Allar færslur Allir flokkar Sos Um félagið Úrskráning Lógó Spjallid@Vantru Póstfang Vantru@Facebook Vantru@Youtube Vantru@Twitter

Ólöglegt páskabingó Vantrúar

Bingó á Austurvelli

Vantrú heldur sitt árlega páskabingó á Austurvelli á Föstudaginn langa. Bingóið byrjar klukkan 13:00. Spilaðar verða nokkrar umferðir en best er að mæta tímanlega.

Að vanda verða páskaegg og aðrir veglegir vinningar í verðlaun og einnig verður boðið upp á veitingar. Páskabingóið er fyrir alla fjölskylduna og verður glaðningur í boði fyrir börnin.

Tilgangurinn með Páskabingói Vantrúar er að benda á óeðlileg ítök ríkiskirkjunnar í íslensku samfélagi. Strangt til tekið brjóta þeir sem taka þátt í bingóinu lög en í landinu gilda helgidagalög sem fjalla um það hvað landsmenn mega og mega ekki gera á helgidögum ríkiskirkjunnar.

Ritstjórn 27.03.2013
Flokkað undir: ( Bingó )

Viðbrögð


Björn Ingvarsson - 27/03/13 19:14 #

Verður Andlegt sjálfstæði ekki örugglega í vinning líkt og undanfarin ár?


Hjalti Rúnar (meðlimur í Vantrú) - 27/03/13 20:08 #

Ég held ekki! :o


Þórður Ingvarsson (meðlimur í Vantrú) - 27/03/13 22:49 #

Nú hva. Þetta er bara hluti af hefðinni. Hvernig er hægt að halda Páskabingó ef það er ekkert Andlegt sjálfstæði? :v


Jack Daniels - 28/03/13 09:20 #

Og hverjum er ekki drullusama um ykkar drepleiðinlega bingó? Það er ekki eins og löggan myndi mæta þó einhver borgaði henni milljónkall fyrir það. Þreytt þessi örvæntingafulla leit ykkar að "5 minute fame". Hvað næst? Verður frímerkjasöfnun á jólunum og sérvéttusöfnun á þrettándanum.


Jack Daniels - 28/03/13 09:21 #

Strangt til tekið geispa allir bara yfir því hvað þið eruð ógeðslega leiðinlegir.


Þórður Ingvarsson (meðlimur í Vantrú) - 28/03/13 09:23 #

Öss, harður gaur. Djöfull ertu harður. Harður einsog granít.


Elsa (meðlimur í Vantrú) - 28/03/13 12:10 #

Það hefur verið aðeins of góða mæting á árlega bingó Vantrúar til að hægt sé að halda því fram að öllum séu drullusama um "drepleiðinlega bingóið". Sem btw er allt of skemmtilegt og notalegt til að vera drepleiðinlegt. ;)


Tinna G. Gígja (meðlimur í Vantrú) - 28/03/13 12:52 #

Keli minn, ert þetta þú? Ertu í eitthvað vondu skapi?


EgillO - 28/03/13 17:28 #

Æi, erum við ekki að uppfylla það markmið okkar að vera skemmtileg. Bömmer.


Jack H. Daníels - 29/03/13 22:21 #

Ég ætla að benda á að það er ekki hinn raunverulegi Jack H. sem er að skrifa hérna fyrir ofan. Það er því miður nóg af illa gefnum einstaklingum sem hefur fundist voða sniðugt að skrifa hingað og þangað undir mínu nafni og bið ég aðeins um að IP tala þeirra verði könnuð. Ef einhver vafi leikur á því að þetta sé ég, þá endilega hafið samband í gegnum netfangið sem er skráð með þessum pósti.

Með vinsemd og virðingu, Jack Hrafnkell Daníelsson.


