Við höfum fundið fyrir gríðarlegum áhuga á Richard Dawkins frá því að hann byrjaði að koma fram í fjölmiðlum. Rétt er að svara nokkrum spurningum lesenda okkar:
Hvenær verða Root of all evil? þættirnir sýndir í íslensku sjónvarpi? Við vitum ekki en okkur skilst að þessi mál séu í skoðun bæði á NFS og RÚV, þetta er líklega bara spurning um hvor stöðin verður fljótari að ganga frá samningum.
Hvar er hægt að nálgast bækur Richard Dawkins? Í tilefni af komu Dawkins til landsins þá er standur með bókum hans á þriðju hæð Pennans í Austurstræti.
Hvenær kemur bókin hans The God Delusion út? Í september næstkomandi.
Ef fleiri spurningar brenna á ykkur þá er athugasemdakerfið opið.
Þakka frábæra ráðstefnu um helgina. Skemmtileg erindi og stórfræðandi. Gott framtak.
Já, nasisminn var afleiðing þess að menn fóru að efast um hluti í ritningum biblíunnar. Og seinni heimsstyrjöldin! Það er klárt mál og getur hver heilvita maður séð það.
Nú eftir að hafa sagt þetta ætla ég að þvo munninn minn með sápu og skrúbba með járnbursta. Reyndar held ég að ég skeri bara úr mér tunguna.
Þakka þér fyrir þetta komment Snorri. Ótrúlega gaman að sjá eldklerk kommenta á það sem við eru að gera hérna. Ég vil endilega leiðrétta smá misskilning sem mér finnst einkenna orð þín (hér og á síðunni þinni):
Og það er nú bara þannig að allir hafa gott af að stunda gangrýna hugsun. Erfitt að sjá að hún sé eitthvað sem fólk á að forðast.
Og ég er ekki einu sinni viss um að guðfræðineminn gamli hann Stalín hafi verið trúlaus, allavega átti hann í góðu sambandi við kirkjuna þar í landi.
Jámm... Snorri, þú segir margt áhugavert á síðunni þinni. En ég hélt að Hitler hefði verið nasisti, ekki sósíalisti. Ég hélt raunar að Hitler hefði hatað kommúnista. Yfirleitt er talað um sósíalisma og kommúnisma sem lengst til vinstri en nasisma sem lengst til hægri. Ég hélt einnig að Hitler hefði verið kaþólskur. Svo hélt ég líka að Jón Baldvin Hannibalsson væri sósíaldemókrati, en ég veit það svosum ekki.
Ég man ekki eftir því að hafa heyrt Richard Dawkins segja að hann "tryði á" Fjallræðuna. Hann sagði aftur á móti að í henni mætti finna siðferði sem honum þykir álitleg. Þetta þykir mér líklegt að sé einnig málið með Vantrúarmenn.
mikið hafði ég gaman af að sjá hann í kastljósinu og öllu sem hann sagði (þótt ég sé mjög trúuð) og ég samgleðst öllu efasemdarfólki sem fékk að upplifa þessa trúleysis ráðstefnu - ég hef gaman af james randi og afsönnunarspekingum sem hafa eitthvað að segja. Þeir eru sannkallaðir herramenn þegar þeir tala um möguleikann á andlegum upplifunum, þeir eru ekki að pirrast á þeim heldur einmitt þessum vondu predikurum og kuklurum sem blekkja því miður mjög mikið af peningum útúr fólki - það er siðblint og sjúkt
trúarbrögð eru einn þráður í flestum stríðum, en það er annars bara "við og hinir" hugsunarháttur í sinni aðgengilegustu mynd, skilningsleysi heitir þetta líka og því er hægt að útrýma, þótt fólk einsog Snorri sé á hinum endanum og berjist fyrir fáfræðina
Núna eru öfgatrúmenninir farnir að koma úr felum hérna, það má búast við því að þeir fari að angra vantrú á næstu mánuðum. Þar sem Vantrú er orðin ógn við þeirra boðskap og markaðsettu trú (allt fyrir peninga!).
Það verður fjör á næstu mánuðum og í vetur. Best að fara að undirbúa sig.
Ég vek athygli á umræðum á annálnum:
"Og ég er ekki einu sinni viss um að guðfræðineminn gamli hann Stalín hafi verið trúlaus, allavega átti hann í góðu sambandi við kirkjuna þar í landi"
Skoh, kristindómurinn á sök á voðaverkum Stalíns líka!
Skúli, þarna er verið að svara orðum Snorra á heimasíðu hans.
Sagði ég það Skúli minn? Ónei, ekki láta svona, þú ert ekki ennþá orðinn biskup.
En rússneska kirkjan blessaði byssur sovéska hersins.
