Vegna tæknilegra vandamála tafðist birting á niðurstöðum úr kosningu á merkustu guðfræðiummæla ársins 2009. Verðlaunanefndin er nú á fullu að vinna úr hinum fjöldamörgu tilnefningum sem hún fékk vegna síðastliðins árs og bráðum verður kosið úr þeim tilnefningum.
Við viljum óska verðlaunahöfum ársins 2009 til hamingu.
Þórhallur Heimisson sigraði með yfirburðum annað árið í röð með þessa djúpstæðu og merkilegu persónugreiningu á kristnum einstaklingum:
Það er þess vegna ekki hægt að vera bæði kristinn og fordómafullur.[#]
Kristnir geta verið ýmislegt, en fordómafullir eru þeir víst ekki. Sagan sýnir okkur það. Eða þannig.
Okkar ástkæri og sívinsæli biskup, hann Karl Sigurbjörnsson, vermir annað sætið með þessu aldeilis fína og víðsýna grjóti úr glerhúsi:
Í Biblíunni segir: „Heimskinginn segir í hjarta sínu: Enginn Guð!“ Og það er víst alveg áreiðanlega satt sem vitur sagði á öldinni sem leið: „Sá sem trúir ekki á Guð trúir ekki engu. Nei, hann trúir öllu!“ [#]
Tveir merkisguðfræðingar deila þriðja sætinu. Gunnar Jóhannesson mundi líklegast missa vitið ef ekki væri fyrir ímyndaða vininn sinn:
Sé Guð ekki til þá veit ég ekki hvaða von, tilgang, merkingu eða gildi má finna í lífinu yfirleitt þegar allt kemur til alls. Allt er þá einfaldlega eins og það er og hefur ekkert að gera með það sem okkur finnst að eigi að vera. [#]
Og Haraldur M. Kristjánsson opinberaði sína botnlausu trúgirni:
Ég verð að hryggja efasemdarmanninn með því að segja að það geri ég. Ég trúi þessu [sögu af konu sem reif úr sér augun og fékk síðan ný augu frá guði] og mörgu fleiru sem er miklu ótrúlegra en þetta. [#]
Ég er kannski einn um að telja að nú sé árið 2011 og það því dálítið seint í rassinn gripið að fjalla nú í þaula um verðlaunin fyrir spakmæli ársins 2009? :-)
Já, eins og fram kemur í textanum tafðist birting þessara úrslita. Kosningin fór fram í fyrra en úrslit voru aldrei birt.
Ekki kemur fram að við þurftum að sjálfsögðu að fara með niðurstöður kosninganna fyrir Hæstarétt sem úrskurðaði þær ólöglegar á þeim forsendum að tilnefndir hefðu ekki haft andmælarétt og væru sennilega tilbúnar persónur.
Síðustu mánuði hefur lögfræðideild Vantrúar unnið í málinu, staðfest að þessi ummæli eru í alvörunni frá raunverulegum manneskjum sem voru ekki að grínast. Hæstiréttur samþykkti það og því er okkur loks óhætt að birta þessar niðurstöður þjóðinni til heilla.
Bráðlega verður kosið milli spaklegustu ummæla síðasta árs og niðurstöður þeirra kosninga munu vonandi ekki bíða jafn lengi birtingar.
Úps! Ég biðst forláts. Ég hélt að þetta væru mistök og ætlaði að vera svona líka léttur á því í ábendingunni.
Búinn að googla og þetta er klárlega ekki endurtekið efni ;-)
Allt í góðu enda birtast úrslitin nú eins og skrattinn úr sauðaleggnum!
Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.
Kristinn - 03/04/11 14:02 #
Endurtekið efni?