Valgarður Guðjónsson (meðlimur í Vantrú) - 30/03/13 00:32 #

Tja, það er að minnsta kosti einn sem hefur brennandi áhuga á málinu og er stöðugt að tjá sig um þetta, einhver Jack Daniels, og hefur (greinilega) meira að segja mætt og tekið þátt.

Fyrir utan auðvitað fréttastofu Rúv sem finnst þetta greinilega allrar athygli vert...


XYZ - 30/03/13 01:44 #

Jack Daniels vísar augljóslega til vískídrykksins fræga og er mjög vinsælt gælunafn á netinu. Ekki taka því persónulega Jack Hrafnkell, það tengir það enginn við þig. Þakkaðu bara fyrir að heita ekki John Smith! Hlýtur að vera enn verra!


Captain Morgan - 30/03/13 09:36 #

Ég heiti að sjálfsögðu ekki Jack Daniels, og ekki þú heldur Jack Hrafnkell Daníelsson, gleður mig að kynnast þér. Ég sá þetta viðurnefni fyrst á Manga spjallborði sem ég var meðlimur á, en þar sem það var gaur frá Finnlandi (sem hét auðvitað ekkert Jack Daniels í alvörunni) þá fannst mér í lagi að nota nickið hans hér. Trúi því ekki að enginn annar hafi notað þetta nick. Ég hefði ekki notað nafnið ef ég hefði vitað að til væri einstaklingur sem notaði það. Svallt nafn, Jack. Ég bið Morgan skipstjóra, ef hann er þarna úti og ef hann skilur líka íslensku, líka fyrirfram afsökunar á því að stela nafninu hans líka óvart. Ég bið líka skipstjóran fornafn x Morgansson afsökunar á að stela hans viðurnefni gangi hann undir styttingunni Morgan. Komi það á daginn herra Morgan sé líka þarna úti tek ég upp nafnið Doctor Pepper þar til annað kemur í ljós.

Takk fyrir spjallið hér. Ég er að fara til hins landsins míns, og þar sem ég er af "frumstæðu", og trúuðu, ótæknivæddu afdalafólki í þá ættina og á ekki iphone verð ég netsambandslaus næstu þrjá mánuðina og mun því varla sjá svör til mín og miðað við reynsluna hér er ólíklegt ég nenni hingað aftur. Þannig að takið því ekki illa ef ég hef ekki tíma til að svara áður en vélin fer í loftið í fyrramálið. Ég vil taka það fram að ég myndi sjálfur ganga til liðs við samtök trúlausra, sem væru að gæta réttinda þeirra og trúfrelsis, en án þess að vega að trúuðum eða móðga þá nema nauðsyn bæri til, og sem vönduðu betur framsetningu sína og trúi því að það myndi bera meiri árangur og njóta meiri vinsælda. Ég trúi kannski ekki á yfirnáttúrulega hluti, en ég trúi nóg á það góða í öðrum til að vilja alls ekki móðga þá eða særa og ég reyni meira að segja að læra af öllum trúarbrögðum eins og öllu öðru. Ég hef lært margt af Karl Marx þó ég sé ekki sósíalisti, margt af Milton Friedman þó ég aðhyllist ekki kapítalisma og er meira að segja hrifinn af sumu sem Sigmundur Davíð hefur fram að færa, þó ég skilji ekki tilganginn með Framsóknarflokkinum og finnist hann hálf hlægilegur.