Tja... hann gekk í prestaskóla. Það er ekki því að kenna, en það bjargaði engu :)
Sælir og takk fyrir að hressa upp á kommentin mín. Í sannleika sagt þá man ég ekki lengur hvernig á að sítera svona.
Ég veit ekki, Óli, hvernig ég átti að skilja þetta með guðfræðimenntuna Stálkarlsins? Var bolsévisminn trúarleg hreyfing?
Rússneska kirkjan kom inn í spilið þegar nasistarnir virtust ætla að leggja land og þjóð undir sig á fáeinum vikum. Kirkjan þjappaði fólkinu saman og hvatti það til dáða á tímum þegar mest þurfti á henni að halda. Þegar sigurinn var unninn fór fyrir klerkunum eins og svo mörgum öðrum sem stutt höfðu Stalín. Æ, þetta vita menn.
Strákar mínir, þið hafið allir verið skírðir og fermdir væntanlega. Það gerir ykkur aðeins jafn kristna og Hitler eða Stalín. Menn geta fallið inní þjóðfélagsgerðina en þeir eru ekki kristnir nema tileinka sér kenningar Krists og aðlaga sig að þeim. Hann trúði á sköpun; hann trúði á Guð; hann trúði á framhald lífsins eftir dauðann; Hann trúði á dómsdag og að við öll verðum að lúka reikningi fyrir orð okkar og athafnir. Þróunarkenningin gerir okkur jafna dýrunum. Þið vitið, bændur og sjómenn eru ekki ákærðir fyrir dráp á dýrum. En þeir yrðu ákærðir fyrir dráp á mönnum. Við finnum í okkur sjálfum að maðurinn hefur æðri stöðu í tilverunni þó svo að við getum ekki alveg rökstutt það! kveðja Snorri
Skúli, þú hefðir átt að setja þau í samhengi við umræðuna.
En voru þá blessuðu byssurnar bara notaðar til drepa vont fólk?
Óli, hvað ertu að fara með þessu? Var varnarstríð Sovét gegn nasistunum trúarstyrjöld? er það skoðun þín? og ef ekki - hvað ertu þá að blanda þessu inn í umræðuna?
Skúli, taktu eftir að ég blandaði ekki Stalín í umræðuna, það kom komment um hann og ég bætti þessu við í kjölfarið. Ég ekki hvort Stalín var trúaður eður ei en hann notaði trúarbrögð til að stýra fólkinu þegar það hentaði honum.
Þú misskilur, hugsanlega viljandi fer mig að gruna, að við séum að tala um stríð sem séu eingöngu tilkomin vegna trúarbragða. Við erum líka að tala um það hvernig trúarbrögð gera leiðtogum oft auðvelt með að stjórna fólki og hér að ofan nefndirðu gott dæmi um það. Það er alveg eins, og hefur alveg eins, verið þannig að fólki er beint til illvirkja með trúarbrögðum einsog til góðverka.
Þú vilt fá kredit fyrir góðverkin en ekki sökina fyrir illvirkin en það virkar í báðar áttir. Eins og þegar einhver segir að guð hafi beint honum til góðverka þá viljið þið kreditið en þegar guð fær fólk til að drepa þá er aðilinn geðveikur. Það stenst ekki, fólk sem fær skilaboð frá guði um að gera góðverk er alveg jafn ruglað og fólk sem fær skipanir um morð.
Snorri, Það er merkilegt að þú nefnir dýr jarðar og goggunarröð biblíunnar. Eftir að ég yfirgaf mína hæglátu og kærleiksríku trú á Jesú Krist, þá hef ég horft með öðrum augum á náttúruna. Mér fannst maðurinn vera konungur jarðar þegar ég var kristinn. Ég geri samt ráð fyrir að séra Skúli eða Carlos, horfi ekki endilega þannig á lífríkið sem kristnir hófsemdarmenn. En þannig leið mér allavega.
Þetta olli mér miklum heilabrotum eftir að ég hætti að trúa á skapara. Um tíma hugsaði ég meiri segja að gerast grænmetisæta. Sem trúleysingi horfi ég á náttúruna öðrum augum. Ég er auðmjúkari gagnvart hinum dýrunum í náttúrunni. Eftir á að líta þá var það yndislegasta við að vera laus við kristna trú að losna við skaparann og dauðaupprisukenningarnar. Það gefur algjörlega nýja dýpt, skilning og virðingu fyrir lífinu og náttúrunni.
Snorri segir:
Strákar mínir, þið hafið allir verið skírðir og fermdir væntanlega. Það gerir ykkur aðeins jafn kristna og Hitler eða Stalín. Menn geta fallið inní þjóðfélagsgerðina en þeir eru ekki kristnir nema tileinka sér kenningar Krists og aðlaga sig að þeim.
