Fundaröð innanríkisráðuneytisins um mannréttindamál

Fyrsti fundur í fundaröð innanríkisráðuneytisins um mannréttindamál verður haldinn í Hörpunni í Reykjavík föstudaginn 9. desember klukkan 11.30 til 14.15. Tilefni þessa fyrsta fundar er alþjóðlegi mannréttindadagurinn, 10. desember, en Sameinuðu þjóðirnar hvetja aðildarlönd til að taka mannréttindamál til sérstakrar umfjöllunar þann dag.

• [Drög að skýrslu mannréttindaráðs SÞ um Ísland]

Á fyrsta fundinum verður fjallað um fyrirtöku hjá mannréttindaráði Sameinuðu þjóðanna á stöðu mannréttindamála á Íslandi í Universal Periodic Review ferlinu og verður sérstaklega fjallað um þær athugasemdir sem íslenskum stjórnvöldum bárumst og ekki hefur verið tekin afstaða til.

Ennfremur verður fjallað um samning Evrópuráðsins um bann við kynbundnu ofbeldi og heimilisofbeldi en Ísland var eitt 11 ríkja sem fyrst skrifuðu undir samninginn í apríl sl., en hefur ekki fullgilt hann. Johanna Nelles, sérfræðingur frá Evrópuráðinu, sem hefur unnið að samningunum mun fjalla um samninginn, efni hans og mögulega framkvæmd.

Fundurinn verður haldinn á fyrstu hæð í Hörpunni í Reykjavík föstudaginn 9. desember og stendur frá klukkan 11.30 til 14.15 og er öllum opinn og aðgangur ókeypis.

Nánari upplýsingar er hægt að finna á heimasíðu innanríkisráðuneytisins.