Ég biðst forláts á að hafa látið undan tilhneigingu minni til að særa þá sem mér finnst ekki virða aðra. Þið sluppuð þó mun betur en vinnufélagi minn í Krossinum, út af ummælum sínum um trúlausa, eða Aðventistar þegar þeir heimsækja mig, en þá líð ég ekki heldur vegna öfgafulls tals þeirra um kaþólikka, en mér er slétt sama um allt annað sem þeir segja og líð öllum trúfrelsi þó þeir trúi á tannálfinn, og væri meira að segja til í að setjast niður með þeim og læra af þeim um tannálfa og búálfa, á svipuðum forsendum og ég gæti sest niður með listamanni og reynt að skilja hans ímyndaða heim, þó ég skilji oft lítið í listum nútímans. En ef hann færi að hatast út í þá sem trúa á geimverur þá myndi ég ganga burt. Maður verður einhvern veginn ennþá reiðari og sárari þegar maður sér sjálfskipaða fulltrúa manns eigin skoðanna hegða sér með sama hætti, alveg eins og ég skammast mín sérstaklega þegar Íslendingar gera sig að fífli á erlendri grund ef ég er staddur þar, eða, hér heima, þegar hin þjóðin mín hegðar sér ekki vel, sem gerist því miður um það bil tvisvar í viku.

Gleðilega hátíð, nú eða bara góðan daginn, ef hin kveðjan er ekki nógu pólítískt korrekt og særir tilfinningar einhvers hér.


Jack Daniels - 30/03/13 09:50 #

Ég var víst búinn að kveðja en langar svona að skilja þetta eftir hjá ykkur í restina, afþví ég held þið hefðuð gott af að lesa þetta. Þessi maður er miklu betri penni en ég og setur hugmyndir sínar fram á skírari og auðskiljanlegri hátt og þetta lýsir að hluta til mínum skoðunum (þó ég sé ekki sammála öllu sem hann segir.) En mín skilgreining á sjálfum mér er það sem greinin fjallar um, að ég aðhyllist veraldlegan hindúisma /secular hinduism. Margir Hindúar trúa ekki á nokkurn guð. Þegar þið stofnið nógu nútímalegt félag til að hafa pláss fyrir mína líka, og nógu smekklegt til að forðast að særa fjölskyldumeðlimi mína sem eru á annarri línu en ég, þá skal ég ganga í það og splæsa á ykkur sirka 260.000 kalli þegar góð reynsla væri komin á ykkur. Namaste, sem þýðir Ljósið mitt sér ljósið þitt, eða, á manna máli, Ég veit að það býr eitthvað gott í þér og því sýni ég þér virðingu.


Captain Morgan - 30/03/13 09:52 #

Afsakið að ég notaði óvart nafn Hrafnkells Daníelssonar aftur. Er búin að skipta um viskítegund. Gleymdi slóðinni á greinina sem ég vildi senda ykkur í kveðjuskyni, en hér er hún. Þessi maður hugsar svipað og ég og útskírir ágætlega mína afstöðu.

http://nepalitimes.com/news.php?id=11957


Valgarður Guðjónsson (meðlimur í Vantrú) - 30/03/13 10:58 #

Kannski ekki aðalatriði, en einhvern veginn finnst mér dæmigert fyrir fáfræðina, ruglinginn og illa hugsuð skrifin... að Captain Morgan er romm en ekki Whisky.


Björn Ingvarsson - 30/03/13 14:30 #

Ég vil bara þakka fyrir mig, þó ég hafi ekkert unnið að þessu sinni né nein önnur af mínum útsendurum. Hefði alveg þegið þriðja eða fjórða eintakið af Andlegu sjálfstæði, en læt stelpurnar um að maula á páskaeggjum númer eitt, enda er maður í aðhaldi.

Gaman að sjá að sífellt fjölgar þátttakendum. Líka gaman að bera saman stemmninguna á Austurvelli við þá í Grafarvogskirkju í fréttatíma RÚV í gær.


Sveinn - 30/03/13 22:09 #

Ferlega er þetta orðið útþynnt athöfn og tilgangslaus hjá Vantrú. Þetta var alveg skiljanlegt sjónarmið en common. Líður ykkur eitthvað illa?


Haukur Ísleifsson (meðlimur í Vantrú) - 30/03/13 22:44 #

Mér líður ágætlega, þakka þér fyrir að spyrja.


Arnar Sigurður (meðlimur í Vantrú) - 02/04/13 11:50 #

Við rétt tórum, enda erum við í lausu lofti..

Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.