Það má færa rök fyrir því að ef maður ætli sér að vera kristinn þá ætti maður að gera það almennilega og til fulls. Það eina sem maður hefur sem kennir manni að vera kristinn eru ritningar biblíunnar og mér finnst einhvern veginn undarlegt að fara að velja sumar þeirra en hafna öðrum ef maður ætlar á annað borð að halda sig við þetta.
Ég var vissulega skírður og fermdur. En ég er samt sem áður ekki kristinn þannig að þetta sem þú segir með að líkja okkur við Hitler og Stalín vegna þess að við erum ekki nógu sannkristnir hefur engin áhrif á mig. Það er út í hött að segja þetta við mig vegna þess að ég hef engan áhuga á því að vera kristinn og er það bara einfaldlega ekki.
Ég var sumsé skírður og fermdur, en er samt sem áður ekki kristinn. Nú veit ég ekki alveg hvort þetta gengur upp í þínum huga, Snorri. Hvort að í þínum huga sé það að fermast óafturkræf yfirlýsing um kristni. Hvernig svo sem það er í þínum huga þá er ég ekki kristinn og það er einfaldur veruleiki. Og hafðu það í huga að ég var bara 13 ára þegar ég "fermdist" eða "staðfesti trú mína". Ég bý núna yfir umtalsvert meiri gáfum, þekkingu og þroska heldur en þá.
Athugaðu samt að ég hef ekki hafnað tilvist Guðs. Mér er það aftur á móti orðið ljóst að ég get með engu móti kallað mig kristinn, þó svo að siðferði mitt sé mjög svipað og með flestum lútherskum mönnum. Það er því að ég einfaldlega trúi ekki sögum biblíunnar.
Ótrúlegt er að sjá ykkur enn og aftur halda þeim ósannindum að lesendum ykkar, að Hitler hafi verið kaþólskrar trúar og Stalín kristinn eða a.m.k. að leggja eitthvað upp úr því, að stálkarlinn hafi komið við í prestaskóla. Maðurinn var yfirlýstur efnishyggjumaður, eins og þið eigið að vita (hvar er Vésteinn blessaður?).
Skrökið eða bullið um Hitler og hans meintu kaþólsku trú, sem ég hef séð hér fullyrt um á fjölda vefsíðna (notið Leit !), hef ég einhvers staðar áður leiðrétt með góðum upplýsingum frá Paulu Hitler, systur hans, en þær er að finna í grein í Lesbók Mbl. 16. maí 1965, bls. 1 og 12 (þýð. Margrét Jónsdóttir): 'Paula Hitler segir frá bróður sínum', en þar segir hún m.a. (s.12, 1. dálki): "Bróðir minn [Adolf] og ég vorum alin upp í kaþólskri trú, en hann var alltaf mjög fjandsamlegur kenningum kirkjunnar, sem hann sagði, að væri aðeins fyrir þræla." Strax á eftir þeim orðum gefur hún skýringu á Gyðingahatri Hitlers, mjög forvitnilega -- og ekki þá, sem þið eruð vísir með að ímynda ykkur! -- en ég geymi það til morgundags að slá þeim upplýsingum hér inn, því að Stalín er næstur á dagskrá, og hér get ég afgreitt málið með því að endurtaka nánast nýsögð orð mín (12. þ.m.) á Vantrúar-vefsíðunni „Þrátt fyrir allt er kirkja Krists merkasta umbótahreyfing sögunnar“ þann 12/6/06 kl. 00:08:
“Ég er nú orðinn þreyttur á þessu endalausa tuði ykkar um, að Stalín hafi verið "guðfræðingur". Það rétta er, að hann lauk aldrei námi sínu í prestaskólanum í Tbilisi, því að hann var rekinn þaðan svo ungur sem 19 ára (1899), enda var hann þá þegar orðinn meðlimur í flokknum og gerðist 1901 atvinnu-byltingarmaður, sem fáeinum árum síðar var farinn að skipuleggja árásir á og rán úr bönkum með liði úr eiginlegum bófaflokkum og í samráði við Lenín til að fjármagna flokksstarfið (sbr. Robert Conquest: The Great Terror, Oxford University Press, 1990, s. 55–6, sbr. sama höf.: Lenin, Fontana/Collins, 1972, s. 63–4). Eitt er víst, að ekki lærði hann til glæpaverka í prestaskólanum.”
Sú “taktík” Stalíns að gera ekki þátttöku Sovétmanna í síðari heimsstyrjöld að baráttu fyrir sósíalisma og kommúnisma fyrst og fremst, heldur fyrir föðurlandinu, ýtti honum líka til þess, þeim ref, að friðmælast við orþódoxu kirkjuna með því að létta á kúguninni gagnvart henni (sem hafði verið blóðug og svívirðileg allt frá dögum Leníns), til þess að þjóðin fengi þá hugmynd og þá hughreystingu, að kirkjan stæði einhuga að baki honum í stuðningi við þjóðernisstríðið. Þetta eiga raunar allir gamlir sem ungir kommar að vita, piltar.
