Í nýlegu viðtali við Fréttablaðið lét einn af biskupum Þjóðkirkjunnar, Solveig Lára Guðmundsdóttir, þessi orð falla:
Varðandi viðhaldið þá hafa sóknargjöld farið hríðlækkandi síðustu ár, við fáum ekki nema örlítið brot af því sem við eigum að fá, lögum samkvæmt. #
Þessi fullyrðing, að upphæð sóknargjalda sem ríkiskirkjan fær í raun sé lægri heldur en hún ætti að vera samkvæmt lögunum heyrist oft frá talsmönnum hennar [1]. Þetta er samt rangt og svo augljóslega rangt að það ætti með réttu að kallast lygi.
Fjársýsla ríkisins sér um greiðslu sóknargjalda, og á heimasíðu hennar eru birt árleg uppgjör sóknargjalda.
Fyrir árið 2018 fékk ríkiskirkjan greitt nákvæmlega 2.083.321.044 krónur.
Samkvæmt Hagstofunni átti að borga Þjóðkirkjunni sóknagjöld fyrir 186.477 manns árið 2018.
Í lögum um sóknargjöld, stendur berum orðum: ”skal gjald sem rennur til þjóðkirkjusafnaða og skráðra trúfélaga vera 931 kr. á mánuði árið 2018".
931 kr á mann á mánuði * 12 mánuðir * 186.477 manns = 2.083.321.044 krónur
Þjóðkirkjan fékk greitt nákvæmlega jafn margar krónur og hún átti að fá samkvæmt lögunum.
Sama gildir um öll hin árin. Ríkiskirkjan fær alltaf borgað upp á krónu það sem lögin segja til um. Lögin segja berum orðum hver upphæðin er. Það er sáraeinfalt að finna hinar tölurnar og reikna út upphæðina.
Þessir háttsettu ríkiskirkjustarfsmenn hljóta að vera nógu skynsamir til að sjá þetta og ættu að vita betur. Tilgangurinn með þessum rangfærslunum er svo að fá hærri sóknargjöld.
[1] Þetta er t.d. oft í ársskýrslum kirkjuráðs um fjármál, t.d. hérna: “Engu að síður vantaði mikið uppá að sóknargjöldin væru í samræmi við lög nr. 91/1987.” - bls 128, og hérna“Til að fara eftir lögum um sóknargjöld o.fl. vantar 932,8 m.kr. á fjárlagaliðinn Sóknargjöld,...” bls 44
Sýnið viðbrögð, en vinsamlegast sleppið öllum ærumeiðingum. Einnig krefjumst við þess að fólk noti gild tölvupóstföng, líka þegar notast er við dulnefni. Ef það sem þið ætlið að segja tengist ekki þessari grein beint þá bendum við á spjallborðið. Þeir sem ekki fylgja þessum reglum eiga á hættu að athugasemdir þeirra verði færðar á spjallborðið.
Hægt er að nota HTML kóða í ummælum. Tög sem virka eru: a href, b, i, u, br, p, strong, em, ul, li og blockquote. Einnig er hægt að notast við Markdown rithátt í athugasemdum. Notið skoða takkann til að fara yfir athugasemdina áður en þið sendið hana inn.