1. Þú skalt drepa mann sem safnar eldiviði á helgidegi
2. Þú skalt ekki snerta konu sem er á túr.
3. Konur skulu þegja í kirkju.
4. Konur eiga að líta á eiginmann sinn eins og hann sé Drottinn.
5. Refsa skal BARNINU ef foreldrar þess gleyma að láta umskera það.
6. Þú skalt drepa mann sem neitar að gera mágkonu sína ófríska ef hún er orðin ekkja.
7. Þú mátt ekki gera líkneski eða mynd af neinu því sem til er.
8. Faðir má selja dóttur sína í þrældóm til að borga sekt.
9. Ef barn þrjóskast við og er uppreisnargjarnt eiga foreldrarnir að drepa það.
10. Nornir og seiðkarla á að drepa.
11. Gjöreyða skal öllum sem fórna til annarra guða en Jahve
12. Bannað er um aldur og ævi að neyta blóðs og fitu.
13. Bannað er að borða svínakjöt.
14. Sá sem snertir óhreint rúm á að fara í bað og telst "óhreinn" til kvölds.
15. Þegar maður hefur sáðlát á hann að fara í bað og telst "óhreinn" til kvölds.
16. Sá sem snertir rúm konu sem er á túr verður að fara strax í bað, þvo öll fötin sín og telst "óhreinn" til kvölds.
17. Launþegar eiga að fá útborguð laun sín á hverjum degi.
18. Á akri má ekki sá nema einni tegund af fræjum.
19. Karlmaður má ekki snyrta bartana.
20. Karlmaður má ekki klippa skegg sitt eða snyrta.
21. Þú skalt drepa homma sem sofa hjá.
22. Eigi maður í kynlífssambandi við konu sína og tengdamóður á sama tíma skal drepa þau öll þrjú.
23. Eigi maður í kynlífssambandi við dýr skal bæði maðurinn og dýrið drepið.
24. Eigi maður í kynlífssambandi við konu á túr skulu bæði gerð útlæg úr söfnuði sínum.
25. Ef dóttir prests gerist vændiskona skal brenna hana lifandi.
26. Þú skalt drepa þann sem guðlastar með nafn guðs.
27. Þrældómur varir alla tíð og skulu þrælar hlýða eigendum sínum.
28. Synir eru verðmeiri en dætur.
29. Þú skalt greiða Drottni tíund launa þinna.
30. Þú skalt drepa þann sem starfar sem prestur án leyfis.
31. Kona sem grunuð er um framhjáhald skal reynd með því að láta hana drekka beiskan vökva gerðan úr drullunni af gólfinu (ekkert slíkt próf er til fyrir karla)
32. Drepa skal þann sem fær einhvern til að snúa sér til annars guðs.
33. Þú skalt drepa konu þína börn og ættingja ef þau fara að tilbiðja annan guð.
34. Þú skalt drepa þann sem sýnir presti eða dómara lítilsvirðingu.
35. Ef þú vilt lifa lengi skaltu ekki taka móður frá fuglsunga en þú mátt taka fuglsungann.
36. Þú mátt ekki plægja akur með uxa og asna á sama tíma.
37. Þú skalt drepa brúði sem kemur í ljós að er ekki hrein mey.
38. Þú skalt drepa heitbundna mey sem er nauðgað nema hún hafi kallað á hjálp á meðan henni var nauðgað.
39. Hrein mey sem er nauðgað verður að giftast nauðgaranum (ef hann finnst).
40. Sá sem fæðist utan hjónabands skal vera refsað og næstu tíu ættliðum hans og skal þeim ekki leyft að ganga í neinn söfnuð.
41. Höggva skal af hönd konu sem grípur um tippið á óvini manns hennar!!!
42. Börn skulu hýdd með vendi því þá drepast þau ekki þegar verið er að refsa þeim.
43. Gefðu öllum allt það sem þeir biðja þig um og veittu öllum peningalán sem biðja þig um það.
44. Þú átt alltaf að biðja bænir í einrúmi.
45. Allir karlmenn ættu að íhuga það að láta vana sig til dýrðar ríki Drottins.
46. Hjónaskilnaður er bannaður og ef þú giftist aftur ertu að fremja hórdómsbrot.
47. Þú skalt drepa menn og konur sem fremja ónáttúrlegar kynlífsathafnir.
48. Það er karlmanni mikil skömm að vera með sítt hár.