Eru þessir draugar þá loksins komnir undir græna torfu í ykkar huga, hinn “kristni Stalín” og hinn “kaþólski Hitler”?!
Jón Valur, enginn hérna sagði Stalín hefði klárað nám sitt, heldur eingöngu að hann hefði farið í námið. En hitt er óumdeilt að hann, einsog ótal einræðisherrar, notaði trúarbrögð þegar honum hentaði. Trúarbrögð gera það verkum að það er auðvelt að stjórna fólki.
Ég hef heldur aldrei séð neitt óyggjandi um Hitler (og þín tilvitnun er það ekki heldur, ef systir hans var góður kaþólikki hefur hún ágæta ástæðu til ljúga), ég hef séð tilvitnanir í báðar áttir en það sem við vitum er að hann notaði trúarbrögðin alveg eins og Stalín. Og fyrir utan örfáar undantekningar þá gerðust kirkjunarmenn þjónar hans.
Ég mæli með að Jón Valur endurnýi bókasafnið hjá sér. Eiginlega tími til kominn og væri til mikilla bóta. Bókinn heitir German Churches and the Holocaust - Betrayal eftir Robert P. Ericksen & Susannah Heschel.
Ég á fullt af bókum um helförina og Þýzkaland nazismans, marga tugi.
Það er alla jafna vonlaust að reyna að fá Vantrúarmenn til að viðurkenna nokkurn hlut, sem kemur ykkur í bobba. Ykkur hefur verið bent á, að viðvera Stalíns í prestaskóla var stutt, lauk með brottrekstri þegar hann var 19 ára. Má þá treysta því, að hér eftir verði hætt að kalla hann guðfræðing, eins og "frelsarinn" gerir t.d. fimm sinnum á vefsíðunni „Þrátt fyrir allt er kirkja Krists merkasta umbótahreyfing sögunnar“: 7/06/06 kl. 02:04, sama dag kl. 18:30, 11/6/06 kl. 18:06, sama dag kl. 23:18 og að endingu (þrátt fyrir leiðréttingu mína 12/06/06 00:08!): þann 17/06/06 kl. 20:47, þar sem hann talar um “fjöldamorð guðfræðingsins Stalíns”!!! Og þetta er ekki bara “nefnt” þarna, heldur teflt fram eins og einhverri röksemd! Í raun er þetta ekkert annað en tilraun til að klína á trúna og guðfræðina glæpaverkum hins trúlausa Stalíns. Vitið þið ekki, að hver meðlimur Kommúnistaflokks Ráðstjórnarríkjanna var bundinn díalektískri efnishyggju og hinni efnishyggjulegu söguskoðun? Hafið þið ekki séð þau viðhorf í ritum Stalíns sjálfs? Hafið þið nokkurn tímann heyrt af því, að óvinir hans í flokknum hafi sakað hann um að vera kristinnar trúar?! Er unnt að halda fram eða láta í veðri vaka (gegn öllum slíkum augljósum vísbendingum), að þessi harðstjóri hafi “kannski” verið kristinn? Verðið þið ekki að láta af því í eitt skipti fyrir öll að reyna að flagga þessari gerviröksemd? Eða hefur hinn óvísindalegi, ónákvæmi “frelsari” þvílíkt tangarhald á ykkur, að þið fylgið hans leiðarhnoði í þessu máli?!
Jafnvel þú, Óli Gneisti, notar hér ofar viðlíka orðalag, eins og það hafi eitthvert vægi: “guðfræðineminn gamli hann Stalín”. Og ekki læturðu snúa þér af vegi þínum, berð það jafnvel á systur Hitlers, að sá hluti endurminninga hennar, sem minnist á afstöðuna til kaþólskunnar, sé einfaldlega lygi og það af kaþólskum rótum – án þess að þú vitir nokkuð um trúarlegt upplag þeirrar manneskju. Þannig hrekstu úr einu vígi í annað.
