Margir halda því ranglega fram að sóknargjöld séu félagsgjöld. Í byrjun árs ákvað Ólöf Nordal innanríkisráðherra að fela Sigurði Þórðarsyni, fyrrverandi ríkisendurskoðanda, að skoða sérstaklega eðli sóknargjalda. Skýrslan er tilbúin, en ráðuneytið neitar að birta hana. Í dag sendum við fyrirspurn til ráðherrans um eðli sóknargjalda.
Ef ríkið telur sóknargjöld vera félagsgjöld þá er verið að brjóta á mannréttindum þeirra sem standa utan trúfélaga með ólöglegri skattlagningu. Við erum tilbúin með kröfugerð er varðar einmitt þetta hugsanlega mannréttindabrot. Ef ríkið fellst ekki á kröfurnar þá er næsta skref að fylgja málinu eftir til dómstóla.
Ágæti innanríkisráðherra
Erindi bréfs þessa er að spyrja hvort sóknargjöld séu félagsgjöld eða framlög.
Þetta er sérlega brýn spurning því ef sóknargjöld eru félagsgjöld, þá er íslenska ríkið að brjóta mannréttindi mín með því að skattleggja mig sérstaklega fyrir að standa utan trú- og lífskoðunarfélaga. Mannréttindanefnd Sameinuðu Þjóðanna vakti sérstaka athygli á þessu í tímabilsskýrslu sinni árið 2012.
Er spurningu þessari beint til þín þar sem mannréttindi og kirkjumál heyra undir þitt ráðuneyti. Auk þess léstu í byrjun ársins vinna skýrslu þar sem skoða átti sérstaklega eðli sóknargjalda. Sú skýrsla er tilbúin, en ráðuneyti þitt neitar að birta hana. Engu að síður liggur skýrslan fyrir og því ætti að vera hægt að svara því hvort sóknargjöld séu félagsgjöld eða framlög úr ríkissjóði.
Ég hef verið að undirbúa kröfugerð um endurgreiðslu á þessum tekjuskatti sem ríkið hefur ranglega innheimt, sem leitt hefur til þess að ég hef ofgreitt tekjuskatt. Sú kröfugerð byggist á því að um félagsgjöld sé að ræða. Af þeim sökum væri æskilegt að fá svar við þessari spurningu til þess að hægt sé að ganga úr skugga um hvort tilefni sé til að beina þessum kröfum að ríkinu eða ekki.
Virðingarfyllst,
Sindri Guðjónsson
Ég held alveg örugglega ekki. En í versta falli munum við sjá hana eftir 8 ár.
En ég held að við getum fengið svör frá ráðherranum um eðli sóknargjalda án þess að sjá þessa skýrslu.
Upphaflega hlýtur hugsunin að hafa verið sú að sóknargjald væri eins konar félagsgjald sem rikið hefði milligöngu um. Heimtur Þk á félagsgjöldum voru afleitar þannig að hún bað ríkið um hjálp. Búið er þá til kerfi sem er í raun útgjaldakerfi á hvern haus 16 ára og eldri í trúfélögunum hvort sem viðkomandi borgar tekjuskatt eða ekki. Þetta getur þá ekki í raun talist sem skattur nema að maður telji allt sem útgjöld eru sett í sem skatt eins og þá t.d. heilbrigðisskatt (það sem sett er í heilbrigðiskerfið) o.s.frv. Útgjöld eru þau vissulega. Það verður þó fróðlegt að sjá þessa skýrslu.
Sýnið viðbrögð, en vinsamlegast sleppið öllum ærumeiðingum. Einnig krefjumst við þess að fólk noti gild tölvupóstföng, líka þegar notast er við dulnefni. Ef það sem þið ætlið að segja tengist ekki þessari grein beint þá bendum við á spjallborðið. Þeir sem ekki fylgja þessum reglum eiga á hættu að athugasemdir þeirra verði færðar á spjallborðið.
Hægt er að nota HTML kóða í ummælum. Tög sem virka eru: a href, b, i, u, br, p, strong, em, ul, li og blockquote. Einnig er hægt að notast við Markdown rithátt í athugasemdum. Notið skoða takkann til að fara yfir athugasemdina áður en þið sendið hana inn.
Arnar - 26/08/15 16:24 #
Ef ríkið neitar að gefa upp þessar upplýsingar hvað er hægt að gera þá? Er hægt að kæra þá ríkið til mannréttindastofnunar sameinuðuþjóðanna til að opinbera skýrsluna?