02.09.2011
Efast á kránni - 6. september
Leyndardómar pýramídanna!
[Viðburðurinn@facebook] | [EÁK@Facebook]
Er eitthvað dularfullt við pýramídana eða eru þeir e.t.v. bara gríðarstórar grjóthrúgur? Reynir Harðarson (formaður Vantrúar) fræðir fundargesti um sögu þeirra og misgáfulegar getgátur um byggingu þeirra, ýmis fyrirbæri í þeim og í kringum þá o.s.frv.
Reynir hefur vitjað pýramídanna nokkrum sinnum og kynnt sér ótal hugmyndir um vísanir þeirra í flatarmálsfræði, stjörnurnar, Nasca-sléttuna, Cusco o.s.frv. Sumt er klárlega helber firra en annað hlýtur að vekja furðu hvers sem skoðar málið nánar.
Fyrirlesturinn tekur eflaust hálfan annan tíma og er byggður utan um ótal myndir frá Egyptalandi og víðar sem varpað verður á skjá eða tjald. Eitthvað fyrir alla, nöttara og efahyggjumenn.
Við ætlum að hittast á Thorvaldsen á Austurstræti 8, klukkan 20.00, þriðjudaginn 6. september.
Mætið og efist!
Mynd frá Darren Krape
Flokkað undir: ( Tilkynning )
Viðbrögð
Reynir (meðlimur í Vantrú) - 08/09/11 19:35 #
Leitt að heyra. Þetta varð langur fyrirlestur.
Ætli það sé ekki með pýramídana eins og svo margt annað að þetta verður því áhugaverðara sem maður veit meira. Fyrir áhugalausa er Formúla1 bara mislitir bílar sem aka í hringi, HM í fótbolta bara 22 menn að eltast við uppblásna tuðru og Íslendingasögurnar óspennandi nafnaruna.
Nokkra punkta er hægt að sjá í nýlegri mynd á vefnum. Þar eru margar ágætar spurningar en vafasamari vangaveltur (svo eyðileggur niðurstaðan þáttinn).
Björn Friðgeir - 09/09/11 14:19 #
Hefði viljað komast aðallega til að sjá hvernig Cusco og Nasca komu inn í þetta, enda var ég þar um daginn. Sýnist að myndin komi inn á það? (horfi þá á hana við tækifæri)
Sýnið viðbrögð, en vinsamlegast sleppið öllum ærumeiðingum. Einnig krefjumst við þess að fólk noti gild tölvupóstföng, líka þegar notast er við dulnefni. Ef það sem þið ætlið að segja tengist ekki þessari grein beint þá bendum við á spjallborðið. Þeir sem ekki fylgja þessum reglum eiga á hættu að athugasemdir þeirra verði færðar á spjallborðið.
Hægt er að nota HTML kóða í ummælum. Tög sem virka eru: a href, b, i, u, br, p, strong, em, ul, li og blockquote. Einnig er hægt að notast við Markdown rithátt í athugasemdum. Notið skoða takkann til að fara yfir athugasemdina áður en þið sendið hana inn.
Valgarður Guðjónsson (meðlimur í Vantrú) - 07/09/11 23:33 #
Náði þessu ekki, frekar fúlt, en lítið við því aað gera....
En væri ekki hugmynd að fá einhverja punkta? Reynir??
Við stoppuðum þarna fyrir nokkrum árum og þrátt fyrir að þetta væri stórt og mikið, þá datt einhvern veginn "sjarminn" af þessu. Ekkert ótrúlegt eða óskiljanlegt, bara fullt af fólki að púla í óratíma.