“Trúarbrögð gera það [að] verkum að það er auðvelt að stjórna fólki.” Það er alls ekki rétt, fólk stjórnar sér mest sjálft sem kristnir menn, en stífar sefjunaraðferðir sumra trúarbragða geta leitt til misnotkunar. En ég legg fráleitt öll trúarbrögð að jöfnu. Hvort trúin er sönn eða röng, skiptir höfuðmáli: eins og í veraldlegum vísindum HAFA staðreyndavillur sín áhrif; trúi einhver því, að 72 meyjar bíði hans eftir að fremja fjöldamorð á saklausum borgunum, þá hefur það áhrif. Trúi menn því eins og systkininin Hans og Sophie Scholl, að þeim beri af kristnum náungakærleik að vinna gegn guðlausri harðstjórn (eins og þau gerðu á fórnfúsan hátt í 3. ríkinu), þá hefur það áhrif – þeim tókst að ná eyrum og augum margra, en voru bæði tekin af lífi (sjá þýðingar og skrif Einars heitins Heimissonar um þau) rétt eins og hinn kristni og kaþólski Claus Graf Schenk von Stauffenberg, höfuðtilræðismaður Hitlers. En Svartbók kommúnismans og mörg fleiri rit (t.d. Roberts Conquest) hafa að geyma aragrúa upplýsinga um fjöldadráp kristinna manna í ríkjunum sem lutu ógnarstjórn Stalíns. Hvernig kemur það heim og saman við, að hann hafi kannski verið kristinn, eins og þú ýjar að með þessum slapplegu orðum þínum kl. 14:16 í gær: “Og ég er ekki einu sinni viss um að guðfræðineminn gamli hann Stalín hafi verið trúlaus.” Ef þau ummæli þín eru ekki merki um slappleika í trúnaði við staðreyndir, þá vitna þau um slappa söguþekkingu. – Áður en þið talið jafn-dogmatískt og þið gerið um sögulega viðburði (eins og hann Dawkins ykkar), þá ættuð þið að leggja stund á sagnfræðinám til að kynna ykkur málin til hlítar.
by Jim Walker
Hitler's Christianity
To deny the influence of Christianity on Hitler and its role in World War II, means that you must ignore history and forever bar yourself from understanding the source of German anti-Semitism and how the WWII atrocities occurred.
By using historical evidence of Hitler's and his henchmen's own words, this section aims to show how mixing religion with politics can cause conflicts, not only against religion but against government and its people. This site, in no way, condones Nazism, Neo-Nazism, fascist governments, or anti-Semitism, but instead, warns against them.
Skoðaðu nú tengilinn sem ég sendi þér Jón Valur. Það eru slæmar fréttir að Stalín hafi ekki einu sinni geta klárað guðfræðinámið. Jón Valur reyndi nú að hugsa áður en þú skrifar.
Ég gleymdi svo að nefna það Jón Valur að þessi bók sem ég er að benda þér á er útgefin 1999. Þannig að hún væri góð viðbót og uppfærsla á seinnistríðsárabækurnar þína. Ef ég man rétt þá eru þær nýjustu hjá þér JV svona síðan í Víetnam stríðinu. Svona meðan ég man þá voru kaþólikkar eitthvað að þvælast í því stríði:
Catholic terror in Vietnam In 1954 Vietnamese freedom fighters - the Viet Minh - had finally defeated the French colonial government in North Vietnam, which by then had been supported by U.S. funds amounting to more than $2 billion. Although the victorious assured religious freedom to all (most non-Buddhist Vietnamese were Catholics), due to huge anticommunist propaganda campaigns many Catholics fled to the South. With the help of Catholic lobbies in Washington and Cardinal Spellman, the Vatican's spokesman in U.S. politics, who later on would call the U.S. forces in Vietnam "Soldiers of Christ", a scheme was concocted to prevent democratic elections which could have brought the communist Viet Minh to power in the South as well, and the fanatic Catholic Ngo Dinh Diem was made president of South Vietnam. Diem saw to it that U.S. aid, food, technical and general assistance was given to Catholics alone, Buddhist individuals and villages were ignored or had to pay for the food aids which were given to Catholics for free. The only religious denomination to be supported was Roman Catholicism. The Vietnamese McCarthyism turned even more vicious than its American counterpart. By 1956 Diem promulgated a presidential order which read: "Individuals considered dangerous to the national defense and common security may be confined by executive order, to a concentration camp."
Supposedly to fight communism, thousands of Buddhist protesters and monks were imprisoned in "detention camps." Out of protest dozens of Buddhist teachers - male and female - and monks poured gasoline over themselves and burned themselves. (Note that Buddhists burned themselves: in comparison Christians tend to burn others). Meanwhile some of the prison camps, which in the meantime were filled with Protestant and even Catholic protesters as well, had turned into no-nonsense death camps. It is estimated that during this period of terror (1955-1960) at least 24,000 were wounded - mostly in street riots - 80,000 people were executed, 275,000 had been detained or tortured, and about 500,000 were sent to concentration or detention camps. To support this kind of government in the next decade thousands of American GI's lost their life.
"Frelsarinn" fjallar um Hitler, sleppir ofmæltum orðum sínum um Stalín.
