvað í því sem hann prédikar?

Og svo er ekki hægt að skipta um kennitölu gagnvart Guði.

Segir Örn Bárður og virðist þar algjörlega líta framhjá einum viðbjóðslegasta siðlausasta parti kristinnar trúar, takmarklausri fyrirgefningu. Samkvæmt kreddum kirkjunnar sem Örn Bárður starfar hjá er einmitt hægt að skipta um kennitölu. Það skiptir engu máli hvernir þú hagar lífi þínu - ef þú iðraðst og játar trú ferðu til himna samkvæmt þessum undarlegu trúarbrögðum. Trúleysinginn sem aldrei hefur gert flugu mein á ekki séns. Fjöldamorðinginn og raðnauðgarinn sem skiptir um kennitölu fer fremst í röðina.

Hlutverk okkar er að bera og fæða hinn góða vilja inn í þennan heim þar sem gildin eru gjarnan sveigð til og hið ranga verður rétt og hið rétta þykir ekki borga sig. Þörfin hefur ekki minnkað. Börn þurfa jafnvel enn meiri umhyggju en áður. Í skólum þarf að halda þessum gildum á lofti með meiri áhuga og krafti en nokkru sinni fyrr.

Þegar Örn Bárður talar um "þessi gildi" á hann að sjálfsögðu ekki við það sama og flestir gætu haldið. Það sem hann á við er að það þarf að boða trú í skólum, ljúga meira að krökkum mata krakka með hálfsannleik og blekkingum svo þau verði góðir og gegnir kirkjuþegnar, borgi sóknargjöldin svo greifar eins og Örn Báður geti haldið áfram að hala inn hálfa milljón á mánuði fyrir að klæðast trúðsbúning og fara með galdraþulur fyrir framan nokkra ellilífeyrisþega á Setljarnarnesi. Haft er eftir sama manni í Fréttablaðinu í dag að hann sé "almennt að vara við þessu ofríki, þessum stjórnunarstíl sem snýst um að neyta aflsmunar og fara sínu fram". Má ekki heimfæra þessi orð upp á trúboð í skólum? Hvað er það annað en "ofríki"?

Og enn eru sagðar fréttir: Guð hefur sigrað hið illa og mun leiða ríki sitt fram til sigurs í fyllingu tímans.

Ef Gvuð hefur sigrað hið illa, hvað veldur þá allri "illskunni" í heiminum? Sigraði Gvuð kannski hið illa og tók svo við hlutverki þessi, murkar lífið úr öllum fátæku börnunum sem Örn Báður minnist á í prédikuninni, drekkir hundruð þúsundum og sprengir fætur af saklausum börnum.

Örn Bárður getur ekki haldið því fram í sömu prédikun að allt sé að fara til helvítis og gvuð hafi sigrað hið illa.

Og þó, auðvitað getur hann það. Það er ekki eins og messugestir leiðrétti prédikarann. Þeir sitja og þegja, presturinn messar og telur sjálfum sér trú um að það sem út úr honum kemur sé viska en ekki bull.

Matthías Ásgeirsson 16.03.2005
Flokkað undir: ( Messurýni )

Viðbrögð


Jonni - 31/03/05 19:25 #

Sko það er enginn guð það er enginn djöfull, þetta eru bara tilbúnir karakterar sem fólk notar til að geta kennt um eða segir: "Guð sagði þetta" um eitthvað óeðlilegt og heimskulegt til að fá fólk til að trúa sér. Himnaríki og helvíti eru ekki til!!! Þetta eru bara ævintýrastaðir eins og Aldreiland.

Og hvernig guð væri það sem skipar einum af sínum dyggustu þjónum að drepa son sinn (Abraham átti að drepa Ísak)????

Hvaða rugl er það að trúa öllu sem stendur í Biblíunni? Þetta er bara mest selda skáldsaga allra tíma og ekkert annað.

Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.