Árið 1986 urðu tímamót í kirkjusögu Íslands: Stöð 2 hóf útsendingu sína. Þetta vakti mikinn óhug meðal klerkastéttarinnar. Hvers vegna? Af því að Stöð 2 sýndi barnaefni á sunnudagsmorgnum!
Á baksíðu Morgunblaðsins 11. mars 1987 er frétt um að Ólafur Skúlason, þáverandi “dómprófastur”, hafi rætt við stöðvarstjóra Stöðvar 2 og beðið um að útsendingunum yrði hætt. Sem betur fer var það ekki gert.
Kirkjusókn barna hér á Reykjavíkursvæðinu hefur snarminnkað eftir að Stöð 2 hóf útsendingar á barnaefni á sunnudagsmorgnum. Sérstaklega var það áberandi fyrst eftir að þessar útsendingar hófust. Þá hrundi aðsóknin. … Við höfum miklar áhyggjur af þessu og ég vona að Stöð 2 átti sig á því að það er ekki æskilegt að hefja samkeppni um sálir barnanna annars vegar með guðsorði og hins vegar með skrípamyndum.
Ef þetta er satt þá á Stöð 2 þakkir skyldar fyrir að forða börnum frá ásókn presta í að misnota sér trúgirni barnanna með því að innræta þeim þá fjarstæðu sem kristin trú er.
oh the irony... Ég veit ekki hversu oft maður þarf að nefna þetta. Ef að foreldri vill ala barnið sitt upp í kristinni trú, þá er það á ábyrgð foreldrisins. Ef að kirkjunnar þjónar stóðu (og standa enn) í þeirri trú að börnin sjálf hafi einhvers konar brennandi áhuga á því að fara í kirkju, þá stíga þeir nú ekki beint í vitið...
Ég hugsa að sögurnar í barnaefninu séu töluvert skemmtilegri en sögurnar sem sagðar eru í barnastarfi kirkjunnar og þar að auki sleppa foreldrarnir við að fara út úr húsi fyrir hádegi á sunnudegi.
Og já, ég held líka að í barnaefninu í sjónvarpinu sé börnunum ekki talin trú um að þar sé höndlaður sannleikurinn.
Hvernig væri þá fyrir þessa guðsmenn að hafa guðsþjónusturnar skemmtilegri fyrir börn.Man að ég fór einusinni í eitthvað sem var kallað sunnudagaskóli í gamla daga og þetta þótti mér eitt það leiðinlegasta sem ég hafði prufað að gera,eins og að horfa á málningu þorna á vegg.
Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.
Óli Gneisti (meðlimur í Vantrú) - 05/11/13 09:05 #
En um leið þá er þetta ástæðan fyrir ásókn presta í skóla.