Allar færslur Allir flokkar Sos Um félagið Úrskráning Lógó Spjallid@Vantru Póstfang Vantru@Facebook Vantru@Youtube Vantru@Twitter

Hnattræn hlýnun, lélegasta samsæri allra tíma?

Alræmdur samsærissinni

Bara svo það sé alveg á hreinu þá tel ég að hnattræn hlýnun sé staðreynd og mannkynið sé að verulegum hluta ábyrgt fyrir þeim. Ég tel þetta vera satt aðalega af því að það virðist vera almennur samhljómur um það meðal þeirra fræðimanna sem þekkja málið best. En þessi grein á ekki að fjalla um þá ástæðu. Það sem ég vildi segja hér er að ef að samsæri er í gangi til að blekkja fólk til að halda að hnattræn hlýnun sé raunveruleg og okkur að kenna þá er það eitthvað heimskulegasta og óskiljanlegasta samsæri sem um getur.

Sjáið þið það ekki fyrir ykkur: Illuminati, eðlufólkið og Bilderberg hópurinn hittast í reykfylltu bakherbergi til að ákveða nýjustu leiðina til að stjórna almúganum og það sem þau ákveða er að þau ætli að sannfæra alla um að það verði að draga stórlega úr allri neyslu því annars verði Jörðin óbyggileg á allra næstu árhundruðum. Já þessir valdamiklu hópar sem hafa alla sína tíð reynt að heilaþvo okkur til að vera heilalausir neytendur hafa núna ákveðið að komið sé nóg. Nú er okkur sagt að við verðum að keyra minna og helst taka strætó, nú er okkur sagt að við verðum að borða minna kjöt og helst gerast grænmetisætur og nú er okkur sagt að við verðum að spara orku, nota sparperur og slökkva ljósin þegar við yfirgefum herbergið. Og þetta á allt að vera að koma frá sama fólkinu og á að hafa "drepið" rafmagnsbílinn svo við þyrftum að kaupa olíuna þeirra, pumpað kjötið okkar fullt af hættulegum efnum svo það sé hægt að selja okkur lyf gegn sjúkdómunum sem það veldur og á að hafa takmarkað líftíma ljósapera til að geta selt okkur nýjar perur reglulega.

Ætli fólkið bakvið samsærið hafi ákveðið einn daginn að það væri búið að græða nógu mikið og nú væri kominn tími á að skjóta sig harkalega í fótinn?

Haukur Ísleifsson 03.05.2013
Flokkað undir: ( Efahyggja )

Viðbrögð


Matti (meðlimur í Vantrú) - 03/05/13 10:50 #


Elfar FH - 03/05/13 14:25 #

Mér finnst sjálfum mjög eðlilegt að fólk leyfi sér að efast um hnattræna hlýnun af mannavöldum. Afhverju ættu vísindamenn með ólíkar niðurstöður ekki að kynna þær þótt að þær séu á öndverðu meiði við niðurstöður annarra ?

En greinin átti ekki að vera um það þannig að því er tilganslaust að svara, hins vegar má spyrja sig afhverju stórir hagsmunaaðilar sem hafa hag af því að nýting á orkugjöfum sé í samræmi við það sem nú tíðkast ættu að vilja breytingu þar á ? Gætu þeir beitt fjármunum sínum og áhrifum til þess að vernda lífsviðurværi sitt ? það tel ég mjög líklegt án þess þó að illuminati eða riddarar hringborðsins komi þar málinu við...


Matti (meðlimur í Vantrú) - 03/05/13 15:06 #

Afhverju ættu vísindamenn með ólíkar niðurstöður ekki að kynna þær þótt að þær séu á öndverðu meiði við niðurstöður annarra ?

Það hefur enginn haldið öðru fram. Að sjálfsögðu eiga vísindamenn að kynna niðurstöður sínar óháð því hverjar þær eru.

Vandinn er að vísindamenn eru nær allir á sömu skoðun, maðurinn hefur töluverð áhrif á lofslag jarðar. Vísindamenn sem halda öðru fram þurfa einfaldlega að færa jafn góð rök fyrir sínu máli og hinir.


Benni - 29/05/13 08:38 #

"Vandinn er að vísindamenn eru nær Allir á sömu skoðun". Já, Allir sem fá að láta ljós sitt skína. Hinir, eru útskúfaðir og blankir.


Valgarður Guðjónsson (meðlimur í Vantrú) - 29/05/13 09:00 #

það hafa margir, einhverjir vísindamenn en aðallega áhugamenn, komið fram með efasemdir og aðrar kenningar.. ég veit ekkert um fjárhag þeirra, en þeir hafa fengið athygli - fullyrðingar þeirra hafa einfaldlega ekki staðist skoðun.


Matti (meðlimur í Vantrú) - 29/05/13 10:16 #

Hinir, eru útskúfaðir og blankir.

Það er kannski ekki alveg rétt.

A Greenpeace investigation has identified a little-known, privately owned US oil company as the paymaster of global warming sceptics in the US and Europe. #

Ég held að "hinir" eigi miklu auðveldara með að verða sér úti um fjármagn.

Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.