Allar færslur Allir flokkar Sos Um félagið Úrskráning Lógó Spjallid@Vantru Póstfang Vantru@Facebook Vantru@Youtube Vantru@Twitter

2000: Kommú-nasistar!

Merki kommúnasista

Árið 2000 hélt ríkiskirkjan upp á þúsund ára afmæli afnáms trúfrelsis á Íslandi, auðvitað á kostnað almennings. Þegar í ljós kom að mætingin varð afskaplega dræm fór Sigurbjörn Einarsson, fyrrverandi biskup Þjóðkirkjunnar heldur betur í fýlu. Hann lét þessi ummæli falla í viðtali við DV:

Sumt af því sem hefur verið birt á opinberum vettvangi minnir á það allra versta sem verstu nasistar og kommúnistar höfðu fram að færa á sínum tíma.

Eftir mikla leit í gagnrýninni á bruðlið í kringum kristnihátíð hefur okkur ekki tekist að finna neitt í þá veru að það eigi að útrýma þeim sem stóðu að hátíðinni eða eitthvað því um líkt.

Sigurbjörn var reyndar kærður til siðanefndar Prestafélags Íslands fyrir þessi ummæli, en var sýknaður, og virðist hann ekki hafa séð eftir þessum ummælum miðað við tilvitnanir í greinargerð hans:

”Hver sem vill má ásaka mig fyrir að hafa látið ýmsan málflutning á þessu hátíðarári minna mig á annað vont og minnisstætt,...”

Siðanefndin taldi Sigurbjörn hafa “valið óheppilega samlíkingu í sögulegu ljósi. Betur hefði farið að velja hófsamari samlíkingu”.

Ritstjórn 04.12.2013
Flokkað undir: ( Baksýnisspegillinn )

Viðbrögð


Sverrir Ari - 05/12/13 21:11 #

Á næstu þúsaldarhátíð afnám trúfreslis verður líklega búið að koma á trúfresli að nýju, því mæli ég með því að Þjóðkirkjan byrji að moka aurunum okkar á lokaðan reikning á Cayman eyjum svo hægt sé að fjármagna hátíðina.

Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.