49. Heilsið hvert öðru með heilögum kossi.
50. Konur eiga að læra þegjandi.
51. Konur mega ekki kenna eða hafa nokkur yfirráð yfir mönnum.
52. Notaðu bænir og smyrsl til að lækna sjúkdóma.
53. Ó já, svo á maður að vera góður við náungann. :=)
93
"45. Allir karlmenn ættu að íhuga það að láta vana sig til dýrðar ríki Drottins."
Veistu að það væri ekki slæm hugmynd ef ofsatrúarmennirnir gerðu þetta... áður en þeir eignast börn
erum vid ta ekki allar retdræpar....
Þetta eru bara nokkur atriði úr Biblíunni tekin saman til að benda almenningi á hve mikinn sora er að finna þar. Enginn brandari en vissulega er kristin trú hlægileg eftir að hafa lesið þennan lista.
Greinilegt að sá sem skrifaði þetta þekkir ekki kristni... öllu snúið á hvolf og ýmsu við bætt... ekkert þarna sem er ekki a.m.k. tekið úr samhengi...
en ef þið hafið gaman að því að snúa út úr guðs orði þá er það ykkar mál... ef einhver sem les þetta hefur áhuga á að vita sanneikann þá endilega lesiði Biblíuna með opnum huga... ekki þannig að þið séuð að leita að einhverju vondu... lesið og biðjið Guð að sýna ykkur sannleikann
"elskið náunga ykkar eins og sjálfa ykkur"
"guð er kærleikur"
"biðjið fyrir óvinum ykkar"
"bjóðið hinn vangann"
"elskaðu konu þína eins og kristur elskar kirkjuna"
"svo elskaði guð heiminn að hann gaf son sinn eingetinn til þess að hver sem á hann trúir glatist ekki heldur hafi eilíft líf"
þið gleymduð þessu!
Það hefði nú verið fróðlegt að láta tilvísanir fljóta með fyrir þá sem eru ekki skólaðir í gamla testamentinu.
Undarlegt að fólk skuli mynda sér allar skoðanir um Guð út frá misgóðum bókum.
Guð er ekki það lítill að hann komist fyrir í bókum. Ég get aðeins beðið fólk um að pæla í Guði á annan hátt en út frá bókmenntum um hann.
Og þú, lalli, mætti aðeins pæla í því hvort guðinn þinn sé eitthvað raunverulegri en allir hinir guðir mannkynssögunnar, sem þú hafnar eins og hverjum öðrum hindurvitunum.
.... uhh?? Það eru ekkert til aðrir guðir....! Mér vitandi hefur alltaf bara verið til einn Guð.
....ég er ekki alveg að skilja hvaðan þú færð þessa "höfnunartilfinningu" á hugmyndir mínar um eðli trúarbragðasögunnar.... en það er allt í lagi, ég fyrirgef þér!
.... uhh?? Það eru ekkert til aðrir guðir....! Mér vitandi hefur alltaf bara verið til einn Guð.
Mikil er fáviska þín, þ.e. ef þú ert ekki bara að gera þér hana upp.
Ganesh, Adonis, Bakkus, Loki, Janus, Afródíta, Maat, Hórus, Sobek, Frygg, Póseidon, Ceres... Allt eru þetta guðir sem ekki eru skaparar, heldur aðeins "ráðherrar" í stjórnkerfi annarra guða eða með eitthvert afmarkað hlutverk í heimsmynd þeirra sem skópu þá.
Listinn er ógeðslega langur. Hindúi sem ég þekki fullyrti að guðirnir í hindúisma væru mörg þúsund. Aðeins einn þeirra skapaði heiminn.
Guðir Rómverja voru líka mörg þúsund. Aðeins einn þeirra gerði heiminn.
Þú hafnar öllum öðrum guðum en sköpurum, sem þú telur eflaust vera einn og sama guðinn. Ég spyr aftur: Er þessi skapari sem þú aðhyllist eitthvað raunverulegri en allir þeir guðir sem mannskepnan hefur kokkað upp og skipað í ýmis hlutverk? Ef svarið er já, vil ég fá haldgóð rök.
Dr. Gunni talar um 200.000 í grein sinni um trúarbrögð.
Ég hef heyrt tölu sem er meira en þúsundföld sú tala.
Fyrir mér er hann, já, raunverulegur. Ef ég gæti rökstutt Guð endanlega þá væri ég guð. En þar sem ég veit með nokkurri vissu að ég er ekki guð þá læt ég mér nægja að trúa á hann.
Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.
Arngrímur Baldursson - 19/10/03 18:54 #
"30. Þú skalt drepa þann sem starfar sem prestur án leyfis."
Einmitt! Er þá ekki Gunnar í Krossinum réttdræpur????