Í síðustu viku var sagt frá því í fréttum að allt að fjórða hvert barn væri ekki bólusett. Hér hefur áður verið bent á sex góðar ástæður fyrir bólusetningum, en að gefnu tilefni þykir rétt að benda á að í raun eru þær bara fimm í dag, sjöttu ástæðunni hefur nefnilega verið útrýmt.
Fáir átta sig líklega á því hversu skæður sjúkdómur bólusótt var. Talið er að á bilinu 300-500 milljónir manns hafi látist á tuttugustu öldinni af bólusótt. Til samanburðar létust í kringum 70 milljón manns í síðari heimsstyrjöldinni.
Síðan árið 1978 hafa nákvæmlega 0 manns sýkst af bólusótt, og þar af leiðandi enginn látist af völdum hennar. Þökk sé bóluefninu og bólusetningarátaki Alþjóðaheilbrigðisstofnunarinnar gegn sjúkdómnum.
25. október 1979 sagði Morgunblaðið frá því á blaðsíðu 22 að sérfræðingar Alþjóðaheilbrigðisstofnunarinnar hefðu lýst því yfir að bólusótt hefði verið útrýmt. Ári seinna kom svo samhjóma yfirlýsing frá stofnuninni sjálfri: Bólusótt hafði virkilega verið útrýmt, fyrst allra sjúkdóma:
Barnahjálp Sameinuðu Þjóðanna er í átaki vegna þess að með hjálp bóluefna er næstum því búið að útrýma mænusótt. Og það ætti að vera mögulegt að útrýma sjúkdómum á borð við mislinga og rauðum hundum með bóluefnum. En aðeins ef fólk lætur bólusetja sig.
[1] Vísindavefurinn: Hvað er bólusótt og hvenær geisaði fyrsta bólusóttin í heiminum?
Sýnið viðbrögð, en vinsamlegast sleppið öllum ærumeiðingum. Einnig krefjumst við þess að fólk noti gild tölvupóstföng, líka þegar notast er við dulnefni. Ef það sem þið ætlið að segja tengist ekki þessari grein beint þá bendum við á spjallborðið. Þeir sem ekki fylgja þessum reglum eiga á hættu að athugasemdir þeirra verði færðar á spjallborðið.
Hægt er að nota HTML kóða í ummælum. Tög sem virka eru: a href, b, i, u, br, p, strong, em, ul, li og blockquote. Einnig er hægt að notast við Markdown rithátt í athugasemdum. Notið skoða takkann til að fara yfir athugasemdina áður en þið sendið hana inn.