Aftur og aftur hljómar 23 Davíðssálmur í eyrum kirkjugesta til að hugga þá þegar illa gengur. Til að fullnægja þessari endalausu þörf fyrir að heyra huggandi guðs heilaga orð þessa sálms er núna hægt að skrá sig á námskeið hjá Leikmannaskóla þjóðkirkjunnar. Eins og vanalega tipla kristnir guðfræðingar á tánum í kringum ógeðfelda Davíðssálma til að valda ekki hneykslan hjá almenningi sem telur sig siðferðilega betri sem kristnir. Við skulum kynnast kristilegu siðferði og guðlegum kærleik sálmanna í kirkju ríkisins. Hér á eftir koma nokkrar laglínur úr dimmum sálmum heilagrar ritningar:
2:8 Bið þú mig, og ég mun gefa þér þjóðirnar að erfð og endimörk jarðar að óðali. 9 Þú skalt mola þá með járnsprota, mölva þá sem leirsmiðs ker.
5:7 Þú tortímir þeim, sem lygar mæla, á blóðvörgum og svikurum hefir Drottinn andstyggð.
11:6 Á óguðlega lætur hann rigna glóandi kolum, eldur og brennisteinn og brennheitur vindur er þeirra mældi bikar.
14:1 Heimskinginn segir í hjarta sínu: "Guð er ekki til." Ill og andstyggileg er breytni þeirra, enginn gjörir það sem gott er.(Hér fá trúlausir opinberlega á baukinn frá ríkisguðinum)
18:35 sem æfir hendur mínar til hernaðar, svo að armar mínir benda eirbogann.
21:9 Hönd þín nær til allra óvina þinna, hægri hönd þín nær til allra hatursmanna þinna. 10 Þú gjörir þá sem glóandi ofn, er þú lítur á þá. Drottinn tortímir þeim í reiði sinni, og eldurinn eyðir þeim.
35:8 Lát tortíming koma yfir þá, er þá varir minnst
50:22 Hyggið að þessu, þér sem gleymið Guði, til þess að ég sundurrífi ekki og enginn fái bjargað.
58:4 Hinir illu eru frá móðurlífi viknir af leið, lygarar fara villir vegar frá móðurskauti.(Guð kennir mæðrum um lygna einstaklinga)
58:7 Guð, brjót sundur tennurnar í munni þeirra, mölva jaxlana úr ljónunum, Drottinn
59:6 En þú, Drottinn, Guð hersveitanna, Ísraels Guð, vakna þú til þess að vitja allra þjóðanna, þyrm eigi neinum fráhverfum syndara.
68:22 Já, Guð sundurmolar höfuð óvina sinna, hvirfil þeirra, er ganga í sekt sinni. 23 Drottinn hefir sagt: "Ég vil sækja þá til Basan, flytja þá frá djúpi hafsins, 24 að þú megir troða þá til bana, að tungur hunda þinna megi fá sinn hlut af óvinunum."
78:66 Hann barði fjandmenn sína á bakhlutina(Er guð að fikta í rassinum á óvinum Ísraels)
106:17 Jörðin opnaðist og svalg Datan og huldi flokk Abírams, 18 eldur kviknaði í flokki þeirra, loginn brenndi hina óguðlegu.
110:6 Hann heldur dóm meðal þjóðanna, fyllir allt líkum, hann knosar höfuð um víðan vang.
139:8 Þótt ég stigi upp í himininn, þá ertu þar, þótt ég gjörði undirheima að hvílu minni, sjá, þú ert þar.(Er guð líka neðanjarðar, það er lítið pláss fyrir Satan og steig Jesú ekki niður til heljar... hmm er þá Satan guð í grímubúning)
144:1 Lofaður sé Drottinn, bjarg mitt, sem æfir hendur mínar til bardaga, fingur mína til orustu.
Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.
Aiwaz (meðlimur í Vantrú) - 08/10/03 10:08 #
Já, hinn algóði guð lætur ekki að sér hæða :o)
Ein athugasemd:
"58:4 Hinir illu eru frá móðurlífi viknir af leið, lygarar fara villir vegar frá móðurskauti. (Guð kennir mæðrum um lygna einstaklinga)"
Ég get ekki séð að hér sé verið að kenna mæðrunum sérstaklega um. Frekar sýnist mér að sé komin kalvínísk kenning, þ.e. fyrirfram er ákveðið hverjir séu illir og ekkert breyti því = sem sagt enginn frjáls vilji. Með því að segja allt fyrirfram ákveðið stenst það rök að guð sé alvitur en umleið setur það í uppnám að hann sé algóður því lífshlaup allra er þá bara skrípaleikur og engu skiptir hver breytni okkar er, allt er fyrirfram ákveðið. Fyrirfram er ákveðið að milljarðar barna muni kveljast og deyja ömurlegum dauðdaga. Þar fauk "algæskan" út. Guð sem vill vera í senn alvitur og algóður vill borða kökuna og eiga samt, en eins og allar feitabollur vita er það ekki hægt! ha,ha :o)
93