Íslenskur sjónvarpspredikari ákærður fyrir skattsvik

[Vesteinn]

https://www.ruv.is/frett/islenskur-sjon ... -skattsvik

Eiríkur Sigurbjörnsson, oftast kenndur við kristilegu sjónvarpsstöðina Omega, hefur verið ákærður fyrir meiriháttar brot gegn skattalögum og fyrir peningaþvætti. Hann er í ákærunni sagður hafa nýtt ávinning af brotunum, rúmlega 36 milljónir, í eigin þágu.
Í ákærunni er Eiríki gefið að sök að hafa staðið skil á efnislega röngum framtölum vegna áranna 2011 til 2016.

Hann er sagður hafa látið undir höfuð leggjast að telja fram á framtölum sínum persónulegar úttektir upp á 67 milljónir út af greiðslukortum og skuldfærðust af bankareikningi Gospel Channel Evrópa hjá norska bankanum DNB.

Þá segir saksóknari að hann hafi heldur ekki talið fram úttektir af viðskiptareikningi hjá Global Mission Network upp á rúmar 11 milljónir. Hann er því ákærður fyrir að vanframtelja tekjur upp á rúmar 78,5 milljónir króna.

Málið verður þingfest í Héraðsdómi Reykjavíkur á næstunni. Á Facebook-síðu stöðvarinnar kemur fram að þann 8. nóvember 1991 „þá talaði Guð til Eiríks Sigurbjörnssonar, að setja upp kristilega sjónvarpsstöð á Íslandi. Eiríkur sótti um sjónvarpsleyfi og fékk heimild til að sjónvarpa 24 tíma á sólarhring.“

[Matti Á.]

„Gjaldið þá keisaranum það sem keisarans er og Guði það sem Guðs er.“