Allar færslur Allir flokkar Sos Um félagið Úrskráning Lógó Spjallid@Vantru Póstfang Vantru@Facebook Vantru@Youtube Vantru@Twitter

Matthías Jochumsson - fórnarlamb ríkiskirkjunnar

Mynd af Matthíasi sjálfum

Fyrir nokkru var þess minnst að hundrað ár voru liðin frá andláti Matthíasar Jochumssonar. Þjóðkirkjuprestar notuðu tækifærið og dásömuðu Matthías í ræðu og riti og létu eins og hann hafi verið besti vinur ríkiskirkjunnar. Sú var alls ekki raunin.

Villutrúarmaður gegn ríkiskirkjunni

Matthías var alger villutrúarmaður. Hann trúði ekki á þrenninguna, ekki á guðdóm Jesú og eins og varð síðar alræmt, þá afneitaði hann helvíti og eilífum kvölum hinna fordæmdu.

Samkvæmt kennslubókum í trúfræði við hina virtu guðfræðideild Háskóla Íslands myndu þessar skoðanir hans ekki einungis gera hann að villutrúarmanni, heldur nær hann því ekki einu sinni að teljast kristinn.

Matthías reyndi meira að segja að stofna sína eigin villutrúar-kirkju hér á landi, en tókst ekki. Hann gerðist prestur ríkiskirkjunnar þegar hann varð blankur.

Fangi ríkiskirkjunnar

Sem prestur ríkiskirkjunnar gerði hann þau alvarlegu mistök að gagnrýna helvíti. Kallaði það “lærdóminn ljóta" í tímaritsgrein. Biskup ríkiskirkjunnar sendi honum harðort bréf og Matthías baðst afsökunar.

Svona segir presturinn Sigurður Árni frá þessu:

Almannrómur taldi, að ef hann hefði ekki beðist velvirðingar á skrifum sínum, hefði hann verið sviptur hempunni. Svo mun þó ekki hafa verið.

Í nýlegri ævisögu Matthíasar er sagt frá innihaldi bréfsins, sem er kallað “hótunarbréf”:

Biskupinn sagði að Matthías hafi “gengið gegn tveimur greinum prestaðeiðsins með þessum skrifum sínum auk einnar greinar Ágsborgarjátningarinnar. Hann spyr hvort það sé ekki skylda hans að segja af sér prestsembætti vegna þessa og leggur það í dóm Matthíasar sjálfs. Hann skipar honum að biðjast með opinberri yfirlýsingu afsökunar og taka aftur " lastandi, fordæmandi og niðrandi ummæli um kenningu kirkjunnar". Ef hann geri ekki svo geti það haft "alvarlegar afleiðingar".” [1]

Það er ekki byggt á almannarómi að Matthías hefði verið rekinn ef hann hefði ekki beðist afsökunar, heldur bréfinu sjálfu.

Raunin er sú að þessi “trúsnillingur" (samkvæmt Sigurði Árna) ákvað að selja samviskuna sína og gerast prestur í ríkiskirkjunni. Það fylgir því starfi að maður getur ekki talað heiðarlega um trúmál, því þá getur maður misst lífsviðurværið. Eins og Sigurður Árni veit eflaust sjálfur.


[1] Þórunn Jarla Valdimarsdóttir - Upp á Sigurhæðir – saga Matthíasar Jochumssonar, bls. 485-487

Ritstjórn 09.03.2021
Flokkað undir: ( Ríkiskirkjan )

Viðbrögð


CAhYJQsimeXPGDtV - 17/12/23 13:25 #

IUAPGehMuFSdTv


sqvaiyCXcBew - 15/03/24 10:14 #

jrWZyQiGBSdnh

Sýnið viðbrögð, en vinsamlegast sleppið öllum ærumeiðingum. Einnig krefjumst við þess að fólk noti gild tölvupóstföng, líka þegar notast er við dulnefni. Ef það sem þið ætlið að segja tengist ekki þessari grein beint þá bendum við á spjallborðið. Þeir sem ekki fylgja þessum reglum eiga á hættu að athugasemdir þeirra verði færðar á spjallborðið.

Hægt er að nota HTML kóða í ummælum. Tög sem virka eru: a href, b, i, u, br, p, strong, em, ul, li og blockquote. Einnig er hægt að notast við Markdown rithátt í athugasemdum. Notið skoða takkann til að fara yfir athugasemdina áður en þið sendið hana inn.