Ég hef ekki haldið því fram, að Hitler hafi verið guðsafneitari í orði, en hann var ekki trúr kaþólikki (né trúr kristinn maður). Hann hafði sína eigin, uppblásnu prívattrú, þar sem forsjónin hafði stóru hlutverki að gegna í hugarheimi hans, prívattrú sem þó nýtti sér gamla, kristna trú með hræsnisfullum hætti og mest í pragmatísku skyni, til að styggja ekki þjóð, sem verið hafði vel kristin, og reyndi að gera sig trúverðugan í augum þeirra kristnu með andstöðu við guðlausan bolsévisma. En þið sjáið jafnvel á vefsíðunni, sem "fr." vitnaði til, að kaþólska kirkjan var andstæð nationalsócíalismanum.
Ég hef sagt hér nóg, læt nægja, að þetta hafi komið fram um hinn ókristna, guðlausa Stalín og hinn ókaþólska Hitler.
PS. "Fr." veit ekkert um aldurinn á bókum mínum um Hitlers-Þýzkaland. Og vegna útgáfuársins 1999 ber að minna á, að það, sem gefur sagnfræðibókum gildi, er ekki útgáfuárið, heldur sannsögli og vönduð vinnubrögð höfundar og umfram allt traustar heimildir.
Fyrr og síðar hafa menn verið fundvísir á deiluefni, efnahagsleg, vísindaleg, pólitísk og ekki síst trúarleg.
Það óhuggulega við trúarbragðadeilurnar er að þar liggur til grundvallar sannfæring án röksemda, og áhrifaríkasta leiðin til að vinna henni fylgi hefur jafnan verið sú að drepa andstæðinginn.
Það sem Jón Valur og aðrir verða að átta sig á er að trúarbrögð eru eldsneyti á flesta styrjalda. Hitler sem hóf heimstyrjöldina hina síðari var trúaður. Ég er sammála Jóni Vali að hann var ekki strangtrúaður kaþólikki, í ströngustu merkingu þess orðs, þó að hann leit á sig sem kaþólikka. Hann var kristinn og undir áhrifum þeirrar trúar. Bæði voru í hans stjórn mótmælendur og kaþólikkar enda Þýskaland mekka átaka kristinnar trúar. Það eldsneyti sem nasistar notuðu til kveikja bálið var kristin trú. Kristið fólk í dag getur auðveldlega talið Hitler hafi afmyndað þau skælt. En það breytir engu um gagnrýni Dawkins, um þátt trúarbragðanna. Vont fólk gerir vonda hluti, gott góða hluti, en til að fá gott fólk til að gera vonda hluti þarf trú til.
Jón Valur segir: "Ég hef ekki haldið því fram, að Hitler hafi verið guðsafneitari í orði, en hann var ekki trúr kaþólikki (né trúr kristinn maður). Hann hafði sína eigin, uppblásnu prívattrú..."
Það eru mjög margir ef ekki flestir kristnir menn hér á landi með sína eigin útgáfu af trúnni. Fæstir geta sætt sig við allt sem stendur í biblíunni. Meira að segja prestar eru mismunandi.
Þýskaland mekka átaka kristinnar trúar. Það eldsneyti sem nasistar notuðu til kveikja bálið var kristin trú. Kristið fólk í dag getur auðveldlega talið Hitler hafi afmyndað þau skælt. En það breytir engu um gagnrýni Dawkins, um þátt trúarbragðanna. Vont fólk gerir vonda hluti, gott góða hluti, en til að fá gott fólk til að gera vonda hluti þarf trú til.
segir frelsari og mig langar þá, með vísan í formúluna sem hann svo einfaldlega slengir hér fram spurja einnar spurningar: Voru það trúarbrögð sem fengu forseta Bandaríkjanna til að varpa fyrstu kjarnorkusprengjuna á óbreytta borgara í Japan (eða Harris til að eyða Dresden í eldhafi), eða var það "bara" eðlilegur stríðsrekstur?
Menn mega vera æði-klárir í því að gleyma öllum lærdómum, allri söguþekkingu, ef þeir taka bláeygir undir þessi orð "frelsarans" trúlausa: "Það eldsneyti sem nasistar notuðu til kveikja bálið var kristin trú" (!!!).
Hvað um Weimarsamningana, hvað með hatursáróður nazista gegn "nóvemberglæpamönnunum" – þeim fulltrúum Þjóðverja, sem skrifuðu undir samningana – og heiftarhug þeirra gegn Gyðingum, sem þeir gerðu samábyrga um þau "svik" við þýzku þjóðina? Hvað með landvinningabaráttu Þjóðverja, sem töldu sig hafa fengið of litlu ágengt við að hremma nýlendur í Afríku og Asíu eins og hin stórveldin og misstu svo Suðvestur-Afríku (Namibíu) í hendur Þjóðabandalagsins? Hvaða lesandi, sem man millistríðsárin eða er vel lesinn um þá tíma og tildrög stríðsins, tengir það trúarbrögðum? Hvílík endemis vitleysa. Hitler hafði aðrar mótívationir en trúarþjónustu með stríðum sínum. Ef einhver trúarbrögð tengjast fyrirætlunum nazistanna, er það langtum fremur "norræn og germönsk trú" – Ásatrúin! – sem tengist líka Richard Wagner, hinni miklu hetju Hitlers. Lesið bókina Kirkja Krists í ríki Hitlers eftir Sigurbjörn Einarsson, síðar biskup, þar sjáið þið andann hjá nazistum gagnvart kristinni trú og annarri.
Ykkur finnst rangt af kristnum mönnum að taka Krist á orðinu, slíkt sé skynsemisverum ekki sæmandi. "Frelsarinn" trúlausi gerir ekki betur með því að taka Hitler á orðinu, þegar hræsnarinn sá þóttist virða bæði kaþólska og lútherska trú. En Hitler talaði einungis á þá lund í macchiavelliskum skilningi, sá kæni fantur! Það var enn minna upp úr þeim orðum hans leggjandi en vináttuyfirlýsingum hans gagnvart Stalín, meðan griða- og vopnabandalag þeirra hélzt við.
En ég átti eftir að miðla ykkur orðum Paulu Hitler um rótina að Gyðingahatri Hitlers (Lesb.Mbl. 16.5. 1965, s.12): "Margir hafa brotið heilann um, hvers vegna hann hafi hatað Gyðinga svo mjög og hvers vegna hann hafi verið svo ákveðinn í að útrýma þeim. Aðeins sárafáir vissu, að það var vegna Gretu." En Greta Raubal var dóttir Angelu, hálfsystur Adolfs og Paulu, og þið hafið svo sem séð sagt frá ástarsambandi þeirra á skjánum. Kaupsýslumaður kynntist henni, komst upp á milli þeirra, átti með henni tvö börn, en sveik hana um að giftast henni og varpaði henni svo frá sér. Sá maður var Gyðingur, og Hitler varð svo beizkur, að hann vildi kyrkja manninn í greip sinni í hefndarskyni. Jafnvel þótt hann hafi þá þegar farið hörðum orðum um Gyðinga í Mein Kampf (rituð 1924), áður en Greta tók líf sitt 1931, taldi systir hans þetta orsök þess, að hann vildi útrýma Gyðingum: "það er enginn efi, að sorgarsaga Gretu leiddi hann út á þá afdrifaríku braut, sem gerði hann að bölvaldi allrar veraldar."
Við skulum ekki gleyma því Carlos að það voru evangelískir prestar sem blessuðu kjarnorkusprengjurnar áður en þeim var varpað á Japan. Ég hef alltaf fengið hroll við tilhugsunina.
Annars er skýring Jón Vals sú brjálæðislegasta og heimskasta sem heyrt lengi að ástarsorg Hitlers æst upp þýsku þjóðina í gyðingahatur. Aftur skora ég á Jón Val að lesa eitthvað viti og það sem honum er bent á. Þetta er of kjánalegt og ekki svara vert. Síðan er niðurlægjandi för Sigurbjarnar og Pjeturs í þjóðernis kukli ekki svara vert rugl. Slíkt rugl náði aldrei útbreiðslu í þýska nasistaflokknum. Einnig lét Hitlers banna allt slíkt kukl í lok stríðsins.
En Jón Valur segðu okkur hvað Páfinn sagði um Musulíni og hvaða samningi páfagarður gerði við nasista. Kannski fróðlegt að heyra það frá þinni hlið. Einnig eftir þessa samninga, drap Stalín kaþólska presta og Hitler presta rétttrúnaðarins. Segðu okkur svo frá deilum í Úkraínu um kröfur kaþólskra að fá kirkjur sínar aftur eftir að Stalín færði þær rétttrúnaðinum. Bara væri fróðlegt að vita hvort að þú hafir einhverja hugmynd hvað gekk á milli kaþólskra og rétttrúnaðarins í heimstyrjöldinni síðari. Hvers vegna Rússar eru svo viðkvæmir fyrir málum Serba vs Króata? Getur verið að trúmál hafi verið eldsneyti í þessum málum.
Ja, svona til að svissa yfir frá umræðu um það, hvað fekk Hitler út í árásarstríð? Nei, takk, ég hef engan áhuga á að eyða tíma mínum í það að teygja þessa umræðu út í þau mál og sízt af öllu að ræða þau við þennan veraldlega "fr." En hann mætti gjarnan lesa páfabréfið Mit brennender Sorge eftir Píus 11. (útg. 14. marz 1937) – þar sjáum við afstöðu kaþólsku kirkjunnar gagnvart concordatinu við þýzka ríkið og gagnvart ófrávíkjanlegum mannréttindum borgaranna andspænis alræðistilhneigingum í því ríki.
frelsari, prestar og biskupar hafa blessað vígtól á öllum öldum, og stundum jafnvel valdið þau. Ekki ætla ég að fegra það eða afsaka. En ekki gastu staðið við orð þín um að trúarbrögðin geri gott fólk illt, sem er jú það sem þú ert að reyna að sanna, eða hvað?
