Allar færslur Allir flokkar Sos Um félagið Úrskráning Lógó Spjallid@Vantru Póstfang Vantru@Facebook Vantru@Youtube Vantru@Twitter

Sparnaðarráð til Reykjavíkurborgar

Mynd af kirkju

Reykjavíkurborg ætlar að skera niður um tæpa 2 milljarða á næsta fjárhagsári. Hér er ábending handa þeim sem leita sparnaðarleiða: Leggið niður kirkjubyggingarsjóð.

Samkvæmt fjárhagsáætlun Reykjavíkurborgar setur borgin 11 milljónir á ári í „kirkjubyggingarsjóð“ sem hefur það hlutverk að „styrkja með framlögum byggingu kirkna og safnaðarheimila sókna í Reykjavík með það takmark fyrir augum að þær eignist hver sína kirkju svo fljótt sem verða má.“

Það getur varla talist eitt af verkefnum borgarinnar að standa í því að byggja kirkjur og auk þess er meira en nóg af kirkjum í Reykjavík. Við leggjum til að áður en borgin sker niður eina krónu til menntamála verði öll útgjöld til trúfélaga skorin niður. Þau fá nú þegar gríðarlegt fé úr ríkissjóði og engin ástæða til að útsvarsgreiðendur í borginni bæti í þá hít.


Upphafleg mynd frá Helga Halldórsyni og birt með cc-leyfi

Ritstjórn 27.11.2015
Flokkað undir: ( Stjórnmál og trú )

Viðbrögð


Benni - 28/11/15 11:43 #

Ég er með betri hugmynd. Hvernig væri að ríkið, keypti biblíu handa öllum borgurum landsins. Flestir prestar landsins trúa hvort eð er ekki á Guð. Þeir héldu mér alla vega trúlausum. Það var ekki fyrr en ég las hans orð sem ég vaknaði upp við raunveruleikan. Hann talaði meira að segja við mig í morgun. Hann skammaði mig reyndar fyrir að hafa drukkið mig blind fullan í gær. Hann sagði. "Hví ert þú að drekka frá þér alla þá rænu sem èg gaf þér". Ég skammaðistt mín auðvitað, því Guð hefur náttúrulega rétt fyrir sér. Hann sagði mér að hryðjuverk væru framin, ánöfnuð honum og að heimskir menn muni falla fyrir því. Hann sagði mér líka að trúlvillingar ( t.d. Vottar Jehova) undir nafni trúar, myndu reyna að sverta hann.


Benni - 28/11/15 12:22 #

Þeir sem eru komnir yfir fimmtugt og sjá ekki hvaða ávöxt trúleysi ber, eru einfaldlega heimskir. Guð mun allavega ekki taka þeirri afsökun að hafa ekki varað þá við, ó nei! Það hefur ekki vantað aðvaranirnar. Mín fyrsta, var þegar mér var kennt að við værum komin af öpum. Í fyrstu trúði ég þvî ekki. En fyrir rest lærði ég að trúa því. Mikið held ég að Satan hafi hlegið þá.


Þórður Ingvarsson (meðlimur í Vantrú) - 28/11/15 12:22 #

Sagði hann þér það, já. Allt í lagi. Flott. Talar hann reglulega við þig? Er hann með fallega rödd?

Sýnið viðbrögð, en vinsamlegast sleppið öllum ærumeiðingum. Einnig krefjumst við þess að fólk noti gild tölvupóstföng, líka þegar notast er við dulnefni. Ef það sem þið ætlið að segja tengist ekki þessari grein beint þá bendum við á spjallborðið. Þeir sem ekki fylgja þessum reglum eiga á hættu að athugasemdir þeirra verði færðar á spjallborðið.

Hægt er að nota HTML kóða í ummælum. Tög sem virka eru: a href, b, i, u, br, p, strong, em, ul, li og blockquote. Einnig er hægt að notast við Markdown rithátt í athugasemdum. Notið skoða takkann til að fara yfir athugasemdina áður en þið sendið hana inn.










Muna þig?