Allar færslur Allir flokkar Sos Um félagið Úrskráning Lógó Spjallid@Vantru Póstfang Vantru@Facebook Vantru@Youtube Vantru@Twitter

Áskorun til kirkjuþings

Mynd af Grensáskirkju

Kirkjuþing Þjóðkirkjunnar verður sett næstkomandi helgi í Grensáskirkju. Af því tilefni sendum við fyrr í dag kirkjuþingsfulltrúum eftirfarandi áskorun:


Ágæti kirkjuþingsfulltrúi

Síðustu fimm ár hefur kirkjuþing Þjóðkirkjunnar ávallt ályktað um sóknargjöld og margítrekað að hún telji þau vera félagsgjöld sem ríkið innheimtir[1].

Ef sóknargjöld eru félagsgjöld sem ríkið innheimtir í gegnum tekjuskatt er verið að brjóta á utantrúfélagafólki sem borgar aukalega tekjuskatt. Á þetta hefur verið bent í umræðum á kirkjuþingi[2] og íslenska ríkið var áminnt fyrir þessa mismunun af Mannréttindanefnd Sameinuðu Þjóðanna árið 2012[3].

Þjóðkirkjan ber töluverða ábyrgð á þessu mannréttindabroti. Núverandi lög voru að hálfu leyti samin af fulltrúum kirkjuráðs[4] og þegar það hefur verið lagt til að laga þetta, þá hefur Þjóðkirkjan lagst gegn því[5].

Kirkjuþing mun vafalaust álykta um sóknargjöld í ár. Við skorum á ykkur að álykta að þetta mannréttindabrot, sem Þjóðkirkjan ber mikla ábyrgð á, verði lagað: að fólk sem stendur utan trúfélaga greiði ekki framar sóknargjöld.

fyrir hönd Vantrúar,
Hjalti Rúnar Ómarsson, formaður Vantrúar


[1] Samanber eftirfarandi fullyrðingar úr gerðum kirkjuþings:

2011: Sóknargjöld eru félagsgjöld og grundvöllur kirkjustarfsins í heimabyggð. #

2012: Annars vegar er þar um að ræða lögbundin sóknargjöld, félagsgjöld, sem ríkið innheimtir … Sóknargjöldin eru lögbundin félagsgjöld sem ganga til reksturs safnaðanna. #

2013: Annars vegar er þar um að ræða lögbundin sóknargjöld, félagsgjöld, sem ríkið innheimtir … Sóknargjöldin eru lögbundin félagsgjöld sem ganga til reksturs safnaðanna um land allt. … og innheimtu sóknargjalda sem eru félagsgjöld. #

2014: Annars vegar er þar um að ræða lögbundin sóknargjöld, félagsgjöld, sem ríkið innheimtir… Sóknargjöldin eru lögbundin félagsgjöld …# ...lögbundin félagsgjöld kirkjunnar, sóknargjöldin,... #

2015: Annars vegar er þar um að ræða lögbundin sóknargjöld, félagsgjöld, sem ríkið innheimtir ...Sóknargjöldin eru lögbundin félagsgjöld #

[2] Til dæmis sagði Baldur Kristjánsson þetta á aukakirkjuþingi 2012 í fyrri umræðum við 1. mál. ~14:50 í upptökunni: “Það var í fyrsta lagi það að allir þyrftu að greiða vegna trúfélagsaðildar þó þeir væru ekki í neinu trúfélagi. Það er litið á þetta þannig að þeir sem eru ekki í neinu trúfélagi séu þá að greiða hærri skatt en aðrir. Þetta verður augljósara þegar rök kirkjunnar eru tekin með að þetta sé félagsgjald. Þá verður augljósara að þeir sem eru ekki í neinu trúfélagi þeir greiða hærri skatt en aðrir. "

[3] “13. The Committee is concerned that the State party levies a church tax from citizens, Regardless of whether they are members of a religious organization. … The State party Should take steps to ensure that the church tax is not levied indiscriminately.” #

[4] Sjá innganginn í greinargerðinni með frumvarpi núgildandi laga um sóknargjöld. #

[5] Sjá meðal annars þessa umsögn frá Biskupsstofu: “Að öllu því virtu sem rakið hefur verið mælir biskupsstofa eindregið með því að frumvarpið fái ekki brautargengi.” #


Upprunaleg mynd frá Álfheiði Magnúsdóttur og birt með cc-leyfi

Ritstjórn 02.11.2016
Flokkað undir: ( Sóknargjöld )

Viðbrögð

Sýnið viðbrögð, en vinsamlegast sleppið öllum ærumeiðingum. Einnig krefjumst við þess að fólk noti gild tölvupóstföng, líka þegar notast er við dulnefni. Ef það sem þið ætlið að segja tengist ekki þessari grein beint þá bendum við á spjallborðið. Þeir sem ekki fylgja þessum reglum eiga á hættu að athugasemdir þeirra verði færðar á spjallborðið.

Hægt er að nota HTML kóða í ummælum. Tög sem virka eru: a href, b, i, u, br, p, strong, em, ul, li og blockquote. Einnig er hægt að notast við Markdown rithátt í athugasemdum. Notið skoða takkann til að fara yfir athugasemdina áður en þið sendið hana inn.










Muna þig?