Carlos, Það ég hef verið að benda á er að trúarbrögð eru eldsneyti stríða. Ef þú hefur trúgjarnan hermenn, þarftu bara einn herprest til að sjá um rest. Allar styrjaldir litast af trúarbrögðum og pólitík. Ég hefði haldið að þetta væri þér alveg augljós staðreynd. Bandamenn notuðu sér trú hermanna sinna á sama hátt og þriðjaríkið. Óvinurinn var djöfull en þeirra eigin menn blessaðir af guði. Til hvers blessuðu evangelískir prestar kjarnorkusprengjurnar? Auðvitað til að auðvelda notkun þeirra. Réttlæting og friðþæging trúar.
Og pointið mitt er óskup einfaldlega þetta: það þarf ekki trú til að búa til eða beita gereyðingarvopnum. Vissulega er hægt að nota hana sem ópíum, eða eldsneyti, eins og þú bendir á frelsari. En það er ódýrt og rangt að eingöngu trú geri gott fólk vont. Loftárásir á borgir voru ekki upphugsaðar í kirkjum eða á biskupsstofum og kjarnavopn ekki í trúarritum. Þvert á móti vara trúarrit við slíkri beitingu mannlegrar þekkingar og rannsóknargleði: frá kistli Pandóru til eplisins í Eden til tilrauna kirkjunnar að takmarka böl stríðsins með reglum um réttlátt stríð.
Ekki saka mig um útúrdúra eða útúrsnúninga, ég stóð ykkur að ofeinföldun og rangfærslum.
Alls ekki Carlos. Þú gleymir alveg að mjög margir frasar í biblíunni hafa verið notaðir af yfirvöldum í samráði við þjóðkirkjur þeirra landa til að æsa fólk upp í stríð. Trúin er eldsneytið og síðan þarf að kveikja í. Ég hef bent á stríð páfagarðs með atbeina nasista við Stalín og rétttrúnaðinn. Hér fyrir ofan tók ég aðeins á Víetnamstríðinu. Allstaðar koma trúarbrögð við sögu. Ég vil líka benda þér á að lesa um siðbótastríðin í heilögum hryllingi sem endaði með því að Evrópa varð örmagna. Ef þetta eldsneyti yrði fjarlægt væri meiri líkur á friði. Hvað gera menn ekki fyrir Guð, Jesú, Allah o.s.frv.
Varðandi ógeðslegustu loftárásir síðari heimsstyrjaldarinnar eins og beiting kjarnorkuvopna, eldsprengju árásir á Tókíó og Dresden er á samvisku bandamanna. Þetta eru þjóðir sem kenna sig við Krist. Ekki verður sagt að það bæti siðferðið. Það er erfitt að slíta aðeins þessar árásir frá heildarmyndinni en trúarbrögð voru óspart notuð til að réttlæta og sefa samvisku þeirra sem tóku slíkar ákvarðanir. Gott dæmi er blessun kjarnorkusprengja af evangelískum prestum.
Trúarbrögð koma allstaðar við sögu Carlos í stríðsátökum og eru eldsneytið sem auðvelt er að grípa í. Þú kannast vonandi við ástandið í landinu "helga". Þar er trúin hvergi sterkari og átökin hvergi meiri. Bandaríkjamenn trúa einarðlega á Jesú Krist en eru fljótir að grípa til vopna, skjóta fyrst og spyrja svo, samanber meint kjarnorkuvopn Íraka. Bush og Blair, upphafsmenn þess stríðs? Biðja bænir saman og guð skipar þeim til verka. Carlos, hjálpar þetta þér að átta þig.
Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.
Snorri - 26/06/06 13:14 #
Þegar "Guð var ekki til" og mikil efahyggja um boðskap Biblíunar í gangi. 70% guðfræðinga truðu ekki grundvallarkenningum um Krist, meyjarfæðinguna eða upprisunnar frá dauðum, myndaðist jarðvegur fyrir heimsstyrjöld og mannfyrirlitningu. Ávöxturinn var nasisminn. Afleiðingarnar 52 milljónir sem létu lífið. Vantrú er einnig ávöxtur "gagnrýnnar hugsunar" efahyggju sem gagnrýnir allt nema sjálf sig. Haldið þið að þið getir frelsast frá mannfyrirlitngu eða blóðsúthellingum þegar allir trúaðir eru flokkaðir sem hryðjuverkamenn eða illþýði? Jesús segir: "Sælir eru þér, þá er menn smána yður, ofsækja og ljúga á yður öllu illu mín vegna." Vantrú er hættulegasta trú allra tíma!