Sumir segja að það eigi alls ekki að leyfa múslímum að koma til Íslands. Þeirri skoðun er stundum mótmælt með orðum á borð við: "Hvað myndi Jesús gera?” Spyrjandinn telur auðvitað að ljúfmennið Jesús myndi taka múslímum opnum örmum.
En hvernig kemur Jesús fram við múslíma samkvæmt kristinni trú?
Ef við notum játningar Þjóðkirkjunnar sem viðmið, þá myndi Jesús ekki taka við múslímum.
Samkvæmt játningunum ræður Jesús yfir ákveðnu ríki sem við getum líkt við Ísland: Jesús ræður yfir himnaríki.
Til að komast inn í það ríki þarf að trúa því að syndir manns séu fyrirgefnar með dauða Jesú á krossinum. Múslímar trúa því almennt ekki einu sinni að Jesús hafi verið krossfestur. Múslímar komast því ekki til himna.
Jesú mun því á dómsdegi segja “Vík frá mér!” við múslíma, reka þá burt og henda þeim beinustu leið til helvítis, þar sem Jesús refsar þeim með eilífum kvölum.
Þannig að hvað myndi Jesús gera við múslíma sem reyna að flytjast til Íslands? Reka þá í burtu og refsa þeim grimmilega.
Það er því spurning hvort Íslendingar ættu að taka upp þá stefnu að brenna þá múslíma sem koma til landsins, nema þeir taki upp trú á Jesú.
Líklega væri gáfulegra að sleppa því algerlega að rökstyðja skoðanir sínar með því að halda því fram að svo heppilega vilji til að heimsendaspámaður frá fornöld hafi haft nákvæmlega sömu skoðun og maður sjálfur.
Sýnið viðbrögð, en vinsamlegast sleppið öllum ærumeiðingum. Einnig krefjumst við þess að fólk noti gild tölvupóstföng, líka þegar notast er við dulnefni. Ef það sem þið ætlið að segja tengist ekki þessari grein beint þá bendum við á spjallborðið. Þeir sem ekki fylgja þessum reglum eiga á hættu að athugasemdir þeirra verði færðar á spjallborðið.
Hægt er að nota HTML kóða í ummælum. Tög sem virka eru: a href, b, i, u, br, p, strong, em, ul, li og blockquote. Einnig er hægt að notast við Markdown rithátt í athugasemdum. Notið skoða takkann til að fara yfir athugasemdina áður en þið sendið hana inn.