Allar færslur Allir flokkar Sos Um félagið Úrskráning Lógó Spjallid@Vantru Póstfang Vantru@Facebook Vantru@Youtube Vantru@Twitter

Eðlisfræðingurinn Sexy Sadie

Á bls. 15 í Fréttablaðinu í dag segir af stofnun nýrra Sameinuðu þjóða. Þar eru komnir áhangendur jógans Maharishi Mahesh með allt sitt barnalega nýaldarblaður.

Svo óforskammað er þetta fólk að það vílar ekki fyrir sér að vanvirða vísindaþekkingu heimsins með því að kalla sitt eigið rugl vísindalegt. Innhverfa íhugun karlsins sem áreitti Marianne Faithful kynferðislega er skyndilega orðin hávísindaleg fræði og hann sjálfur titlaður eðlisfræðingur. Og í hroka sínum leyfir þetta fólk sér síðan að taka sér „foreldrahlutverk allra ríkisstjórna heims“.

Passið ykkur! Hér er komið enn eitt peningagráðuga költið sem þrífst á trúgirni manna og göfgiþrá. Guðrún Kristín Magnúsdóttir ætti að skammast sín fyrir þessa auvirðilegu tilraun sína til að hefja sig upp fyrir okkur hin með asnalegum trúarbrögðum sem engu skila nema falskri öryggiskennd og aurum í hennar eigin vasa.

Maharishi er ekki eðlisfræðingur nema kannski í eigin hugarheimi. Innhverf íhugun virkar ekki út fyrir höfuð þess sem peppar upp í sér vellíðan með því að beita henni. Og þessar hávísindalegu tilraunir á innhverfri íhugun, sem Guðrún segir hafa verið gerðar í hundruðatali og sanni að kuklhegðunin skili friði í heiminum, hafa aldrei farið fram eða skilað slíkum niðurstöðum. Ef svo væri væru virt vísindarit full af greinum um hvernig þessi tækni virkaði á umhverfið.

En svo er ekki. Þetta er galdrakukl, gott fólk. Þetta er kjaftæði.

Munið þið eftir Náttúrulagaflokknum, sem bauð fram til þingkosninga árið 1995? Hann byggði á sama bulli og fullyrðingarnar voru svipaðar, allt voða mikið vísindalega sannað. Hvar er hann í dag?

Birgir Baldursson 22.11.2004
Flokkað undir: ( Kjaftæðisvaktin )

Viðbrögð


H.G. - 22/11/04 13:25 #

Séu framhaldsmyndir gerðar, vilja þær oft verða fjári lélegar og jafnvel helber endurtekning á undanfara sínum. Ég velti fyrir mér hvort það eigi einnig við um framhaldslíf. Kannski það sé bara best að lifa einu sinni.

Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.