Það styttist í kosningar um stjórnarskrá og við hvetjum alla til að taka þátt. Kirkjunnar fólk hefur verið duglegt við að halda uppi áróðri fyrir því að Þjóðkirkjan verði áfram í stjórnarskrá. Hér er dálítið mótvægi.

Látið okkur vita í athugasemd ef þið vitið af fleiri greinum eða vefsíðum sem tengjast málinu.

Einn af fjórum hornsteinum stjórnskipunar landsins er að mismuna megi trúfélögum. Sá hyrningarsteinn ber heitið "Þjóðkirkja" í stjórnarskrá, a.m.k. ef moðsuða Stjórnlagaráðs nær fram að ganga. Eða hvað?

Svo virðist sem að „lending“ Stjórnlagaráðs hvað varðar ákvæði um ríkiskirkju sé sú að tryggja stöðu ríkiskirkjunnar áfram. Nú er ákvæðið komið með sinn eigin undirkafla sem heitir „Þjóðkirkjan“ og er hann í þeim hluta tillagna Stjórnlagaráðs sem fjallar um undirstöður samfélagsins.

Nú er Þjóðkirkjuákvæðið orðið að undirstöðu stjórnskipunar á Íslandi samkvæmt nýjustu tillögu Stjórnlagaráðs að drögum að stjórnarskrá. Lengi getur vont versnað.

Stjórnlagaráðsmaðurinn Dögg Harðardóttir styður það að í nýrri stjórnarskrá verði tekið fram að "við" séum kristin þjóð: