Allar færslur Allir flokkar Sos Um félagið Úrskráning Lógó Spjallid@Vantru Póstfang Vantru@Facebook Vantru@Youtube Vantru@Twitter

Hyski og helgislepja

Leiðarar dagblaðanna um jólin voru ólíkir. Prestssonurinn skrifaði prédikun í Morgunblaðið á aðfangadag þar sem hann sýndi enn og aftur að Morgunblaðið er ekki blað allra landsmanna heldur einungis þeirra sem aðhyllast kristna trú (~51%). Fyrir utan helgislepju er kjarni greinarinnar sá að ekki skuli reiðast þeim er rústað hafa efnahag þjóðarinnar.

Það fer ekki á milli mála að hörmungarnar, sem hafa dunið yfir íslenzkt efnahagslíf, eru að mestu leyti af manna völdum. Einhverjir bera ábyrgðina. En það hefur verið lítið um iðrun í eftirleik efnahagshrunsins og ennþá minna um fyrirgefningu. Hvort tveggja hefur okkur þó verið kennt.

Reiðin, hatrið og hefndarhugurinn eru heldur ekki uppbyggilegar hugsanir. Þær munu éta samfélag okkar að innan fái þær að verða ráðandi. Hinn kristni boðskapur er skýr; það er kærleikurinn til náungans sem skiptir mestu máli. Kærleikurinn reiðist ekki og er ekki langrækinn, eins og Páll postuli minnti okkur á. Hann er langlyndur og góðviljaður.

Leiðari Fréttablaðsins á laugardag virðist skrifaður sem andsvar við jólaleiðara Morgunblaðsins, Páll Baldvin Baldvinsson menningarritstjóri blaðsins lætur biskup og hyski hans, prestssoninn þar með talinn, heyra það.

Enn erum við í jólaboðinu og biskupinn og allt hans hyski hefur sagt við okkur látlaust í stillilega rómnum alla jólahelgina: Verum stillt, verum stillt, rétt eins og fastahópar í jólamætingu þjóðkirkjunnar séu venjubundnir óróaseggir á þeim árstíma. Við sem heima sitjum erum til alls vís.

Það er skemmtilegt að bera saman viðhorf leiðarahöfunda til jólaguðspjallsins, prestssonurinn skrifar:

Við skulum öll reyna að hlúa vel að okkar nánustu og nota frídagana til að íhuga vel boðskapinn sem býr að baki yfirborðslegu glysi jólahátíðarinnar. Að okkur er í dag frelsari fæddur sem boðar okkur frið og fögnuð. Ef við tökum vel á móti litla drengnum, sem fæddist í Betlehem fyrir meira en tvö þúsund árum, þurfum við ekki að vera hrædd þótt margt sé í óvissu og uppnámi. Hann gengur með okkur á vegi lífsins.

Páll Baldin svarar:

Nú er hátíð hinna forneskjulega trúarbragða sem eiga sér dygga fylgjendur í stjórnmálaflokkum, þá sem trúa á jólasveininn og ljúga til um fæðingu frelsara í Betlehem.

Lesendur Vantrúar vita vonandi að Páll Baldvin hefur rétt fyrir sér, jólaguðspjallið er staðleysa.

Matthías Ásgeirsson 29.12.2008
Flokkað undir: ( Stjórnmál og trú )

Viðbrögð


Matti (meðlimur í Vantrú) - 29/12/08 14:46 #

Við þetta má bæta að á Eyjunni er ansi fjörleg umræða um leiðara Páls.


Reynir (meðlimur í Vantrú) - 29/12/08 17:07 #

Óttalegur þvættingur innan um sjálfsögð sannindi hjá prestssyninum.

Má til að minna á jólaprédikun biskups 2006:

Grýlur og jólasveinar eru í besta falli leikur, skemmtun. Allir hafa gott af því að bregða á leik. Ég hef oft leikið jólasvein. En ég trúi ekki á jólasveininn, fremur en nokkur heilvita, fullorðin manneskja. Það er munur á leik og alvöru. Börnin skynja það. Börn læra að greina milli sannleika og blekkinga. Þau þekkja leikinn og ævintýrið. En þau vita líka hvað er satt og heilt. Það er mikil synd þegar hinir fullorðnu gera þar ekki greinarmun á, og rugla börn beinlínis í ríminu. Jólaguðspjallið er heilagur sannleikur.

Er nema von að illa sé fyrir okkur komið þegar "andlegur leiðtogi" þjóðarinnar talar svona? Má ég þá frekar biðja um Pál Baldvin.


Valgarður Guðjónsson - 31/12/08 14:31 #

Biskupinn og jólasveinana þarf að rifja upp reglulega.

Gamall "maður" með sítt hvítt skegg, alvitur og alsjáandi, samsuða sagna úr ólíkum áttum, refsar þeim sem haga sér illa en umbunar þeim sem trúa og eru "góðir"..

Ég man samt aldrei hvor er hvor, Guð eða jólasveininn.

Það er ekki einu sinni hægt að átta sig út frá fjöldanum, þrettán jólasveinar og þrettán "guðasveinar" (með postulunum)


DoctorE - 02/01/09 13:29 #

Skítapakk allt upp til hópa sem aðhyllist hinn ímyndaða vitleysing í geimnum


Árni Árnason - 02/01/09 16:11 #

Þetta er nú allt í góðu, þar sem allir vita jú fyrir löngu að orðið "heilagur" þýðir sama og loftgæsalappir eða lygaramerki fyrir aftan bak.

Ef hann hefði sagt: Jólaguðspjallið er sannleikur. Þá væri um alvarlega lýgi að ræða, en með því að segja "heilagur" sannleikur er hann í raun að segja "eða þannig" eða "or not"


DoctorE - 02/01/09 16:12 #

Skemmtilegt bréf sem ég fékk vegna þess að ég sagði presta og biskupa bara sækja í gull og glimmer.. http://baldurkr.blog.is/blog/baldurkr/entry/759914/

She loves me ;)

Sæll Var að lesa komment frá þér um Sigurbjörn Einarsson sem var einhver besta manneskja sem hef þekkt.
Ertu meðlimur í einhverjum rasista klúbbi eða áttu eftir að skrá þig? Það er tjáningarfrelsi í landinu svo þú mátt segja það sem þú vilt og ég líka. Mér finnst það sem þú skrifaðir svo heimskulegt og lélegt og ræfilslegt að skrifa undir dulnefni.
Vona að þú munir eiga gott og lærdómsríkt ár
Kv.
Ásta María Guðmundsdóttir

Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.