Árið 2003 birti Hjörtur Magni fríkirkjuprestur póst sem þáverandi formaður Prestafélags Íslands hafði sent á lokaðan póstlista presta. Efni póstsins var trúfélagaskráning fermingarbarna.
Í Morgunblaðinu var vitnað orðrétt í tölvupóstinn:
“Það hlýtur að vera eðlilegt að börn sem fermast í þjóðkirkjusöfnuði séu í þjóðkirkjunni". Síðan útskýrir hann hvaða leiðir prestar geta farið til að ná því markmiði sínu. Þá segir formaður prestafélagsins orðrétt: “Og síðan er eðlilegt að við bendum foreldrum viðkomandi fermingarbarns eða barna á þetta og sejum að eðlilegt sé að þau séu í söfnuðinum. Við eigum viðkomandi eyðublöð um skráningu í trúfélag.
Við þurfum að vera vakandi yfir þessu atriði" - heldur formaður presta þjóðkirkjunnar áfram og segir síðan - “og getum þannig án efa fjölgað enn hraðar í þjóðkirkjunni sem er mikilvægt í alla staði - við fáum fyrr fleiri presta til starfa og fleiri bera byrðarnar með okkur þegar fram í sækir. Börn þessara barna verða síðan skráð eftir trúfélagi þeirra … þetta er snjóbolti sem er fljótur að hlaða utan á sig. Baráttukveðjur.”
Það er merkilegt að þarna skuli háttsettur ríkiskirkjuprestur segja að prestar eigi að þrýsta á fermingarbörn og foreldra þeirra að skrá sig í ríkiskirkjuna, því að samkvæmt áróðri ríkiskirkjufólks þá er aldrei spurt um trúfélagsaðild þegar fólk sækir um þjónustu frá ríkiskirkjunni.
Ástæðan fyrir ásókn prestsins í fleiri meðlimi er svo klárlega ekki “andleg velferð" fólksins, heldur fjárhagslegur ávinningur kirkjunnar. Þar sem að ríkið borgar meira til kirkjunnar fyrir fleiri meðlimi. Presturinn áttar sig líka klárlega á þeim ávinningi sem kirkjan hefur af sjálfkrafa skráningu óvita í trúfélög.
Hjörtur Magni var svo rekinn af prestapóstlistanum fyrir að hafa birt póstinn.
Mynd fengin hjá redjar
Þröstur, sumir prestar gengu svo langt að neita að ferma þá sem voru ekki skráðir í ríkiskirkjuna.
Mér finnst ekki "ýkjur" að tala um að það sé þrýstingur ef prestur bendir fólki á að það sé "eðlilegt" að börnin séu skráð í Þjóðkirkjuna.
Persónulega finst mér ekkert að því að viljir þú láta ferma þig í kirkju og staðfesta þar með trú þína að það sé farið fram á að þú sért skráð/ur í viðkomandi söfnuð. En viljir þú aðeins fermast til að fá "manndómsvígsluna" og/eða ekki af trúarlegum ástæðum þá er siðment og borgaraleg ferming ákjósanlegri.
Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.
Þröstur - 28/03/14 10:46 #
Ríkispresturinn segir:
"Og síðan er eðlilegt að við bendum foreldrum viðkomandi fermingarbarns eða barna á þetta og sejum að eðlilegt sé að þau séu í söfnuðinum. Við eigum viðkomandi eyðublöð um skráningu í trúfélag."
Mér finnst ekkert athugavert við þetta og finnst líka ýkjur að segja að þarna sé verið að "þrýsta á fermingarbörnin og foreldra".